Smart Tv: ಭಾರತದ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ ಹೊಸ ಸ್ಮಾರ್ಟ್​ಟಿವಿ! ಬೆಲೆ, ಫೀಚರ್ಸ್​ ಬಗ್ಗೆ ಮಾಹಿತಿ ಇಲ್ಲಿದೆ

ಇತ್ತೀಚೆಗೆ ಸ್ಮಾರ್ಟ್​​ಫೋನ್ (Smartphone)​, ಸ್ಮಾರ್ಟ್​​​ವಾಚ್​, ಹೆಡ್​​ಫೋನ್​ಗಳಂತಹ ಸ್ಮಾರ್ಟ್​​​ ಡಿವೈಸ್​ಗಳು ಬಹಳಷ್ಟು ಜನರನ್ನು ಆಕರ್ಷಿಸುತ್ತಿವೆ. ಈ ಎಲ್ಲದರ ಮಧ್ಯೆ ಸ್ಮಾರ್ಟ್​​ಟಿವಿ ಸಹ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯಲ್ಲಿರುವ ಸಾಧನವಾಗಿದೆ. ಹಿಂದಿನ ಟಿವಿಗಳೆಲ್ಲವೂ ಸಾಮಾನ್ಯವಾಗಿ ಸೀರಿಯಲ್ (Serial), ಸಿನಿಮಾ, ನ್ಯೂಸ್​ನಂತಹ ಚಾನೆಲ್​ಗಳನ್ನು ಮಾತ್ರ ನೀಡುತ್ತಿತ್ತು. ಆದರೆ ಈಗಿನ ಸ್ಮಾರ್ಟ್​​​ಟಿವಿಗಳು, ಮೊಬೈಲ್​ನಂತೆಯೇ ಫೀಚರ್ಸ್​ ಅನ್ನು ಹೊಂದಿದೆ. ಈ ಫೀಚರ್ಸ್​ಗಳೇ ಈಗ ಹೆಚ್ಚಿನ ಜನರನ್ನು ಆಕರ್ಷಿಸಿದೆ ಎಂದು ಹೇಳ್ಬಹುದು. ಈ ಸ್ಮಾರ್ಟ್​​ಟಿವಿಗಳು ಕೈಗೆಟಕುವ ದರದಲ್ಲಿ ಉತ್ತಮ ಫೀಚರ್ಸ್​ಗಳನ್ನು ಹೊಂದಿಕೊಂಡು ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದೀಗ ಜನಪ್ರಿಯ ಸ್ಮಾರ್ಟ್​​ಟಿವಿ (SmartTv) ಕಂಪೆನಿಯಾಗಿರುವ ಬ್ಲೂಪಂಕ್ಟ್ (Bluepunkt Tv)​ ಇದೀಗ ಹೊಸ ಸ್ಮಾರ್ಟ್​ಟಿವಿಯನ್ನು ಬಿಡುಗಡೆ ಮಾಡಿದೆ.

ಭಾರತದಲ್ಲಿ ಹೊಸ ಸ್ಮಾರ್ಟ್‌ಟಿವಿ ಬ್ಲೂಪಂಕ್ಟ್ ಟಿವಿ ಲಾಂಚ್‌ ಮಾಡಲಾಗಿದ್ದು, ನೀವೇನಾದರೂ 10,000 ರೂ. ಗಳ ಒಳಗೆ ಲಭ್ಯವಾಗುವ ಅತ್ಯುತ್ತಮ ಸ್ಮಾರ್ಟ್‌ಟಿವಿಗಳನ್ನು ಖರೀದಿ ಮಾಡಲು ಮುಂದಾದರೆ ಈ ಬ್ಲೂಪಂಕ್ಟ್ ಟಿವಿಯನ್ನು ಕೊಂಡುಕೊಳ್ಳಬಹುದಾಗಿದೆ.

ಬ್ಲೂಪಂಕ್ಟ್​ ಸ್ಮಾರ್ಟ್​​ಟಿವಿ ವಿನ್ಯಾಸ

ಬ್ಲೂಪಂಕ್ಟ್ ಸ್ಮಾರ್ಟ್‌ಟಿವಿ 24 ಇಂಚಿನ ಹೆಚ್​ಡಿ ರೆಡಿ ಡಿಸ್‌ಪ್ಲೇ ಹೊಂದಿದ್ದು, 300ನಿಟ್ಸ್​​ ಬ್ರೈಟ್‌ನೆಸ್‌ ಆಯ್ಕೆ ಪಡೆದುಕೊಂಡಿದೆ. ಈ ಫೀಚರ್​ ಮೂಲಕ ಯಾವುದೇ, ಎಷ್ಟೇ ಬಿಸಿಲಿನ ಸಂದರ್ಭದಲ್ಲೂ ವೀಕ್ಷಣೆ ಮಾಡಬಹುದಾಗಿದೆ. ನೋಡುಗರಿಗೆ ಉತ್ತಮ ಅನುಭವವನ್ನು ಇದು ನೀಡುತ್ತದೆ.

ಇದನ್ನೂ ಓದಿ: ವಾಟ್ಸಾಪ್​ಗೆ ಟಕ್ಕರ್​ ನೀಡಲು ಟೆಲಿಗ್ರಾಮ್ ತಯಾರಿ! ಹೊಸ ಫೀಚರ್ಸ್​ ಪರಿಚಯಿಸಿದ ಕಂಪೆನಿ

ಇದರೊಂದಿಗೆ ಈ ಸ್ಮಾರ್ಟ್‌ಟಿವಿ 20 ವ್ಯಾಟ್ ಸೌಂಡ್ ಔಟ್‌ಪುಟ್ ನೀಡಲಿದ್ದು, ಇದಕ್ಕಾಗಿ ಎರಡು ಬಾಟಮ್-ಫೈರಿಂಗ್ ಸ್ಪೀಕರ್‌ಗಳು ಮತ್ತು ತಲ್ಲೀನಗೊಳಿಸುವ ಆಡಿಯೋ ಅನುಭವಕ್ಕಾಗಿ ಸರೌಂಡ್ ಸೌಂಡ್ ತಂತ್ರಜ್ಞಾನವನ್ನು ಒದಗಿಸಲಾಗಿದೆ. ಹಾಗೆಯೇ ಈ ಟಿವಿ ಏರ್ ಸ್ಲಿಮ್ ವಿನ್ಯಾಸವನ್ನು ಪಡೆದಕೊಂಡಿದ್ದು, ಈ ಮೂಲಕ ಅತ್ಯುತ್ತಮ ನೋಟವನ್ನು ಪಡೆದುಕೊಂಡಿದೆ.

ಪ್ರೊಸೆಸರ್​ ಸಾಮರ್ಥ್ಯ

ಈ ಹೊಸ ಬ್ಲೂಪಂಕ್ಟ್ ಸ್ಮಾರ್ಟ್‌ಟಿವಿ A354 ಚಿಪ್‌ಸೆಟ್ ನಿಂದ ಕಾರ್ಯನಿರ್ವಹಿಸಲಿದ್ದು, ಇದರೊಂದಿಗೆ 2.4 GHz ವೈಫೈ ವೇಗವು ಈ ಟಿವಿಯ ಕಾರ್ಯಕ್ಷಮತೆಯನ್ನು ಹೆಚ್ಚಿಗೆ ಮಾಡಿದೆ. ಇದರ ಜೊತೆಗೆ 512 ಎಮ್​ಬಿ ರ್‍ಯಾಮ್ ಹಾಗೂ 4 ಜಿಬಿ ಇಂಟರ್ನಲ್‌ ಸ್ಟೋರೇಜ್‌ ಸಾಮರ್ಥ್ಯವನ್ನು ಹೊಂದಿಕೊಂಡಿದೆ.

ಬ್ಲೂಪಂಕ್ಟ್​ ಸ್ಮಾರ್ಟ್​ಟಿವಿ

ಇನ್ನು ಚಿತ್ರದ ಗುಣಮಟ್ಟಕ್ಕಾಗಿ ಡಿಜಿಟಲ್ ನಾಯ್ಸ್ ಫಿಲ್ಟರ್ ಮತ್ತು A+ ಪ್ಯಾನೆಲ್ ಆಯ್ಕೆ ಇದರಲ್ಲಿದ್ದು, ಟಿವಿಯು ಪಿಸಿಗಳು, ಮೊಬೈಲ್ ಫೋನ್‌ಗಳು ಮತ್ತು ಲ್ಯಾಪ್‌ಟಾಪ್‌ಗಳಂತಹ ಬಹು ಡಿವೈಸ್‌ಗಳಿಗೆ ಬೆಂಬಲ ನೀಡುತ್ತದೆ. ಹಾಗೆಯೇ ಯುಟ್ಯೂಬ್ ಸೇರಿದಂತೆ ರಿಮೋಟ್‌ನಲ್ಲಿ ಮೀಸಲಾದ ಶಾರ್ಟ್‌ಕಟ್ ಕೀಗಳ ಆಯ್ಕೆ ಇರುವುದರಿಂದ ಬಳಕೆದಾರರಿಗೆ ಬಳಕೆ ಮಾಡಲು ಇನ್ನೂ ಸಹಕಾರಿಯಾಗುತ್ತದೆ.

ಓಟಿಟಿ ಪ್ಲಾಟ್​ಫಾರ್ಮ್ಸ್​ ಲಭ್ಯ

ಈ ಬ್ಲೂಪಂಕ್ಟ್​ ಸ್ಮಾರ್ಟ್‌ಟಿವಿ ಸ್ಮಾರ್ಟ್‌ ಪ್ರೀಮಿಯಂ ಟಿವಿ, ಪ್ರೈಮ್ ವಿಡಿಯೋ, ಝೀ5, ವೂಟ್‌ ಹಾಗೂ ಸೋನಿ ಲೀವ್‌ ಸೇರಿದಂತೆ ವಿವಿಧ ಅಪ್ಲಿಕೇಶನ್‌ಗಳು ಮತ್ತು ಗೇಮ್‌ಗಳಿಗೆ ಸುಲಭ ಚಂದಾದಾರಿಕೆ ಪ್ರವೇಶವನ್ನು ಪಡೆಯಬಹುದಾಗಿದೆ. ಹಾಗಿದ್ರೆ ಉತ್ತಮ ಗುಣಮಟ್ಟದಲ್ಲಿ, ಬಹಳಷ್ಟು ಮನರಂಜನೆ ನೀಡುವ ಸ್ಮಾರ್ಟ್​​ಟಿವಿಯನ್ನು ಪಡೆಯಬೇಕಾದರೆ ಈ ಸ್ಮಾರ್ಟ್​​​ಟಿವಿ ಉತ್ತಮವಾಗಿದೆ.

ಬೆಲೆ ಮತ್ತು ಲಭ್ಯತೆ

ಬ್ಲೂಪಂಕ್ಟ್ ಈ ಸ್ಮಾರ್ಟ್‌ಟಿವಿಯನ್ನು ಅತ್ಯಂತ ಅಗ್ಗದ ದರದಲ್ಲಿ ಮಾರಾಟ ಮಾಡಲು ಮುಂದಾಗಿದೆ. ಈ ಸ್ಮಾರ್ಟ್​​ಟಿವಿಗೆ 7,499 ರೂಪಾಯಿ ಬೆಲೆ ನಿಗದಿ ಮಾಡಲಾಗಿದೆ. ಆದರೆ ಆಫರ್​ ಮೂಲಕ ಇದನ್ನು 6,499 ರೂಪಾಯಿಗೆ ಖರೀದಿ ಮಾಡಬಹುದು ಎಂದು ಕಂಪೆನಿ ಹೇಳಿದೆ. ಇನ್ನು ಈ ಆಫರ್​ ಸೇಲ್ ಇದೇ ಫೆಬ್ರವರಿ 7 ರಿಂದ ಪ್ರಾರಂಭವಾಗಿದ್ದು, ಇದೇ ಫೆಬ್ರವರಿ 12 ರವರೆಗೆ ಮಾತ್ರ ಲಭ್ಯವಿರುತ್ತದೆ. ಅಂದರೆ ಇಂದಿನಿಂದ  ಕೇವಲ 2 ದಿನಗಳವರೆಗೆ ಮಾತ್ರ ಈ ಆಫರ್ ಲಭ್ಯವಿರುತ್ತದೆ.