Infinix Smartphone: 180 ವ್ಯಾಟ್ ಫಾಸ್ಟ್ ಚಾರ್ಜಿಂಗ್‌ ಸ್ಮಾರ್ಟ್​ಫೋನ್​ ಇನ್ಫಿನಿಕ್ಸ್​ನಿಂದ ಲಾಂಚ್! ಬೆಲೆ, ಫೀಚರ್ಸ್​ ಮಾಹಿತಿ ಇಲ್ಲಿದೆ ನೋಡಿ

ಸ್ಮಾರ್ಟ್​ಫೋನ್ (​Smartphone Market) ಮಾರುಕಟ್ಟೆಯಲ್ಲಿ ಹೊಸ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗುತ್ತಿದೆ. ಇದು ಒಂದಕ್ಕೊಂದು ಪೈಪೋಟಿಯನ್ನು ನೀಡುತ್ತಾ ಬಿಡುಗಡೆಯಾಗುತ್ತಿದ್ದು, ಹಲವಾರು ಸ್ಮಾರ್ಟ್​ಫೋನ್​ಗಳು ಜನರ ಗಮನಸೆಳೆದಿವೆ. ಇದೀಗ ಇನ್ಫಿನಿಕ್ಸ್ (Infinix)​ ಭರವಸೆ ನೀಡಿದಂತೆಯೇ ಇದೀಗ ಭಾರತದಲ್ಲಿ ಅತ್ಯಾಧುನಿಕ ಸ್ಮಾರ್ಟ್‌ಫೋನ್ ಆದ ಜೀರೋ ಸರಣಿಯ ಜೀರೋ ಅಲ್ಟ್ರಾ (ZERO ULTRA) ಡಿವೈಸ್ ಅನ್ನು ಬಿಡುಗಡೆ ಮಾಡಿದೆ. 6.8-ಇಂಚಿನ 3D ಕರ್ವ್ಡ್ FHD+ 120Hz ಅಮೋಲೆಡ್ ಡಿಸ್‌ಪ್ಲೇ ಮತ್ತು 180W ವೇಗದ ಚಾರ್ಜಿಂಗ್‌ನೊಂದಿಗೆ ಭಾರತದ ಮೊದಲನೆಯ ಡಿವೈಸ್ ಅನ್ನು ಇನ್‌ಫಿನಿಕ್ಸ್ ಲಾಂಚ್ ಮಾಡಿದೆ.

ಹೌದು, ಇನ್ಫಿನಿಕ್ಸ್​  ಸ್ಮಾರ್ಟ್​ಫೋನ್​ ಕಂಪನಿಯು ಈ ಹಿಂದೆಯೂ ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡಿ ಎಲ್ಲರನ್ನು ತನ್ನ ಉತ್ಪನ್ನದತ್ತ ಆಕರ್ಷಿಸಿತ್ತು. ಇದೀಗ 180 ವ್ಯಾಟ್​ ವೇಗದಲ್ಲಿ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದ ಹೊಸ 5ಜಿ ಸ್ಮಾರ್ಟ್​​ಫೋನ್ ಬಿಡುಗಡೆಯಾಗಿದೆ. ಇದರ ಕಂಪ್ಲೀಟ್​ ಮಾಹಿತಿ ಈ ಕೆಳಗೆ ನೀಡಲಾಗಿದೆ.

180 ವ್ಯಾಟ್ ಥಂಡರ್ ಚಾರ್ಜ್

180ವ್ಯಾಟ್ ಥಂಡರ್ ಚಾರ್ಜ್ ತಂತ್ರಜ್ಞಾನವು ಫೋನ್‌ನಲ್ಲಿರುವ 4500mAh ಬ್ಯಾಟರಿಯನ್ನು 12 ನಿಮಿಷಗಳಲ್ಲಿ 1% ರಿಂದ 100% ವರೆಗೆ ಚಾರ್ಜ್ ಮಾಡಲು ಅವಕಾಶವನ್ನೊದಗಿಸಲಿದೆ. ಅಲ್ಟ್ರಾ 8C ಸೆಲ್ ಬ್ಯಾಟರಿಯು ಚಾರ್ಜಿಂಗ್ ಶಾಖವನ್ನು ಕಡಿಮೆ ಮಾಡುತ್ತದೆ ಮತ್ತು ಡಿವೈಸ್‌ನ ಬಾಳ್ವಿಕೆಯನ್ನು ಹೆಚ್ಚಿಸುತ್ತದೆ ಎಂದು ಇನ್‌ಫಿನಿಕ್ಸ್ ತಿಳಿಸಿದೆ.

ಇದನ್ನೂ ಓದಿ: ಇಲ್ಲಿದೆ ವಾಟ್ಸಪ್​​​ ಹೊಸ ಫೀಚರ್ಸ್​! ನೀವು ಈ ಆಯ್ಕೆ ಹೊಂದಿದ್ದೀರಾ ಗಮನಿಸಿ

ಡಿವೈಸ್‌ನಲ್ಲಿರುವ ಚಾರ್ಜಿಂಗ್ ವೈಶಿಷ್ಟ್ಯತೆಗಳು ಓವರ್‌ಲೋಡ್ ಹಾಗೂ ಡಿವೈಸ್‌ನ ಹೆಚ್ಚು ಬಿಸಿಯಾಗುವುದನ್ನು ತಪ್ಪಿಸುತ್ತದೆ. ಚಾರ್ಜರ್‌ನಲ್ಲಿರುವ GaN ತಂತ್ರಜ್ಞಾನವು 180ವ್ಯಾಟ್ ಥಂಡರ್ ಚಾರ್ಜ್ ಅನ್ನು ಹೆಚ್ಚಿನ ತಾಪಮಾನದೊಂದಿಗೆ ನಿರೋಧಕವಾಗಿಸುತ್ತದೆ. 111 ಸಾಫ್ಟ್‌ವೇರ್ ಮತ್ತು ಹಾರ್ಡ್‌ವೇರ್ ಭದ್ರತಾ ರಕ್ಷಣೆಯೊಂದಿಗೆ ಫೋನ್ ಬಂದಿದ್ದು ಇದು ಡಿವೈಸ್, ಚಾರ್ಜರ್ ಹಾಗೂ ಚಾರ್ಜಿಂಗ್ ಕೇಬಲ್‌ಗಳನ್ನು ರಕ್ಷಿಸುತ್ತದೆ.

ಜೀರೋ ಅಲ್ಟ್ರಾ 20 ವಿಭಿನ್ನ ತಾಪಮಾನ ಪತ್ತೆಹಚ್ಚುವಿಕೆ ವಿಶೇಷತೆಗಳನ್ನು ಹೊಂದಿದ್ದು ಇದು ಡಿವೈಸ್ ಹಾಗೂ ಚಾರ್ಜಿಂಗ್ ಕೇಬಲ್ ಎರಡರ ರಕ್ಷಣೆಯನ್ನೂ ಮಾಡುತ್ತದೆ.

ಡಿವೈಸ್ ವಿನ್ಯಾಸ

ಕಾಸ್ಲೈಟ್ ಸಿಲ್ವರ್ ಬಣ್ಣವು 3ಡಿ ಗ್ಲಾಸ್ ರಚನೆಯ ವಿನ್ಯಾಸವನ್ನು ಹೊಂದಿದ್ದು ಆಹ್ಲಾದಕರವಾಗಿದ್ದು ಸುಂದರವಾಗಿದೆ. ಆಕರ್ಷಕವಾಗಿರುವ ಬಣ್ಣಗಳಲ್ಲಿ ಡಿವೈಸ್ ಸುಂದರವಾಗಿ ಮೂಡಿಬಂದಿದೆ. ಕಾಸ್ಲೈಟ್ ಸಿಲ್ವರ್ ಮತ್ತು ಜೆನಿಸಿಸ್ ನೋಯ್ರ್ ಬಣ್ಣಗಳಲ್ಲಿ ಡಿವೈಸ್ ಲಭ್ಯವಿದೆ.

ಡಿವೈಸ್ ವಿಶೇಷತೆ ಹಾಗೂ ಕ್ಯಾಮೆರಾ

ಡಿವೈಸ್ 5 ಜಿಬಿ ರ‍್ಯಾಮ್ ಹಾಗೂ 8 ಜಿಬಿ ರ‍್ಯಾಮ್‌ನೊಂದಿಗೆ ಬಂದಿದೆ ಹಾಗೂ ಫೋನ್ XOS 12 ಜೊತೆಗೆ ಆ್ಯಂಡ್ರಾಯ್ಡ್ 12 ಅನ್ನು ರನ್ ಮಾಡುತ್ತದೆ.

2 ವರ್ಷದ ಭದ್ರತಾ ಅಪ್‌ಡೇಟ್‌ಗಳನ್ನು ಡಿವೈಸ್ ನೀಡುತ್ತಿದ್ದು ಆಟೋ ಫೋಕಸ್ ಡಬಲ್ ಸೂಪರ್ PD ಜೊತೆಗೆ 200 ಎಮ್‌ಪಿ ಹಿಂಬದಿಯ ಕ್ಯಾಮೆರಾವನ್ನು ಹೊಂದಿದೆ ಜೊತೆಗೆ 13 ಎಮ್‌ಪಿ ಅಲ್ಟ್ರಾ-ವೈಡ್ ಕ್ಯಾಮೆರಾ ಮತ್ತು 2 ಎಮ್‌ಪಿ ಕ್ಯಾಮೆರಾವನ್ನು ಹೊಂದಿದೆ.

ಇನ್‌ಫಿನಿಕ್ಸ್ ಜೀರೋ ಅಲ್ಟ್ರಾ ವಿಶೇಷತೆಗಳು

• 6.8-ಇಂಚಿನ (2400 × 1080 ಪಿಕ್ಸೆಲ್‌ಗಳು) ಪೂರ್ಣ HD+ 3D ಕರ್ವ್ಡ್ ಅಮೋಲೆಡ್ ಸ್ಕ್ರೀನ್ ಜೊತೆಗೆ 120Hz ರಿಫ್ರೆಶ್ ರೇಟ್, 360Hz ಟಚ್ ಸ್ಯಾಂಪ್ಲಿಂಗ್ ರೇಟ್, 1000 nits ವರೆಗೆ ಬ್ರೈಟ್‌ನೆಸ್, ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 3 ಪ್ರೊಟೆಕ್ಷನ್ ಅನ್ನು ಹೊಂದಿದೆ.


• ಆಕ್ಟಾ ಕೋರ್ (2 x 2.5GHz ಕಾರ್ಟೆಕ್ಸ್-A78 + 6 x 2GHz ಕಾರ್ಟೆಕ್ಸ್-A55 CPUಗಳು) ಮೀಡಿಯಾ ಟೆಕ್ ಡೈಮೆನ್ಸಿಟಿ 920 6nm ಪ್ರೊಸೆಸರ್ ಜೊತೆಗೆ ಮಾಲಿ-G68 MC4 GPU


• 8ಜಿಬಿ ರ‍್ಯಾಮ್, 256 ಜಿಬಿ ಸ್ಟೋರೇಜ್ ಅನ್ನು ಹೊಂದಿದ ಸ್ಮಾರ್ಟ್​​ಫೋನ್ ಇದಾಗಿದೆ.


• ಆ್ಯಂಡ್ರಾಯ್ಡ್ 12, XOS 12ನೊಂದಿಗೆ ಕಾರ್ಯನಿರ್ವಹಿಸುತ್ತದೆ.


• ಡ್ಯುಯಲ್​ ಸಿಮ್ ಅನ್ನು ಆ್ಯಡ್​ ಮಾಡ್ಬಹುದಾಗಿದೆ.


• 200 ಎಮ್‌ಪಿ ಹಿಂಬದಿಯ ಕ್ಯಾಮರಾ ಜೊತೆಗೆ 1/1.22″ ಸೆನ್ಸರ್, OIS, 13 ಎಮ್‌ಪಿ ಅಲ್ಟ್ರಾ-ವೈಡ್ ಕ್ಯಾಮೆರಾ, 2 MP ಡೆಪ್ತ್ ಸೆನ್ಸಾರ್, ಡ್ಯುಯಲ್ LED ಫ್ಲ್ಯಾಷ್, 4K 30fps ವಿಡಿಯೋ ರೆಕಾರ್ಡಿಂಗ್ ಸಾಮರ್ಥ್ಯವಿದೆ.


• ಡ್ಯುಯಲ್ LED ಫ್ಲ್ಯಾಶ್ ಜೊತೆಗೆ 32 ಎಮ್‌ಪಿ ಮುಂಭಾಗದ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.


• ಇನ್-ಡಿಸ್‌ಪ್ಲೇ ಫಿಂಗರ್‌ ಪ್ರಿಂಟ್ ಸೆನ್ಸಾರ್​​ನೊಂದಿಗೆ ಈ ಸ್ಮಾರ್ಟ್​ಫೋನ್ ಬರುತ್ತದೆ.

ಇನ್ಫಿನಿಕ್ಸ್ ಜೀರೋ ಅಲ್ಟ್ರಾ ಕೋಸ್‌ಲೈಟ್ ಸಿಲ್ವರ್ ಮತ್ತು ಜೆನಿಸಿಸ್ ನೋಯ್ರ್ ಬಣ್ಣಗಳಲ್ಲಿ ಲಭ್ಯವಿದೆ ಮತ್ತು ಫ್ಲಿಪ್‌ಕಾರ್ಟ್‌ನಿಂದ ಡಿಸೆಂಬರ್ 25 ರಿಂದ ದೊರೆಯಲಿದ್ದು ಆರಂಭ ಬೆಲೆ ರೂ. 29,999 ಆಗಿದೆ.