Amazon Alexa: ಗೂಗಲ್​ ಮ್ಯಾಪ್​ ಮಾತ್ರವಲ್ಲ...ಅಮೆಜಾನ್​ ಅಲೆಕ್ಸಾದಲ್ಲೂ ಕೇಳಿಬರಲಿದೆ ಅಮಿತಾಭ್​ ಬಚ್ಚನ್​ ವಾಯ್ಸ್​​!

ಬಾಲಿವುಡ್​ ಬಿಗ್​ ಬಿ ಅಮಿತಾಭ್​​​​​​ ಬಚ್ಚನ್​​ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಹಿಟ್​ ಸಿನಿಮಾಗಳನ್ನು ನೀಡುವ ಮೂಲಕ ಅಭಿಮಾನಿಗಳ ನೆಚ್ಚಿನ ನಟ ಎನಿಸಿಕೊಂಡಿದ್ದಾರೆ. ಅಮಿತಾಭ್​​ ನಟನೆ ಮಾತ್ರವಲ್ಲದೆ, ಅವರ ಧ್ವನಿ ಕೂಡ ಅಷ್ಟೇ ಜನಪ್ರಿಯ. ಖಾಸಗಿ ಜಾಹೀರಾತು, ಸರ್ಕಾರಿ ಜಾಹೀರಾತು, ಸಿನಿಮಾ ಹೀಗೆ ಅನೇಕ ಸಂಸ್ಥೆಗಳು ಅಮಿತಾಭ್ ಅವರ​​ ಧ್ವನಿಗಾಗಿ ಹಿಂದೆ ಬೀಳುತ್ತಾರೆ. ಕಳೆದ ಜೂನ್​ ತಿಂಗಳಿನಲ್ಲಿ ಟೈಕ್​ ದೈತ್ಯ ಗೂಗಲ್​ ಕೂಡ ಅವರ ಧ್ವನಿಯ ಹಿಂದೆ ಬಿದ್ದಿತ್ತು. ಗೂಗಲ್​​ ಮ್ಯಾಪ್​ನಲ್ಲಿ ಅಮಿತಾಭ್​​ ಧ್ವನಿಯ ಪರಿಚಯಿಸಲು ಮುಂದಾಗಿದೆ. ಅದರಂತೆ ಇದೀಗ ಅಮೆಜಾನ್​ ಅಲೆಕ್ಸಾ ಕೂಡ ಬಿಗ್​ ಬಿ ಧ್ವನಿಯ ಹಿಂದೆ ಬಿದ್ದಿದೆ.

ಹೌದು. ಅಲೆಕ್ಸಾ ಸಂಸ್ಥೆ ಅಮಿತಾಬ್​ ಬಚ್ಚನ್​​ ಅವರೊಂದಿಗೆ ಮಾತುಕತೆ ನಡೆಸಿದ್ದು, ಶೀಘ್ರದಲ್ಲೇ ಅವರ ಧ್ವನಿಯನ್ನು ಅಲೆಕ್ಸಾದಲ್ಲಿ ಅಳವಡಿಸಿಕೊಳ್ಳಲು ಸಿದ್ಧತೆ ಮಾಡಿಕೊಂಡಿದೆ. ಅಮಿತಾಭ್ ಬಚ್ಚನ್​ ಅವರು ಅಲೆಕ್ಸಾ​ಗೆ ಧ್ವನಿ ನೀಡಿದ ಮೊದಲ ಭಾರತಯ ಸೆಲೆಬ್ರಿಟಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಜೋಕ್ಸ್​​, ಹವಾಮಾನ, ಸಲಹೆ. ಶಾಯರಿ (ಉರ್ದು) ಪ್ರೇರಣ ಮಾತುಗಳಿಗಾಗಿ ಅಮಿತಾಭ್​ ಧ್ವನಿಯನ್ನು ಅಲೆಕ್ಸಾ ಬಳಸಿಕೊಂಡಿದೆ. 2021ಕ್ಕೆ ಅಲೆಕ್ಸಾದಲ್ಲಿ ಬಿಗ್​ಬಿ ಧ್ವನಿ ಕೇಳಿಬರಲಿದೆ .

ಈ ಬಗ್ಗೆ ಮೇಲ್​ ಮೂಲಕ ಹೇಳಿಕೆ ನೀಡಿರುವ ಅಮಿತಾಭ್​ ಬಚ್ಚನ್​  ‘ಚಲನಚಿತ್ರ, ಟಿವಿ ಕಾರ್ಯಕ್ರಮ, ಪಾಡ್​ಕಾಸ್ಟ್​​ ಮುಂತಾದವುಗಳಲ್ಲಿ ಧ್ವನಿ ನೀಡಿದ್ದೇನೆ.  ಇದೀಗ ಅಮೆಜಾನ್​ ಅಲೆಕ್ಸಾದಲ್ಲಿ ಧ್ವನಿ ನೀಡುತ್ತಿದ್ದೇನೆ. ಅದನ್ನು ಕೇಳಲು ಉತ್ಸುಕನಾಗಿದ್ದೇನೆ’ ಎಂದಿದ್ದಾರೆ.

ಅಮೆಜಾನ್​ ಇಂಡಿಯಾದಲ್ಲಿ ಕಾರ್ಯನಿರ್ವಹಿಸುವ ಪುನೀರ್ಶ್​ ಕುಮಾರ್​​ ‘ ಬಾಲಿವುಡ್​ನಲ್ಲಿ ಅಮಿತಾಭ್​ ಅವರ ಧ್ವನಿ ಭಾರೀ ಜನಪ್ರಿಯತೆ ಪಡೆದಿದೆ. ಅಲೆಕ್ಸಾ ಅವರ ಧ್ವನಿಯನ್ನು ಬಳಸುವುದರಿಂದ ಗ್ರಾಹಕರಿಗೆ ಆನಂದ ಸಿಗಬಗಲಿದೆ’ ಹೇಳಿದ್ದಾರೆ.

ಅಮೆಜಾನ್​ ಅಲೆಕ್ಸಾಗೆ ನಟ ಸ್ಯಾಮುವೆಲ್​​​ ಎಲ್​​ ಜಾಕ್ಸ್​ಸನ್​ ಮೊದಲ ಧ್ವನಿ ನೀಡಿದ ಸೆಲೆಬ್ರಿಟಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಅದರಂತೆ ಅಮಿತಾಭ್​ ಬಚ್ಚನ್​ ಮೊದಲ ಭಾರತೀಯ ಸೆಲೆಬ್ರಿಟಿ ಅಲೆಕ್ಸಾಗೆ ಧ್ವನಿ ನೀಡಿದ್ದಾರೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.