IPhone 14: ಆ್ಯಪಲ್​ ಕಂಪೆನಿಯ ಐಫೋನ್​ಗಳು ಇನ್ಮುಂದೆ ಹೊಸ ಕಲರ್​ನಲ್ಲಿ ಲಭ್ಯ! ವಿನ್ಯಾಸ ಹೇಗಿದೆ ಗೊತ್ತಾ?

ಸ್ಮಾರ್ಟ್​ಫೋನ್ (Smartphone) ಮಾರುಕಟ್ಟೆಯಲ್ಲಿ ಹೊಸ ಸಂಚಲನ ಮೂಡಿಸಿದ ಕಂಪೆನಿಯೆಂದರೆ ಅದು ಆ್ಯಪಲ್​ ಕಂಪೆನಿ. ಈ ಕಂಪೆನಿಯಿಂದ ಇದುವರೆಗೆ ಹಲವಾರು ಸ್ಮಾರ್ಟ್​​ಫೋನ್​ಗಳು ಮೊಬೈಲ್​ ಮಾರುಕಟ್ಟೆಗೆ ಎಂಟ್ರಿ ನೀಡಿದೆ. ತನ್ನ ವಿಶೇಷ ವಿನ್ಯಾಸ, ಫೀಚರ್​ ಮೂಲಕ ಮಾರುಕಟ್ಟೆಯಲ್ಲಿ ಹೆಚ್ಚಿನ ಗ್ರಾಹಕರನ್ನು ಇದು ಆಕರ್ಷಿಸಿದೆ. ಇನ್ನು ಕೆಲವರಿಗೆ ಒಮ್ಮೆಯಾದರೂ ಐಫೋನ್​ಗಳನ್ನು (Iphone) ಖರೀದಿಸಬೇಕೆಂದು ಆಸೆ ಇರುತ್ತದೆ. ಅದೇ ರೀತಿ ಎಷ್ಟೇ ದುಬಾರಿ ಬೆಲೆಯಾದ್ರೂ ಈ ಐಫೋನ್​ ಅನ್ನು ಖರೀದಿಸುತ್ತಾರೆ. ಇತ್ತೀಚೆಗೆ ಆ್ಯಪಲ್ ಕಂಪೆನಿ (Apple Company) ತನ್ನ ಐಫೋನ್​ನಲ್ಲಿ ಹಲವಾರು ಅಪ್ಡೇಟ್​ಗಳನ್ನು ಮಾಡಿದೆ. ಇದೀಗ ಐಫೋನ್​ಗಳ ಕಲರ್​​ನಲ್ಲೂ ಹೊಸತನವನ್ನು ಪ್ರಯತ್ನಿಸುತ್ತಿದೆ. ಮುಂಬರುವ ಐಫೋನ್​ಗಳು ಹಳದಿ ಬಣ್ಣದಲ್ಲೂ ಖರೀದಿಗೆ ಲಭ್ಯವಿರುತ್ತದೆ.

ಕಳೆದ ವರ್ಷ ಆ್ಯಪಲ್​ ಕಂಪೆನಿಯಿಂದ ಐಫೋನ್​ 14 ಮತ್ತು ಐಫೋನ್​ 14 ಪ್ಲಸ್​ ಸ್ಮಾರ್ಟ್​​ಫೋನ್​ ಅನ್ನು ಮಾರುಕಟ್ಟೆಗೆ ಪರಿಚಯಿಸಿತ್ತು. ಅದೇ ರೀತಿ ಈ ಎರಡೂ ಸ್ಮಾರ್ಟ್​ಫೋನ್​ಗಳಿಗೆ ಈಗಲೂ ಭಾರೀ ಬೇಡಿಕೆಯಿದೆ. ಇದೀಗ ಈ ಎರಡು ಸ್ಮಾರ್ಟ್​ಫೋನ್​ಗಳು ಇನ್ಮುಂದೆ ಹಳದಿ ಬಣ್ಣದಲ್ಲೂ ಖರೀದಿ ಮಾಡಬಹುದು.

ಯಾವಾಗದಿಂದ ಲಭ್ಯ?

ಐಫೋನ್​​ನ ಈ ಹೊಸ ಹಳದಿ ಬಣ್ಣದ ಮಾದರಿಯನ್ನು ಮಾರ್ಚ್ 10 ರಿಂದ ಪ್ರೀಬುಕಿಂಗ್​ ಮಾಡುವ ಮೂಲಕ ಖರೀದಿಗೆ ಲಭ್ಯಗೊಳಿಸಲಾಗಿದೆ. ಅದೇ ರೀತಿ ಮಾರ್ಚ್ 14 ರಂದು ರೀಟೇಲ್​ ಶಾಪ್​ಗಳಲ್ಲಿ ಮಾರಾಟ ಆರಂಭವಾಗಲಿದೆ. ಐಫೋನ್ 14 ಹಳದಿ ರೂಪಾಂತರದ ಬೆಲೆ ರೂ 79,990 ಮತ್ತು ಐಫೋನ್ 14 ಪ್ಲಸ್ ಹಳದಿ ರೂಪಾಂತರದ ಆರಂಭಿಕ ಬೆಲೆ ರೂ 89,990 ಎಂದು ನಿಗದಿ ಮಾಡಲಾಗಿದೆ.

ಇದನ್ನೂ ಓದಿ: ವಾಟ್ಸಾಪ್​ ಪ್ರಿಯರಿಗೆ ಗುಡ್​​ನ್ಯೂಸ್​! ಅಡ್ಮಿನ್​​​ಗಳಿಗಾಗಿ ಬರ್ತಿದೆ ಹೊಸ ಫೀಚರ್​

ವಿಶೇಷ ಆಫರ್​

ವಿಶೇಷವೆಂದರೆ ಈ ಹೊಸ ಐಫೋನ್ ರೂಪಾಂತರಗಳು ಉತ್ತಮ ಡೀಲ್‌ನಲ್ಲಿ ಲಭ್ಯವಾಗುತ್ತಿವೆ. ಈ ಸಂದರ್ಭದಲ್ಲಿ ಆ್ಯಪಲ್​ನ ವಿತರಕರಲ್ಲಿ ಒಬ್ಬರಾದ ರೆಡಿಂಗ್‌ಟನ್ ದೊಡ್ಡ ಘೋಷಣೆಯನ್ನು ಮಾಡಿದ್ದಾರೆ. ಈ ಎರಡೂ ಸ್ಮಾರ್ಟ್‌ಫೋನ್‌ಗಳ ಮೇಲೆ 15,000 ರೂಪಾಯಿಗಳವರೆಗೆ ರಿಯಾಯಿತಿ ನೀಡಲಾಗುವುದು ಎಂದು ವಿತರಕರು ಹೇಳಿದ್ದಾರೆ. ಸ್ಟೋರ್ ರಿಯಾಯಿತಿಗಳು, ಬ್ಯಾಂಕ್ ಕೊಡುಗೆಗಳು ಮತ್ತು ಹಳೆಯ ಐಫೋನ್‌ಗಳ ವಿನಿಮಯವನ್ನು ಪಡೆಯುವ  ಮೂಲಕ ಗ್ರಾಹಕರು ಈ ರಿಯಾಯಿತಿಯನ್ನು ಪಡೆಯಬಹುದು. ವಿಶೇಷವೆಂದರೆ ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್​​ನಲ್ಲಿ ಈ ಸ್ಮಾರ್ಟ್​​ಫೋನ್​ಗಳನ್ನು ಖರೀದಿಸಿದರೆ ಈ ರಿಯಾಯಿತಿ ಲಭ್ಯವಿದೆ.

ಐಫೋನ್ 14 ಫೀಚರ್ಸ್

ಐಫೋನ್ 14 ಫೀಚರ್ಸ್ ಬಗ್ಗೆ ಹೇಳುವುದಾದ್ರೆ, ಇದು ಸೂಪರ್ ರೆಟಿನಾ 6.1 ಇಂಚಿನ XDR OLED ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್​ಪ್ಲೇಯು 1200nits ಬ್ರೈಟ್ನೆಸ್​ ಅನ್ನು ನೀಡುತ್ತದೆ. ಹಾಗೆಯೇ ಈ ಸ್ಮಾರ್ಟ್​​ಫೋನ್​ A15 ಬಯೋನಿಕ್ ಚಿಪ್​ಸೆಟ್​​ನಿಂದ ಕಾರ್ಯನಿರ್ವಹಿಸುತ್ತದೆ.

ಇನ್ನು ಇದರ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ನೋಡುವುದಾದರೆ, ಇದು ಡ್ಯುಯಲ್ ಕ್ಯಾಮೆರಾ ಸೆಟಪ್​ ಅನ್ನು ಒಳಗೊಂಡಿದ್ದು, ಎರಡೂ ಕ್ಯಾಮೆರಾವು 12 ಮೆಗಾ ಪಿಕ್ಸಲ್‌ ಸೆನ್ಸಾರ್‌ ಸಾಮರ್ಥ್ಯದಲ್ಲಿದೆ. ಮುಂಭಾಗದಲ್ಲಿ ಸೆಲ್ಫಿಗಾಗಿ 12 ಮೆಗಾ ಪಿಕ್ಸಲ್‌ನ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಇದು 128ಜಿಬಿ, 256ಜಿಬಿ ಮತ್ತು 512ಜಿಬಿ ಸ್ಟೋರೇಜ್‌ ಆಯ್ಕೆಗಳಲ್ಲಿದೆ. ಈ ಫೋನ್ 5G ಕನೆಕ್ಟಿವಿಟಿ ಸೌಲಭ್ಯ ಪಡೆದಿದ್ದು ಇ-ಸಿಮ್ ಆಯ್ಕೆಯನ್ನು ಸಹ ಹೊಂದಿದೆ.

ಐಫೋನ್​ 14 ಪ್ಲಸ್​ ಫೀಚರ್ಸ್

ಇನ್ನು ಐಫೋನ್ 14 ಪ್ಲಸ್‌ 6.7 ಇಂಚಿನ ಓಎಲ್​ಇಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಸ್ಮಾರ್ಟ್​​​ಫೋನ್​ನಲ್ಲಿಯೂ ಐಫೋನ್​ 14 ನಂತೆಯೇ ಡ್ಯುಯಲ್ ಕ್ಯಾಮೆರಾ ಸೆಟಪ್​ ಅನ್ನು ನೀಡಲಾಗಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾವು 12 ಮೆಗಾ ಪಿಕ್ಸೆಲ್‌ ಸೆನ್ಸಾರ್‌ ಸಾಮರ್ಥ್ಯದಲ್ಲಿದೆ. ಮುಂಭಾಗದಲ್ಲಿ ಸೆಲ್ಫಿಗಾಗಿ 12 ಮೆಗಾ ಪಿಕ್ಸೆಲ್​ನ ಕ್ಯಾಮೆರಾವನ್ನು ನೀಡಲಾಗಿದೆ.