Asus ROG Phone 3; ಗೇಮಿಂಗ್​ ಪ್ರಿಯರಿಗಾಗಿ ಅಸೂಸ್​ ಪರಿಚಯಿಸಿದೆ ರೋಗ್​ ಫೋನ್​ 3; ಇಂದು ದೇಶಿಯ ಮಾರುಕಟ್ಟೆಗೆ ಬಿಡುಗಡೆ

ಅಸೂಸ್​ ರೋಗ್​ ಗೇಮಿಂಗ್​ ಸ್ಮಾರ್ಟ್​ಫೋನ್​ಗಳಲ್ಲಿ ಹೆಸರುವಾಸಿಯಾಗಿದೆ. ಹಾಗಾಗಿ ಗೇಮಿಂಗ್​ ಪ್ರಿಯರು ಈ ಸ್ಮಾರ್ಟ್​ಫೋನ್​ ಅನ್ನು ಹೆಚ್ಚು ಖರೀದಿಸುತ್ತಾರೆ. ಆದರೀಗ ಅವರಿಗಾಗಿ ಅಸೂಸ್​ ಕಂಪನಿ ಹೊಸ ರೋಗ್​ ಫೋನ್​ 3 ಅನ್ನು ಸಿದ್ಧಪಡಿಸಿದ್ದು, ಇಂದು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಿದೆ. ಸಂಜೆ 8.15ಕ್ಕೆ ನೂತನ ಸ್ಮಾರ್ಟ್​ಫೋನ್​ ಬಿಡುಗಡೆಯಾಗುವುದರ ಮೂಲಕ ದೇಶಿಯ ಮಾರುಕಟ್ಟೆಗೆ ಪರಿಚಯಿಸುತ್ತಿದೆ.

ಮಾಹಿಗಳ ಪ್ರಕಾರ, ನೂತನ ಅಸೂಸ್​ ರೋಗ್​ ಫೋನ್​ 3 ಸ್ಮಾರ್ಟ್​ಫೋನ್​ 6.59 ಫುಲ್​​ ಹೆಚ್​ಡಿ+ ಅಮೋಲ್ಡ್​ ಡಿಸ್​ಪ್ಲೇಯನ್ನು ಹೊಂದಿದೆ. ಕ್ವಾಲ್ಕಂ ಸ್ಮಾಪ್​​​​ಡ್ರಾಗನ್​​ 865 ಪ್ಲಸ್​​ ಎಸ್​ಒಸಿಯಿಂದ ಕಾರ್ಯನಿರ್ವಹಿಸುತ್ತಿದೆ. 5G ನೆಟ್​ವರ್ಕ್​ನಡಿಯಲ್ಲಿ ಬಳಸುವಂತೆ ಸಿದ್ಧಪಡಿಸಿದೆ.

ಗ್ರಾಹಕರಿಗಾಗಿ 16GB RAM​​ ಮತ್ತು 512GB ಸ್ಟೊರೇಜ್​ ಆಯ್ಕೆಯಲ್ಲಿ ಬಿಡುಗಡೆ ಮಾಡುತ್ತಿದೆ. ಜೊತೆಗೆ 8GB RAM ಮತ್ತು 128GB ಸ್ಟೊರೇಜ್​ ಆಯ್ಕೆಯಲ್ಲಿ ಸಿಗುವ ಸಾಧ್ಯತೆಯೂ ಇದೆ. ಅಷ್ಟು ಮಾತ್ರವಲ್ಲದೆ, ನೂತನ ಸ್ಮಾರ್ಟ್​ಫೋನ್​ ಎಲ್​​​ಡಿಡಿಆರ್​5 ಗ್ರೇಡ್​​ ಮೆಮೊರಿ ಮತ್ತು ಯುಎಫ್​ಎಸ್​​ 3.1 ಫಾಸ್ಟ್​ ಸ್ಟೊರೇಜ್​ ಮೀಡಿಯಂ ಹೊಂದಿದೆ.

8 ವರ್ಷ ಬಳಿಕ ಮಗು ಜನನ; ಈ ಗ್ರಾಮಕ್ಕೆ 29ನೇ ಸದಸ್ಯನ ಆಗಮನ

ಕ್ಯಾಮೆರಾ:

ಅಸೂಸ್​ ರೋಗ್​ ಫೋನ್​ 3 ಸ್ಮಾರ್ಟ್​ಫೋನ್​ನಲ್ಲಿ 64 ಮೆಗಾಫಿಕ್ಸೆಲ್​​ ಪ್ರೈಮರಿ ಕ್ಯಾಮೆರಾ, 13 ಮೆಗಾಫಿಕ್ಸೆಲ್​ ಸೆಕಂಡರಿ ಕ್ಯಾಮೆರಾ, 8 ಮೆಗಾಫಿಕ್ಸೆಲ್​​ ಸೆನ್ಸಾರ್​ ಮತ್ತು 2ಎಕ್ಸ್​​ ಟೆಲಿಫೋಟೊ ಲೆನ್ಸ್​​ ನೀಡಲಾಗಿದೆ.

ಬ್ಯಾಟರಿ:

ಗೇಮಿಂಗ್​ಗಾಗಿ ಈ ಸ್ಮಾರ್ಟ್​ಫೋನ್​ನಲ್ಲಿ 6000mAh​ ಬ್ಯಾಟರಿಯನ್ನು ಅಳವಡಿಸಲಾಗಿದ್ದು, ದೀರ್ಘ ಕಾಲದ ಬಳಕೆ ಹಾಗೂ ಗೇಮಿಂಗ್​ಗೆ ಪ್ರಿಯರಿಗೆ ಹೇಳಿ ಮಾಡಿಸಿದಂತಿದೆ. 30ವ್ಯಾಟ್​ ಫಾಸ್ಟ್​ ಚಾರ್ಜಿಂಗ್​ ಹೊಂದಿದೆ. ಆಧುನಿಕ ತಂತ್ರಜ್ಞಾನದಂತೆ ರೋಗ್​ ಫೋನ್​ 3ನಲ್ಲಿ ಹೆಡ್​ಫೋನ್​ ಜಾಕ್​ ನೀಡಿಲ್ಲ. ಬ್ಲೂಟೂತ್​, ವೈ-ಫೈ ನೀಡಲಾಗಿದೆ. ಈ ಫೋನ್​ 240 ಗ್ರಾಂ ತೂಕವನ್ನು ಹೊಂದಿದೆ.

ಇನ್ನು ಸ್ಮಾರ್ಟ್​ಫೋನಿನ ನಿರ್ದಿಷ್ಟ ಬೆಲೆ ಮತ್ತು ಇತರೆ ಫೀಚರ್​ ಬಗ್ಗೆ ಸ್ಮಾರ್ಟ್​ಫೋನ್​ ಬಿಡುಗಡೆಯಾದ ನಂತರ ತಿಳಿದು ಬರಲಿದೆ. (Live: https://www.youtube.com/watch?v=8jNQ3siT_A0)