Smartphone: ವಿಶ್ವದ ಅರ್ಧಕ್ಕಿಂತ ಹೆಚ್ಚು ವಯಸ್ಕರು ಸ್ಮಾರ್ಟ್‌ಫೋನ್‌ ಬಳಸಲ್ಲ! ಭಾರತದ ಮಾಹಿತಿ ಹೀಗಿದೆ ನೋಡಿ!

Smartphone Market: ಸ್ಮಾರ್ಟ್‌ಫೋನ್‌ ಕೊಂಡುಕೊಳ್ಳುವವರ ಪೈಕಿ ದಕ್ಷಿಣ ಕೊರಿಯಾ ವಿಶ್ವದ ಅಗ್ರಗಣ್ಯ ರಾಷ್ಟ್ರವಾಗಿದೆ. 100% ವಯಸ್ಕ ಜನಸಂಖ್ಯೆಯು ಮೊಬೈಲ್ ಫೋನ್ ಹೊಂದಿರುವ ಏಕೈಕ ದೇಶ ಇದಾಗಿದೆ. ಈ ಪೈಕಿ ಶೇ. 95ರಷ್ಟು ಜನರು ಸ್ಮಾರ್ಟ್‌ಫೋನ್‌ ಹೊಂದಿದ್ದರೆ ಉಳಿದ ಶೇ. 5ರಷ್ಟು ವಯಸ್ಕರು ಸಾಮಾನ್ಯ ಮೊಬೈಲ್‌ ಫೋನ್‌ ಹೊಂದಿದ್ದಾರೆ.

ಸ್ಮಾರ್ಟ್​ಫೋನ್ (ಫೋಟೋ: ಗೂಗಲ್​)

ಸ್ಮಾರ್ಟ್​ಫೋನ್ (ಫೋಟೋ: ಗೂಗಲ್​)

  • Share this:

Smartphones: 3 ಏಪ್ರಿಲ್ 1973ರಂದು, ಮೋಟೊರೋಲಾ ಉದ್ಯೋಗಿ ಮಾರ್ಟಿನ್ ಬೆಲ್ ವಿಶ್ವದ ಮೊದಲ ಮೊಬೈಲ್ ಫೋನ್ ಕರೆ ಮಾಡಿದರು. ಆ ಘಟನೆ ನಡೆದು ಸುಮಾರು 50 ವರ್ಷಗಳಾಗುವ ಮುನ್ನವೇ, ಪ್ರಸ್ತುತ 5 ಶತಕೋಟಿಗೂ ಹೆಚ್ಚು ಜನರು ಮೊಬೈಲ್ ಸೇವೆಗಳಿಗೆ ಸಂಪರ್ಕ ಹೊಂದಿದ್ದಾರೆ ಮತ್ತು ಅರ್ಧಕ್ಕಿಂತ ಹೆಚ್ಚು ಜನರು ಸ್ಮಾರ್ಟ್‌ಫೋನ್‌ ಬಳಕೆದಾರರಾಗಿದ್ದಾರೆ. ಅಂತರ್ಜಾಲ ಪ್ರವೇಶವು ವಿಶ್ವಾದ್ಯಂತ ಸುಧಾರಿಸುತ್ತಲೇ ಇದ್ದರೂ, ಅಭಿವೃದ್ಧಿ ಹೊಂದಿದ ದೇಶಗಳಲ್ಲೇ ಸ್ಮಾರ್ಟ್‌ಫೋನ್ ಬಳಕೆದಾರರ ಅತ್ಯಧಿಕ ಪಾಲನ್ನು ಹೊಂದಿವೆ. ದಕ್ಷಿಣ ಕೊರಿಯಾದಲ್ಲಿ (South Korea) 95% ವಯಸ್ಕರು ಸ್ಮಾರ್ಟ್ ಫೋನ್ ಹೊಂದಿದ್ದು, ಮತ್ತು 5% ಜನರು ಸಾಮಾನ್ಯ ಮೊಬೈಲ್ ಫೋನ್ ಹೊಂದಿದ್ದಾರೆ. ಇದಕ್ಕೆ ವ್ಯತಿರಿಕ್ತವಾಗಿ ಭಾರತದ 75% ವಯಸ್ಕರ ಬಳಿ ಸ್ಮಾರ್ಟ್‌ಫೋನ್‌ ಇಲ್ಲ, ಆದರೂ 40% ಜನರು ಮೊಬೈಲ್ ಫೋನ್ ಅನ್ನು ಹೊಂದಿದ್ದಾರೆ ಎಂದು ವಿಶ್ವ ಆರ್ಥಿಕ ವೇದಿಕೆಯ ವೆಬ್‌ಸೈಟ್‌ ವರದಿ ಮಾಡಿದೆ.


ಡಿಜಿಟಲ್ ವಿಭಜನೆ (The digital divide)


ಸ್ಮಾರ್ಟ್‌ಫೋನ್‌ ಕೊಂಡುಕೊಳ್ಳುವವರ ಪೈಕಿ ದಕ್ಷಿಣ ಕೊರಿಯಾ ವಿಶ್ವದ ಅಗ್ರಗಣ್ಯ ರಾಷ್ಟ್ರವಾಗಿದೆ. 100% ವಯಸ್ಕ ಜನಸಂಖ್ಯೆಯು ಮೊಬೈಲ್ ಫೋನ್ ಹೊಂದಿರುವ ಏಕೈಕ ದೇಶ ಇದಾಗಿದೆ. ಈ ಪೈಕಿ ಶೇ. 95ರಷ್ಟು ಜನರು ಸ್ಮಾರ್ಟ್‌ಫೋನ್‌ ಹೊಂದಿದ್ದರೆ ಉಳಿದ ಶೇ. 5ರಷ್ಟು ವಯಸ್ಕರು ಸಾಮಾನ್ಯ ಮೊಬೈಲ್‌ ಫೋನ್‌ ಹೊಂದಿದ್ದಾರೆ.


ಇನ್ನು, ಇಸ್ರೇಲ್, ನೆದರ್‌ಲ್ಯಾಂಡ್ಸ್ ಮತ್ತು ಸ್ವೀಡನ್‌ನಲ್ಲೂ ಇದೇ ರೀತಿಯ ಚಿತ್ರಣವಿದೆ. ಈ ದೇಶಗಳ 85%ಕ್ಕಿಂತ ಹೆಚ್ಚು ವಯಸ್ಕರು ಸ್ಮಾರ್ಟ್‌ಫೋನ್‌ಗಳನ್ನು ಹೊಂದಿದ್ದಾರೆ ಮತ್ತು ಕೇವಲ 2% ಜನತೆ ಮಾತ್ರ ಯಾವುದೇ ಮೊಬೈಲ್ ಫೋನ್ ಹೊಂದಿಲ್ಲ ಎಂದು ವರ್ಲ್ಡ್‌ ಎಕಾನಮಿಕ್‌ ಫೋರಂ ವರದಿ ತಿಳಿಸುತ್ತದೆ. ಇದೇ ರೀತಿ, ಆಸ್ಟ್ರೇಲಿಯಾ, ಅಮೆರಿಕ ಹಾಗೂ ಸ್ಪೇನ್‌ನಲ್ಲಿ ಶೇ. 80 ಹಾಗೂ ಅದಕ್ಕಿಂತ ಹೆಚ್ಚು ಮಂದಿ ಸ್ಮಾರ್ಟ್‌ಫೋನ್‌ ಹೊಂದಿದ್ದರೆ, ಆಸ್ಟ್ರೇಲಿಯಾ ಹಾಗೂ ಯುಎಸ್‌ನ ಶೇ. 6ರಷ್ಟು ಜನರು ಯಾವ ಫೋನನ್ನೂ ಹೊಂದಿಲ್ಲ. ಇನ್ನೊಂದೆಡೆ, ಸ್ಪೇನ್‌ನ ಶೇ. 2ರಷ್ಟು ಜನತೆ ಮೊಬೈಲ್‌ ಫೋನನ್ನು ಹೊಂದಿಲ್ಲ.


ಇನ್ನೊಂದೆಡೆ, ಜರ್ಮನಿ, ಯುಕೆ, ಫ್ರಾನ್ಸ್‌, ಇಟಲಿ ದೇಶಗಳ ಶೇ.78, ಶೇ.76, ಶೇ.75 ಹಾಗೂ ಶೇ.71 ಜನರು ಕ್ರಮವಾಗಿ ಸ್ಮಾರ್ಟ್‌ಫೋನ್‌ ಹೊಂದಿದ್ದರೆ, ಶೇ. 16, ಶೇ. 19, ಶೇ. 19 ಹಾಗೂ ಶೇ.20ರಷ್ಟು ಜನರು ಕ್ರಮವಾಗಿ ಸಾಮಾನ್ಯ ಮೊಬೈಲ್ ಫೋನ್ ಬಳಸುತ್ತಾರೆ.




Image: Pew Research Center


ಇದನ್ನು ಓದಿ- Realme GT Neo 2: ಮ್ಯಾಕ್ರೋ ಫೋಟೋಗ್ರಫಿಗೆ ಹೇಳಿ ಮಾಡಿಸಿದಂತಿದೆ! ಸದ್ಯದಲ್ಲೇ ಮಾರುಕಟ್ಟೆಗೆ ರಿಯಲ್​ಮಿ ನೂತನ ಸ್ಮಾರ್ಟ್​ಫೋನ್

ಪೋಲೆಂಡ್ ಮತ್ತು ರಷ್ಯಾದಲ್ಲಿ, 30% ಮತ್ತು 34% ವಯಸ್ಕರು ಸಾಮಾನ್ಯ ಮೊಬೈಲ್ ಫೋನ್ ಬಳಸಿದರೆ, ಸ್ಮಾರ್ಟ್‌ಫೋನ್‌ ಮಾಲೀಕತ್ವದ ದರ ಕ್ರಮವಾಗಿ 63% ಮತ್ತು 59% ಎಂದೂ ಈ ವರದಿ ಹೇಳುತ್ತದೆ. ಆದರೆ ಕೆನಡಾದಲ್ಲಿ ಜನಸಂಖ್ಯೆಯ ಕಾಲು ಭಾಗದಷ್ಟು ಜನರು ಮೊಬೈಲ್ ಫೋನ್ ಅನ್ನೇ ಹೊಂದಿಲ್ಲ. ಈ ಹಿನ್ನೆಲೆ, ಮುಂದುವರಿದ ದೇಶಗಳಲ್ಲಿ ಇದು ಒಂದು ಗಮನಾರ್ಹವಾದ ಅಪವಾದವಾಗಿದೆ. ಇನ್ನು, ಅಂತರ್‌ನಿರ್ಮಿತ ಪ್ರದೇಶಗಳಲ್ಲಿ ಹೆಚ್ಚಿನ ಸ್ಮಾರ್ಟ್‌ಫೋನ್ ಬಳಕೆಯಾಗುತ್ತಿದ್ದರೂ, ಕೆಲ ರಿಮೋಟ್‌ ಪ್ರದೇಶಗಳಲ್ಲಿ ಕಡಿಮೆ ನೆಟ್‌ವರ್ಕ್‌ ಅಥವಾ ನೆಟ್‌ವರ್ಕ್ ಇಲ್ಲದೆ ಪರದಾಡಬೇಕಾಗುತ್ತದೆ.


ಜಪಾನ್‌ನಲ್ಲೂ ಆಶ್ಚರ್ಯಕರವಾಗಿ, ಹೈಟೆಕ್ ಗ್ಯಾಜೆಟ್‌ಗಳೊಂದಿಗೆ ದೇಶದ ಗೀಳನ್ನು ಗಮನಿಸಿದರೆ-66%ನಷ್ಟು ಕಡಿಮೆ ಜನರು ಮಾತ್ರ ಸ್ಮಾರ್ಟ್‌ಫೋನ್ ಮಾಲೀಕತ್ವವನ್ನು ಹೊಂದಿದ್ದಾರೆ.


ಬಡ ಸಮುದಾಯಗಳನ್ನು ಹೆಚ್ಚಾಗಿ ತಲುಪದ ಸ್ಮಾರ್ಟ್‌ಫೋನ್!


ಸ್ಮಾರ್ಟ್‌ಫೋನ್‌ಗಳು ಇನ್ನೂ ಬಡ ಸಮುದಾಯಗಳನ್ನು ತಲುಪಲು ಸಾಧ್ಯವಾಗದಿದ್ದರೂ, ಹೆಚ್ಚುತ್ತಿರುವ ಜೀವನ ಮಟ್ಟಗಳು ಅಭಿವೃದ್ಧಿ ಹೊಂದುತ್ತಿರುವ ಪ್ರಪಂಚದಾದ್ಯಂತ ಬೃಹತ್ ಹೊಸ ಮೊಬೈಲ್ ಮಾರುಕಟ್ಟೆಗಳನ್ನು ಸೃಷ್ಟಿಸುತ್ತಿವೆ. ಚೀನಾ ಮತ್ತು ಭಾರತ ಈಗ ಯುಎಸ್‌ಗಿಂತ ದೊಡ್ಡ ಸ್ಮಾರ್ಟ್‌ಫೋನ್ ಮಾರುಕಟ್ಟೆಗಳನ್ನು ಹೊಂದಿದ್ದು, ಮತ್ತು ಇಂಡೋನೇಷ್ಯಾ ಹಾಗೂ ಬ್ರೆಜಿಲ್‌ ದೇಶಗಳು ಕೂಡ ವೇಗವಾಗಿ ಬೆಳೆಯುತ್ತಿವೆ.


ಆದರೆ ಈ ಲಾಭಗಳನ್ನು ಅಸಮಾನವಾಗಿ ವಿತರಿಸಲಾಗಿದೆ. ಮುಂದುವರಿದ ಮತ್ತು ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳಲ್ಲಿ, ಕಿರಿಯ ವಯಸ್ಕ (35ಕ್ಕಿಂತ ಕಡಿಮೆ), ಹೆಚ್ಚಿನ ಆದಾಯ ಹೊಂದಿರುವ ವಿದ್ಯಾವಂತರು  ಸ್ಮಾರ್ಟ್‌ಫೋನ್ ಹೊಂದಿರುವ ಸಾಧ್ಯತೆಯಿದೆ ಎಂದು ಪ್ಯೂ ಸಂಶೋಧನೆ ತೋರಿಸುತ್ತದೆ.

Image: Statista


ಇದನ್ನು ಓದಿ- Job alert 2021: ಕೆಲಸ ಖಾಲಿ ಇದೆ! ಆಲೂಗಡ್ಡೆ ಸವಿದರೆ 50 ಸಾವಿರ ರೂ ಸಂಬಳ!

ಶಿಕ್ಷಣಕ್ಕೆ ಸೀಮಿತ ಪ್ರವೇಶ ಹೊಂದಿರುವ ಉದಯೋನ್ಮುಖ ಆರ್ಥಿಕತೆಗಳಲ್ಲಿ, ಆ ಅಂತರವು ಇನ್ನಷ್ಟು ವಿಸ್ತಾರವಾಗುತ್ತದೆ. ಉದಾಹರಣೆಗೆ, ನೈಜೀರಿಯಾದಲ್ಲಿ 58% ಪ್ರೌಢ ಶಿಕ್ಷಣ ಹೊಂದಿರುವ ವಯಸ್ಕರು ಸಾಮಾಜಿಕ ಮಾಧ್ಯಮವನ್ನು ಬಳಸುತ್ತಾರೆ, ಆದರೆ, ಕಡಿಮೆ ಶಿಕ್ಷಣ ಹೊಂದಿರುವವರಲ್ಲಿ ಕೇವಲ 10%ರಷ್ಟು ವಯಸ್ಕರು ಮಾತ್ರ ಸಾಮಾಜಿಕ ಮಾಧ್ಯಮ ಬಳಕೆ ಮಾಡುತ್ತಾರೆ ಎಂದೂ ವಿಶ್ವ ಆರ್ಥಿಕ ವೇದಿಕೆಯ ವೆಬ್‌ಸೈಟ್‌ ವರದಿ ಹೇಳುತ್ತದೆ.

First published: