• Home
  • »
  • News
  • »
  • tech
  • »
  • Tech Tips: ಒಪ್ಪೋ, ಒನ್​​​ಪ್ಲಸ್​ ಗ್ರಾಹಕರಿಗೆಂದೇ ಬಿಡುಗಡೆಯಾಗಿ ಹೊಸ ಆ್ಯಪ್! ಏನಿದರ ವಿಶೇಷತೆ?

Tech Tips: ಒಪ್ಪೋ, ಒನ್​​​ಪ್ಲಸ್​ ಗ್ರಾಹಕರಿಗೆಂದೇ ಬಿಡುಗಡೆಯಾಗಿ ಹೊಸ ಆ್ಯಪ್! ಏನಿದರ ವಿಶೇಷತೆ?

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಒಪ್ಪೋ ಕಂಪೆನಿ ಓಡಯಲರ್ ಎಂಬ ಆ್ಯಪ್​ ಅನ್ನು ಪರಿಸಿದೆ. ಈ ಆ್ಯಪ್​ ಮೂಲಕ ಕಾಲ್​ ಮಾಡಿದಾಗ ಗೌಪ್ಯವಾಗಿ ರೆಕಾರ್ಡ್​ ಮಾಡುವ ಸೌಲಭ್ಯವನ್ನು ನೀಡುತ್ತದೆ. ಜೊತೆಗೆ ಈ ಆ್ಯಪ್​ ಮೂಲಕವೇ ಕಾಂಟ್ಯಾಕ್ಟ್​​ಗಳನ್ನು ಸೇವ್​ ಮಾಡಿಕೊಂಡು ಕಾಲ್​ ಸಹ ಮಾಡಬಹುದು. ಹಾಗಿದ್ರೆ ಇದರ ಫೀಚರ್ಸ್​ ಹೇಗಿದೆ ಎಂಬುದನ್ನು ಈ ಲೇಖನದಲ್ಲಿ ತಿಳಿಯಿರಿ.

ಮುಂದೆ ಓದಿ ...
  • Share this:

    ಇತ್ತೀಚೆಗೆ ಸ್ಮಾರ್ಟ್​​ಫೋನ್​ಗಳ (Smartphones) ಬಳಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಇದಕ್ಕೆ ಮುಖ್ಯ ಕಾರಣ ಟೆಕ್ನಾಲಜಿಯ ಪ್ರಗತಿ ಅಂತಾನೇ ಹೇಳ್ಬಹುದು. ಯಾಕೆಂದರೆ ಈಗ ಯಾವುದೇ ಕೆಲಸವನ್ನು ಮೊಬೈಲ್​​ ಮೂಲಕವೇ ಕ್ಷಣಮಾತ್ರದಲ್ಲಿ ಮಾಡಿಮುಗಿಸಬಹುದಾಗಿದೆ. ಕೊರೊನಾ ಎಂಬ ಸಾಂಕ್ರಾಮಿಕ ರೋಕ ಬಂದ ನಂತರವಂತೂ ಮೊಬೈಲ್​ ಮಾನವರ ಜೀವನದ ಪ್ರಮುಖ ಅಂಶವಾಗಿಬಿಟ್ಟಿದೆ. ಈ ಮೊಬೈಲ್​ ಬಹಳಷ್ಟು ಫೀಚರ್ಸ್​​ಗಳನ್ನು ಹೊಂದಿದೆ. ಅದರಲ್ಲಿ ಕಾಲ್​ ಮಾಡುವ ಸೌಲಭ್ಯವೂ ಒಂದು. ಆದರೆ ಇದರಲ್ಲಿ ಇತ್ತೀಚೆಗೆ ಕಾಲ್​ ಅನ್ನು ರೆಕಾರ್ಡಿಂಗ್ ಮಾಡುವ ಸೌಲಭ್ಯವೂ ಬಂದಿದೆ. ಆದರೆ ಕೆಲವೊಂದು ಸ್ಮಾರ್ಟ್​​ಫೋನ್​ಗಳಲ್ಲಿ ಇನ್ನೂ ಈ ಸೌಲಭ್ಯ ಲಭ್ಯವಿಲ್ಲ. ಆದರೆ ಇದೀಗ ಒಪ್ಪೋ ಕಂಪೆನಿ (Oppo Company) ಹೊಸ ಓಡಯಲರ್ (ODialer App) ಎಂಬ ಆ್ಯಪ್ ಅನ್ನು ಪರiಿಚಯಿಸಿದೆ.


    ಒಪ್ಪೋ ಕಂಪೆನಿ ಓಡಯಲರ್ ಎಂಬ ಆ್ಯಪ್​ ಅನ್ನು ಪರಿಸಿದೆ. ಈ ಆ್ಯಪ್​ ಮೂಲಕ ಕಾಲ್​ ಮಾಡಿದಾಗ ಗೌಪ್ಯವಾಗಿ ರೆಕಾರ್ಡ್​ ಮಾಡುವ ಸೌಲಭ್ಯವನ್ನು ನೀಡುತ್ತದೆ. ಜೊತೆಗೆ ಈ ಆ್ಯಪ್​ ಮೂಲಕವೇ ಕಾಂಟ್ಯಾಕ್ಟ್​​ಗಳನ್ನು ಸೇವ್​ ಮಾಡಿಕೊಂಡು ಕಾಲ್​ ಸಹ ಮಾಡಬಹುದು. ಹಾಗಿದ್ರೆ ಇದರ ಫೀಚರ್ಸ್​ ಹೇಗಿದೆ ಎಂಬುದನ್ನು ಈ ಲೇಖನದಲ್ಲಿ ತಿಳಿಯಿರಿ.


    ಓಪ್ಪೋ ಕಂಪೆನಿಯ ಓಡಯಲರ್​ ಆ್ಯಪ್​ ಫೀಚರ್ಸ್​


    ಈ ಆ್ಯಪ್​ನಲ್ಲಿ ಕರೆಯಲ್ಲಿ ಮಾತನಾಡುವ ವ್ಯಕ್ತಿಗೆ ಮಾಹಿತಿ/ ಸೂಚನೆ ನೀಡದೆ ಕರೆಗಳನ್ನು ರೆಕಾರ್ಡ್ ಮಾಡಬಹುದು. ಇದರೊಂದಿಗೆ ಬಳಕೆದಾರರು ಇತ್ತೀಚಿನ ಕರೆಗಳನ್ನು ಸಹ ವೀಕ್ಷಿಸಬಹುದು. ಅಲ್ಲದೇ ಬಳಕೆದಾರರ ಕರೆಗಳನ್ನು ರೆಕಾರ್ಡ್ ಮಾಡಲು, ಸ್ಪೀಡ್‌ ಡಯಲ್‌ ಜೊತೆಗೆ ವೇಗವಾಗಿ ಫೋನ್ ಕರೆ ಮಾಡಲು ಮತ್ತು ಬಳಕೆದಾರರ ಕಾಂಟ್ಯಾಕ್ಟ್‌ಗಳನ್ನು ಒಂದೇ ಸ್ಥಳದಲ್ಲಿ ಸೇವ್​ ಮಾಡಲು ಈ ಆ್ಯಪ್ ಬಳಕೆದಾರರಿಗೆ ಸಹಕಾರಿಯಾಗಲಿದೆ.




    ಹಾಗೆಯೇ ಓಡಯಲರ್ ಆ್ಯಪ್​ ಇತ್ತೀಚಿನ ಆಂಡ್ರಾಯ್ಡ್‌ 12 (Android 12) ಅಥವಾ ಅದಕ್ಕಿಂತ ಮುಂದಿನ ಆಪ್‌ರೇಟಿಂಗ್ ಸಿಸ್ಟಮ್‌ ನೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಇನ್ನು ಈ ಅಪ್ಲಿಕೇಶನ್ ಸರಳ ಆಪರೇಟಿಂಗ್ ಆಯ್ಕೆಗಳನ್ನು ಪಡೆದಿದ್ದು, ಬಳಕೆದಾರರಿಗೆ ಥರ್ಡ್‌ ಪಾರ್ಟಿ ಕಾಲ್ ರೆಕಾರ್ಡಿಂಗ್‌ ಆ್ಯಪ್​ಗಳ ಬಳಕೆ ದೂರ ಮಾಡಲಿದೆ.


    ಗೂಗಲ್ ಪ್ಲೇ ಸ್ಟೋರ್​ನಲ್ಲಿ ಲಭ್ಯ


    ಸದ್ಯ ಒಪ್ಪೋ ಸಂಸ್ಥೆ ಪರಿಚಯಿಸಿರುವ ಓಡಯಲರ್ ಅಪ್ಲಿಕೇಶನ್​ ಗೂಗಲ್​ ಪ್ಲೇ ಸ್ಟೋರ್​ನಲ್ಲಿ ಲಭ್ಯವಿದೆ. ಇದು ಉತ್ತಮ ಫೀಚರ್ಸ್​ ಅನ್ನು ಹೊಂದಿದ್ದು, ಗೌಪ್ಯತೆಗೆ ಹೆಚ್ಚು ಪ್ರಾಮುಖ್ಯತೆಯನ್ನು ನೀಡುತ್ತದೆ. ಅಂದಹಾಗೆ ಓಡಯಲರ್ ಅಪ್ಲಿಕೇಶನ್ ಈಗಾಗಲೇ ಗೂಗಲ್‌ ಪ್ಲೇ ಸ್ಟೋರ್‌ನಲ್ಲಿ 5000+ ಡೌನ್‌ಲೋಡ್‌ಗಳನ್ನು ಪಡೆದುಕೊಂಡಿದೆ, ಜೊತೆಗೆ 3.9 ರೇಟಿಂಗ್ ಸಹ ಪಡೆದುಕೊಂಡಿದೆ.


    ಇತರೆ ಬೆಸ್ಟ್​ ವಾಯ್ಸ್​ ಅಪ್ಲಿಕೇಶನ್​ಗಳು


    ಸಾಂಕೇತಿಕ ಚಿತ್ರ


    ವಾಯ್ಸ್​ ಪ್ರೋ ಆ್ಯಪ್​


    ವಾಯ್ಸ್ ಎಡಿಟಿಂಗ್ ಆ್ಯಪ್​ ಭಿನ್ನ ಫೀಚರ್ಸ್‌ಗಳಿಂದ ಬಳಕೆದಾರರ ಗಮನ ಸೆಳೆದಿದ್ದು, ಒಟ್ಟು 100 ಭಿನ್ನ ಮಾದರಿ ಫಾರ್ಮ್ಯಾಟ್​ಗಳಲ್ಲಿ ರೆಕಾರ್ಡಿಂಗ್​ಗಳನ್ನು ಮಾಡಬಹುದಾಗಿದೆ. ವಾಯ್ಸ್ ರೆಕಾರ್ಡಿಂಗ್ ಫೈಲ್‌ಗಳನ್ನು ಮೊನೊ ಅಥವಾ ಸ್ಟೀರಿಯೋ ಫಾರ್ಮ್ಯಾಟ್​ಗಳಲ್ಲಿ ಸೇವ್​ ಮಾಡಬಹುದು. ಇದರೊಂದಿಗೆ ನಿಮ್ಮ ರೆಕಾರ್ಡಿಂಗ್‌ ವಾಯ್ಸ್​ಗೆ ಹಿನ್ನಲೆಯಾಗಿ ಮ್ಯೂಸಿಕ್ ಸಹ ಸೇರಿಸಬಹುದಾದ ಸೌಲಭ್ಯ ಇದೆ. ಅದಕ್ಕಾಗಿ ಮಿಕ್ಸ್ ಮತ್ತು ಮರ್ಜ್ ಆಯ್ಕೆಗಳು ಇವೆ. ಈ ಮೂಲಕ ಮ್ಯೂಸಿಕ್ ಆ್ಯಡ್ ಮಾಡಬಹುದು. ಕಾಲ್ ರೆಕಾರ್ಡಿಂಗ್ ಆಯ್ಕೆ ಸಹ ಇದರಲ್ಲಿ ಲಭ್ಯವಿದೆ.


    ಮ್ಯೂಸಿಕ್ ಎಡಿಟರ್ ಆ್ಯಪ್​


    ಮ್ಯೂಸಿಕ್ ಎಡಿಟರ್ ಅಪ್ಲಿಕೇಶನ್ ಹಾಡುಗಳನ್ನು ಎಡಿಟ್‌ ಮಾಡಲು ಸಹಕಾರಿಯಾಗುತ್ತದೆ. ಈ ಆ್ಯಪ್​ ಮೂಲಕ ಹಾಡುಗಳನ್ನು ಕಟ್ ಮಾಡಬಹುದು, ರಿಂಗ್‌ಟ್ಯೂನ್ ಆಗಿ ಸೆಟ್​ ಮಾಡಬಹುದಾಗಿದೆ. ಜೊತೆಗೆ ಈ ಆ್ಯಪ್ ಮೂಲಕ ಹಾಡುಗಳನ್ನು ಎಡಿಟ್ ಮಾಡಬಹುದು ಹಾಗೂ ಇನ್ನಿತರೆ ಎಡಿಟಿಂಗ್ ಸೌಲಭ್ಯಗಳು ಸಹ ಲಭ್ಯ ಇವೆ.


    ಇದನ್ನೂ ಓದಿ:  ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಲು ಬರ್ತಿದೆ ಶಿಯೋಮಿ ಕಂಪೆನಿಯ ಸ್ಮಾರ್ಟ್​ಫೋನ್​! ಫೀಚರ್ಸ್​ ಹೇಗಿದೆ ಗೊತ್ತಾ?


    ಜೊತೆಗೆ ಈ ಆ್ಯಪ್​ನಲ್ಲಿ ಬಳಕೆದಾರರು ಆಡಿಯೋ ಕಂಪೋಸ್, ಟ್ರಿಮ್ ಆಡಿಯೋ, ಮರ್ಜ್ ಆಡಿಯೋ, ಫೈಲ್ ಸೇರಿಸುವುದು ಸೌಲಭ್ಯಗಳನ್ನು ಸಹ ಬಳಕೆ ಮಾಡಬಹುದಾಗಿದೆ.

    Published by:Prajwal B
    First published: