ಮುಂದಿನ ತಿಂಗಳು ಬಳಕೆಗೆ ಸಿಗಲಿದೆ PUB-G ಗೇಮ್​!?

ಕೊರಿಯ​ ಮೂಲದ ಪ್ಲೇಯರ್ಸ್​ ಅನೌನ್ಸ್​ ಬ್ಯಾಟಲ್​ ಗ್ರೌಂಡ್ಸ್​  (PUBG)​ ಬ್ಯಾನ್​​ ಆದ ಹಿನ್ನಲೆಯಲ್ಲಿ ಇದೀಗ ಆದಕ್ಕೆ ಪರ್ಯಾಯವಾಗಿ  ಬ್ಯಾಟಲ್​ಗ್ರೌಂಡ್ಸ್​ ಮೊಬೈಲ್ ಇಂಡಿಯಾ ಆ್ಯಪ್​ ಅನ್ನು ಸಿದ್ಧಪಡಿಸಲಾಗಿದೆ, ಆದರೆ ಈ ನೂತನ ಗೇಮ್​ ಅನ್ನು ಪರಿಚಯಿಸಲು ಕಂಪನಿ ತುದಿಗಾಲಿನಲ್ಲಿ ನಿಂತಿದೆಯಾದರು ನಿಗದಿತ ದಿನಾಂಕವನ್ನು ಸ್ಪಷ್ಟಪಡಿಸಿಲ್ಲ. ಆದರೀಗ ಬ್ಯಾಟಲ್​ಗ್ರೌಂಡ್ಸ್​ ಮೊಬೈಲ್​ ಇಂಡಿಯಾ ಬಿಡುಗಡೆಯ ದಿನಾಂಕದ ಬಗ್ಗೆ ಮಾಹಿತಿ ಹೊರಬಿದ್ದಿದೆ. ಮುಂದಿನ ತಿಂಗಳ ಮೂರನೇ ವಾರದಂದು ಬಳಕೆಗೆ ಸಿಗಲಿದೆ ಎಂದು ಹೇಳಲಾಗುತ್ತದೆ. ಪಬ್​ಜಿ ಗೇಮ್​ಗೆ ಪರ್ಯಾಯವಾಗಿ ಸಿದ್ಧಪಡಿಸಿದ ಈ ಗೇಮ್​ ಜೂನ್​ 18ರಂದು ಭಾರತೀಯರಿಗೆ ಸಿಗಲಿದೆ ಎಂದು ಹರಿದಾಡುತ್ತಿದೆ. ಅಂದಹಾಗೆಯೇ ಈಗಾಗಲೇ ಫ್ರೀ- ರಿಜಿಸ್ಟ್ರೇಶನ್​ ನಡೆಸುತ್ತಿದ್ದು, ಗೂಗಲ್​​ ಪ್ಲೇ ಸ್ಟೋರ್​ ಮೂಲಕ ನೋಂದಣೆ ಮಾಡಿಕೊಳ್ಳುವ ಅವಕಾಶ ನೀಡಿದೆ.

ಬ್ಯಾಟಲ್​ಗ್ರೌಂಡ್ಸ್​  ಮೊಬೈಲ್​ ಇಂಡಿಯಾ ತಂಡ ಸೊಲೊಮಿಡ್​​ ತರಬೇತುದಾರ ಮತ್ತು ಕಂಟೆಂಟ್​​ ಕ್ರಿಯೇಟರ್​ ಅಭಿಜಿತ್​ ಅಂಧರೆ ಅಕಾ ಘಟಕ್​ ಪ್ರಕಾರ,  ಬ್ಯಾಟಲ್​ಗ್ರೌಂಡ್ಸ್​  ಮೊಬೈಲ್​ ಇಂಡಿಯಾ ಜೂನ್​ ಮೂರನೇ ವಾರ ನಡೆಯಲಿದೆ. ವದಂತಿಯಂತೆ ಜೂನ್​ 18ರಂದು ಪರಿಚಯಿಸುವ ಸಾಧ್ಯತೆಯಿದೆ ಎಂದು ಹೇಳಿದ್ದಾರೆ.

BATTLEGROUNDS MOBILE INDIA
Third week of June ❤️💪🏻✌🏻

— Abhijeet Andhare (@GHATAK_official) May 25, 2021

ಅರುಣಾಚಲ ಪ್ರದೇಶ ಶಾಸಕ ನಿನೋಂಗ್​ ಎರಿಂಗ್​ ಅವರು ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಪತ್ರ ಬರೆದಿದ್ದು, ಬ್ಯಾಟಲ್​ಗ್ರೌಂಡ್ಸ್​  ಮೊಬೈಲ್​ ಇಂಡಿಯಾ ಗೇಮ್​ ಬ್ಯಾನ್​ ಮಾಡುವಂತೆ ಒತ್ತಾಯಿಸಿದ್ದಾರೆ. ಟ್ವಿಟ್ಟರ್​ನಲ್ಲಿ ಈ ಬಗ್ಗೆ ಬರೆದುಕೊಂಡಿದ್ದು, ಕಾನೂನುಗಳನ್ನು ಬದಿಗಿಟ್ಟು ಸರ್ಕಾತ ಮತ್ತು ಭಾರತೀಯರನನ್ನು ಮೋಸಗೊಳಿಸುವ ಮಾರ್ಗವಾಗಿದೆಎಂದು ಹೇಳಿದ್ದರು.

ಆದರೀಗ ಜೂನ್​ 18 ರಂದು ಬ್ಯಾಟಲ್​ಗ್ರೌಂಡ್ಸ್​​  ಮೊಬೈಲ್​ ಇಂಡಿಯಾ ಭಾರತೀಯ ಗೇಮಿಂಗ್​ ಪ್ರಿಯರಿಗೆ ಬಳಕೆಗೆ ಸಿಗಲಿದೆಯಾ ಎಂದು ಕಾದುನೋಡಬೇಕಿದೆ. ಪಬ್​ಜಿ ಗೇಮ್​ನಿಂದಾಗಿ ಭಾರತದಲ್ಲಿ ಸಾಕಷ್ಟು ಜನರು ಹಣ, ಜೀವ ಕಳೆದುಕೊಂಡಿದ್ದರು. ಮತ್ತು ಯುವಕರು ಹೆಚ್ಚು ಹೊತ್ತು ಅದರಲ್ಲೇ ತಲ್ಲೀನರಾಗಿದ್ದರು. ಮಾತ್ರವಲ್ಲದೆ ಚೀನಾ ದೇಶದೊಂದಿಗೆ ಪಬ್​ಜಿ ಕಂಪನಿ ನಿಕಟ ಸಂಪರ್ಕದಲ್ಲಿತ್ತು. ಈ ಕಾರಣದಿಂದಾಗಿ ಭಾರತದಲ್ಲಿ ಪಬ್​ಜಿ ಬ್ಯಾನ್​ ಮಾಡಬೇಕಾಯಿತು.