• Home
  • »
  • News
  • »
  • tech
  • »
  • Top 5 Best Smartphones: ಈ ವರ್ಷ 15,000 ರೂ. ಒಳಗೆ ರಿಲೀಸ್ ಆದ ಟಾಪ್ 5 ಸ್ಮಾರ್ಟ್​ಫೋನ್​ಗಳಿವು

Top 5 Best Smartphones: ಈ ವರ್ಷ 15,000 ರೂ. ಒಳಗೆ ರಿಲೀಸ್ ಆದ ಟಾಪ್ 5 ಸ್ಮಾರ್ಟ್​ಫೋನ್​ಗಳಿವು

2022ರ ಟಾಪ್ 5 ಬೆಸ್ಟ್ ಸ್ಮಾರ್ಟ್ ಫೋನ್ಸ್

2022ರ ಟಾಪ್ 5 ಬೆಸ್ಟ್ ಸ್ಮಾರ್ಟ್ ಫೋನ್ಸ್

ಸ್ಮಾರ್ಟ್​​ಫೋನ್ ಜಗತ್ತೇ ಒಂಥರಾ ಕಲರ್​ಫುಲ್ ಆಗಿರುತ್ತೆ. ಏಕೆಂದರೆ ಇಲ್ಲಿ ಬಗೆಬಗೆಯ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗುತ್ತಾ ಗ್ರಾಹಕರ ಗಮನಸೆಳೆಯುತ್ತಿರುತ್ತದೆ. ಅದೇ ರೀತಿ ಈ ವರ್ಷದ 15 ಸಾವಿರ ರೂಪಾಯಿಯೊಳಗಿನ ಬೆಸ್ಟ್​ ಸ್ಮಾರ್ಟ್​ಫೋನ್ಸ್​ ಯಾವುದೆಲ್ಲಾ ಇದೆ ಎಂಬುದನ್ನು ನಾವು ನಿಮಗೆ ತಿಳಿಸ್ತೀವಿ.

ಮುಂದೆ ಓದಿ ...
  • Share this:

    ಇನ್ನೇನು ಕೆಲವೇ ದಿನಗಳಲ್ಲಿ ಹೊಸವರ್ಷ ಬಂದಾಗುತ್ತೆ, 2022 ಕ್ಕೆ ವಿದಾಯ ಹೇಳುವ ಸಮಯ ಬರುತ್ತೆ. ಈ ಸಂದರ್ಭಗಳಲ್ಲಿ ಹಿಂದಿನ ದಿನಗಳ ಬಗ್ಗೆ ಸ್ವಲ್ಪ ಮೆಲುಕು ಹಾಕುವುದಾದರೆ ಮೊಬೈಲ್​ ಮಾರುಕಟ್ಟೆಯ (Mobile Market) ಬಗ್ಗೆ ಸ್ವಲ್ಪ ಮಾತಾಡೋಣ. ಸಾಕಷ್ಟು ಸ್ಮಾರ್ಟ್​ಫೋನ್​ಗಳು (Smartphones) ಈ ವರ್ಷ ಬಿಡುಗಡೆಯಾಗಿವೆ. ಆದರೆ ಬಿಡುಗಡೆಯಾದಂತಹ ಎಲ್ಲಾ ಸ್ಮಾರ್ಟ್​​ಫೋನ್​ಗಳು ಒಂದೊಂದು ಸ್ಪೆಷಲ್​ ಫೀಚರ್ಸ್ (Speciol Features)​ ಅನ್ನು ಒಳಗೊಂಡಿದೆ. ಅದೇ ರೀತಿ ಈ ಬಾರಿ ಹೆಚ್ಚು ಬಜೆಟ್​ನಿಂದ ಹಿಡಿದು ಕಡಿಮೆ ಬಜೆಟ್​ನವರೆಗೂ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗಿವೆ. ಈ ವರ್ಷದ ಸ್ಮಾರ್ಟ್​​ಫೋನ್​ಗಳ ಪೈಕಿ ಕೆಲವೇ  ಕೆಲವು ಸ್ಮಾರ್ಟ್​ಫೋನ್​ಗಳು ಜನಪ್ರಿಯತೆಯನ್ನು ಪಡೆದಿವೆ. ಹಾಗಿದ್ರೆ ಈ ಬಾರಿ ಬಿಡುಗಡೆಯಾದಂತಹ 15 ಸಾವಿರದ ಒಳಗಿನ ಬೆಸ್ಟ್​ ಸ್ಮಾರ್ಟ್​ಫೋನ್ಸ್​ ಯಾವುದೆಲ್ಲಾ ಎಂಬುದನ್ನು ನಾವು ನಿಮಗೆ ತಿಳಿಸ್ತೀವಿ.

    ಹೌದು ಸ್ಮಾರ್ಟ್​​ಫೋನ್ ಜಗತ್ತೇ ಒಂಥರಾ ಕಲರ್​ಫುಲ್ ಆಗಿರುತ್ತೆ. ಏಕೆಂದರೆ ಇಲ್ಲಿ ಬಗೆಬಗೆಯ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗುತ್ತಾ ಗ್ರಾಹಕರ ಗಮನಸೆಳೆಯುತ್ತಿರುತ್ತದೆ. ಅದೇ ರೀತಿ ಈ ವರ್ಷದ 15 ಸಾವಿರ ರೂಪಾಯಿಯೊಳಗಿನ ಬೆಸ್ಟ್​ ಸ್ಮಾರ್ಟ್​ಫೋನ್ಸ್​ ಯಾವುದೆಲ್ಲಾ ಇದೆ ಎಂಬುದನ್ನು ನಾವು ನಿಮಗೆ ತಿಳಿಸ್ತೀವಿ.


    ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಮ್​13 4ಜಿ


    ಈ ವರ್ಷ ಬಿಡುಗಡೆಯಾದಂತಹ ಸ್ಯಾಮ್​​ಸಂಗ್ ಗ್ಯಾಲಕ್ಸಿ ಎಮ್​13 ಸ್ಮಾರ್ಟ್​​ಫೋನ್​ 4ಜಿ ನೆಟ್​​ವರ್ಕ್​ ಅನ್ನು ಹೊಂದಿದ್ದು 10,749 ರೂಪಾಯಯಿಗೆ ಮಾರುಕಟ್ಟೆಯಲ್ಲಿ ಖರೀದಿಸಬಹುದಾಗಿದೆ. ಇನ್ನು ಈ ಸ್ಮಾರ್ಟ್​ಫೋನ್​ನ ಫೀಚರ್ಸ್​ ಬಗ್ಗೆ ಹೇಳುವುದಾದರೆ ಇದು 6.6 ಇಂಚಿನ ಫುಲ್ ಹೆಚ್​​ಡಿ ಪ್ಲಸ್​ ಎಲ್​​ಸಿಡಿ ಡಿಸ್​​ಪ್ಲೇಯನ್ನು ಹೊಂದಿದೆ. ಎಕ್ಸಿನೋಸ್​ 850 ಎಸ್​ಒಸಿ ಪ್ರೊಸೆಸರ್​ನಿಂದ ಈ ಸ್ಮಾರ್ಟ್​​ಫೋನ್​ ಕಾರ್ಯನಿರ್ವಹಿಸುತ್ತದೆ.


    ಇದನ್ನೂ ಓದಿ: 4 ಸಾವಿರ ರೂಪಾಯಿಯ ಸ್ಮಾರ್ಟ್​​ವಾಚ್​ ಅನ್ನು ಕೇವಲ 999 ರೂಪಾಯಿಗೆ ಖರೀದಿಸಿ! ಇಲ್ಲಿದೆ ನೋಡಿ ಫೀಚರ್ಸ್


    ಇನ್ನು ಇದರ ಕ್ಯಾಮೆರಾ ಬಗ್ಗೆ ಹೇಳುವುದಾದರೆ ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್ ಸೆನ್ಸಾರ್‌ ಮತ್ತು 8 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಹೊಂದಿದೆ. ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಮ್​13 ಸ್ಮಾರ್ಟ್​ಫೊನ್ 6000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಇದು 15W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.


    ಸಾಂಕೇತಿಕ ಚಿತ್ರ


    ಐಕ್ಯೂ ಝಡ್​6 ಲೈಟ್​ 5ಜಿ:


    ಐಕ್ಯೂ ಝಡ್​6 ಲೈಟ್ ಸ್ಮಾರ್ಟ್​ಫೋನ್​ 5ಜಿ ಮೊಬೈಲ್ ಆಗಿದ್ದು ಮಾರುಕಟ್ಟೆಯಲ್ಲಿ ಇದರ ಬೆಲೆ 13, 999 ರೂಪಾಯಿಯಾಗಿದೆ. ಈ ಸ್ಮಾರ್ಟ್​​​ಫೋನ್​ನ ವೈಶಿಷ್ಟ್ಯಗಳ ಬಗ್ಗೆ ಹೇಳುವುದಾದರೆ ಇದು 6.58 ಇಂಚಿನ ಫುಲ್‌ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇ ಹೊಂದಿದೆ. ಸ್ನಾಪ್‌ಡ್ರಾಗನ್ 695 SoC ಪ್ರೊಸೆಸರ್‌ ಸಾಮರ್ಥ್ಯದಲ್ಲಿ ಕಾರ್ಯನಿರ್ವಹಿಸುತ್ತದೆ.


    ಇನ್ನು ಈ ಸ್ಮಾರ್ಟ್​ಫೋನ್ ಟ್ರಿಪಲ್ ರಿಯರ್‌ ಕ್ಯಾಮೆರಾ ಸೆಟಪ್​ ಅನ್ನು ಹೊಂದಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್ ಸ್ಯಾಮ್‌ಸಂಗ್‌ ISOCELL JN1 ಸೆನ್ಸಾರ್‌ನಿಂದ ಕೂಡಿದೆ. ವಿಡಿಯೋ ಕಾಲ್ ಮತ್ತು ಸೆಲ್ಫಿಗಾಗಿ 16 ಮೆಗಾಪಿಕ್ಸೆಲ್ ಸಾಮರ್ಥ್ಯದ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಇನ್ನು ಇದು 5,000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್ ಜೊತೆಗೆ 18W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸಲಿದೆ.


    ರಿಯಲ್​ಮಿ 9ಐ 5ಜಿ ಸ್ಮಾರ್ಟ್​​ಫೋನ್:


    ರಿಯಲ್​ಮಿ 9ಐ ಸ್ಮಾರ್ಟ್​​ಫೊನ್ 6.6 ಇಂಚಿನ ಫುಲ್‌ HD+ ಡಿಸ್‌ಪ್ಲೇಯನ್ನು ಒಳಗೊಂಡಿದ್ದು ಇದು ಆಕ್ಟಾ ಕೋರ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 810 5G SoC ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ. ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಹೇಳುವುದಾದರೆ- ಇದರಲ್ಲಿ ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಸೆಟಪ್​ನಿಂದ ರಚಿಸಲಾಗಿದೆ.


    ಸಾಂಕೇತಿಕ ಚಿತ್ರ


    ಇದರಲ್ಲಿರುವ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್‌ ಸೆನ್ಸಾರ್‌ f/1.8 ಅಪಾರ್ಚರ್ ಲೆನ್ಸ್, ಪೋರ್ಟ್ರೇಟ್ ಶೂಟರ್ ಹಾಗೂ ಮ್ಯಾಕ್ರೋ ಕ್ಯಾಮೆರಾ ಹೊಂದಿದೆ. 8 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ಈ ಸ್ಮಾರ್ಟ್​​ಫೊನ್​ನಲ್ಲಿ ಸೇರಿಸಲಾಗಿದೆ. 5,000mAh ಸಾಮರ್ಥ್ಯದ ಬ್ಯಾಟರಿಯ ಜೊತೆಗೆ 18W ಕ್ವಿಕ್ ಚಾರ್ಜ್ ಫೀಚರ್ಸ್​ ಅನ್ನು ಅಳವಡಿಸಲಾಗಿದೆ. ಈ ಸ್ಮಾರ್ಟ್​​ಫೋನ್​ ಮಾರುಕಟ್ಟೆಯಲ್ಲಿ 14, 999 ರೂಪಾಯಿಗೆ ಖರೀದಿ ಮಾಡಬಹುದು.


    ಪೋಕೋ ಎಮ್​4 5ಜಿ:

    ಪೋಕೋ ಎಮ್​4 5ಜಿ ಸ್ಮಾರ್ಟ್​​ಫೋನ್ ಈ ಬಾರಿ ಬಿಡುಗಡೆಯಾದ ಸ್ಮಾರ್ಟ್​​ಫೋನ್​ಗಳಲ್ಲಿ ಬಹಳಷ್ಟು ಫೀಚರ್ಸ್​ ಅನ್ನು ಹೊಂದಿದ ಮೊಬೈಲ್​ ಆಗಿದೆ. ಇದೀಗ ಈ ಸ್ಮಾರ್ಟ್​​ಫೋನ್ ಮಾರುಕಟ್ಟೆಯಲ್ಲಿ 13, 499 ರೂಪಾಯಿಗೆ ಪಡೆಯಬಹುದಾಗಿದೆ. ಈ ಮೊಬೈಲ್​ನ ಫೀಚರ್ಸ್​ ಬಗ್ಗೆ ಹೇಳುವುದಾದರೆ ಇದು 6.58 ಇಂಚಿನ ಫುಲ್ ಹೆಚ್​ಡಿ+ಡಿಸ್​ಪ್ಲೇಯನ್ನು ಒಳಗೊಂಡಿದೆ.



    ಸಾಂಕೇತಿಕ ಚಿತ್ರ



    ಮೀಡಿಯಾ ಟೆಕ್ ಡೈಮೆನ್ಸಿಟಿ 700 SoC ಪ್ರೊಸೆಸರ್‌ ಈ ಸ್ಮಾರ್ಟ್​​ಫೋನ್ ಕಾರ್ಯನಿರ್ವಹಿಸುತ್ತದೆ. ಇದು ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್‌ ಹೊಂದಿದ್ದು, ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್, 8 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಒಳಗೊಂಡಿದೆ. ಬ್ಯಾಟರಿ ಬ್ಯಾಕಪ್​ಗಾಗಿ 5,000mAh ಸಾಮರ್ಥ್ಯದ ಬ್ಯಾಟರಿಯನ್ನುಅಳವಡಿಸಿದ್ದಾರೆ. ಇದು 18W ವೇಗದ ಚಾರ್ಜಿಂಗ್‌ ಸಾಮರ್ಥ್ಯವನ್ನು ಹೊಂದಿದೆ.

    Published by:Prajwal B
    First published: