Online Payment: ಆನ್​ಲೈನ್ ಮೂಲಕ ಹಣ ಟ್ರಾನ್ಸಫರ್ ಮಾಡೋ ಮುನ್ನ ಎಚ್ಚರ, ಸ್ವಲ್ಪ ಯಾಮಾರಿದ್ರೂ ಬ್ಯಾಂಕ್​ ಅಕೌಂಟ್​ ಖಾಲಿ!

ಇದು ಡಿಜಿಟಲ್ ಯುಗ. ಯಾವುದೇ ಕೆಲಸ ಆಗ್ಬೇಕಾದ್ರೂ ಮೊಬೈಲ್​, ಲ್ಯಾಪ್​ಟಾಪ್ ಬಳಸಿ ಕ್ಷಣಮಾತ್ರದಲ್ಲಿ ಮಾಡಿ ಮುಗಿಸಬಹುದು. ಆದರೆ ಈ ಡಿಜಿಟಲ್ ಡಿವೈಸ್​​ಗಳ (Digital Device) ಬಳಕೆ ಹೆಚ್ಚಾದಂತೆ ಹ್ಯಾಕರ್ಸ್​​ಗಳ ಸಂಖ್ಯೆಯೂ ಹೆಚ್ಚಾಗುತ್ತಿದೆ. ಮೊಬೈಲ್ ಬಳಕೆದಾರರ ಡೇಟಾವನ್ನು ಹ್ಯಾಕ್ ಮಾಡೋ ಉದ್ದೇಶದಿಂದ ಹ್ಯಾಕರ್ಸ್​​ಗಳು ಹೊಸ ಹೊಸ ಮಾರ್ಗವನ್ನು ಹುಡುಕುತ್ತಿದ್ದಾರೆ. ಇದುವರೆಗೆ ಓಟಿಪಿ, ಎಸ್​ಎಮ್​ಎಸ್​, ಕರೆ ಮಾಡುವ ಮೂಲಕ ಬಳಕೆದಾರರ ವೈಯಕ್ತಿಕ ಡೇಟಾವನ್ನು ಪಡೆಯುತ್ತಿದ್ದರು. ಆದರೆ ಈಗ ಗೂಗಲ್​ ಪೇ (Google Pay), ಫೋನ್​ ಪೇ (Phone Pe) ಮೂಲಕ ಹಣವನ್ನು ದೋಚಲು ಪ್ರಯತ್ನಿಸುತ್ತಿದ್ದಾರೆ ಎನ್ನುವ ಆರೋಪಗಳು ಕೇಳಿಬಂದಿವೆ. ಆದ್ರೆ ಅಷ್ಟು ಸುಲಭವಾಗಿ ಫೋನ್​ಪೇ ಮತ್ತು ಗೂಗಲ್​ಪೇ ಮೂಲಕ ಹಾಗೆಲ್ಲಾ ಸಾರ್ವಜನಿಕರ ಮಾಹಿತಿ ಪಡೆಯುವುದು ಸಾಧ್ಯವಿಲ್ಲ. ಅದಕ್ಕಾಗಿ ಕೆಲವೊಂದು ಬ್ಯಾಂಕಿನವರು (Bank Account Hack) ಸಹ ಎಚ್ಚರಿಕೆಯನ್ನು ನೀಡಿದ್ದಾರೆ.

ಜನಪ್ರಿಯ ಡಿಜಿಟಲ್ ಪೇಮೆಂಟ್​ ಆ್ಯಪ್​ಗಳಲ್ಲಿ ಗೂಗಲ್​ ಪೇ ಮತ್ತು ಫೋನ್​ ಪೇ ಸಹ ಒಂದು. ಈ ಅಪ್ಲಿಕೇಶನ್​ಗಳು ಇತ್ತೀಚೆಗೆ ಬಹಳಷ್ಟು ಬಳಕೆದಾರರನ್ನು ಹೊಂದಿದೆ. ಆದರೆ ಅದೇ ರೀತಿ ವಂಚನೆಯೂ ಆಗುತ್ತಿದೆ ಎಂದಿದ್ದಾರೆ. ಇದಕ್ಕೆ ಮುಂಬೈ ನಗರವೇ ಸಾಕ್ಷಿ.

ಹೆಚ್ಚುತ್ತಿದೆ ಬಳಕೆದಾರರ ಸಂಖ್ಯೆ

ಹೌದು, ಇತ್ತೀಚೆಗೆ ಡಿಜಿಟಲ್ ಪೇಮೆಂಟ್​ ಮಾಡುವ ಅಪ್ಲಿಕೇಶನ್​ ಅನ್ನೇ ಜನರು ಹೆಚ್ಚು ಅವಲಂಬಿಸಿದ್ದಾರೆ. ಅದ್ರಲ್ಲೂ ಆನ್​ಲೈನ್​ ಪೇಮೆಂಟ್​​ ಮಾಡುವುದು ಭಾರತದಲ್ಲಿ ಭಾರೀ ಜನಪ್ರಿಯತೆಯನ್ನು ಪಡೆದಿದೆ. ದೊಡ್ಡ ಸಾಧನದಿಂದ ಸಣ್ಣ ವಸ್ತುವನ್ನು ಖರೀದಿಸಬೇಕಂದ್ರು ಈ ಯುಪಿಐ ಪೇಮೆಂಟ್​ ಅನ್ನೇ ಬಳಸುತ್ತಾರೆ. ಇನ್ನು ಫೆಬ್ರವರಿ 2022ರ ವರದಿಯ ಪ್ರಕಾರ, ಯುಪಿಐ ಅಪ್ಲಿಕೇಶನ್ ಮೂಲಕ ದೈನಂದಿನ ವಹಿವಾಟುಗಳು 24 ಕೋಟಿಯಿಂದ 36 ಕೋಟಿಗೆ ದಾಟಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:  ಭಾರತದ ಈ ಒಂದು ಹಳ್ಳಿಯಲ್ಲಿ ಸೈರನ್ ಮೊಳಗಿದ್ರೆ ಟಿವಿ, ಮೊಬೈಲ್​, ಲ್ಯಾಪ್‌ಟಾಪ್‌ ಎಲ್ಲವೂ ಸ್ವಿಚ್ ಆಫ್!

ವಂಚನೆಯ ಸಂಖ್ಯೆಯಲ್ಲೂ ಏರಿಕೆ

ಇನ್ಜು ದಿನ ಕಳೆದಂತೆ ಆನ್​ಲೈನ್​ ಪೇಮೆಂಟ್​ ಮಾಡುವ ಅಪ್ಲಿಕೇಶನ್​​ಗಳನ್ನು ಬಳಸುವವರು ಸಂಖ್ಯೆ ಹೆಚ್ಚುತ್ತಲೇ ಇದೆ. ಇದನ್ನೇ ಗುರಿಯಾಗಿಸಿಕೊಂಡು ಕೆಲ ಕಿಡಿಗೇಡಿಗಳು ಬಳಕೆದಾರರ ಬ್ಯಾಂಕ್ ಹಣವನ್ನು ದೋಚುವ ಉದ್ದೇಶದಿಂದ ಹ್ಯಾಕ್​ ಮಾಡಲು ಮುಂದಾಗಿದ್ದಾರೆ. ಅದೇ ರೀತಿ 2022 ರಿಂದ 2023ರವರೆಗೆ ಬರೋಬ್ಬರಿ 95 ಸಾವಿರಕ್ಕೂ ಹೆಚ್ಚು ವಂಚನೆಗಳು ನಡೆದಿವೆ ಎಂದು ವರದಿಯಾಗಿದೆ. ಆದ್ದರಿಂದ ಕೆಲವ ಬ್ಯಾಂಕಿನವರು ಸಹ ಎಚ್ಚರಿಕೆಯಿಂದಿರಿ ಎಂದು ಹೇಳಿದ್ದಾರೆ.

ಸಾಂಕೇತಿಕ ಚಿತ್ರ

ಮುಂಬೈ ನಗರದಲ್ಲಿ 1 ಕೋಟಿ ವಂಚನೆ

ಇತ್ತೀಚೆಗೆ ಮುಂಬೈಯಲ್ಲಿ ಸಹ ಆನ್​ಲೈನ್​ ಪೇಮೆಂಟ್ ಮಾಡುವ ಅಪ್ಲಿಕೇಶನ್​ ಬಳಕೆ ಮಾಡುವವರು ಹೆಚ್ಚಿದ್ದು, ಇದರಲ್ಲಿ 81 ಮಂದಿಯಿಂದ ಬರೋಬ್ಬರಿ 1 ಕೋಟಿಗೂ ಹೆಚ್ಚು ಹಣವನ್ನು ಹ್ಯಾಕರ್ಸ್​​ಗಳು ದೋಚಿದ್ದಾರೆ ಎಂದು ವರದಿಯಾಗಿದೆ. ಇದ್ರಲ್ಲೂ ಗೂಗಲ್​ ಪೇ ಬಳಕೆದಾರರಿಂದಲೇ ಹೆಚ್ಚಿನ ಹಣವನ್ನು ದೋಚಿರುವುದು ಅಚ್ಚರಿಯ ಸಂಗತಿಯಾಗಿದೆ.

ಮೊದಲಿಗೆ ಹ್ಯಾಕರ್ಸ್​ಗಳು ಬಳಕೆದಾರರ ಅಕೌಂಟ್​ಗೆ ಒಂದಿಷ್ಟು ಹಣವನ್ನು ಸೆಂಡ್​​ ಮಾಡುತ್ತಾರೆ. ನಂತರ ಅವರೇ ಮೆಸೇಜ್ ಹಾಕೋ ಮೂಲಕ ತಪ್ಪಿ ಹಣ ಬಂದಿದೆ ರೀಸೆಂಡ್​ ಮಾಡಿ ಎಂದು ಹೇಳುತ್ತಾರೆ. ಬ ಳಕೆದಾರರು ಅದನ್ನೇ ನಂಬಿ ಒಂದು ವೇಳೆ ಹಣ ಕಳುಹಿಸಿದರೆ, ಅವರ ಮೊಬೈಲ್​ನಲ್ಲಿ ಗೊತ್ತಿಲ್ಲದ ಹಾಗೆಯೇ ಮಾಲ್ವೇರ್​ಗೆ ಸಂಬಂಧಿಸಿದ ಆ್ಯಪ್​ ಒಂದು ಡೌನ್​ಲೋಡ್ ಆಗುತ್ತದೆ. ಇದು ನಿಮ್ಮ ಬ್ಯಾಂಕ್​ ಅಕೌಂಟ್​ನಲ್ಲಿರುವಂತಹ ಹಣವನ್ನು ಖಾಲಿ ಮಾಡುತ್ತದೆ.

ಎಚ್ಚರಿಕೆ

• ಇದಕ್ಕಾಗಿ ಯಾವುದೇ ನಂಬಿಕೆಯಿಲ್ಲದ ಆ್ಯಪ್​ಗಳನ್ನು ಡೌನ್​ಲೋಡ್​ ಮಾಡ್ಬೇಡಿ.


• ಇನ್ನು ಅಧಿಕೃತ ಗೂಗಲ್​ ಪ್ಲೇ ಸ್ಟೋರ್​ ಮೂಲಕವೇ ಆನ್​ಲೈನ್​ ಪೇಮೆಂಟ್​ ಆ್ಯಪ್​ ಅನ್ನು ಡೌನ್​ಲೋಡ್ ಮಾಡಿ.


• ಯಾವುದೇ ಅಪರಿಚಿತ ನಂಬರ್​​ನಿಂದ ಕರೆ ಅಥವಾ ಮೆಸೇಜ್​ ಬಂದ್ರೆ ಓಪನ್​ ಮಾಡುವ ಮುನ್ನ ಎಚ್ಚರ ವಹಿಸಿ.


• ಯಾರಿಗೂ ನಿಮ್ಮ ಯುಪಿಐ ಪಿನ್​ ಆಗಲಿ, ಓಟಿಪಿ ಆಗಲಿ ಶೇರ್​ ಮಾಡಲು ಹೋಗ್ಬೇಡಿ.