Apple India Store: ಆ್ಯಪಲ್ ಆನ್​ಲೈನ್​​ ಸ್ಟೋರ್​ನಲ್ಲಿ ಖರೀದಿಸಿದರೆ ಸಿಗಲಿದೆ ಇಷ್ಟೆಲ್ಲಾ ಬೆನಿಫಿಟ್ಸ್​!

ಭಾರತೀಯರು ಆ್ಯಪಲ್​ ಉತ್ಪನ್ನಗಳಾದ ಐಫೋನ್​, ಐಪ್ಯಾಡ್​ಗಳನ್ನ ಥರ್ಟ್​​ ಪಾರ್ಟಿ ರಿಟೇಲರ್​ ಮತ್ತು ಇ-ಕಾಮರ್ಸ್​ ತಾಣಗಳ ಮೂಲಕ ಖರೀದಿಸುತ್ತಿದ್ದರು. ಆದರೀಗ ಸ್ವಂತ ಆನ್​​ಲೈನ್​ ಸ್ಟೋರ್​ ಆರಂಭವಾಗಿದ್ದು, ಗ್ರಾಹಕರ ಕೊರತೆಯನ್ನು ನೀಗಿಸಿದೆ.

ಆ್ಯಪಲ್​ ಸ್ಟೋರ್​ನಲ್ಲಿ ಖರೀದಿಸಿದರೆ ಸಿಗಲಿದೆ ಇಷ್ಟೇಲ್ಲಾ ಪ್ರಯೋಜನ:

ಇಂದಿನಿಂದ ಆ್ಯಪಲ್​ ಆನ್​ಲೈನ್​ ಸ್ಟೋರ್​ ಪ್ರಾರಂಭವಾಗಿದ್ದು, ಗ್ರಾಹಕರಿಗೆ ಎಲ್ಲಾ ಉತ್ಪನ್ನಗಳು ನೋ ಕ್ವಾಂಟ್ಯಾಕ್ಟ್​ ಡೆಲಿವರಿ ಮೂಲಕ ಉಚಿತವಾಗಿ ಸಿಗಲಿದೆ. ಅಮೆಜಾನ್​, ಫ್ಲಿಪ್​ಕಾರ್ಟ್​ನಂತೆ ಆ್ಯಪಲ್​ ಉತ್ಪನ್ನಗಳು ಮನೆ ಬಾಗಿಲಿನಲ್ಲಿ ಖರೀದಿಸಬಹುದಾಗಿದೆ.

ಆದರೆ ಆ್ಯಪಲ್​ ಸ್ಟೋರ್​ ಮತ್ತು ಥರ್ಡ್​ ಪಾರ್ಟಿ ಸ್ಟೋರ್​ಗಳಲ್ಲಿ ಮಾರಾಟ ಮಾಡುವ ಆ್ಯಪಲ್​ ಉತ್ಪನ್ನಗಳ ಬೆಲೆಯಲ್ಲಿ ವ್ಯತ್ಯಾಸವಿರಬಹುದು, ಉದಾ: ಆ್ಯಪಲ್​ ಸ್ಟೋರ್​ನಲ್ಲಿ ಐಫೋನ್​ 11 (64ಜಿಬಿ) ಮಾಡೆಲ್​​ ಬೆಲೆ 1,17,100 ರೂ ಆಗಿದೆ. ಆದರೆ ಅಮೆಜಾನ್​ 1,09,099 ರೂ.ಗೆ ಮಾರಾಟ ಮಾರಾಟ ಮಾಡುತ್ತಿದೆ.

ಥರ್ಡ್​​ ಪಾರ್ಟಿ ಸ್ಟೋರ್​ಗಳಲ್ಲಿ ಬೆಲೆ ಏರಿಳಿತ ಕಾಣುತ್ತದೆ. ಕೆಲವೊಮ್ಮೆ ಆಫರ್​ ಬೆಲೆಗೆ ಮಾರಾಟ ಮಾಡುತ್ತದೆ.  ಇನ್ನು ಆ್ಯಪಲ್​​ ಶೇ.6 ರಷ್ಟು (10 ಸಾವಿರದಷ್ಟು) ಆಫರ್​ ನೀಡುತ್ತಿದೆ. ಹೆಚ್​​ಡಿಎಫ್​ಸಿ ಬ್ಯಾಂಕ್​ ಕ್ರೆಡಿಟ್​ ಕಾರ್ಡ್​ ಮೂಲಕ ಖರೀದಿಸಿದರೆ ಈ ಆಫರ್​ ಸಿಗಲಿದೆ.

ಆ್ಯಪಲ್​ ಸ್ಟೋರ್​ ಮೂಲಕ ಉತ್ಪನ್ನ ಖರೀದಿಸಿದರೆ ಹೆಚ್ಚಿನ ಪ್ರಯೋಜನ ಸಿಗಲಿದೆ. ಪಾವತಿ ಮತ್ತು ವಿತರಣೆ ಹೆಚ್ಚು ಸೆಕ್ಯೂರ್​ ಆಗಿ ಇರಲಿದೆ.  ಅಷ್ಟು ಮಾತ್ರವಲ್ಲದೆ ಟ್ರೇಡ್​-ಇನ್​ ಎಂಬ ಆಯ್ಕೆ ಮೂಲಕ ಹಳೆಯ ಫೋನ್​ ಎಕ್ಸ್​ಜೇಂಜ್​ ಮಾಡಿ ಐಫೋನ್​ ಖರೀದಿಸುವ ಅವಕಾಶ ನೀಡುತ್ತಿದೆ.

ಇನ್ನು ಥರ್ಡ್​ ಪಾರ್ಟಿ ಸ್ಟೋರ್​ಗಳಲ್ಲಿ ಸಿಗದ ಆ್ಯಪಲ್​​ ಉತ್ಪನ್ನಗಳು ಆ್ಯಪಲ್ ಸ್ಟೋರ್​ಗಳಲ್ಲಿ ಸಿಗಲಿದೆ. ಇದರಿಂದ ಬಳಕೆದಾರರು ಬೇಕಾದ ವಸ್ತುಗಳನ್ನು ಖರೀದಿಸಬಹುದಾಗಿದೆ.

ಆ್ಯಪಲ್​ ತನ್ನ ಗ್ರಾಹಕರಿಗಾಗಿ ಕ್ರೆಡಿಟ್​ ಕಾರ್ಡ್​, ಡೆಬಿಟ್​ ಕಾರ್ಡ್​, ಇಎಂಐ, ರುಪೇ, ಯುಪಿಐ, ನೆಟ್​ ಬ್ಯಾಂಕಿಂಗ್​ ಮುಂತಾದ ವಿವಿಧ ಪಾವತಿ ಆಯ್ಕೆಯನ್ನು ನೀಡಿದೆ. ಜೊತೆಗೆ ಖರೀದಿಸಿದ ವಸ್ತುಗಳನ್ನು ಉಚಿತ ಡೆಲಿವರಿ ಮಾಡಲಿದೆ.