• Home
  • »
  • News
  • »
  • tech
  • »
  • Acer Laptops: ಏಸರ್​ ಕಂಪೆನಿಯಿಂದ ಏಕಕಾಲದಲ್ಲಿ 3 ಲ್ಯಾಪ್​ಟಾಪ್​ಗಳ ಅನಾವರಣ! ಬೆಲೆ ಎಷ್ಟು ಗೊತ್ತಾ?

Acer Laptops: ಏಸರ್​ ಕಂಪೆನಿಯಿಂದ ಏಕಕಾಲದಲ್ಲಿ 3 ಲ್ಯಾಪ್​ಟಾಪ್​ಗಳ ಅನಾವರಣ! ಬೆಲೆ ಎಷ್ಟು ಗೊತ್ತಾ?

ಏಸರ್​ ಲ್ಯಾಪ್​ಟಾಪ್ಸ್​

ಏಸರ್​ ಲ್ಯಾಪ್​ಟಾಪ್ಸ್​

ಏಸರ್‌ ಕಂಪೆನಿ ಮೂರು ಹೊಸ ಲ್ಯಾಪ್‌ಟಾಪ್‌ಗಳನ್ನು ಅನಾವರಣಗೊಳಿಸಿದೆ. ಈ ಮೂರು ಲ್ಯಾಪ್‌ಟಾಪ್‌ಗಳು ಯುಎಸ್‌ಬಿ ಟೈಪ್-ಸಿ ಪೋರ್ಟ್, ಹೆಚ್‌ಡಿಎಂಐ 2.1 ಪೋರ್ಟ್‌ಗಳು ಮತ್ತು ವೈ-ಫೈ 6E ಕನೆಕ್ಟಿವಿಟಿಯನ್ನು ಬೆಂಬಲಿಸಲಿವೆ. ಹೀಗೇ ಇನ್ನೂ ಹಲವಾರು ಫೀಚರ್ಸ್ ಅನ್ನು ಇದು ಒಳಗೊಂಡಿದ್ದು ಕಂಪ್ಲೀಟ್ ಮಾಹಿತಿ ಇಲ್ಲಿದೆ.

ಮುಂದೆ ಓದಿ ...
  • News18 Kannada
  • Last Updated :
  • New Delhi, India
  • Share this:

    ಲ್ಯಾಪ್​​ಟಾಪ್​ಗಳು (Laptops) ಇತ್ತೀಚಿನ ಕಾಲಮಾನದಲ್ಲಿ ಭಾರೀ ಅಗತ್ಯವಿರುವ ಸಾಧನವಾಗಿದೆ. ಯಾವುದೇ ಕೆಲಸವನ್ನು ಕ್ಷಣಮಾತ್ರದಲ್ಲಿ ಈ ಲ್ಯಾಪ್​ಟಾಪ್​​ನಂತಹ ಸಾಧನಗಳಲ್ಲಿ ಮಾಡಿ ಮುಗಿಸಬಹುದಾಗಿದೆ. ಲ್ಯಾಪ್​ಟಾಪ್​​ ವಲಯದಲ್ಲಿ ಇತ್ತೀಚೆಗೆ ಹಲವಾರು ಲ್ಯಾಪ್​ಟಾಪ್​ಗಳನ್ನು ಪ್ರಸಿದ್ಧ ಟೆಕ್​ ಕಂಪೆನಿಗಳು ಬಿಡುಗಡೆ ಮಾಡಿದೆ. ಇದೀಗ ಜನಪ್ರಿಯ ಟೆಕ್​ ಕಂಪೆನಿಯಾಗಿರುವ ಏಸರ್ ಕಂಪೆನಿ (Acer Company) ಇದೀಗ ಏಕಕಾಲದಲ್ಲಿ 3 ಲ್ತಾಪ್​ಟಾಪ್​ಗಳನ್ನು ಮಾರುಕಟ್ಟೆಗೆ ಎಂಟ್ರಿ ನೀಡಲು ರೆಡಿಯಾಗಿದೆ. ಏಸರ್​ ಆಸ್ಪೈರ್​ 3 ಸೀರಿಸ್​ನ (Acer Aspire 3 Series) ಲ್ಯಾಪ್​ಟಾಪ್​ಗಳು ಇದಾಗಿದ್ದು, ಬೇರೆ ಬೇರೆ ರೀತಿಯ ಫೀಚರ್ಸ್​ ಅನ್ನು ಇದು ಒಳಗೊಂಡಿದೆ. 


    ಏಸರ್‌ ಕಂಪೆನಿ ಮೂರು ಹೊಸ ಲ್ಯಾಪ್‌ಟಾಪ್‌ಗಳನ್ನು ಅನಾವರಣಗೊಳಿಸಿದೆ. ಈ ಮೂರು ಲ್ಯಾಪ್‌ಟಾಪ್‌ಗಳು ಯುಎಸ್‌ಬಿ ಟೈಪ್-ಸಿ ಪೋರ್ಟ್, ಹೆಚ್‌ಡಿಎಂಐ 2.1 ಪೋರ್ಟ್‌ಗಳು ಮತ್ತು ವೈ-ಫೈ 6E ಕನೆಕ್ಟಿವಿಟಿಯನ್ನು ಬೆಂಬಲಿಸಲಿವೆ. ಹೀಗೇ ಇನ್ನೂ ಹಲವಾರು ಫೀಚರ್ಸ್ ಅನ್ನು ಇದು ಒಳಗೊಂಡಿದ್ದು ಕಂಪ್ಲೀಟ್ ಮಾಹಿತಿ ಇಲ್ಲಿದೆ.


    ಏಸರ್​ ಕಂಪೆನಿ ಬಿಡುಗಡೆ ಮಾಡಿರುವ ಲ್ಯಾಪ್​ಟಾಪ್​ಗಳು ಯಾವುದೆಲ್ಲಾ?


    ಏಸರ್‌ ಕಂಪೆನಿ ಬಿಡುಗಡೆ ಮಾಡಿರುವ ಮೂರು ಲ್ಯಾಪ್‌ಟಾಪ್‌ಗಳಲ್ಲಿ ಏಸರ್‌ ಅಸ್ಪೈರ್‌ 3 (A314-36P) ಲ್ಯಾಪ್‌ಟಾಪ್‌, ಏಸರ್‌ ಆಸ್ಪೈರ್ 3 (A315-510P) ಲ್ಯಾಪ್‌ಟಾಪ್‌ ಮತ್ತು ಏಸರ್ ಆಸ್ಪೈರ್​ 3 (A317-55P) ಎಂದು ಗುರುತಿಸಲಾಗಿದೆ. ಇದು ಬೇರೆ ಬೇರೆ ವೇರಿಯಂಟ್​ಗಳಲಲ್ಲಿ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುತ್ತದೆ.


    ಇದನ್ನೂ ಓದಿ: ಐಫೋನ್ ಅನ್ನೇ ಹೋಲುವ ಹೊಸ ಸ್ಮಾರ್ಟ್​​ಫೋನ್​ ಮಾರುಕಟ್ಟೆಗೆ ಲಗ್ಗೆ! ಹೇಗಿದೆ ಗೊತ್ತಾ ಫೀಚರ್ಸ್?


    ಫೀಚರ್ಸ್​ ಹೇಗಿದೆ?


    ಡಿಸ್​​ಪ್ಲೇ ವಿನ್ಯಾಸ


    ಏಸರ್‌ ಕಂಪೆನಿ ಬಿಡುಗಡೆ ಮಾಡಿರುವ ಮೂರು ಲ್ಯಾಪ್‌ಟಾಪ್‌ಗಳಲ್ಲಿ ಏಸರ್‌ ಅಸ್ಪೈರ್‌ 3 (A314-36P) ಲ್ಯಾಪ್‌ಟಾಪ್‌ ಮತ್ತು ಏಸರ್‌ ಅಸ್ಪೈರ್‌ 3 (A317-55P) 14 ಇಂಚಿನ ಫುಲ್‌ ಹೆಚ್​ಡಿ ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇ 1,920x1,080 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಪಡೆದಿದೆ. ಆದರೆ ಆಸ್ಪೈರ್ 3 (A315-510P) ಲ್ಯಾಪ್‌ಟಾಪ್‌ ಮಾತ್ರ 15.6 ಇಂಚಿನ ಫುಲ್‌ ಹೆಚ್‌ಡಿ ಐಪಿಎಸ್‌ ಡಿಸ್‌ಪ್ಲೇಯನ್ನು ಒಳಗೊಂಡಿರುತ್ತದೆ ಎಂದು ಕಂಪೆನಿ ತಿಳಿಸಿದೆ.


    ಪ್ರೊಸೆಸರ್​ ಸಾಮರ್ಥ್ಯ


    ಇನ್ನು ಈ ಲ್ಯಾಪ್‌ಟಾಪ್‌ಗಳು ಆಕ್ಟಾ-ಕೋರ್ ಇಂಟೆಲ್ ಕೋರ್ i3-N305 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿವೆ. ಇವುಗಳು ಇಂಟೆಲ್ ಯುಹೆಚ್​ಡಿ ಗ್ರಾಫಿಕ್ಸ್ ಕಾರ್ಡ್‌ ಅನ್ನು ಒಳಗೊಂಡಿವೆ. ಹಾಗೆಯೇ 8ಜಿಬಿ ರ್‍ಯಾಮ್ ಮತ್ತು 256ಜಿಬಿ ಇಂಟರ್ನಲ್​ ಸ್ಟೋರೇಜ್‌ ಸಾಮರ್ಥ್ಯವನ್ನು ಪಡೆದಿವೆ. ಇನ್ನುಳಿದಂತೆ ಈ ಲ್ಯಾಪ್‌ಟಾಪ್‌ ಹೆಚ್​​ಡಿ ವೆಬ್‌ಕ್ಯಾಮ್, ಮೈಕ್ರೊಫೋನ್ ಮತ್ತು ಸ್ಟೀರಿಯೋ ಸ್ಪೀಕರ್‌ಗಳನ್ನು ಒಳಗೊಂಡಿದೆ. ವಿಶೇಷವಾಗಿ ಈ ಲ್ಯಾಪ್​ಟಾಪ್​ಗಳು ಟಚ್‌ಪ್ಯಾಡ್ ಮತ್ತು ಸ್ಟ್ಯಾಂಡರ್ಡ್‌ ಕೀಬೋರ್ಡ್ ಅನ್ನು ಸಹ ನೀಡಲಾಗಿದೆ.




    ಬ್ಯಾಟರಿ ಹಾಗೂ ಇತರೆ ಫೀಚರ್ಸ್ 


    ಇದಲ್ಲದೆ ಏಸರ್​ ಕಂಪೆನಿ ಬಿಡುಗಡೆ ಮಾಡಿರುವ ಈ ಮೂರು ಲ್ಯಾಪ್‌ಟಾಪ್‌ಗಳು 45W ವೇಗದ ಚಾರ್ಜಿಂಗ್‌ ಸಾಮರ್ಥ್ಯವನ್ನು ಹೊಂದಿರುವ ಬ್ಯಾಟರಿ ಬ್ಯಾಕಪ್​​ ಅನ್ನು ಹೊಂದಿವೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಎರಡು ಯುಎಸ್​​ಬಿ ಟೈಪ್- ಎ 3.2 ಜೆನ್​ 1 ಪೋರ್ಟ್‌ಗಳು ಮತ್ತು ಯುಎಸ್​ಬಿ ಟೈಪ್ ಸಿ 3.2 ಜೆನ್​ 2 ಪೋರ್ಟ್ ಅನ್ನು ಒಳಗೊಂಡಿವೆ. ಇದಲ್ಲದೆ ಹೆಚ್​​ಡಿಎಮ್​ಐ ಪೋರ್ಟ್, ಹೆಡ್‌ಫೋನ್ ಜ್ಯಾಕ್ ಮತ್ತು ಆಡಿಯೋ ಲೈನ್-ಔಟ್ ಪೋರ್ಟ್ ಅನ್ನು ಕೂಡ ಪಡೆದುಕೊಂಡಿವೆ. ಜೊತೆಗೆ ವೈಫೈ 6ಇ ಮತ್ತು ಬ್ಲೂಟೂತ್ 5.0 ಕನೆಕ್ಟಿವಿಟಿಯನ್ನು ಬೆಂಬಲಿಸಲಿವೆ.


    ಏಸರ್​ ಲ್ಯಾಪ್​ಟಾಪ್ಸ್​


    ಬೆಲೆ ಮತ್ತು ಲಭ್ಯತೆ


    ಏಸರ್‌ ಕಂಪೆನಿಯ ಈ ಮೂರು ಲ್ಯಾಪ್‌ಟಾಪ್‌ಗಳು ಯುಎಸ್​​ ನ ಮಾರುಕಟ್ಟೆಗಳಲ್ಲಿ ಮಾತ್ರ ಅನಾವರಣಗೊಂಡಿದೆ. ಇದರಲ್ಲಿ ಏಸರ್​ A314-36P ಬೆಲೆ $479.99 ಅಂದರೆ ಭಾರತದಲ್ಲಿ ಅಂದಾಜು 39,000ರೂಪಾಯಿ  ಹೊಂದಿದೆ. ಇದಲ್ಲದೆ A315-510P ಬೆಲೆ $499.99 ಅಂದರೆ ಭಾರತದಲ್ಲಿ ಸುಮಾರು 41,000ರೂಪಾಯಿ ಆಗಿರುತ್ತದೆ. ಇನ್ನು ಏಸರ್​ A317-55P ಲ್ಯಾಪ್​ಟಾಪ್​ ಇನ್ನೂ ಮಾರುಕಟ್ಟೆಯಲ್ಲಿ ಬಿಡುಗಡಯಾಗಬೇಕಿರುವುದರಿಂದ ಇದರ ಬೆಲೆ ಬಗ್ಗೆ ಮಾಹಿತಿ ಬಹಿರಂಗವಾಗಿಲ್ಲ.

    Published by:Prajwal B
    First published: