HOME » NEWS » Tech » ALIBABAS UCWEB BROWSER LAYS OFF INDIA STAFF CLUB FACTORY HALTS PAYMENTS AFTER APP BAN HG

Uc browser: ಭಾರತೀಯ ಉದ್ಯೋಗಿಗಳನ್ನು ಕೆಲಸದಿಂದ ಕಿತ್ತೆಸೆದ ಚೀನಾದ ಯುಸಿ ಬ್ರೌಸರ್​ ಕಂಪನಿ!

Club Factory: ಕ್ಲಬ್​ ಫ್ಯಾಕ್ಟರಿ ಆನ್​ಲೈನ್​ ಇ ಕಾಮರ್ಸ್​ ಮಳಿಗೆಯಾಗಿದ್ದು, ದೇಶದಲ್ಲಿ ಹಲವು ಉತ್ಪನ್ನಗಳನ್ನು ತನ್ನ ವೆಬ್​​ಸೈಟ್​ ಮೂಲಕ ಮಾರಾಟ ಮಾಡುತ್ತಿತ್ತು. ಆದರೀಗ ಕ್ಲಬ್​ ಫ್ಯಾಕ್ಟರಿ ಆ್ಯಪ್​ ನಿಷೇಧವಾದ ಕಾರಣ ದೇಶದಲ್ಲಿನ ವಿವಿಧ ರಿಟೇಲ್​, ಹೋಲ್​ಸೇಲ್​​ ಮಾರಾಟಗಾರರಿಗೆ ಕೊಡಬೇಕಾಗಿದ್ದ ಬಾಕಿ ಮೊತ್ತವನ್ನು ನೀಡದೆ ಸುಮ್ಮನಾಗಿದೆ.

news18-kannada
Updated:July 17, 2020, 6:32 PM IST
Uc browser: ಭಾರತೀಯ ಉದ್ಯೋಗಿಗಳನ್ನು ಕೆಲಸದಿಂದ ಕಿತ್ತೆಸೆದ ಚೀನಾದ ಯುಸಿ ಬ್ರೌಸರ್​ ಕಂಪನಿ!
ಆ್ಯಪ್​​
  • Share this:
ಇತ್ತೀಚೆಗೆ ಕೇಂದ್ರ ಸರ್ಕಾರ ಚೀನಾ ಮೂಲದ 59 ಆ್ಯಪ್​​​ಗಳನ್ನು ಭಾರತದಲ್ಲಿ ಬ್ಯಾನ್​ ಮಾಡಿದೆ. ಆಂತರಿಕ ಮತ್ತು ಬಾಹ್ಯ ಭದ್ರತೆಯ ದೃಷ್ಠಿಯಿಂದ ಭಾರತ ಸರ್ಕಾರ ಈ ಕೆಲಸವನ್ನು ಮಾಡಿದೆ. ಹಾಗಾಗಿ ಭಾರತದಲ್ಲಿ ಜನಪ್ರಿಯತೆಗಳಿಸಿದ್ದ ಚೀನಾ ಮೂಲಕ ಹಲವಾರು ಆ್ಯಪ್​ಗಳ ಮೇಲೆ ನಿಷೇಧ ಹೇರಿದೆ. ಆದರೆ ಇದೀಗ ಚೀನಾದ ಅಲಿಬಾಬ ಒಡೆತನದ ಯುಸಿ ಬ್ರೌಸರ್​​ ಭಾರತ ದೇಶದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದು ಹಾಕಿದೆ.

ಭಾರತೀಯ ಉದ್ಯೋಗಿಗಳಿಗೆ ಅಲಿಬಾಬ ಕಂಪನಿ ಇ-ಮೇಲ್​ ಕಳುಹಿಸಿದ್ದು, ಕೇಂದ್ರ ಸರ್ಕಾರದ ನಿಯಮದಂತೆ ಯುಸಿ ಬ್ರೌಸರ್​ ಆ್ಯಪ್​​ ತನ್ನ ಕಾರ್ಯವನ್ನು ಸ್ಥಗಿತ ಮಾಡಿದೆ. ಹಾಗಾಗಿ ಉದ್ಯೋಗಿಗಳನ್ನು ಕೆಲಸದಿಂದ ತೆಗೆಯಲಾಗುತ್ತಿದೆ ಎಂದು ಹೇಳಿದೆ.

ಭಾರತದಲ್ಲಿ ಅನೇಕ ಉದ್ಯೋಗಿಗಳು ಯುಸಿ ಬ್ರೌಸರ್​ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದರು. ಇದೀಗ ಆ್ಯಪ್​ ನಿಷೇಧವಾದ ಹಿನ್ನಲೆಯಲ್ಲಿ ಕೆಲಸಗಾರರನ್ನು ವಜಾ ಮಾಡಿದೆ.

ಉದ್ಯೋಗಿಗಳಿಗೆ ಪತ್ರ ಬರೆದ ಕ್ಲಬ್​ ಫ್ಯಾಕ್ಟರಿ:

ಕ್ಲಬ್​ ಫ್ಯಾಕ್ಟರಿ ಆನ್​ಲೈನ್​ ಇ ಕಾಮರ್ಸ್​ ಮಳಿಗೆಯಾಗಿದ್ದು, ದೇಶದಲ್ಲಿ ಹಲವು ಉತ್ಪನ್ನಗಳನ್ನು ತನ್ನ ವೆಬ್​​ಸೈಟ್​ ಮೂಲಕ ಮಾರಾಟ ಮಾಡುತ್ತಿತ್ತು. ಆದರೀಗ ಕ್ಲಬ್​ ಫ್ಯಾಕ್ಟರಿ ಆ್ಯಪ್​ ನಿಷೇಧವಾದ ಕಾರಣ ದೇಶದಲ್ಲಿನ ವಿವಿಧ ರಿಟೇಲ್​, ಹೋಲ್​ಸೇಲ್​​ ಮಾರಾಟಗಾರರಿಗೆ ಕೊಡಬೇಕಾಗಿದ್ದ ಬಾಕಿ ಮೊತ್ತವನ್ನು ನೀಡದೆ ಸುಮ್ಮನಾಗಿದೆ.

ಈ ಬಗ್ಗೆ ಭಾರತದಲ್ಲಿನ ಸುಮಾರು 30 ಸಾವಿರ ಮಾರಾಟಗಾರರಿಗೆ ಪತ್ರವನ್ನು ಬರೆದಿದ್ದು,  ದೇಶದಲ್ಲಿ ಕ್ಲಬ್​ ಫ್ಯಾಕ್ಟರಿ ಆ್ಯಪ್​ ಮತ್ತು ವೆಬ್​ಸೈಟ್​​ ಮೇಲಿನ ನಿರ್ಬಂಧ ತೆಗೆಯುವವರೆಗೆ ಯಾವುದೇ ಬಾಕಿ ಪಾವತಿ ಮಾಡುವುದಿಲ್ಲ ಎಂದು ಹೇಳಿದೆ.

ಭಾರತದ ಚೀನಾದ 59 ಆ್ಯಪ್​ಗಳ ಕಿತ್ತೆಸೆದ ನಂತರ ತಂತ್ರಜ್ಞಾನ ದೈತ್ಯ ಗೂಗಲ್​ ತನ್ನ ಪ್ಲೇ ಸ್ಟೋರ್​ನಿಂದ ಚೀನಾದ ಕೆಲವು  ಆ್ಯಪ್​​ಗಳನ್ನು ತೆಗೆದು ಹಾಕಿದೆ. ಬಳಕೆದಾರರ ಡೇಟಾವನ್ನು ಸಂಗ್ರಹಿಸುತ್ತಿದೆ ಎಂಬ ಕಾರಣಕ್ಕೆ ಈ ಕೆಲಸವನ್ನು ಮಾಡಿದೆ.
Published by: Harshith AS
First published: July 17, 2020, 6:28 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories