• Home
  • »
  • News
  • »
  • tech
  • »
  • Nokia C12: ನೋಕಿಯಾ ಕಂಪೆನಿಯ ಅತ್ಯಾಕರ್ಷಕ ಹೊಸ ಸ್ಮಾರ್ಟ್​​ಫೋನ್ ಲಾಂಚ್! ಫೀಚರ್ಸ್​, ಬೆಲೆ ಬಗ್ಗೆ ಮಾಹಿತಿ ಇಲ್ಲಿದೆ

Nokia C12: ನೋಕಿಯಾ ಕಂಪೆನಿಯ ಅತ್ಯಾಕರ್ಷಕ ಹೊಸ ಸ್ಮಾರ್ಟ್​​ಫೋನ್ ಲಾಂಚ್! ಫೀಚರ್ಸ್​, ಬೆಲೆ ಬಗ್ಗೆ ಮಾಹಿತಿ ಇಲ್ಲಿದೆ

ನೋಕಿಯಾ ಸಿ12 ಸ್ಮಾರ್ಟ್​​ಫೋನ್

ನೋಕಿಯಾ ಸಿ12 ಸ್ಮಾರ್ಟ್​​ಫೋನ್

ನೋಕಿಯಾ ಸಿ12 ಸ್ಮಾರ್ಟ್​​ಫೋನ್​ ಭಾರತದ ಮಾರುಕಟ್ಟೆಯ ಬಿಡುಗಡೆಯಾಗಿದೆ. ನೋಕಿಯಾ ಕಂಪೆನಿಯಿಂದ ಬಿಡುಗಡೆಯಾದ ಈ ಬಾರಿಯ ಮೊದಲ ಸ್ಮಾರ್ಟ್​​ಫೋನ್ ಇದಾಗಿದ್ದು, ಬಹಳಷ್ಟು ಫೀಚರ್ಸ್​​ಗಳನ್ನು ಇದು ಒಳಗೊಂಡಿದೆ. 

  • Share this:

    ಮೊಬೈಲ್​ ಮಾರುಕಟ್ಟೆಯಲ್ಲಿ (Mobile Market) ಎಂದಿಗೂ ನೆನಪಿನಲ್ಲಿ ಬರುವಂತಹ ಕಂಪೆನಿಯೆಂದರೆ ಅದು ನೋಕಿಯಾ (Nokia Company). ಈ ಕಂಪೆನಿ ಭಾರೀ ಹಿಂದಿನ ಕಾಲದಿಂದಲೂ ಜನಪ್ರಿಯತೆಯನ್ನು ಪಡೆಯುತ್ತಾ ಬಂದಿದೆ. ಈ ಕಂಪೆನಿ ಮೊದಲು ಫೀಚರ್​ ಫೋನ್​ಗಳನ್ನು (Feature Phones) ಬಿಡುಗಡೆ ಮಾಡುವ ಮೂಲಕ ಗ್ರಾಹಕರ ಕಣ್ಮನ ಸೆಳೆದಿತ್ತು. ಅದೂ ಕೂಡ ಆ ಸಂದರ್ಭದಲ್ಲಿ ವಿಧ ವಿಧವಾದ ಶೈಲಿಯಲ್ಲಿ ಫೀಚರ್​ ಫೋನ್ಗ್ ಅನ್ನು ಬಿಡುಗಡೆ ಮಾಡಿದೆ. ಸದ್ಯ  ಈ ಕಂಪೆನಿ ಮಾರುಕಟ್ಟೆಗೆ ಹೊಸ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುತ್ತಿದ್ದು, ಇದೀಗ ಈ ಕಂಪೆನಿಯಿಂದ ನೋಕಿಯಾ ಸಿ12 (Noika C12 Smartphone) ಎಂಬ ಸ್ಮಾರ್ಟ್​ಫೋನ್​ ಅನ್ನು ಲಾಂಚ್​ ಮಾಡಿದೆ.


    ನೋಕಿಯಾ ಸಿ12 ಸ್ಮಾರ್ಟ್​​ಫೋನ್​ ಭಾರತದ ಮಾರುಕಟ್ಟೆಯ ಬಿಡುಗಡೆಯಾಗಿದೆ. ನೋಕಿಯಾ ಕಂಪೆನಿಯಿಂದ ಬಿಡುಗಡೆಯಾದ ಈ ಬಾರಿಯ ಮೊದಲ ಸ್ಮಾರ್ಟ್​​ಫೋನ್ ಇದಾಗಿದ್ದು, ಬಹಳಷ್ಟು ಫೀಚರ್ಸ್​​ಗಳನ್ನು ಇದು ಒಳಗೊಂಡಿದೆ.


    ನೋಕಿಯಾ ಸಿ12 ಸ್ಮಾರ್ಟ್​​ಫೋನ್ ಫೀಚರ್ಸ್


    ನೋಕಿಯಾ ಸಿ12 ಸ್ಮಾರ್ಟ್​​ಫೋನ್ 6.3 ಇಂಚಿನ ಹೆಚ್​ಡಿ+ ಡಿಸ್‌ಪ್ಲೇ ಅನ್ನು ಹೊಂದಿದ್ದು, 20:9 ರ ಆಕಾರ ಅನುಪಾತವನ್ನು ಇದು ಪಡೆದಿದೆ. ಹಾಗೆಯೇ ಈ ಫೋನ್‌ 720 × 1600 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಸಾಮರ್ಥ್ಯವನ್ನು ಪಡೆದಿದೆ. ಇದು ಈ ಸ್ಮಾರ್ಟ್‌ಫೋನ್ ಆಕ್ಟಾ ಕೋರ್ ಯುನಿ ಎಸ್​ಓಸಿ SC9863A ಪ್ರೊಸೆಸರ್‌ ನಿಂದ ರನ್​ ಆಗುತ್ತದೆ.




    ಕ್ಯಾಮೆರಾ ಫೀಚರ್ಸ್


    ನೋಕಿಯಾ ಸಿ12 ಸ್ಮಾರ್ಟ್‌ಫೋನ್‌ ಸಿಂಗಲ್‌ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಇದರಲ್ಲಿ ಮುಖ್ಯ ಪ್ರಾಥಮಿಕ ಕ್ಯಾಮೆರಾವು 8 ಮೆಗಾ ಪಿಕ್ಸಲ್‌ ಸೆನ್ಸಾರ್‌ ನಲ್ಲಿದೆ. ಹಾಗೆಯೇ ಮುಂಭಾಗದಲ್ಲಿ 5 ಮೆಗಾ ಪಿಕ್ಸಲ್ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಹಾಗೆಯೇ ಈ ಸ್ಮಾರ್ಟ್​ಫೋನ್​ನ ಹಿಂಭಾಗದ ಕ್ಯಾಮೆರಾದ ಜೊತೆಗೆ ಎಲ್​ಇಡಿ ಫ್ಲ್ಯಾಶ್‌ ಲೈಟ್ ಅನ್ನು ಸಹ ಆ್ಯಡ್ ಮಾಡಿದ್ದಾರೆ.


    ಬ್ಯಾಟರಿ ಫೀಚರ್ಸ್​


    ನೋಕಿಯಾ ಸಿ12 ಸ್ಮಾರ್ಟ್​ಫೋನ್ 3000 mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​​ ಅನ್ನು ಹೊಂದಿದೆ. ಈ ಬ್ಯಾಟರಿಯು 5W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಒಳಗೊಂಡಿದೆ.


    ನೋಕಿಯಾ ಸಿ12 ಸ್ಮಾರ್ಟ್​​ಫೋನ್


    ಸ್ಟೋರೇಜ್​ ಸಾಮರ್ಥ್ಯ


    ನೋಕಿಯಾ ಸಿ12 ಸ್ಮಾರ್ಟ್‌ಫೋನ್ ಸಿಂಗಲ್‌ ವೇರಿಯಂಟ್‌ ಆಯ್ಕೆ ಪಡೆದಿದ್ದು, 2 ಜಿಬಿ ರ್‍ಯಾಮ್ ಮತ್ತು 64ಜಿಬಿ ಸಾಮರ್ಥ್ಯದಲ್ಲಿದೆ. ಇದನ್ನು ಬಳಕೆದಾರರು ಎಸ್‌ಡಿ ಕಾರ್ಡ್‌ ಮೂಲಕ ಇಂಟರ್ನಲ್ ಸ್ಟೋರೇಜ್​ ಸಾಮರ್ಥ್ಯವನ್ನು 256ಜಿಬಿ ವರೆಗೆ ವಿಸ್ತರಿಸಲು ಅವಕಾಶ ನೀಡಲಾಗಿದೆ. ಇನ್ನು ಈ ಫೋನ್ ಗೂಗಲ್‌ ನ ಆಂಡ್ರಾಯ್ಡ್‌ 12 ಗೋ ಎಡಿಷನ್‌ ವರ್ಷನ್​ನಲ್ಲಿ ಮೊಬೈಲ್ ಆಪರೇಟಿಂಗ್ ಸಿಸ್ಟಮ್‌ನ ಸಪೋರ್ಟ್‌ ಪಡೆದಿದೆ.


    ಕನೆಕ್ಟಿವಿಟಿ ಫೀಚರ್ಸ್​


    ನೋಕಿಯಾ ಸಿ12 ಸ್ಮಾರ್ಟ್‌ಫೋನ್‌ IP52 ರೇಟಿಂಗ್ ಸ್ಲ್ಯಾಶ್‌ ರೆಸಿಸ್ಟೆನ್ಸ್‌ ಸೌಲಭ್ಯ ಪಡೆದುಕೊಂಡಿದೆ. ಇದರ ಜೊತೆಗೆ ಈ ಸ್ಮಾರ್ಟ್​​ಫೋನ್​ ಡ್ಯುಯಲ್ ಸಿಮ್, 4ಜಿ, ವೈಫೈ 802.11 b/g/n, ಬ್ಲೂಟೂತ್ 5.2, ಜಿಪಿಎಸ್‌ ಸೌಲಭ್ಯಗಳನ್ನೆಲ್ಲಾ ಒಳಗೊಂಡಿದೆ. ಹಾಗೆಯೇ ಈ ಫೋನ್‌ ಫೇಸ್‌ ಅನ್‌ಲಾಕ್‌ ಫೀಚರ್​ ಅನ್ನು ಸಹ ಒಳಗೊಂಡಿದೆ.


    ಇದನ್ನೂ ಓದಿ: ಮಾರುಕಟ್ಟೆಗೆ ಲಗ್ಗೆಯಿಡ್ತಿದೆ ಒನ್​ಪ್ಲಸ್​ ಕಂಪೆನಿಯ ಹೊಸ ಸ್ಮಾರ್ಟ್​ಫೋನ್​! ಬೆಲೆ ಎಷ್ಟು?


    ಬೆಲೆ ಮತ್ತು ಲಭ್ಯತೆ


    ನೋಕಿಯಾ ಸಿ12 ಸ್ಮಾರ್ಟ್​​ಫೋನ್ ಡಾರ್ಕ್ ಸಯಾನ್, ಲೈಟ್ ಮಿಂಟ್ ಮತ್ತು ಚಾರ್ಕೋಲ್ ಕಲರ್ ಆಯ್ಕೆಯೊಂದಿಗೆ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿದೆ. ಅಂದಹಾಗೆ ಯುರೋಪ್‌ನಲ್ಲಿ ಈ ಫೋನಿನ ಬೆಲೆಯು € 119 ಅಂದರೆ ಭಾರತದಲ್ಲಿ ಅಂದಾಜು 10,500 ರೂಪಾಯಿಗಳು ಎಂದು ಹೇಳಲಾಗಿದೆ.


    ನೋಕಿಯಾ ಕಂಪೆನಿ ಈ ಹಿಂದೆಯೂ ತನ್ನ ಬ್ರಾಂಡ್​ನ ಸ್ಮಾರ್ಟ್​ಫೋನ್​ ಅನ್ನು ಬಿಡುಗಡೆ ಮಾಡಿದೆ. ಈ ವರ್ಷದಲ್ಲಿ ಬಿಡುಗಡೆಯಾದ ನೋಕಿಯಾದ ಮೊದಲ ಫೋನ್ ಇದಾಗಿದೆ.

    Published by:Prajwal B
    First published: