Airtel Recharge Plans: ಏರ್​​​ಟೆಲ್​ನ 84 ದಿನಗಳ ವ್ಯಾಲಿಡಿಟಿ ಹೊಂದಿರುವ ರೀಚಾರ್ಜ್ ಪ್ಲ್ಯಾನ್ಸ್​ ಇಲ್ಲಿದೆ! ಆಫರ್ಸ್​ ಹೇಗಿದೆ?

ಭಾರತದ ದೇಶದಲ್ಲಿ ಹಲವಾರು ಟೆಲಿಕಾಂ ಕಂಪೆನಿಗಳಿವೆ (Telecom Companies). ಖಾಸಗಿ ಟೆಲಿಕಾಂ ಕಂಪೆನಿಗಳು ತನ್ನ ಉತ್ತಮ ಸ್ಥಾನವನ್ನು ಗಿಟ್ಟಿಸಿಕೊಳ್ಳುವ ಉದ್ದೇಶದಿಂದ ತನ್ನ ಗ್ರಾಹಕರಿಗಾಗಿ ಅಗ್ಗದ ಬೆಲೆಯ ರೀಚಾರ್ಜ್​​ ಪ್ಲ್ಯಾನ್​ಗಳನ್ನು (Recharge Plans) ಬಿಡುಗಡೆ ಮಾಡುತ್ತಿರುತ್ತಾರೆ. ಟೆಲಿಕಾಂ ಕಂಪೆನಿಗಳಲ್ಲಿ ಭಾರೀ ಮುಂಚೂಣಿಯಲ್ಲಿರುವ ಕಂಪೆನಿಯೆಂದರೆ ಅದು ಜಿಯೋ. ಈ ಕಂಪೆನಿ ಟೆಲಿಕಾಂ ಕಂಪೆನಿಗಳಲ್ಲಿ ಭಾರೀ ಕಡಿಮೆ ಬೆಲೆಯ ಯೋಜನೆಗಳನ್ನು ಬಿಡುಗಡೆ ಮಾಡುವ ಮೂಲಕ ಎಲ್ಲರ ಗಮನಸೆಳೆದಿದೆ. ಜಿಯೋಗೆ ಪ್ರಬಲ ಪೈಪೋಟಿ ನೀಡುತ್ತಾ ಬರುತ್ತಿರುವ ಕಂಪೆನಿಯೆಂದರೆ ಅದು ಏರ್​​​ಟೆಲ್ (Airtel)​. ಈ ಕಂಪೆನಿ ಇದೀಗ ಹೊಸ ರೀಚಾರ್ಜ್​ ಪ್ಲ್ಯಾನ್​ಗಳನ್ನು ಪರಿಚಯಿಸಿದ್ದು, ಕಡಿಮೆ ಬೆಲೆಯಲ್ಲಿ ಉತ್ತಮ ವ್ಯಾಲಿಡಿಟಿ ಅವಧಿಯನ್ನು ಬಯಸುವವರಿಗೆ ಇದು ಉತ್ತಮವಾಗಿದೆ.

ಭಾರತೀಯ ಜನಪ್ರಿಯ ಟೆಲಿಕಾಂ ಕಂಪೆನಿಯಾಗಿರುವ ಏರ್​ಟೆಲ್​ ತನ್ನ ಗ್ರಾಹಕರಿಗಾಗಿ 84 ದಿನಗಳ ವ್ಯಾಲಿಡಿಟಿ ಹೊಂದಿರುವ ರೀಚಾರ್ಜ್​ ಪ್ಲ್ಯಾನ್ ಪರಿಚಯಿಸಿದ್ದು, ಈ ಯೋಜನೆಗಳ ಕಂಪ್ಲೀಟ್​ ಮಾಹಿತಿ ಇಲ್ಲಿದೆ.

ಏರ್​​ಟೆಲ್​ನ 455 ರೂಪಾಯಿಗಳ ರೀಚಾರ್ಜ್​ ಪ್ಲ್ಯಾನ್

ಏರ್​​ಟೆಲ್ ಬಿಡುಗಡೆ ಮಾಡಿದಂತಹ 455 ರೂಪಾಯಿಗಳ ಪ್ಲ್ಯಾನ್‌ ಒಟ್ಟು 84 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿರುತ್ತದೆ. ಈ ಈ ಯೋಜನೆಯಲ್ಲಿ ಅನ್ಲಿಮಿಟೆಡ್ ವಾಯ್ಸ್​ ಕಾಲ್​, ಎಸ್‌ಟಿಡಿ ಮತ್ತು ರೋಮಿಂಗ್ ಕರೆಗಳು, 900 ಎಸ್‌ಎಮ್‌ಎಸ್‌ ಮತ್ತು 6 ಜಿಬಿ ಡೇಟಾವನ್ನು ಪಡೆಯಬಹುದಾಗಿದೆ. ಹಾಗೆಯೇ ವ್ಯಾಲಿಡಿಟಿ ಅವಧಿಯೊಳಗಡೆ ಡೇಟಾ ಖಾಲಿಯಾದರೆ ಪ್ರತಿ ಎಮ್​​ಬಿ ಗೆ 50 ಪೈಸೆ ಶುಲ್ಕ ನೀಡುವ ಮೂಲಕ ಹೆಚ್ಚುವರಿ ಡೇಟಾ ಸೌಲಭ್ಯವನ್ನು ಪಡೆದುಕೊಳ್ಳಬಹುದಾಗಿದೆ.

ಇದರ ಹೊರತಾಗಿ ಈ ಪ್ಲ್ಯಾನ್‌ನಲ್ಲಿ ಗ್ರಾಹಕರು ಮೂರು ತಿಂಗಳವರೆಗೆ ಅಪೋಲೋ 24/ 7 ನ ಹೆಚ್ಚುವರಿ ಪ್ರಯೋಜನವನ್ನೂ ಸಹ ಪಡೆಯಬಹುದು. ಹಾಗೆಯೇಫಾಸ್ಟ್​ಟ್ಯಾಗ್​ನಲ್ಲಿ 100 ರೂಪಾಯಿವರೆಗೆ ಕ್ಯಾಶ್‌ಬ್ಯಾಕ್ ಮತ್ತು ಉಚಿತ ವಿಂಕ್ ಮ್ಯೂಸಿಕ್‌ ಸೌಲಭ್ಯವೂ ಸಿಗಲಿದೆ.

ಏರ್​​ಟೆಲ್​ನ 719 ರೂಪಾಯಿಗಳ ರೀಚಾರ್ಜ್​ ಯೋಜನೆ

ಏರ್​​ಟೆಲ್​ ಕಂಪೆನಿ ತನ್ನ ಗ್ರಾಹಕರಿಗಾಗಿ 719 ರೂಪಾಯಿಯಲ್ಲಿ 84 ದಿನಗಳ ಮಾನ್ಯತೆಯೊಂದಿಗೆ ಹಲವು ಪ್ರಯೋಜನಗಳನ್ನು ನೀಡುವ ಯೋಜನೆಯನ್ನು ಪರಿಚಯಿಸಿದೆ. ಈ ಯೋಜನೆಯಲ್ಲಿ ಓಟಿಟಿ ಸೇವೆ ಹಾಗೂ ಪ್ರತಿದಿನವೂ ಡೇಟಾ ಸೌಲಭ್ಯವನ್ನು ಪಡೆಯಬಹುದು. ಇನ್ನು ಈ ಯೋಜನೆ ಮೂಲಕ ಗ್ರಾಹಕರು ಅನ್ಲಿಮಿಟೆಡ್ ವಾಯ್ಸ್​ ಕಾಲ್​, ಎಸ್‌ಟಿಡಿ ಮತ್ತು ರೋಮಿಂಗ್ ಕರೆ ಉಚಿತವಾಗಿ ಲಭ್ಯವಾಗುತ್ತದೆ. ಇದರಲ್ಲಿ ದಿನಕ್ಕೆ 100 ಎಸ್‌ಎಂಎಸ್ ಹಾಗೂ ದೈನಂದಿನ 1.5 GB ಡೇಟಾ ಸೌಲಭ್ಯ ದೊರೆಯುತ್ತದೆ.

ಏರ್​ಟೆಲ್​ ಟೆಲಿಕಾಂ

ಇನ್ನು ಈ ಯೋಜನೆಯ ಓಟಿಟಿ ಆಫರ್ಸ್​ ಬಗ್ಗೆ ಹೇಳುವುದಾದರೆ, ಇಲ್ಲಿ ಗ್ರಾಹಕರು 3 ತಿಂಗಳವರೆಗೆ ಡಿಸ್ನಿ+ ಹಾಟ್‌ಸ್ಟಾರ್ ಪ್ಲಾಟ್‌ಫಾರ್ಮ್‌ನ ಉಚಿತ ಚಂದಾದಾರಿಕೆ ಸೌಲಭ್ಯವನ್ನು ಪಡೆಯಬಹುದು. ಹಾಗೆಯೇ ರಿವಾರ್ಡ್‌ಮಿನಿ ಚಂದಾದಾರಿಕೆ, ಮೂರು ತಿಂಗಳವರೆಗೆ ಅಪೋಲೋ 24 / 7 ಸೇವೆ, ಫಾಸ್ಟ್ಯಾಗ್‌ನಲ್ಲಿ 100 ರೂಪಾಯಿಗಳ ಕ್ಯಾಶ್‌ಬ್ಯಾಕ್ ಹಾಗೂ ಉಚಿತ ವಿಂಕ್ ಮ್ಯೂಸಿಕ್ ಸೌಲಭ್ಯ ದೊರೆಯುತ್ತದೆ. ಹಾಗೆಯೇ ಏರ್​ಟೆಲ್​ ಥ್ಯಾಂಕ್ಸ್​ ಆ್ಯಪ್ ಅನ್ನು ಬಳಕೆ ಮಾಡಿಕೊಂಡು ರೀಚಾರ್ಜ್ ಮಾಡಿದ್ರೆ 2ಜಿಬಿ ಡೇಟಾ ಉಚಿತವಾಗಿ ಸಿಗುತ್ತದೆ.

ಏರ್​​ಟೆಲ್​ನ 839 ರೂಪಾಯಿಯ ರೀಚಾರ್ಜ್ ಯೋಜನೆ

ಏರ್‌ಟೆಲ್‌ ನ 839 ರೂಪಾಯಿಗಳ ಪ್ರಿಪೇಯ್ಡ್ ರೀಚಾರ್ಜ್ ಪ್ಲ್ಯಾನ್‌ ಒಟ್ಟು 84 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿರುತ್ತದೆ. ಈ ಯೋಜನೆ ಮೂಲಕ ಗ್ರಾಹಕರು ದಿನಕ್ಕೆ 2 ಜಿಬಿ ಡೇಟಾವನ್ನು ಬಳಕೆ ಮಾಡಬಹುದು. ಈ ಡೇಟಾ ಸಂಪೂರ್ಣವಾಗಿ ಮುಗಿದ ನಂತರ ಡೇಟಾ ವೇಗವು 64 Kbps ವರೆಗೆ ಇಳಿಕೆಯಾಗುತ್ತದೆ.

ಇದನ್ನೂ ಓದಿ: ನೆಟ್‌ಫ್ಲಿಕ್ಸ್ ಬಳಕೆದಾರರಿಗೆ ಶಾಕಿಂಗ್, ಇನ್ಮುಂದೆ ನೀವು ಪಾಸ್​ವರ್ಡ್​ ಶೇರ್​ ಮಾಡಲು ಸಾಧ್ಯವಿಲ್ಲ!

ಇನ್ನು ಏರ್‌ಟೆಲ್ ಥ್ಯಾಂಕ್ಸ್ ಆ್ಯಪ್​ ಮೂಲಕ ರೀಚಾರ್ಜ್ ಮಾಡಿದರೆ ಉಚಿತ 2 ಜಿಬಿ ಹೆಚ್ಚುವರಿಯಾಗಿ ಡೇಟಾ ಕೂಪನ್ ಅನ್ನು ಪಡೆಯಬಹುದಾಗಿದೆ. ಈ ಯೋಜನೆಯಲ್ಲಿ ಸಿಗುವಂತಹ ಪ್ರಯೋಜನಗಳು ಎಲ್ಲವೂ ಈ ಹಿಂದೆ ಬಿಡುಗಡೆಯಾಗಿರುವ 719 ರೂಪಾಯಿಗಳ ಪ್ರೀಪೇಯ್ಡ್​ ಪ್ಲ್ಯಾನ್​​ಗಳಂತೆಯೇ ಇದೆ.