• Home
  • »
  • News
  • »
  • tech
  • »
  • LeEco S1 Smartphone: ಐಫೋನ್ ಅನ್ನೇ ಹೋಲುವ ಹೊಸ ಸ್ಮಾರ್ಟ್​​ಫೋನ್​ ಮಾರುಕಟ್ಟೆಗೆ ಲಗ್ಗೆ! ಹೇಗಿದೆ ಗೊತ್ತಾ ಫೀಚರ್ಸ್?

LeEco S1 Smartphone: ಐಫೋನ್ ಅನ್ನೇ ಹೋಲುವ ಹೊಸ ಸ್ಮಾರ್ಟ್​​ಫೋನ್​ ಮಾರುಕಟ್ಟೆಗೆ ಲಗ್ಗೆ! ಹೇಗಿದೆ ಗೊತ್ತಾ ಫೀಚರ್ಸ್?

ಲೇಎಕೋ ಎಸ್​​1 ಪ್ರೋ ಸ್ಮಾರ್ಟ್​​ಫೋನ್​

ಲೇಎಕೋ ಎಸ್​​1 ಪ್ರೋ ಸ್ಮಾರ್ಟ್​​ಫೋನ್​

ಇದೀಗ ಲೇಎಕೋ ಎಂಬ ಕಂಪೆನಿ ಐಫೋನ್​ಗಳನ್ನೇ ಹೋಲುವ ಸ್ಮಾರ್ಟ್​ಫೋನ್​ ಒಂದನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಇದು ಕೆಲವೇ ದಿನಗಳಲ್ಲಿ ಮಾರುಕಟ್ಟೆಗೆ ಕಾಲಿಡಲಿದ್ದು ಐಫೋನ್​ ಮಾರುಕಟ್ಟೆಗೆ ಸ್ಪರ್ಧೆ ನೀಡಲು ಸಜ್ಜಾಗಿದೆ. ಹಾಗಿದ್ರೆ ಲೇಎಕೋ ಖಮಪೆನಿ ಬಿಡುಗಡೆ ಮಾಡಿರುವ ಆ ಸ್ಮಾರ್ಟ್​ಫೋನ್ ಯಾವುದು? ಫೀಚರ್ಸ್​, ಬೆಲೆ ಹೇಗಿದೆ ಎಂಬುದನ್ನು ಈ ಲೇಕನದಲ್ಲಿ ತಿಳಿಯಿರಿ.

ಮುಂದೆ ಓದಿ ...
  • News18
  • Last Updated :
  • Share this:

    ಐಫೋನ್​ಗಳು (IPhones) ಪ್ರತೀ ಬಾರಿ ಬಿಡುಗಡೆಯಾದಾಗ ಮಾರುಕಟ್ಟೆಯಲ್ಲಿ ಏನಾದರೊಂದು ಸಂಚಲನ ಮೂಡಿಸೋದು ಗ್ಯಾರಂಟಿ. ಅದೇ ರೀತಿ ಇತ್ತೀಚೆಗೆ ಮಾರುಕಟ್ಟೆಗೆ ಬಹಳಷ್ಟು ನಕಲಿ ಐಫೋನ್​ಗಳು ಬರುತ್ತಿದೆ ಎಂಬ ಸುದ್ದಿಯೂ ಹಬ್ಬಿದೆ. ಹೌದು ಇದು ಖಂಡಿತವಾಗಿಯೂ ನಿಜ. ಆದರೆ ಕೆಲವೊಂದು ಕಂಪೆನಿಗಳು (Mobile Company) ಈಗ ಐಫೋನ್​ನಂತೆ ಫೀಚರ್ಸ್​ಗಳನ್ನು ಹೋಲುವ ಸ್ಮಾರ್ಟ್​​ಫೋನ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತಿದೆ. ಅದ್ರಲ್ಲೂ ಯಾವುದೇ ಸಾಧನಗಳನ್ನು ನಕಲು ಮಾಡುವಂತಹ ಸಾಮರ್ಥ್ಯ ಇದ್ದರೆ ಅದು ಚೀನಿಯರಿಗೆ ಮಾತ್ರ ಸಾಧ್ಯ. ಯಾಕೆಂದರೆ ಅವರು ಈ ಕಾರ್ಯಗಳಲ್ಲಿ ಎತ್ತಿದ ಕೈ. ಇದೀಗ ಐಫೋನ್​ಗಳಿಗೆ ಟಕ್ಕರ್ ನೀಡಲು ಹೊಸ ಸ್ಮಾರ್ಟ್​ಫೋನ್ (Smartphone) ಒಂದು ಬಿಡುಗಡೆಯಾಗಿದೆ. ಈ ಸ್ಮಾರ್ಟ್​ಫೋನ್ ಮಾತ್ರ ಐಫೋನ್​ನಂತೆಯೇ ಫೀಚರ್ಸ್​ಗಳನ್ನು ಹೊಂದಿದೆ ಎಂದು ಹೇಳಲಾಗುತ್ತಿದೆ.


    ಇದೀಗ ಲೇಎಕೋ ಎಂಬ ಕಂಪೆನಿ ಐಫೋನ್​ಗಳನ್ನೇ ಹೋಲುವ ಸ್ಮಾರ್ಟ್​ಫೋನ್​ ಒಂದನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಇದು ಕೆಲವೇ ದಿನಗಳಲ್ಲಿ ಮಾರುಕಟ್ಟೆಗೆ ಕಾಲಿಡಲಿದ್ದು ಐಫೋನ್​ ಮಾರುಕಟ್ಟೆಗೆ ಸ್ಪರ್ಧೆ ನೀಡಲು ಸಜ್ಜಾಗಿದೆ. ಹಾಗಿದ್ರೆ ಲೇಎಕೋ ಖಮಪೆನಿ ಬಿಡುಗಡೆ ಮಾಡಿರುವ ಆ ಸ್ಮಾರ್ಟ್​ಫೋನ್ ಯಾವುದು? ಫೀಚರ್ಸ್​, ಬೆಲೆ ಹೇಗಿದೆ ಎಂಬುದನ್ನು ಈ ಲೇಕನದಲ್ಲಿ ತಿಳಿಯಿರಿ.


    ಲೇಎಕೋ ಬ್ರಾಂಡ್​ (LeEco Brand)


    ಇದೀಗ ಸ್ಮಾರ್ಟ್​​ಫೋನ್​ ಮಾರುಕಟ್ಟೆಗೆ ಲೇಎಕೋ ಎಂಬ ಸ್ಮಾರ್ಟ್​ಫೋನ್​ ಕಂಪೆನಿ ಹೊಸ ಮೊಬೈಲ್ ಅನ್ನು ಪರಿಚಯಿಸಿದೆ. ಇದಕ್ಕೆ ಲೇಎಕೋ ಎಸ್​​1 ಪ್ರೋ ಎಂದು ಹೆಸರಿಡಲಾಗಿದೆ. ಈ ಸ್ಮಾರ್ಟ್​​ಫೋನ್​ ಒಂದು ರೀತಿಯಲ್ಲಿ ನೋಡುವುದಾದರೆ ಇದು ಐಫೋನ್ 14 ಪ್ರೋ ಸ್ಮಾರ್ಟ್​ಫೋನ್ ಅನ್ನು ಹೋಲುತ್ತದೆ ಎಂದು ಹೇಳಲಾಗುತ್ತಿದೆ. ಆದ್ದರಿಂದ ಐಫೋನ್​ಗಳಿಗೆ ಪೈಪೋಟಿ ನೀಡುವುದು ಖಚಿತವಾಗಿದೆ.


    ಇದನ್ನೂ ಓದಿ: ಬಿಡುಗಡೆಗೂ ಮೊದಲೇ ಲೀಕ್ ಆಯ್ತು ಒಪ್ಪೋ ಫೈಂಡ್​ ಎಕ್ಸ್​ 6 ಸ್ಮಾರ್ಟ್​ಫೋನ್​ ಫೀಚರ್ಸ್​!


    ಫೀಚರ್ಸ್​ ಹೇಗಿದೆ?


    ಲೇಎಕೋ ಕಂಪೆನಿಯ ಹೊಸ ಸ್ಮಾರ್ಟ್‌ಫೋನ್‌ನ ಡಿಸ್​ಪ್ಲೇ ಫೀಚರ್ಸ್​ ಬಗ್ಗೆ ನೋಡುವುದಾದರೆ, ಇದು 6.5 ಇಂಚಿನ ಎಲ್‌ಸಿಡಿ ಡಿಸ್‌ಪ್ಲೇ ಹೊಂದಿದ್ದು, ಇದು 720x1600px ಪಿಕ್ಸೆಲ್‌ ರೆಸಲ್ಯೂಶನ್‌ ನೀಡಲಿದೆ. ಹಾಗೆಯೇ 60Hz ರಿಫ್ರೆಶ್‌ ರೇಟ್‌ ನೀಡುತ್ತಿರುವುದು ವಿಶೇಷವಾಗಿದೆ. ಇದೇ ರೀತಿಯಲ್ಲಿ ಆ್ಯಪಲ್​ ಐಫೋನ್‌ 14 ಪ್ರೋ ಫೋನ್ ಸಹ 6.1 ಇಂಚಿನ OLED ಡಿಸ್‌ಪ್ಲೇ ಹೊಂದಿದೆ. ಆದರೆ ಈ ಫೋನ್ 4ಕೆ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ತನ್ನ ಬಳಕೆದಾರರಿಗೆ ನೀಡುತ್ತದೆ. ಜೊತೆಗೆ ಈ ಡಿಸ್​ಪ್ಲೇ 120Hz ರಿಫ್ರೆಶ್ ರೇಟ್‌ ಅನ್ನು ನೀಡಲಾಗಿದೆ.


    ಕ್ಯಾಮೆರಾ ಫೀಚರ್ಸ್


    ಮುಖ್ಯವಾಗಿ ಲೇಎಕೋ ಸ್ಮಾರ್ಟ್​ಫೋನ್​ನ ಕ್ಯಾಮೆರಾ ಫೀಚರ್ಸ್​ ನೋಡಿದ್ರೆ ಆ್ಯಪಲ್ ಫೋನ್​ಗಳಲ್ಲಿರುವಂತೆಯೇ ಅನಿಸುತ್ತದೆ. ಆ್ಯಪಲ್ ಐಫೋನ್​ಗಳು ಕ್ಯಾಮೆರಾ, ಪ್ರೊಸೆಸರ್​ಗಳಲ್ಲಿ ಉತ್ತಮ ಕಾರ್ಯಕ್ಷಮತೆಯನ್ನು ಹೊಂದಿದೆ. ಈ ಹೊಸ ಫೋನ್‌ ಟ್ರಿಪಲ್‌ ರಿಯರ್ ಕ್ಯಾಮೆರಾ ರಚನೆ ಹೊಂದಿದ್ದು, 13 ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ ಆಯ್ಕೆ ಪಡೆದುಕೊಂಡಿದೆ. ಹಾಗೆಯೇ ಸೆಲ್ಫಿಗಾಗಿ 5 ಮೆಗಾಪಿಕ್ಸೆಲ್ ಸೆನ್ಸಾರ್​ ಅನ್ನು ಪಡೆದುಕೊಂಡಿದೆ.


    ಲೇಎಕೋ ಎಸ್​​1 ಪ್ರೋ ಸ್ಮಾರ್ಟ್​​ಫೋನ್​


    ಪ್ರೊಸೆಸರ್ ಸಾಮರ್ಥ್ಯ ಹೇಗಿದೆ?‘


    ಈ ಲೋಎಕೋ ಕಂಪೆನಿಯ ಹೊಸ ಸ್ಮಾರ್ಟ್​​ಫೋನ್ 12nm ಜ್ಹಂರುಯ್ (Zhanrui) T7510 ಚಿಪ್‌ಸೆಟ್‌ನಿಂದ ಕಾರ್ಯನಿರ್ವಹಿಸಲಿದೆ ಎಂದು ಕಂಪೆನಿ ಹೇಳಿದೆ. ಇನದನು ಈ ಸ್ಮಾರ್ಟ್​ಫೋನ್​ 8ಜಿಬಿ ರ್‍ಯಾಮ್ ಮತ್ತು 128ಜಿಬಿ ಇಂಟರ್ನಲ್‌ ಸ್ಟೋರೇಜ್‌ ಸಾಮರ್ಥ್ಯದಲ್ಲಿ ಲಭ್ಯ ಇರಲಿದೆ.


    ಬ್ಯಾಟರಿ ಫೀಚರ್ಸ್​


    ಈ ಲೇಎಕೋ ಎಸ್​​1 ಪ್ರೋ (LeEco S1 Pro) ಸ್ಮಾರ್ಟ್​​​ಫೋನ್ 10W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ. ಆದರೆ ಆ್ಯಪಲ್ ಐಫೋನ್ 14 ಪ್ರೋ ಸ್ಮಾರ್ಟ್​ಫೋನ್​ ಇದಕ್ಕಿಂತ 10 ಪಟ್ಟು ಹೆಚ್ಚು ಹೊಂದಿದ್ದು, 20W ವೇಗದ ಚಾರ್ಜಿಂಗ್​ ಸಾಮರ್ಥ್ಯವನ್ನು ಹೊಂದಿದೆ.




    ಬೆಲೆ ಮತ್ತು ಲಭ್ಯತೆ


    ಲೇಎಕೋ ಎಸ್​​1 ಪ್ರೋ ಸ್ಮಾರ್ಟ್​​ಫೋನ್ ಗೆ ಚೀನಾದಲ್ಲಿ CNY 899 ಅಂದರೆ ಭಾರತದಲ್ಲಿ ಸುಮಾರು 10,900 ರೂಪಾಯಿ ಎಂದು ಬೆಲೆ ನಿಗದಿ ಮಾಡಲಾಗಿದೆ. ಇದರಲ್ಲಿ ಗಮನಿಸಬೇಕಾದ ಅಂಶ ಎಂದರೆ ಇದು ಆ್ಯಪಲ್​ ಫೋನ್‌ನಂತೆ ಕಾಣಿಸುವ ಈ ಫೋನ್‌ನ ಬೆಲೆ 10,900 ರೂ.ಗಳಾದರೆ ಐಫೋನ್‌ 14 ಪ್ರೊ ಬೆಲೆ 1,29,900 ರೂ. ಇದೆ . ಅಂದರೆ ಅಗ್ಗದ ದರದಲ್ಲಿ ನೀವು ಐಫೋನ್‌ ಶೈಲಿಯ ಫೋನ್‌ ಅನ್ನು ಸುಲಭದಲ್ಲಿ ಖರೀದಿಸಬಹುದಾಗಿದೆ.

    Published by:Prajwal B
    First published: