• Home
  • »
  • News
  • »
  • tech
  • »
  • Cyber Crime: ಹುಡುಗರೇ ಎಚ್ಚರ! ಸುಂದರವಾದ ಹುಡುಗಿಯ ಫೋಟೋ ನೋಡಿ ಮೆಸೇಜ್​ ಮಾಡಿದ್ರೆ ಬ್ಯಾಂಕ್​ನಲ್ಲಿದ್ದ ಹಣ ಗುಳುಂ

Cyber Crime: ಹುಡುಗರೇ ಎಚ್ಚರ! ಸುಂದರವಾದ ಹುಡುಗಿಯ ಫೋಟೋ ನೋಡಿ ಮೆಸೇಜ್​ ಮಾಡಿದ್ರೆ ಬ್ಯಾಂಕ್​ನಲ್ಲಿದ್ದ ಹಣ ಗುಳುಂ

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಸೋಶಿಯಲ್​ ಮೀಡಿಯಾಗಳನ್ನುಅತಿಯಾಗಿ ಬಳಕೆ ಮಾಡುವವರೇ ಎಚ್ಚರ. ನಕಲಿ ಮೆಸೇಜ್​ ಮಾಡುವ ಮೂಲಕ ನಿಮ್ಮ ಬ್ಯಾಂಕ್​ ಖಾತೆಯನ್ನು ಕ್ಷಣಮಾತ್ರದಲ್ಲಿ ಖಾಲಿ ಮಾಡ್ತಾರೆ. ಇದೀಗ ಇದೇ ರೀತಿಯ ಘಟನೆಯೊಂದು ಮುಂಬೈನಲ್ಲಿ ನಡೆದಿದೆ. ಕಮಿಷನ್​ ದುಡ್ಡಿನ ಆಸೆಯಲ್ಲಿ ಕಳಕೊಂಡಿದ್ದು ಮಾತ್ರ ಬರೋಬ್ಬರಿ 37.80 ಲಕ್ಷ ರೂಪಾಯಿ.

ಮುಂದೆ ಓದಿ ...
  • Share this:

    ಇಂದಿನ ದಿನಗಳಲ್ಲಿ ಸೋಶಿಯಲ್​ ಮೀಡಿಯಾವನ್ನು (Social Media) ಬಳಸದೇ ಇರುವ ಜನರೇ ಇಲ್ಲ. ಪ್ರತಿಯೊಬ್ಬರ ಮೊಬೈಲಲ್ಲೂ (Mobile) ಒಂದಾದರೂ ಸೋಶಿಯಲ್ ಮೀಡಿಯಾ ಇದ್ದೇ ಇದೆ. ಆದರೆ ಯಾರೇ ಅಗಲಿ ಸೋಶಿಯಲ್​ ಮೀಡಿಯಾಗಳನ್ನು ಅತಿಯಾಗಿ ಬಳಕೆ ಮಾಡಬಾರದು. ಈ ಎಲ್ಲಾ ವಿಚಾರಗಳನ್ನು ಗಮನಿಸಿಕೊಂಡು ಇತ್ತೀಚೆಗೆ ಹ್ಯಾಕರ್ಸ್​ಗಳ (Hackers) ಸಂಖ್ಯೆ ಹೆಚ್ಚಾಗಿ. ಈ ಹ್ಯಾಕರ್ಸ್​ಗಳ ಮುಖ್ಯ ಉದ್ದೇಶವೇ ಬಳಕೆದಾರರ ಬ್ಯಾಂಕ್​ನಲ್ಲಿದ್ದ ಹಣವನ್ನು ಖಾಲಿ ಮಾಡುವುದು. ಆದರೆ ಇದಕ್ಕಾಗಿ ವಂಚಕರು ಹಗಲಿರುಳು ಕಾದು ಬೇಕಾದರೂ ವಂಚನೆ ಮಾಡ್ತಾರೆ. ಸೋಶಿಯಲ್​ ಮೀಡಿಯಾದಲ್ಲಿ ಯಾವುದೇ ಒಂದು ಲಿಂಕ್​ ಬಂದಾಗ ಅದನ್ನು ಓಪನ್​ ಮಾಡಬೇಕಾದ್ರೆ ಜಾಗೃತವಹಿಸಿ. ಇಲ್ಲದಿದ್ದರೆ ನೀವು ಮೋಸ ಹೋಗುವುದಂತೂ ಗ್ಯಾರಂಟಿ.


    ಸೋಶಿಯಲ್​ ಮೀಡಿಯಾಗಳನ್ನುಅತಿಯಾಗಿ ಬಳಕೆ ಮಾಡುವವರೇ ಎಚ್ಚರ. ಕೇವಲ ನಕಲಿ ಮೆಸೇಜ್​ ಮಾಡುವ ಮೂಲಕ ನಿಮ್ಮ ಬ್ಯಾಂಕ್​ ಖಾತೆಯನ್ನು ಕ್ಷಣಮಾತ್ರದಲ್ಲಿ ಖಾಲಿ ಮಾಡ್ತಾರೆ. ಇದೀಗ ಇದೇ ರೀತಿಯ ಘಟನೆಯೊಂದು ಮುಂಬೈನಲ್ಲಿ ನಡೆದಿದೆ. ಕಮಿಷನ್​ ದುಡ್ಡಿನ ಆಸೆಯಲ್ಲಿ ಕಳಕೊಂಡಿದ್ದು ಮಾತ್ರ ಬರೋಬ್ಬರಿ 37.80 ಲಕ್ಷ ರೂಪಾಯಿ. ಹಾಗಿದ್ರೆ ಅಂತದ್ದೇನು ಬಂತು ಮೆಸೇಜ್​ ಎಂಬುದನ್ನು ತಿಳಿಬೇಕಾದ್ರೆ ಇದನ್ನು ಫುಲ್​ ಓದಿ.


    ಟೆಲಿಗ್ರಾಮ್​ನಲ್ಲಿ ಬಂದ ಮೆಸೇಜ್​


    ಟೆಲಿಗ್ರಾಮ್‌ನಲ್ಲಿ ಮಹಿಳೆಯೊಬ್ಬಳು ಕಳುಹಿಸಿದ ಮೆಸೇಜ್​ಗೆ ರಿಪ್ಲೈ ಕೊಡಲು ಹೋಗಿ ವ್ಯಕ್ತಿಯೊಬ್ಬ ಬರೋಬ್ಬರಿ 37.80 ಲಕ್ಷ ರೂಪಾಯಿ ಕಳೆದುಕೊಂಡಿದ್ದಾನೆ. ಆನ್‌ಲೈನ್‌ನಲ್ಲಿ ಹಣ ಗಳಿಸುವುದು ಹೇಗೆ? ನೀವು ಸುಲಭವಾಗಿ ಕಮಿಷನ್‌ ರೂಪದಲ್ಲಿ ಹಣ ಪಡೆಯುವುದಕ್ಕೆ ಈ ಲಿಂಕ್‌ ಕ್ಲಿಕ್‌ ಮಾಡಿ ಎಂದು ಹೇಳಿದ ಮಹಿಳೆ ಆತನಿಗೆ ಮೆಸೇಜ್​ ಕಳಿಸಿದ್ದಳು. ಸದ್ಯ ಈ ಸುದ್ದಿ ಬಹಳಷ್ಟು ಚರ್ಚೆಯಲ್ಲಿದ್ದು ಪ್ರಕರಣದ ಬಗ್ಗೆ ದಿ ಫ್ರೀ ಪ್ರೆಸ್‌ ಜರ್ನಲ್‌ ವರದಿ ಮಾಡಿದೆ.


    ಇದನ್ನೂ ಓದಿ: ಬರ್ತಿದೆ ನೋಡಿ ಲೆನೋವೋ ಕಂಪನಿಯ ಹೊಸ ಲ್ಯಾಪ್​ಟಾಪ್​! ಇದರ ಫೀಚರ್ಸ್​​ಗೆ ಫಿದಾ ಆಗ್ತೀರಾ


    ಮೋಸಹೋಗಲು ಕಾರಣವೇನು?


    ಮುಂಬೈನ 40 ವರಷದ ವ್ಯಕ್ತಿಗೆ ಮಹಿಳೆಯೊಬ್ಬಳು ಟೆಲಿಗ್ರಾಮ್​ನಲ್ಲಿ ಒಂದು ಮೆಸೇಜ್​ ಕಳುಹಿಸಿದ್ದಾಳೆ. ಈ ಮೆಸೇಜ್​ನಲ್ಲಿ ಏನಿತ್ತೆಂದರೆ ಈ ಲಿಂಕ್​ ಓಪನ್ ಮಾಡುವ ಮೂಲಕ ಸುಲಭದಲ್ಲಿ ಆನ್​ಲೈನ್​ನಲ್ಲಿ ಹಣ ಗಳಿಸಬಹುದು. ಆದರೆ ಇದಕ್ಕಾಗಿ ನೀವು ಮಾಡಬೇಕಿರುವುದು ಇಷ್ಟೇ ಲಿಂಕ್ ಓಪನ್ ಮಾಡಿ ಕಂಪನಿ ವೆಬ್​ಸೈಟ್​ನಲ್ಲಿರುವ ಪ್ರೊಡಕ್ಟ್​ಗಳಿಗೆ ರೇಟಿಂಗ್​ ಅನ್ನು ನೀಡಬೇಕು. ಉತ್ತಮ ರೇಟಿಂಗ್ ನೀಡಿದರೆ ನಿಮಗೆ ಕಂಪನಿಯಿಂದ ಕಮಿಷನ್​ ಬರುತ್ತದೆ ಎಂದು ಹೇಳಿ ಹಣದ ಆಸೆಯನ್ನು ಹುಟ್ಟಿಸಿದ್ದಾಳೆ.


    ಕಮಿಷನ್​ ಆಸೆಗೆ ಹೋಗಿ ಮೋಸಕ್ಕೆ ಗುರಿಯಾದ


    ಮಹಿಳೆ ನೀಡಿದ ಕಮಿಷನ್‌ ಆಸೆ ಹಾಗೂ ಆಕೆಯ ಮೆಸೇಜ್​ಗಳನ್ನು ನೋಡಿ ಮಾರುಹೋದ ವ್ಯಕ್ತಿ ಆ ಕ್ಷಣದಲ್ಲೇ ಆಕೆ ಕಳುಹಿಸಿದ ಲಿಂಕ್‌ ಮೇಲೆ ಕ್ಲಿಕ್‌ ಮಾಡಿದ್ದಾನೆ. ಲಿಂಕ್‌ ಓಪನ್​ ಮಾಡಿದ ನಂತರ ಅಲ್ಲಿ ಮತ್ತೊಬ್ಬ ಮಹಿಳೆ ಅವನಿಂದ ವೆಬ್‌ಸೈಟ್‌ನಲ್ಲಿ ಕೆಲವು ಟಾಸ್ಕ್​ಗಳನ್ನು ಪೂರೈಸಬೇಕೆಂದು ಹೇಳಿದ್ದಾಳೆ. ಆಕೆ ಹೇಳಿದಂತೆ ಈತನೂ ಕೂಡ ವೆಬ್‌ಸೈಟ್‌ ಲಿಂಕ್‌ ಕ್ಲಿಕ್‌ ಮಾಡಿ ಅಲ್ಲಿ ಕೇಳಿರುವ ಎಲ್ಲಾ ಡೀಟೇಲ್ಸ್​ ಅನ್ನು ಫಿಲ್​ ಮಾಡುವ ಮೂಲಕ ಆಕೆಯ ವೆಬ್‌ಸೈಟ್‌ಗೆ ಲಾಗಿನ್‌ ಕೂಡ ಆಗಿದ್ದಾನೆ. ಲಾಗಿನ್ ಆದ ಬಳಿಕ ನೀವು ಈ ವೆಬ್​​ಸೈಟ್​ನಲ್ಲಿರುವ ಉತ್ಪನ್ನಗಳಿಗೆ ಉತ್ತಮ ರೇಟಿಂಗ್​ ನೀಡಬೇಕು ಕೊನೆಗೆ ನಿಮ್ಮ ವ್ಯಾಲೆಟ್​ಗೆ ಹಣ ಬರುತ್ತದೆ ಎಂದು ಹೇಳಿದ್ದಳು.


    ರೇಟಿಂಗ್​ ನೀಡಲು ಹಣ ಪಾವತಿಸಿದ್ದ


    ಅದರಂತೆ ಮುಂಬೈನ ವ್ಯಕ್ತಿ ಆಕೆಯ ವೆಬ್‌ಸೈಟ್‌ನಲ್ಲಿ ನೀಡಲಾದ ಕಾರ್ಯಗಳನ್ನು ನಿರ್ವಹಿಸಲು ಪ್ರಾರಂಭಿಸಿದ್ದಾನೆ. ಇದರಲ್ಲಿ ಮಹಿಳೆ ತನ್ನದೆಂದು ಹೇಳಿದ ಕೆಲವು ಪ್ರೊಡಕ್ಟ್​ಗಳಿಗೆ ಫೈವ್​ ಸ್ಟಾರ್‌ ರೇಟಿಂಗ್‌ ನೀಡುವುದು ಈತನ ಕೆಲಸವಾಗಿತ್ತು. ಪ್ರತಿ ಬಾರಿಯೂ ಅವನು ರೇಟಿಂಗ್‌ ನೀಡಿದ ನಂತರ ಅದಕ್ಕಾಗಿ ಅವನು ಕೆಲವು ಪ್ರೀಮಿಯಂ ಶುಲ್ಕಗಳನ್ನು ಪಾವತಿಸಬೇಕಾಗುತ್ತದೆ ಎಂದು ಹೇಳಲಾಗಿದೆ. ಅಲ್ಲದೆ ಈ ಶುಲ್ಕ ಮಾತ್ರ ಇ-ವ್ಯಾಲೆಟ್‌ನಲ್ಲಿ ಮತ್ತೆ ವಾಪಾಸ್‌ ಬರಲಿದೆ ಎಂದು ಸೂಚನೆ ಕೂಡ ನೀಡಲಾಗಿದೆ.


    ಹೀಗೆ ಪಾವತಿಸಿದ ವ್ಯಕ್ತಿ ಟಾಸ್ಕ್​ ಕಂಪ್ಲೀಟ್​ ಆಗುವ ಹೊತ್ತಿಗೆ ಕಳಕೊಂಡಿದ್ದು ಮಾತ್ರ 37.80 ಲಕ್ಷ ರೂಪಾಯಿ. ಆದರೆ ಮೊದಲೇ ಹೇಳಿದಂತೆ ಆತನ ವ್ಯಾಲೆಟ್​ಗೆ ಯಾವುದೇ ರೀತಿಯ ವಾಪಸ್​ ಹಣ ಬರಲಿಲ್ಲ. ಆದರೆ ಕೇವಲ 41 ರೂಪಾಯಿ ಮಾತ್ರ ಬಂದಿದೆ. ನಂತರ ತಾನು ಮೋಸ ಹೋಗಿರುವದನ್ನು ಅರಿತ ವ್ಯಕ್ತಿ ಎಷ್ಟು ರಿಕ್ವೆಸ್ಟ್​ ಮಾಡಿದ್ರೂ ಆ ಮೆಸೇಜ್​ಗೆ ಅವರಿಂದ ಯಾವುದೇ ಪ್ರತಿಕ್ರಿಯೆ ಇರಲಿಲ್ಲ.


    ನಂತರ ಈ ವಿಷಯದ ಕುರಿತು ಪೊಲೀಸ್​ ಠಾಣೆಗೆ ಹೋಗಿ ದೂರನ್ನೂ ನೀಡಿದ್ದಾನೆ.

    Published by:Prajwal B
    First published: