ಆ್ಯಂಡ್ರಾಯ್ಡ್​ ಬಳಕೆದಾರರೇ ಎಚ್ಚರ! ಈ ಮಾಲ್ವೇರ್​ ನಿಮ್ಮ ಸ್ಮಾರ್ಟ್​ಫೋನ್​ ಪ್ರವೇಶಿಸಬಹುದು!

ಜಿಮ್​ಪೆರಿಯಂ ಝೆಡ್​ಲ್ಯಾಬ್ (Zimperium zLabs) ಸಂಶೋಧಕರು ಆ್ಯಂಡ್ರಾಯ್ಡ್ ಸ್ಮಾರ್ಟ್​ಫೋನ್​ಗಳಲ್ಲಿ ಕಾಣಿಸಿಕೊಂಡ ಮಾಸ್ಕ್ವೆರೇಡಿಂಗ್​ (masquerading) ಎಂಬ  ಹೊಸ ​ ಮಾಲ್ವೇರ್  ಅನ್ನು ಸಂಶೋಧನೆ ಮೂಲಕ ಪತ್ತೆಹಚ್ಚಿದ್ದಾರೆ. ಇದು ಆ್ಯಂಡ್ರಾಯ್ಡ್​ ಸ್ಮಾರ್ಟ್​ಫೋನ್​ ಉಳ್ಳವರಿಗೆ ಅಪ್​ಡೇಟ್​ ಮಾಡುವಂತೆ ಸೂಚನೆ ನೀಡುತ್ತದೆ. ಅದರ ಮೂಲಕ ಮಾಲ್ವೇರ್​ ಸ್ಮಾರ್ಟ್​ಫೋನ್​ ಪ್ರವೇಶಿಸಲಿದೆ ಎಂದು ತಿಳಿಸಿದ್ದಾರೆ.

ಸಂಶೋಧಕರು ತಿಳಿಸಿದಂತೆ ಮಾಸ್ಕ್ವೆರೇಡಿಂಗ್​ ಮಾಲ್ವೇರ್​ ಆ್ಯಂಡ್ರಾಯ್ಡ್​ ಬಳಕೆದಾರರ ಮೆಸೇಜ್​, ಫೋಟೋ, ಸಂಪರ್ಕ ಕದಿಯುತ್ತದೆ. ಜೊತೆಗೆ ಸ್ಮಾರ್ಟ್​ಫೋನನ್ನು ಸಂಪೂರ್ಣ ನಿಯಂತ್ರಣಕ್ಕೆ ತೆಗೆದುಕೊಳ್ಳುವ ಸಾಮರ್ಥ್ಯ ಹೊಂದಿದೆ ಎಂದು ತಿಳಿಸಿದ್ದಾರೆ. ಒಂದು ಬಾರಿ ಮಾಲ್ವೇರ್​ ದಾಳಿ ನಡೆಸಿದ ನಂತರ ಹ್ಯಾಕರ್​ಗಳು ದೂರದಿಂದಲೇ ಹಿಡಿತ ಸಾಧಿಸುತ್ತಾರೆ ಎಂದು ತಿಳಿಸಿದ್ದಾರೆ.

ಜಿಮ್​ಪೆ​​ಪೀರಿಯಂ ಸಿಇಒ ಶ್ರೀಧರ್​ ಮಿತ್ತಲ್​​  ಮಾತನಾಡಿ, ‘ಮಾಸ್ಕ್ವೆರೇಡಿಂಗ್​ ಮಾಲ್ವೇರ್​ ಉದ್ದೇಶಿತವಾಗಿ ದಾಳಿ ಮಾಡುತ್ತದೆ. ಇದು ನಾವು ನೋಡಿದ ಅತ್ಯಂತ ಅತ್ಯಾಧುನಿಕ ಮಾಲ್ವೇರ್​ ಆಗಿ ಕಂಡಿದೆ. ಈ ಅಪ್ಲಿಕೇಶನ್​ ಸಿದ್ಧಪಡಿಸಲು ಸಾಕಷ್ಟು ಸಮಯ ತೆಗೆದುಕೊಂಡಿದ್ದಾರೆ ಎಂದು ಕಾಣುತ್ತದೆ. ಸಾಧ್ಯವಾದಷ್ಟು ಬೇಗ ಈ ಮಾಲ್ವೇರ್​ ಅನ್ನು ಹುಡುಕಲು ನಾನು ಪ್ರಯತ್ನ ಮಾಡುತ್ತೇವೆ’ ಎಂದು ಹೇಳಿದರು.

ಮಾಸ್ಕ್ವೆರೇಡಿಂಗ್​ ಮಾಲ್ವೇರ್​ ಥರ್ಟ್​ ಪಾರ್ಟಿ ಸ್ಟೋರ್​ ಮೂಲಕ ಕಾರ್ಯನಿರ್ವಹಿಸುತ್ತಿದೆ. ನಂತರ ಪೈರ್​ಬ್ರೌಸರ್​ ಸರ್ವೇರ್​ನೋಮಂಗೆ ಸಂವಹನ ನಡೆಸುತ್ತಾ ದೂರದಿಂದಲೇ ನಿಯಂತ್ರಿಸಲು ಮುಂದಾಗುತ್ತದೆ ಎಂದು ಸಂಶೋಧನೆ ಮೂಲಕ ಪತ್ತೆಹಚ್ಚಿದ್ದಾರೆ.

ಮಾಲ್ವೇರ್​​ ಪಡೆದ ಡೇಟಾವನ್ನು ನಂತರ ಹಲವಾರು ಫೋಲ್ಡರ್​ಗಳನ್ನಾಗಿ ಮಾಡಿ ಸ್ಟೋರ್​ ಮಾಡುತ್ತಾರೆ. ಅಷ್ಟು ಮಾತ್ರವಲ್ಲದೆ, ಗೂಗಲ್​ ಕ್ರೋಮ್​, ಮೊಜಿಲ್ಲ ಫೈರ್​ಫಾಕ್ಸ್​ ಸ್ಯಾಮ್​ಸಂಗ್​ ಇಂಟರ್​ನೆಟ್​ ಬ್ರೌಸರ್​ನ ಬುಕ್​​ಮಾರ್ಕ್​ನಲ್ಲಿದ್ದ ಮತ್ತು ಹಿಸ್ಟರಿಯಲ್ಲಿದ್ದ ಖಾಸಗಿ ಡೇಟಾವನ್ನು ಬಯಸುತ್ತದೆ ಎಂದು ತಿಳಿದುಬಂದಿದೆ.

ಬಳಕೆದಾರರು ಈ ದೋಷಪೂರಿತ ಮಾಲ್ವೇರ್​ ತೊಂದರೆ ಸಿಲುಕಬಾರದೆಂದಾದರೆ ಮೊದಲಿಗೆ ಗೂಗಲ್​ ಪ್ಲೇ ಸ್ಟೋರ್​ ಹೊರತುಪಡಿಸಿ ಬೇರೆ ಸ್ಟೋರ್​ಗಳಿಂದ ಅಥವಾ ಥರ್ಟ್​ ಪಾರ್ಟಿಗಳಿಂದ ಆ್ಯಪ್​ ಡೌನ್​ಲೋಡ್​ ಮಾಡಿ ಬಳಸುವುದನ್ನು ನಿಲ್ಲಿಸಬೇಕು. ಜೊತೆಗೆ ಅಂತಹ ಥರ್ಡ್​ ಪಾರ್ಟಿ ಆ್ಯಪ್​ಗಳನ್ನು ಅಪ್​ಡೇಟ್​ ಮಾಡಬಾರದು ಎಂದು ತಿಳಿಸಿದ್ದಾರೆ.