Noise Smartwatch: ನಾಯ್ಸ್​ ಕಂಪೆನಿಯಿಂದ ಬಿಡುಗಡೆಯಾಗ್ತಿದೆ ಹೊಸ ಸ್ಮಾರ್ಟ್​ವಾಚ್!

ಇತ್ತೀಚೆಗೆ ಟೆಕ್ನಾಲಜಿ ಮಾರುಕಟ್ಟೆಯಲ್ಲಿ  (Technology) ಗ್ಯಾಜೆಟ್​ಗಳ (Gadgets) ಮೇಲಿನ ಬೇಡಿಕೆ ಹೆಚ್ಚುತ್ತಲೇ ಇದೆ. ಇದಕ್ಕೆ ಮುಖ್ಯ ಕಾರಣ ಅದರಲ್ಲಿರುವಂತಹ ಫೀಚರ್ಸ್​ ಅಂತಾನೇ ಹೇಳ್ಬಹುದು. ಈ ಗ್ಯಾಜೆಟ್​​ಗಳ ಬಗ್ಗೆ ಮಾತಾಡುತ್ತಾ ಹೋದಾಗ ಮೊದಲು ನೆನಪಾಗೋದೇ ಸ್ಮಾರ್ಟ್​​ವಾಚ್​ಗಳು. ಸ್ಮಾರ್ಟ್​​ವಾಚ್​​ಗಳು ಇತ್ತೀಚಿನ ಕಾಲಮಾನದಲ್ಲಿ ತನ್ನದೇ ಆದ ಒಂದು ಮಾರುಕಟ್ಟೆಯನ್ನು ಸೃಷ್ಟಿಸಿಕೊಂಡಿದೆ. ಎಲ್ಲಿ ಹೋದರೂ ಸ್ಮಾರ್ಟ್​​ವಾಚ್​ಗಳದ್ದೇ (Smartwatch) ಹಾವಳಿ. ಹಿಂದೆಲ್ಲಾ ಈ ವಾಚ್​​ಗಳನ್ನು ಕೇವಲ ಸಮಯ ನೋಡಲು ಬಳಸುತ್ತಿದ್ದರು. ಆದರೆ ಈಗ ಸಮಯದ ಜೊತೆಗೆ, ಆರೋಗ್ಯದ ಕಾಳಜಿಯನ್ನು ಈ ಸ್ಮಾರ್ಟ್​ವಾಚ್​​ನಲ್ಲಿ ನೋಡಬಹುದಾಗಿದೆ. ಅದರಲ್ಲು ಜನಪ್ರಿಯ ಕಂಪನಿಗಳಲ್ಲಿ ಒಂದಾದ ನಾಯ್ಸ್​ ಕಂಪೆನಿ (Noise Company) ಇದೀಗ ಮಾರುಕಟ್ಟೆಗೆ ಹೊಸ ಸ್ಮಾರ್ಟ್​​​ವಾಚ್ ಅನ್ನು ಲಾಂಚ್ ಮಾಡಿದೆ.

ಸ್ಮಾರ್ಟ್​​ವಾಚ್​ ಕಂಪೆನಿಗಳಲ್ಲಿ ಒಂದಾದ ನಾಯ್ಸ್​ ಕಂಪನಿ ಇದೀಗ ಹೊಸ ನಾಯ್ಸ್​ಫಿಟ್​​ ಟ್ವಿಸ್ಟ್​ ಸ್ಮಾರ್ಟ್​​ವಾಚ್​ ಅನ್ನು ಮಾರುಕಟ್ಟೆಯಲ್ಲಿ ಲಾಂಚ್​ ಮಾಡಿದೆ. ಇದು ಮೆಟಾಲಿಕ್​ ಯುನಿಬಾಡಿಯನ್ನು ಹೊಂದಿದ್ದು, ಇನ್ನೂ ಹಲವಾರು ಫೀಚರ್ಸ್​ಗಳನ್ನು ಇದು ಒಳಗೊಂಡಿದೆ.

ಡಿಸ್​​​ಪ್ಲೇ ವಿನ್ಯಾಸ ಹೇಗಿದೆ?

ನಾಯ್ಸ್‌ಫಿಟ್‌ ಟ್ವಿಸ್ಟ್‌ ಸ್ಮಾರ್ಟ್‌ವಾಚ್‌ 1.38 ಇಂಚಿನ ಟಿಎಫ್‌ಟಿ ಎಲ್‌ಸಿಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಈ ಡಿಸ್‌ಪ್ಲೇ 550 ನಿಟ್ಸ್‌ ಬ್ರೈಟ್‌ನೆಸ್‌ ಅನ್ನು ನೀಡಲಿದೆ. ಇದು 100 ಕ್ಕೂ ಹೆಚ್ಚು ಕಸ್ಟಮೈಸ್ಡ್‌ ವಾಚ್ ಫೇಸ್‌ಗಳೊಂದಿಗೆ ಬರುತ್ತದೆ. ಇನ್ನು ವಿಶೇಷವಾಗಿ ಈ ಸ್ಮಾರ್ಟ್‌ವಾಚ್‌ ಮೆಟಾಲಿಕ್ ಯುನಿಬಾಡಿಯನ್ನು ಹೊಂದಿದ್ದು, ವೃತ್ತಾಕಾರದ ಪ್ಯಾನೆಲ್ ಅನ್ನು ಒಳಗೊಂಡಿದೆ. ಇದಲ್ಲದೆ ಸ್ಮಾರ್ಟ್‌ವಾಚ್‌ ಧೂಳು ಮತ್ತು ನೀರಿನಿಂದ ರಕ್ಷಣೆಗಾಗಿ IP68 ರೇಟೆಡ್​ನೊಂದಿಗೆ ರಚಿಸಲ್ಪಟ್ಟಿದೆ.

ಇದನ್ನೂ ಓದಿ: ಕೇವಲ 1 ಸಾವಿರ ಪಾವತಿಸಿದರೆ 55 ಇಂಚಿನ ಸ್ಮಾರ್ಟ್​​ಟಿವಿ ಲಭ್ಯ! 29 ಸಾವಿರ ರೂಪಾಯಿ ರಿಯಾಯಿತಿ

ಇತರೆ ಫೀಚರ್ಸ್​

ನಾಯ್ಸ್​​ಫಿಟ್​ ಟ್ವಿಸ್ಟ್​​ ಸ್ಮಾರ್ಟ್‌ವಾಚ್‌ನಲ್ಲಿ ಇನ್ ಬಿಲ್ಟ್ ಸ್ಪೀಕರ್ ಮತ್ತು ಮೈಕ್ರೊಫೋನ್ ಅನ್ನು ಕೂಡ ಅಳವಡಿಸಲಾಗಿದೆ. ಈ ಟೆಕ್ನಾಲಜಿ ಮೂಲಕ ಬ್ಲೂಟೂತ್​ ಕಾಲಿಂಗ್​ ಫೀಚರ್ಸ್​ ಅನ್ನು ಕೂಡ ಪಡೆಯಬಹುದಾಗಿದೆ. ಈ ಫೀಚರ್​​ ಮೂಲಕ ಕಾಲ್​ ರಿಸೀವ್​ ಮಾಡಲು ಮತ್ತು ಕಟ್​ ಮಾಡಲು ಅವಕಾಶವಿರುತ್ತದೆ. ಇನ್ನು ಸ್ಮಾರ್ಟ್‌ವಾಚ್‌ನಲ್ಲಿ ಹಲವು ಅನುಕೂಲಕರ ಫೀಚರ್ಸ್‌ಗಳನ್ನು ಸಹ ನೀಡಲಾಗಿದೆ. ಇದರಲ್ಲಿ ಇನ್‌ಬಿಲ್ಟ್‌ ಕ್ಯಾಲ್ಕುಲೇಟರ್, ನೋಟಿಫಿಕೇಶನ್‌ ಡಿಸ್‌ಪ್ಲೇ , ವೆದರ್‌ ಮತ್ತು ಸ್ಟಾಪ್‌ ಅಪ್ಡೇಟ್‌, ಫೋಟೋಸ್‌ ಮತ್ತು ವೀಡಿಯೊಗಳಿಗಾಗಿ ಕ್ಯಾಮರಾಗೆ ರಿಮೋಟ್ ಪ್ರವೇಶ, ಮ್ಯೂಸಿಕ್‌ ಕಂಟ್ರೋಲ್‌ ಫೀಚರ್ಸ್‌ ಸೇರಿವೆ.

ನಾಯ್ಸ್​​ಫಿಟ್​ ಟ್ವಿಸ್ಟ್​ ಸ್ಮಾರ್ಟ್​ವಾಚ್

ಬ್ಯಾಟರಿ ಫೀಚರ್ಸ್​

ನಾಯ್ಸ್‌ಫಿಟ್‌ ಟ್ವಿಸ್ಟ್‌ ಸ್ಮಾರ್ಟ್‌ವಾಚ್‌ನ ಬ್ಯಾಟರಿ ಫೀಚರ್ಸ್​ ಬಗ್ಗೆ ಹೇಳುವುದಾದರೆ, ಈ ಸ್ಮಾರ್ಟ್​ವಾಚ್ ಅನ್ನು ಒಮ್ಮೆ ಫುಲ್ ಚಾರ್ಜ್ ಮಾಡಿದ್ರೆ 7 ದಿನಗಳ ಕಾಲ ನಿರಂತರವಾಗಿ ಬಳಸಬಹುದಾಗಿದೆ. ಇದು ಬ್ಲೂಟೂತ್‌ ಕರೆಗಾಗಿ ಟ್ರೂ ಸಿಂಕ್‌ ಟೆಕ್ನಾಲಜಿಯನ್ನು ಒಳಗೊಂಡಿದೆ. ಇದು ಸ್ಪೀಡ್‌ ಕನೆಕ್ಟಿವಿಟಿ, ನೆಟ್​ವರ್ಕ್​ಗಳು ಮತ್ತು ಕಡಿಮೆ ವಿದ್ಯುತ್ ಬಳಕೆಯನ್ನು ನೀಡುತ್ತದೆ. ಇದಲ್ಲದೆ ಸ್ಮಾರ್ಟ್‌ವಾಚ್‌ ಸ್ಮಾರ್ಟ್ ಡಿಎನ್‌ಡಿ, ರಿಮೈಂಡರ್‌ ಫೀಚರ್ಸ್‌ಗಳನ್ನು ಸಹ ಒಳಗೊಂಡಿದೆ. ಹಾಗೆಯೇ ಕಾಲ್‌ ಹಿಸ್ಟರಿ ಮತ್ತು ಡಯಲ್ ಪ್ಯಾಡ್‌ ಅನ್ನು ಓಪನ್ ಮಾಡಬಹುದು. ಜೊತೆಗೆ ಈ ಡಿವೈಸ್‌ನಲ್ಲಿ ಹೃದಯ ಬಡಿತದ ಮಾನಿಟರಿಂಗ್, SpO2 ಸೆನ್ಸಿಂಗ್, ನಿದ್ರೆಯ ಮಾದರಿಗಳು ಮತ್ತು ಬಿಪಿ ಮಾನಿಟರಿಂಗ್ ಸೇರಿದಂತೆ 100ಕ್ಕೂ ಹೆಚ್ಚಿನ ಸ್ಪೋರ್ಟ್ಸ್‌ ಮೋಡ್‌ಗಳನ್ನು ನೀಡಲಿದೆ.

ಬೆಲೆ ಮತ್ತು ಲಭ್ಯತೆ

ನಾಯ್ಸ್‌ಫಿಟ್‌ ಟ್ವಿಸ್ಟ್‌ ಸ್ಮಾರ್ಟ್‌ವಾಚ್‌ ಭಾರತದಲ್ಲಿ ಭಾರೀ ಅಗ್ಗದ ಬೆಲೆಯಲ್ಲಿ ಲಭ್ಯವಾಗಲಿದೆ. ಈ ಸ್ಮಾರ್ಟ್‌ವಾಚ್‌ನ ಬೆಲೆ ಕೇವಲ 1,999 ರೂಪಾಯಿ ಆಗಿರುತ್ತದೆ. ಇನ್ನು ಇದೇ ಜನವರಿ 12 ರಿಂದ ನಾಯ್ಸ್​ ಕಂಪೆನಿಯ ಇ ಸ್ಟೋರ್ ಮತ್ತು ಅಮೆಜಾನ್ ಮೂಲಕ ಖರೀದಿಗೆ ಲಭ್ಯವಾಗಲಿದೆ. ಈ ಸ್ಮಾರ್ಟ್‌ವಾಚ್‌ ಗ್ರಾಹಕರಿಗೆ ಟ್ವಿಸ್ಟ್ ಜೆಟ್ ಬ್ಲಾಕ್, ಸಿಲ್ವರ್ ಗ್ರೇ, ರೋಸ್ ಪಿಂಕ್, ಸ್ಪೇಸ್ ಬ್ಲೂ ಮತ್ತು ಗೋಲ್ಡ್ ವೈನ್ ಬಣ್ಣಗಳಲ್ಲಿ ಮಾರುಕಟ್ಟಯಲ್ಲಿ ಖರೀದಿಸಬಹುದಾಗಿದೆ.