• Home
  • »
  • News
  • »
  • tech
  • »
  • Apple HomePod 2nd Gen: ಆ್ಯಪಲ್​ ಕಂಪೆನಿಯ ಹೊಸ ಅತ್ಯಾಕರ್ಷಕ ಸ್ಪೀಕರ್ ಅನಾವರಣ! ಬೆಲೆ ಎಷ್ಟು?

Apple HomePod 2nd Gen: ಆ್ಯಪಲ್​ ಕಂಪೆನಿಯ ಹೊಸ ಅತ್ಯಾಕರ್ಷಕ ಸ್ಪೀಕರ್ ಅನಾವರಣ! ಬೆಲೆ ಎಷ್ಟು?

ಆ್ಯಪಲ್ ಹೋಮ್​ಪಾಡ್​ 2ನೇ ಜೆನ್​ ಸ್ಪೀಕರ್

ಆ್ಯಪಲ್ ಹೋಮ್​ಪಾಡ್​ 2ನೇ ಜೆನ್​ ಸ್ಪೀಕರ್

ಆ್ಯಪಲ್​ ಕಂಪೆನಿ ಮಾರುಕಟ್ಟೆಗೆ ಹೊಸ ಆ್ಯಪಲ್​​ ಹೋಮ್​ಪಾಡ್​ 2ನೇ ಜೆನ್​ ಎಂಬ ಸ್ಪೀಕರ್​ ಅನ್ನು ಲಾಂಚ್ ಮಾಡಿದೆ. ಈ ಸ್ಪೀಕರ್ ಅನ್ನು ಬಳಕೆದಾರರು ಎಲ್ಲಿ ಬೇಕಾದರು ಕೊಂಡೊಯ್ಯಬಹುದಾಗಿದೆ. ಹಾಗಿದ್ರೆ ಈ ಸ್ಮಾರ್ಟ್​​ ಡಿವೈಸ್​ನ ಫೀಚರ್ಸ್, ಬೆಲೆ ಬಗ್ಗೆ ಕಂಪ್ಲೀಟ್​ ಮಾಹಿತಿ ಇಲ್ಲಿದೆ.

  • Share this:

    ಚೀನಾದ ಪ್ರಸಿದ್ಧ ಟೆಕ್ ಕಂಪೆನಿಯಾಗಿರುವ ಆ್ಯಪಲ್​ (Apple) ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಭಾರೀ ಜನಪ್ರಿಯತೆಯನ್ನು ಪಡೆದಿದೆ. ಈ ಕಂಪೆನಿ ತನ್ನ ಬ್ರಾಂಡ್​ನ ಅಡಿಯಲ್ಲಿ ಹೊಸ ಫೀಚರ್ಸ್ ಅನ್ನು ಐಫೋನ್​ 14 ಸೀರಿಸ್ (IPhone 14 Series)​ವರೆಗೆ ಮೊಬೈಲ್​ಗಳನ್ನು ಬಿಡುಗಡೆ ಮಾಡಿದೆ. ಮುಂದಿನ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಲು ಐಫೋನ್ 15 ಸೀರಿಸ್ ಅನ್ನು ಲಾಂಚ್ ಮಾಡಲು ಸಜ್ಜಾಗಿದೆ. ಈ ಮಧ್ಯೆ ಆ್ಯಪಲ್ ಕಂಪೆನಿ ಹೊಸ ಆ್ಯಪಲ್ ಹೋಮ್​ಪಾಡ್​ ಸ್ಪೀಕರ್ (Apple HomePod Speaker) ಒಂದನ್ನು ಲಾಂಚ್ ಮಾಡಿದೆ. ಈ ಸ್ಮಾರ್ಟ್​​ ಹೋಮ್​ ಡಿವೈಸ್​ ಈ ಬಾರಿ ಆ್ಯಪಲ್​ ಕಂಪೆನಿಯಿಂದ ಬಿಡುಗಡೆಯಾದ ಹೊಸ ಸ್ಪೀಕರ್​ ಆಗಿದೆ.


    ಆ್ಯಪಲ್​ ಕಂಪೆನಿ ಮಾರುಕಟ್ಟೆಗೆ ಹೊಸ ಆ್ಯಪಲ್​​ ಹೋಮ್​ಪಾಡ್​ 2ನೇ ಜೆನ್​ ಎಂಬ ಸ್ಪೀಕರ್​ ಅನ್ನು ಲಾಂಚ್ ಮಾಡಿದೆ. ಈ ಸ್ಪೀಕರ್ ಅನ್ನು ಬಳಕೆದಾರರು ಎಲ್ಲಿ ಬೇಕಾದರು ಕೊಂಡೊಯ್ಯಬಹುದಾಗಿದೆ. ಹಾಗಿದ್ರೆ ಈ ಸ್ಮಾರ್ಟ್​​ ಡಿವೈಸ್​ನ ಫೀಚರ್ಸ್, ಬೆಲೆ ಬಗ್ಗೆ ಕಂಪ್ಲೀಟ್​ ಮಾಹಿತಿ ಇಲ್ಲಿದೆ.


    ಆ್ಯಪಲ್​ ಹೋಮ್​ಪಾಡ್​​ 2ನೇ ಜೆನ್​ ಫೀಚರ್ಸ್​ ಹೇಗಿದೆ?


    ಕೆಲವು ದಿನಗಳ ಹಿಂದಷ್ಟೇ ಹೊಸ ಮ್ಯಾಕ್‌ಬುಕ್ ಪ್ರೋ ಅನ್ನು ಲಾಂಚ್‌ ಮಾಡಿದ ಬಳಿಕ ಹೋಮ್‌ಪಾಡ್ 2 ನೇ ಜೆನ್ ಸ್ಪೀಕರ್​ ಅನ್ನು ಕಂಪೆನಿ ಲಾಂಚ್‌ ಮಾಡಿದೆ. ಇದು ಅತ್ಯುತ್ತಮ ಅನುಭವ ನೀಡುವ ಸ್ಪೀಕರ್ ಆಗಿದೆ. ಅದರಲ್ಲೂ ನೆಕ್ಟ್‌ ಲೆವಲ್‌ನ ಅಕೌಸ್ಟಿಕ್ಸ್ ಮತ್ತು ಐಕಾನಿಕ್ ವಿನ್ಯಾಸದೊಂದಿದೆ ಈ ಡಿವೈಸ್​ ಅನ್ನು ವಿನ್ಯಾಸಗೊಳಿಸಲಾಗಿದೆ. ಜೊತೆಗೆ ಈ ಸ್ಪೀಕರ್ ಸಿರಿ ಬೆಂಬಲವನ್ನು ಸಹ ಪಡೆದುಕೊಂಡಿದೆ. ಇನ್ನು ಇದರ ಆಡಿಯೋ ಗುಣಮಟ್ಟವನ್ನು ಇನ್ನಷ್ಟು ಉತ್ತಮಗೊಳಿಸಲು ಕಂಪ್ಯೂಟೇಶನಲ್ ಆಡಿಯೋ ಫಿಚರ್ಸ್‌ ಅನ್ನು ಅಳವಡಿಸಲಾಗಿದೆ.




    ಎಚ್ಚರಿಕೆಯ ಫೀಚರ್ಸ್​


    ಇನ್ನು ಆ್ಯಪಲ್​ ಕಂಪೆನಿಯ ಹೋಮ್​​ಪಾಡ್​ 2ನೇ ಜೆನ್​ ಸ್ಮಾರ್ಟ್​​ ಡಿವೈಸ್​ ಅನ್ನು ಮನೆಯಲ್ಲಿ ಇರಿಸಿದಾಗ ಏನಾದರೂ ಹೊಗೆ ಅಥವಾ ಕಾರ್ಬನ್​ ಮಾನಾಕ್ಸೈಡ್​ ಕಂಡುಬಂದರೆ ಈ ಡಿವ ಐಸ್​ ಅಲಾರಂ ಮಾಡುವ ಮೂಲಕ ಬಳಕೆದಾರರನ್ನು ಎಚ್ಚರಿಸುತ್ತದೆ ಎಂದು ಕಂಪೆನಿ ತಿಳಿಸಿದೆ. ಆದ್ದರಿಂದ ಮನೆಯಲ್ಲಾಗುವಂತಹ ಈ ರೀತಿಯ ಘಟನೆಗಳಿಂದ ಮುಂಚಿತವಾಗಿಯೇ ಕ್ರಮವನ್ನು ತೆಗೆದುಕೊಳ್ಳಲು ಸಹಕಾರಿಯಾಗುತ್ತದೆ.


    ಸೆಕ್ಯುರಿಟಿ ಹೊಂದಿದ ಡಿವೈಸ್ ಆಗಿದೆ


    ಆ್ಯಪಲ್​ ತನ್ನ ಸ್ಮಾರ್ಟ್ ಹೋಮ್ ಡಿವೈಸ್‌ಗಳ ಮೂಲಕ ನಡೆಯುವ ಯಾವುದೇ ಸಂವಹನವು ಪ್ರಾರಂಭದಿಂದ ಕೊನೆಯವರೆಗೂ ಎನ್‌ಕ್ರಿಪ್ಟ್ ಆಗಿರುತ್ತದೆ. ಈ ಕಾರಣಕ್ಕೆ ನಿಮ್ಮ ಸಂಭಾಷಣೆಗಳನ್ನು ಯಾರೂ ಸಹ ಕೇಳಲು ಸಾಧ್ಯವಿಲ್ಲ. ಹಾಗೆಯೇ ಆ್ಯಪಲ್​ ಸಹ ಸ್ಮಾರ್ಟ್ ಹೋಮ್ ಡಿವೈಸ್‌ಗಳೊಂದಿಗೆ ನೀವು ನಡೆಸುತ್ತಿರುವ ಸಂಭಾಷಣೆಗಳನ್ನು ತಿಳಿದುಕೊಳ್ಳಲು ಆಗುವುದಿಲ್ಲ ಎಂದು ಆ್ಯಪಲ್ ಕಂಪೆನಿ ಮಾಹಿತಿ ನೀಡಿದೆ.


    ಆ್ಯಪಲ್ ಹೋಮ್​ಪಾಡ್​ 2ನೇ ಜೆನ್​ ಸ್ಪೀಕರ್


    ಬೆಲೆ ಮತ್ತು ಲಭ್ಯತೆ


    ಇನ್ನು ಭಾರತದಲ್ಲಿ ಈ ಆ್ಯಪಲ್​ ಹೋಮ್​​ಪಾಡ್​ 2ನೇ ಜೆನ್​ ಸ್ಪೀಕರ್ ಅನ್ನು ಖರೀದಿ ಮಾಡುವವರಿಗೆ ಕಂಪೆನಿ ಪ್ರೀ ಬುಕಿಂಗ್ ಆರ್ಡರ್ ಮಾಡುವ ಆಯ್ಕೆಯನ್ನು ನೀಡಿದೆ. ಈ ಡಿವೈಸ್​ನ ಮಾರಾಟ ಫೆಬ್ರವರಿ 3, 2023 ರಿಂದ ಮಾರುಕಟ್ಟೆಯಲ್ಲಿ ಲಭ್ಯ ಇರಲಿದ್ದು, ಆ್ಯಪಲ್​ನ ಅಧಿಕೃತ ರಿಟೇಲರ್‌ ಶಾಪ್‌ ಹಾಗೂ ಆ್ಯಪಲ್​ನ ಆನ್‌ಲೈನ್‌ ಶಾಪಿಂಗ್‌ ಮೂಲಕ ಖರೀದಿ ಮಾಡಬಹುದು.


    ಇದನ್ನೂ ಓದಿ: ವಾಟ್ಸಾಪ್​ನಲ್ಲಿ ಮತ್ತೊಂದು ಅಚ್ಚರಿಯ ಫೀಚರ್ಸ್​​ ಬಿಡುಗಡೆ! ಏನೆಂದು ಇಲ್ಲಿದೆ ಮಾಹಿತಿ


    ಈ ಡಿವೈಸ್‌ನ ಸಾಮಾನ್ಯ ದರ 32,900 ರೂಪಾಯಿಗಳಾಗಿದ್ದು, ಈ ಹಿಂದೆ ಲಾಂಚ್ ಮಾಡಲಾಗಿದ್ದ ಹೋಮ್‌ಪಾಡ್ 1 ನೇ ಜೆನ್ ನ ಬೆಲೆ 19,900 ರೂಪಾಯಿ ಗಳಾಗಿತ್ತು ಎಂಬುದನ್ನು ಈ ವೇಳೆ ನೆನಪಿಸಿಕೊಳ್ಳಬಹುದು.

    Published by:Prajwal B
    First published: