• Home
  • »
  • News
  • »
  • tech
  • »
  • Tech Tips: ಬೆಡ್ ರೂಂನಲ್ಲಿ ಅಲೆಕ್ಸಾ ಇಟ್ಟಿದೀರಾ? ನಿಮ್ಮ ಖಾಸಗಿ ಮಾತುಗಳೆಲ್ಲಾ ಹೊರಗೆ ಕೇಳ್ತಿದೆ, ಹುಷಾರ್!

Tech Tips: ಬೆಡ್ ರೂಂನಲ್ಲಿ ಅಲೆಕ್ಸಾ ಇಟ್ಟಿದೀರಾ? ನಿಮ್ಮ ಖಾಸಗಿ ಮಾತುಗಳೆಲ್ಲಾ ಹೊರಗೆ ಕೇಳ್ತಿದೆ, ಹುಷಾರ್!

ಅಮೆಜಾನ್​ ಅಲೆಕ್ಸಾ

ಅಮೆಜಾನ್​ ಅಲೆಕ್ಸಾ

ಅಲೆಕ್ಸಾ ಎಂಬುದು ಒಂದು ಧ್ವನಿ ನಿಯಂತ್ರಿಸುವ ಮತ್ತು ಆಲಿಸುವ ಸಾಧನವಾಗಿದ್ದು ಗೂಗಲ್ ಅಸಿಸ್ಟಂಟ್​ನಂತೆಯೇ ಕಾರ್ಯನಿರ್ವಹಿಸುತ್ತದೆ. ಆದರೆ ಇದು ಕೆಲವೊಂದು ಬಾರಿ ಬಳಕೆದಾರರ ಮಾತುಗಳನ್ನು ಗೌಪ್ಯವಾಗಿ ಆಲಿಸುತ್ತದೆ ಎಂಬ ಸುದ್ದಿಯೂ ಹರಿದಾಟುತ್ತಿದೆ. ಆದ್ದರಿಂದ ಅಲೆಕ್ಸಾವನ್ನು ಬಳಸುವಾಗ ತುಂಬಾ ಎಚ್ಚರಿಕೆಯಿಂದಿರಬೇಕು

ಮುಂದೆ ಓದಿ ...
  • Share this:

    ಇತ್ತೀಚೆಗೆ ಟೆಕ್ನಾಲಜಿಗಳು (Technology) ಬಹಳಷ್ಟು ಅಭಿವೃದ್ಧಿಯಾಗಿದೆ. ಇದರಿಂದ ಎಷ್ಟು ಪ್ರಯೋಜನವಾಗುತ್ತಿದೆಯೋ ಅಷ್ಟೇ ದುನಷ್ಪರಿಣಾಮಗಳು ಕೂಡ ಆಗುತ್ತಿದೆ. ಟೆಕ್​ ಕಂಪನಿಗಳು (Tech Company) ದಿನ ಕಳೆದಂತೆ ಹೊಸ ಹೊಸ ಸಾಧನಗಳನ್ನು ಜಗತ್ತಿಗೆ ಪರಿಚಯಿಸುತ್ತಲೇ ಇದ್ದಾರೆ. ಇದೀಗ ಬಹಳ ಮುಂಚೂಣಿಯಲ್ಲಿರುವ ಸಾಧಗಳೆಂದರೆ ಅಮೆಜಾನ್​ ಇಕೋ (Amazon Echo) ಸಾಧನಗಳಂತಾನೇ ಹೇಳ್ಬಹುದು.ಅದ್ರಲ್ಲೂ ನಾವು ಅಮೆಜಾನ್​ನ ಅಲೆಕ್ಸಾವನ್ನು ಹೆಚ್ಚಿನ ಕಡೆಗಳಲ್ಲಿ ನೋಡಬಹುದಾಗಿದೆ. ಯಾವುದೇ ಮ್ಯೂಸಿಕ್​, ಸಿನೆಮಾಗಳನ್ನು ನೋಡಬೇಕಾದರೂ ಈ ಅಲೆಕ್ಸಾ (Alexa) ತುಂಬಾನೇ ಸಹಕಾರಿಯಾಗುತ್ತದೆ. ಈ ಅಲೆಕ್ಸಾ ಮ್ಯೂಸಿಕ್​ ಪ್ಲೇ ಮಾಡಲು, ಅಲಾರಂ, ನ್ಯೂಸ್​, ಹವಾಮಾನ ಅಪ್ಡೇಟ್​​ಗಳನ್ನು ನೀಡುವುದರೆ ಜೊತೆಗೆ ಬಳಕೆದಾರರಿಗೆ ತುಂಬಾನೇ ಸಹಕಾರಿಯಾಗುತ್ತದೆ. ಇದು ನಮ್ಮ ಆದೇಶಗಳಿಗೆ ತಕ್ಕಂತರ ಕಾರ್ಯನಿರ್ವಹಿಸುವಂತಹ ಒಂದು ಸಾಧನ ಅಂತಾನೇ ಹೇಳ್ಬಹುದು.


    ಅಲೆಕ್ಸಾ ಎಂಬುದು ಒಂದು ಧ್ವನಿ ನಿಯಂತ್ರಿಸುವ ಮತ್ತು ಆಲಿಸುವ ಸಾಧನವಾಗಿದ್ದು ಗೂಗಲ್ ಅಸಿಸ್ಟಂಟ್​ನಂತೆಯೇ ಕಾರ್ಯನಿರ್ವಹಿಸುತ್ತದೆ. ಆದರೆ ಇದು ಕೆಲವೊಂದು ಬಾರಿ ಬಳಕೆದಾರರ ಮಾತುಗಳನ್ನು ಗೌಪ್ಯವಾಗಿ ಆಲಿಸುತ್ತದೆ ಎಂಬ ಸುದ್ದಿಯೂ ಹರಿದಾಟುತ್ತಿದೆ. ಆದ್ದರಿಂದ ಅಲೆಕ್ಸಾವನ್ನು ಬಳಸುವಾಗ ತುಂಬಾ ಎಚ್ಚರಿಕೆಯಿಂದಿರಬೇಕು


    ಫಾಕ್ಸ್​ ನ್ಯೂಸ್​​ನ ವರದಿಯ ಪ್ರಕಾರ


    "ಅಲೆಕ್ಸಾವನ್ನು ಖರೀದಿಸುವ ಪ್ರತಿಯೊಬ್ಬರೂ ಅದು ನಿಮ್ಮ ಮಾತುಗಳನ್ನು ಆಗಾಗ ರೆಕಾರ್ಡ್ ಮಾಡುತ್ತಿರಬಹುದು ಎಂಬುದನ್ನು ಅರಿತುಕೊಳ್ಳಬೇಕು, ಆದ್ದರಿಂದ ನೀವು ಎಲ್ಲಿ ಇಡಬೇಕು ಎಂಬುದನ್ನು ಮೊದಲೇ ನಿರ್ಧರಿಸಬೇಕು. ಇದರಿಂದ ನಿಮಗೆ ಯಾವುದೇ ಗೊಂದಲಗಳೂ ಇರುವುದಿಲ್ಲ ಎಂದು ಹೇಳಿದ್ದಾರೆ.


    ಇದನ್ನೂ ಓದಿ: ನೀವು ಐಫೋನ್​ನಲ್ಲಿ ಮೆಸೇಜ್ ಮಾಡ್ತೀರಾ? ಹಾಗಿದ್ರೆ ಈ ಸ್ಟೋರಿ ಓದಲೇ ಬೇಕು!


    ಮಲಗುವ ಕೋಣೆಗಳಲ್ಲಿ ಇಡಬೇಡಿ


    ಅಲೆಕ್ಸಾನಂತಹ ಸಾಧನಗಳನ್ನು ಎಂದಿಗೂ ಮಲಗುವ ರೂಂಗಳಲ್ಲಿ ಅಥವಾ ಬಾತ್​ ರೂಂಗಳಲ್ಲಿ ಇಡಬೇಡಿ ಎಂದು ತಂತ್ರಜ್ಞರು ಬಳಕೆದಾರರಿಗೆ ಸಲಹೆ ನೀಡಿದ್ದಾರೆ. ಏಕೆಂದರೆ ಈ ಅಲೆಕ್ಸಾ ನಿಮಗೆ ಗೊತ್ತಿಲ್ಲದ ಹಾಗೆಯೇ ರೆಕಾರ್ಡಿಂಗ್ ಮಾಡಿಕೊಂಡು ಅಮೆಜಾನ್​ ಸಿಬ್ಬಂದಿಗೆ ಆಲಿಸುವ ಅವಕಾ ಸಿಗುತ್ತದೆ. ಆದ್ದರಿಂದ ನಿಮ್ಮ ಗೌಪ್ಯವಾದ ಮಾಹಿತಿಗಳನ್ನು ನೀವು ಹಚ್ಚಾಗಿ ನಿಮ್ಮ ಮಲಗುವ ಕೋಣೆಗಳಲ್ಲಿ ಮಾತನಾಡುವುದರಿಂದ ನ ಇಮಗೆ ಸೇಫ್ ಆದ ಜಾಗಗಳಲ್ಲಿ ಇರಿಸಿ ಎಂದು ತಂತ್ರಜ್ಞರು ಸಲಹೆ ನೀಡಿದ್ದಾರೆ.


    ಅಮೆಜಾನ್​ ಅಲೆಕ್ಸಾ


    ಅಮೆಜಾನ್​ನ ಈ ಬಗ್ಗೆ ವರದಿ


    ಅಮೆಜಾನ್ ಈ ವರದಿಯನ್ನು ಗಮನಿಸಿ ಈ ರೆಕಾರ್ಡಿಂಗ್ ಅನ್ನು ನಮ್ಮ ಸಾಧನಗಳ ಬೆಳವಣಿಗೆಯನ್ನು ಉದ್ದೇಶಿಸಿ ಆಲಿಸಲಾಗುತ್ತದೆ. ಇದಲ್ಲದೆ ಈ ಆಯ್ಕೆಯನ್ನು ನಮ್ಮ ಸಿಬ್ಬಂದಿಗಳಲ್ಲಿ ಕೆಲವೇ ಕೆಲವು ಜನರಿಗೆ ಮಾತ್ರ ನೀಡಲಾಗಿದೆ. ಆದರೆ ಗ್ರಾಹಕರನ್ನು ಗುರುತಿಸುವಂತಹ ಮಾಹಿತಿಯನ್ನು ಸಂಯೋಜಿಸುವುದಿಲ್ಲ ಎಂದು ಹೇಳಿದೆ. ಈ ಬಗ್ಗೆ ಇಂಡೀ100 ವರದಿ ಮಾಡಿದೆ.


    ಸೆಟ್ಟಿಂಗ್ ಮೂಲಕ ಆಫ್ ಮಾಡಬಹುದು


    ಇನ್ನು ಈ ಅಲೆಕ್ಸಾ ರೆಕಾರ್ಡಿಂಗ್ ಆಯ್ಕೆಯನ್ನು ನೀವು ಮೊಬೈಲ್​ನಲ್ಲಿ ಆ್ಯಪ್ ಅನ್ನು ಡೌನ್​ಲೋಡ್ ಮಾಡುವ ಮೂಲಕ ಸೆಟ್ಟಿಂಗ್​ನಲ್ಲಿ ಆಫ್ ಮಾಡಬಹುದಾಗಿದೆ.


    • ನಿಮ್ಮ ಫೋನ್‌ನಲ್ಲಿ ನೀವು 'ಅಲೆಕ್ಸಾ' ಅಪ್ಲಿಕೇಶನ್ ಅನ್ನು ಓಪನ್ ಮಾಡಬೇಕು.

    • ಅಪ್ಲಿಕೇಶನ್​​ನಲ್ಲಿ 'ಸೆಟ್ಟಿಂಗ್‌' ಗೆ ಹೋಗಿ,

    • ಪ್ರೈವಸಿಯನ್ನು ಸೆಲೆಕ್ಟ್​ ಮಾಡಿ.

    • ನಂತರ ನೀವು ನಿಮ್ಮ ಅಲೆಕ್ಸಾ ಡೇಟಾವನ್ನು ನಿರ್ವಹಿಸಿ ಎಂಬುದರ ಮೇಲೆ ಟ್ಯಾಪ್ ಮಾಡಿ.

    • ಅದರಲ್ಲಿ 'ರೆಕಾರ್ಡಿಂಗ್‌ಗಳನ್ನು ಎಷ್ಟು ಸಮಯ ಉಳಿಸಬೇಕು' ಎಂಬುದರ ಮೇಲೆ ಟ್ಯಾಪ್​​ ಮಾಡಿ

    • ಅಥವಾ 'ರೆಕಾರ್ಡಿಂಗ್‌ಗಳನ್ನು ಉಳಿಸಬೇಡಿ' ಆಯ್ಕೆಮಾಡಿ ನಂತರ 'ದೃಢೀಕರಿಸು' ಎಂಬುದನ್ನು ಸೆಲೆಕ್ಟ್​ ಮಾಡಿ.

    • ಇದಲ್ಲದೆ, 'ಅಲೆಕ್ಸಾವನ್ನು ಸುಧಾರಿಸಲು' ಸಹಾಯ ಮಾಡಲು ನೀವು ಕೆಳಗೆ ಸ್ಕ್ರಾಲ್ ಮಾಡಬಹುದು.

    Published by:Prajwal B
    First published: