ಅಸೂಸ್​ ಪರಿಚಯಿಸುತ್ತಿದೆ 18GB RAM ಆಯ್ಕೆಯ ಸ್ಮಾರ್ಟ್​ಫೋನ್​!; ಮಾರ್ಚ್​ 10 ರಂದು ಮಾರುಕಟ್ಟೆಗೆ!

ಅಸೂಸ್​ ಕಂಪೆನಿ ROG 5 ಹೆಸರಿನ ಸ್ಮಾರ್ಟ್​ಫೋನನ್ನು​ ತಯಾರಿಸಿದ್ದು, ಮಾರುಕಟ್ಟೆಗೆ ಪರಿಚಯಿಸಲು ಸಿದ್ಧತೆ ಮಾಡಿಕೊಂಡಿದೆ. ಇದೇ ಮಾರ್ಚ್​ 10ರಂದು​ ಮಾರುಕಟ್ಟೆಗೆ ಧಾವಿಸಲಿದೆ. ಹೀಗಿರುವಾಗ ನೂತನ ಸ್ಮಾರ್ಟ್​ಫೋನ್​ ಏನೆಲ್ಲಾ ಫೀಚರ್​ ಅನ್ನು ಅಳವಡಿಸಿಕೊಂಡಿರಲಿದೆ ಎಂಬ ಕುತೂಹಲತೆ ಸ್ಮಾರ್ಟ್​ಫೋನ್​ ಪ್ರಿಯರಲ್ಲಿ ಮನೆಮಾಡಿದೆ. ಅದಕ್ಕೆ ಅನುಗುಣವಾಗಿ ಅವರ ಕುತೂಹಲತೆಯಂತೆ ಅಸೂಸ್​ ರೋಗ್​ 5 ಸ್ಮಾರ್ಟ್​ಫೋನ್​ 18GB RAM ಆಯ್ಕೆಯಲ್ಲಿ ಬರಲಿದೆ ಎಂಬ ಸುದ್ದಿಯೊಂದು ಹೊರಬಿದ್ದಿದೆ.

ಗ್ರೀಕ್​ಬೆಂಚ್​​ ವೆಬ್​ಸೈಟ್​ ಈ ಬಗ್ಗೆ ಮಾಹಿತಿ ಹೊರಹಾಕಿದೆ. ಆ ಮೂಲಕ ಸ್ಮಾರ್ಟ್​ಫೋನ್​ ಪ್ರಿಯರಿಗೆ ಅಚ್ಚರಿ ಮೂಡಿಸಿದೆ. ಮಾರ್ಚ್​ 10ರಂದು ಮಾರುಕಟ್ಟೆ ಪ್ರವೇಶಿಸುವ ಅಸೂಸ್​ ರೋಗ್​ 5 ಫೋನ್​ 18GB RAM ​ಹೊಂದಿದೆ ಎಂದಿದೆ. ಒಂದು ವೇಳೆ ಈ ವಿಚಾರ ನಿಜವಾದರೆ ಸ್ಮಾರ್ಟ್​ಫೋನ್​ ಇತಿಹಾಸದಲ್ಲಿ ಅಸೂಸ್​ ಹೊಸದಾದ ದಾಖಲೆಯೊಂದನ್ನ ಬರೆಯಲಿದೆ.

Asus ROG 5 ಕ್ವಾಲ್​​ ಕ್ಯಾಂ ಫ್ಲಾಗ್​ಶಿಪ್​ನಡಿಯಲ್ಲಿ ಸ್ನಾಪ್​ಡ್ರ್ಯಾಗನ್​​ 888 ಪ್ರೊಸೆಸರ್​ ಚಿಪ್​ಸೆಟ್​ ಹೊಂದಿದೆ ಎಂದು ಹೇಳಲಾಗುತ್ತಿದೆ. ಗ್ರೀಕ್​ಬೆಂಚ್​ ವರದಿಯಂತೆ ಅಸೂಸ್​-ಐ005ಡಿಬಿ ಮಾಡೆಲ್​ ನಂಬರ್​ನಲ್ಲಿ ಪರಿಚಯಿಸಲಿದೆ. ಆ ಮೂಲಕ ಅಧಿಲ RAM ​ಆಯ್ಕೆಯಲ್ಲಿ ಪರಿಚಯಿಸುತ್ತಿದೆ ಎಂದು ತಿಳಿಸಿದೆ.

ಅಸೂಸ್​​ ರೋಗ್​ ಫೋನ್​ 3 ಈ ಮೊದಲು 16GB RAM​ ಮೂಲಕ ಮಾರುಕಟ್ಟೆ ಪ್ರವೇಶಿಸಿತ್ತು. ಇದೀಗ 6.7 ಇಂಚಿನ ಎಫ್​ಹೆಚ್​ಡಿ+ ಡಿಸ್​ಪ್ಲೇಯೊಂದಿಗೆ, ಆ್ಯಂಡ್ರಾಯ್ಡ್​ 11 ಬೆಂಬಲದೊಂದಿಗೆ 18GB RAM​ ಆಯ್ಕೆಯ ಮೂಲಕ ಅಸೂಸ್​ ರೋಗ್​ 5 ಅನ್ನು ಪರಿಚಯಿಸುತ್ತಿದೆ.

ಅಸೂಸ್​ ರೋಗ್​ 5 ಸ್ಮಾರ್ಟ್​ಫೋನ್​​ ಮಾರ್ಚ್​ 10ರಂದು 4:15 ರಂದು ಮಾರುಕಟ್ಟೆಗೆ ಬಿಡುಗಡೆಗೊಳ್ಳಲಿದೆ. ಆದರೆ ನೂತನ ಸ್ಮಾರ್ಟ್​ಫೋನ್​ ಕುರಿತಂತೆ ಹೆಚ್ಚಿನ ಮಾಹಿತಿ ಮತ್ತು ಬೆಲೆ ಬಗ್ಗೆ ಬಿಡುಗಡೆಗೊಂಡ ನಂತರವಷ್ಟೇ ತಿಳಿದುಬರಬೇಕಿದೆ.