• Home
  • »
  • News
  • »
  • tech
  • »
  • Boult Rover Smartwatch: ಮಾರುಕಟ್ಟೆಗೆ ಲಗ್ಗೆಯಿಡುತ್ತಿದೆ ಹೊಸ ಸ್ಮಾರ್ಟ್​ವಾಚ್​! ಫೀಚರ್ಸ್​ ನೋಡಿದ್ರೆ ಗ್ಯಾರಂಟಿ ತಗೊಳ್ತೀರಾ

Boult Rover Smartwatch: ಮಾರುಕಟ್ಟೆಗೆ ಲಗ್ಗೆಯಿಡುತ್ತಿದೆ ಹೊಸ ಸ್ಮಾರ್ಟ್​ವಾಚ್​! ಫೀಚರ್ಸ್​ ನೋಡಿದ್ರೆ ಗ್ಯಾರಂಟಿ ತಗೊಳ್ತೀರಾ

ಬೌಲ್ಟ್​ ರೋವರ್ ಸ್ಮಾರ್ಟ್​ವಾಚ್

ಬೌಲ್ಟ್​ ರೋವರ್ ಸ್ಮಾರ್ಟ್​ವಾಚ್

ಹೌದು, ಸ್ಮಾರ್ಟ್​ವಾಚ್​ ಕಂಪನಿಗಳಲ್ಲಿ ಮುಂಚೂಣಿಯಲ್ಲಿರುವ ಕಂಪನಿಯೆಂದರೆ ಅದು ಬೌಲ್ಟ್​. ಇದೀಗ ಈ ಕಂಪನಿ ಬೌಲ್ಟ್​ ರೋವರ್​ ಸ್ಮಾರ್ಟ್​ವಾಚ್ ಅನ್ನು ಬಿಡುಗಡೆ ಮಾಡಿದೆ. ಇದು ವಾಟರ್​ ಪ್ರೂಫ್ ಸ್ಮಾರ್ಟ್​ವಾಚ್ ಆಗಿದ್ದು, ಇನ್ನೂ ಹಲವಾರು ಫೀಚರ್ಸ್​​ಗಳನ್ನು ಹೊಂದಿದೆ. ಇದ ವೈಶಿಷ್ಟ್ಯಗಳ ಬಗ್ಗೆ ಕಂಪ್ಲೀಟ್​ ಮಾಹಿತಿ ಈ ಲೇಖನದಲ್ಲಿದೆ.

ಮುಂದೆ ಓದಿ ...
  • Share this:

    ಭಾರತೀಯ ಮಾರುಕಟ್ಟೆ ಜನಪ್ರಿಯ ಸ್ಮಾರ್ಟ್​ವಾಚ್ (Smartwatch) ಕಂಪನಿಯಾಗಿರುವ ಬೌಲ್ಟ್​ ಕಂಪನಿ (Boult Company) ಇದೀಗ ಹೊಸ ಸ್ಮಾರ್ಟ್​​ವಾಚ್​ ಅನ್ನು ಬಿಡುಗಡೆ ಮಾಡುತ್ತಿದೆ. ಇತ್ತೀಚಿಗಷ್ಟೇ ಡ್ರಿಫ್ಟ್, ಕಾಸ್ಮಿಕ್ ಮತ್ತು ರಿಡ್ಜ್ ಸೇರಿದಂತೆ ಮೂರು ವಿಶೇಷ ಸ್ಮಾರ್ಟ್‌ವಾಚ್‌ಗಳನ್ನು ಬಿಡುಗಡೆಗೊಳಿಸಿದ್ದ ಬೌಲ್ಟ್​ ಕಂಪನಿ ಇದೀಗ ದೇಶದಲ್ಲಿ ಬೌಲ್ಟ್​ ರೋವರ್ (Boult Rover Smartwatch)​ ಎಂಬ ವಿಶೇಷ ಸ್ಮಾರ್ಟ್‌ವಾಚ್ ಅನ್ನು ಪರಿಚಯಿಸಿದೆ. ಸ್ಮಾರ್ಟ್​ವಾಚ್​ಗಳು ಇತ್ತೀಚೆಗೆ ಮಾರುಕಟ್ಟೆಯಲ್ಲಿ ಬೇಡಿಕೆಯಲ್ಲಿರುವಂತಹ ಸಾಧನಗಳಾಗಿದೆ. ಇದು ಮೊಬೈಲ್​ನಂತೆಯೇ ಫೀಚರ್ಸ್​ಗಳನ್ನು ಹೊಂದಿರುವುದರಿಂದ ಇದು ಎಲೆಕ್ಟ್ರಾನಿಕ್ಸ್​ ಮಾರುಕಟ್ಟೆಯಲ್ಲಿ ಹೊಸ ಸಂಚಲನವನ್ನು ಮೂಡಿಸಿದೆ.


    ಹೌದು, ಸ್ಮಾರ್ಟ್​ವಾಚ್​ ಕಂಪನಿಗಳಲ್ಲಿ ಮುಂಚೂಣಿಯಲ್ಲಿರುವ ಕಂಪನಿಯೆಂದರೆ ಅದು ಬೌಲ್ಟ್​. ಇದೀಗ ಈ ಕಂಪನಿ ಬೌಲ್ಟ್​ ರೋವರ್​ ಸ್ಮಾರ್ಟ್​ವಾಚ್ ಅನ್ನು ಬಿಡುಗಡೆ ಮಾಡಿದೆ. ಇದು ವಾಟರ್​ ಪ್ರೂಫ್ ಸ್ಮಾರ್ಟ್​ವಾಚ್ ಆಗಿದ್ದು, ಇನ್ನೂ ಹಲವಾರು ಫೀಚರ್ಸ್​​ಗಳನ್ನು ಹೊಂದಿದೆ. ಇದ ವೈಶಿಷ್ಟ್ಯಗಳ ಬಗ್ಗೆ ಕಂಪ್ಲೀಟ್​ ಮಾಹಿತಿ ಈ ಲೇಖನದಲ್ಲಿದೆ.


    ಬೌಲ್ಟ್​ ರೋವರ್ ಸ್ಮಾರ್ಟ್​ವಾಚ್ ಫೀಚರ್ಸ್


    ಭಾರತದ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿರುವ ಹೊಸ ಬೌಲ್ಟ್​ ರೋವರ್ ಸ್ಮಾರ್ಟ್‌ವಾಚ್ ಬಾಡಿಯನ್ನು ಮಿಶ್ರಲೋಹದಿಂದ ತಯಾರಿಸಲಾಗಿದ್ದು, ರೌಂಡ್ ಫೇಸ್ ಮಾದರಿಯಲ್ಲಿ ಇದರ ವಿನ್ಯಾಸವನ್ನು ರಚಿಸಲಾಗಿದೆ. ಈ ಸ್ಮಾರ್ಟ್‌ವಾಚ್‌ನ ಎರಡೂ ಬದಿಗಳಲ್ಲಿ ಎರಡು ಬಟನ್ ಗಳನ್ನು ನೀಡಲಾಗಿದೆ. ಇನ್ನು ಈ ಬೌಲ್ಟ್​ ರೋವರ್ ಸ್ಮಾರ್ಟ್​ವಾಚ್​ ನೀರು ಮತ್ತು ಧೂಳಿನ ಪ್ರತಿರೋಧಕ್ಕಾಗಿ IP68 ರೇಟಿಂಗ್ ಅನ್ನು ಹೊಂದಿದೆ.


    ಇದನ್ನೂ ಓದಿ: ಹೊಸವರ್ಷದ ಮೊದಲ ಸ್ಮಾರ್ಟ್​ಫೋನ್​ ಆಗಲಿದೆ ರೆಡ್​ಮಿ ನೋಟ್​ 12 ಸೀರಿಸ್


    ಈ ಸ್ಮಾರ್ಟ್​ವಾಚ್​ನ ಡಿಸ್​ಪ್ಲೇ ಫೀಚರ್​​ ಬಗ್ಗೆ ಹೇಳುವುದಾದರೆ, ಶ್ರೀಇದು 1.3 ಇಂಚಿನ ಚಿಕ್ಕದಾದ ಹಾಗೂ ಶಕ್ತಿಯುತವಾದ ಅಮೋಲ್ಡ್​ ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇಯು 600 ನಿಟ್ಸ್​ ಬ್ರೈಟ್‌ನೆಸ್ ನೀಡಲಿದೆ ಎಂದು ಕಂಪನಿ ವರದಿಯಲ್ಲಿ ತಿಳಿಸಿದೆ. ಹಾಗೆಯೇ ಈ ವಾಚ್‌ನಲ್ಲಿ ನೋಟಿಫಿಕೇಶನ್ ಕೂಡ ಪಡೆಯಬಹುದಾಗಿದೆ ಮತ್ತು ವಾಯ್ಸ್‌ ಕಂಟ್ರೋಲ್‌ ಮೂಲಕ ಕೆಲ ಫೀಚರ್ಸ್​ಗಳನ್ನು ನಿಯಂತ್ರಿಸಬಹುದು ಎಂದು ಕಂಪನಿ ಹೇಳಿಕೊಂಡಿದೆ.


    ಬೆಲೆ ಮತ್ತು ಲಭ್ಯತೆ


    ಭಾರತದಲ್ಲಿ ಬೌಲ್ಟ್​ ರೋವರ್ ಸ್ಮಾರ್ಟ್‌ವಾಚ್​ ಅನ್ನು 2,999 ರೂ. ಗಳ ಆರಂಭಿಕ ಬೆಲೆಯಲ್ಲಿ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಸ್ಮಾರ್ಟ್‌ವಾಚ್ ಎರಡು ಮಾದರಿಗಳಲ್ಲಿ ಖರೀದಿಗೆ ಲಭ್ಯವಿರಲಿದ್ದು, ಕ್ಲಾಸಿಕ್ ಸ್ವಿಚ್ ಆವೃತ್ತಿಯು ಕಂದು ಬೆಲ್ಟ್​ನ ಸ್ಮಾರ್ಟ್‌ವಾಚ್ ಹಾಗೂ ಫ್ಲಿಪ್ ಆವೃತ್ತಿಯಲ್ಲಿ ಕಪ್ಪು, ನೀಲಿ ಮತ್ತು ಹಸಿರು ಬೆಲ್ಟ್​ನ ಬಣ್ಣಗಳಲ್ಲಿ ಬೌಲ್ಟ್​ ರೋವರ್ ಸ್ಮಾರ್ಟ್‌ವಾಚ್ ಅನ್ನು ಖರೀದಿಸಬಹುದು.


    ವಿಶೇಷವೆಂದರೆ, ಈ ಎರಡೂ ಬೆಲ್ಟ್​ಗಳನ್ನು ಉಚಿತವಾಗಿ ನೀಡುವುದಾಗಿ ಬೌಲ್ಟ್​ ಕಂಪನಿ ತಿಳಿಸಿದೆ. ಇನ್ನು ಗ್ರಾಹಕರು ಈ ಸ್ಮಾರ್ಟ್​ವಾಚ್​ ಅನ್ನು ಖರೀದಿಸುವುದಾದರೆ ಕಂಪನಿಯ ಅಧಿಕೃತ ವೆಬ್​ಸೈಟ್​ ಮೂಲಕ ಮತ್ತು ಜನಪ್ರಿಯ ಇಕಾಮರ್ಸ್​ ವೆಬ್​ಸೈಟ್​ ಆಗಿರುವ ಫ್ಲಿಪ್​ಕಾರ್ಟ್​ ಮೂಲಕ ಖರೀದಿಸಬಹುದಾಗಿದೆ.


    ಇತರ ಫೀಚರ್ಸ್


    ಬೌಲ್ಟ್​ ಕಂಪನಿಯ ಈ ಹೊಸ ಸ್ಮಾರ್ಟ್​ವಾಚ್ ನಲ್ಲಿ 100 ರೀತಿಯ ಸ್ಪೋರ್ಟ್ಸ್​ ಮೋಡ್​ ಆಯ್ಕೆಗಳಿವೆ. ಈ ವಾಚ್​ನಲ್ಲಿ ಬ್ಲೂಟೂತ್​ ಕಾಲಿಂಗ್​ ಫೀಚರ್​ ಅನ್ನು ಸಹ ಅಳವಡಿಸಲಾಗಿದೆ. ಇನ್ನು ಇದರಲ್ಲಿ ಹಾರ್ಟ್​ಬೀಟ್ ಮಾನಿಟರ್, ನಿದ್ರೆ ಟ್ರ್ಯಾಕ್​ ಮಾನಿಟರ್, ಬಿಪಿ ಹೀಗೆ ಹಲವಾರು ಫೀಚರ್ಸ್​ಗಳನ್ನು ಅಳವಡಿಸಲಾಗಿದೆ.


    ಬ್ಯಾಟರಿ ಫೀಚರ್ಸ್​


    ಈ ಸ್ಮಾರ್ಟ್​​ವಾಚ್​ ಅನ್ನು ಒಮ್ಮೆ ಫುಲ್ ಚಾರ್ಜ್​ ಮಾಡಿದರೆ 10 ದಿನಗಳವರೆಗೆ ನಿರಂತರವಾಗಿ ಬಳಸಬಹುದಾಗಿದೆ. ಜೊತೆಗೆ ಒಮ್ಮೆ ಫುಲ್​ ಚಾರ್ಜ್ ಆಗ್ಬೇಕಾದರೆ 2 ಗಂಟೆ 30 ನಿಮಿಷಗಳು ಬೇಕಾಗುತ್ತದೆ ಎಂದು ಕಂಪನಿ ತಿಳಿಸಿದೆ.

    Published by:Prajwal B
    First published: