HOME » NEWS » State » UTTARA KANNADA SIRSI REGISTERED 9 FRESH CASES OF CORONAVIRUS RMD

ಶಾಂತವಾಗಿದ್ದ ಶಿರಸಿ ಜನರಿಗೆ ಶಾಕ್: ಒಂದೇ ದಿನ 9 ಕೊರೋನಾ ಕೇಸ್ ಪತ್ತೆ, ಸೋಂಕಿತರ ಸಂಖ್ಯೆ ಮತ್ತಷ್ಟು ಹೆಚ್ಚಳ?

ಇಂದು ಮಧ್ಯಾಹ್ನ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ಬುಲೆಟಿನ್​ ಪ್ರಕಾರ ಶಿರಸಿಯಲ್ಲಿ 9 ಕೇಸ್​ ಪತ್ತೆ ಆಗಿರುವುದು ಖಚಿತವಾಗಿದೆ. ಇವರೆಲ್ಲರೂ ಮಹಾರಾಷ್ಟ್ರದಿಂದ ಶಿರಸಿಗೆ ವಾಪಾಸಾಗಿದ್ದರು ಎಂದು ತಿಳಿದು ಬಂದಿದೆ.

Rajesh Duggumane | news18-kannada
Updated:May 21, 2020, 4:16 PM IST
ಶಾಂತವಾಗಿದ್ದ ಶಿರಸಿ ಜನರಿಗೆ ಶಾಕ್: ಒಂದೇ ದಿನ 9 ಕೊರೋನಾ ಕೇಸ್ ಪತ್ತೆ, ಸೋಂಕಿತರ ಸಂಖ್ಯೆ ಮತ್ತಷ್ಟು ಹೆಚ್ಚಳ?
ಪ್ರಾತಿನಿಧಿಕ ಚಿತ್ರ.
  • Share this:
ಬೆಂಗಳೂರು (ಮೇ 21): ಕೊರೋನಾ ವೈರಸ್​ ಭಾರತಕ್ಕೆ ಕಾಲಿಟ್ಟು ಎರಡುವರೆ ತಿಂಗಳು ಕಳೆದಿದೆ. ಹೀಗಿದ್ದರೂ, ಉತ್ತರ ಕನ್ನಡ ಜಿಲ್ಲೆಯ ಶಿರಸಿ ಭಾಗದಲ್ಲಿ ಒಂದೇ ಒಂದು ಕೊರೋನಾ ಕೇಸ್​ ಪತ್ತೆ ಆಗಿರಲಿಲ್ಲ. ಆದರೆ, ಈಗ ಒಂದೇ ದಿನ 9 ಜನರಿಗೆ ಕೊರೋನಾ ಪಾಸಿಟಿವ್ ಬಂದಿದ್ದು, ಶಿರಸಿ ಜನತೆ ಬೆಚ್ಚಿ ಬಿದ್ದಿದೆ.

ಇಂದು ಮಧ್ಯಾಹ್ನ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ಬುಲೆಟಿನ್​ ಪ್ರಕಾರ ಶಿರಸಿಯಲ್ಲಿ 9 ಕೇಸ್​ ಪತ್ತೆ ಆಗಿರುವುದು ಖಚಿತವಾಗಿದೆ. ಈ ಪೈಕಿ 8 ಜನರು ಮಹಾರಾಷ್ಟ್ರದಿಂದ ಹಾಗೂ ಓರ್ವ ದುಬೈನಿಂದ ವಾಪಾಸಾಗಿದ್ದರು ಎಂದು ತಿಳಿದು ಬಂದಿದೆ.

ಮಹಾರಾಷ್ಟ್ರದಲ್ಲಿ ಕೊರೋನಾ ವೈರಸ್​ ಅಬ್ಬರ ಜೋರಾಗಿದೆ. ಹೀಗಾಗಿ, ಅಲ್ಲಿಂದ ಬಂದ 160 ಜನರನ್ನು ನೇರವಾಗಿ ಕ್ವಾರಂಟೈನ್ ಕೇಂದ್ರದಲ್ಲಿ ಇಡಲಾಗಿತ್ತು. ಈ ಪೈಕಿ ಒಂದು ವರ್ಷದ ಮಗ, 42,36,30 ವಯಸ್ಸಿನ ಪುರುಷರು, 35,38,33 ವರ್ಷದ ಮಹಿಳೆಯರಿಗೆ  ಹಾಗೂ 7 ಮತ್ತು 6 ವರ್ಷದ ಹೆಣ್ಣು ಮಗುವಿನಲ್ಲಿ  ಕೊರೋನಾ ಪಾಸಿಟಿವ್​ ಪತ್ತೆಯಾಗಿದೆ.

ಇದನ್ನೂ ಓದಿ: ಕರ್ನಾಟಕದಲ್ಲಿ ಕೋವಿಡ್​​-19: 24 ಗಂಟೆಯಲ್ಲಿ 116 ಕೇಸ್​ ಪತ್ತೆ; 1,578ಕ್ಕೇರಿದ ಸೋಂಕಿತರ ಸಂಖ್ಯೆ

ಕೇಸ್​ಗಳ ಸಂಖ್ಯೆ ಹೆಚ್ಚುವ ಆತಂಕ:

ಈ ಮೊದಲು ಕೊರೋನಾ ವೈರಸ್​ ಉತ್ತರ ಕನ್ನಡದ ಗಡಿ ತಾಲೂಕು ಭಟ್ಕಳಕ್ಕೆ ಮಾತ್ರ ಸೀಮಿತವಾಗಿತ್ತು. ಈ ಭಾಗದಲ್ಲಿ ವಿದೇಶದಿಂದ ಬಂದವರಲ್ಲಿ ಕೊರೋನಾ ದೃಢಪಟ್ಟಿತ್ತು. ಆದರೆ, ಈಗ ಅದು ನಿಧಾನವಾಗಿ ಎಲ್ಲ ತಾಲೂಕುಗಳಿಗೂ ಹಬ್ಬುತ್ತಿದೆ. ಇತ್ತೀಚೆಗೆ, ಕುಮಟಾ, ಯಲ್ಲಾಪುರ ಹಾಗೂ ಹಳಿಯಾಳ ಭಾಗಗಳಲ್ಲಿ ಕೊರೋನಾ ವೈರಸ್​ ಕೇಸ್​ ಕಾಣಿಸಿಕೊಂಡಿತ್ತು. ಈಗ ಶಿರಸಿಗೂ ಕಾಲಿಟ್ಟಿದೆ.  ಶಿರಸಿ ಭಾಗದಲ್ಲಿ ಕ್ವಾರಂಟೈನ್​ನಲ್ಲಿರುವ ಇನ್ನೂ ಅನೇಕರ ಪರಿಕ್ಷಾ ವರದಿ ಬರುವುದ ಬಾಕಿ ಇದ್ದು, ಹೀಗಾಗಿ ಕೇಸ್​ಗಳ ಸಂಖ್ಯೆ ಹೆಚ್ಚುವ ಸಾಧ್ಯತೆ ಇದೆ.

ಈಗ ಒಟ್ಟು 175 ಜನರನ್ನು ಕ್ವಾರಂಟೈನ್​ ಕೇಂದ್ರದಲ್ಲಿ ಇಡಲಾಗಿದೆ. ಈ ಪೈಕಿ ಮಹಾರಾಷ್ಟ್ರದಿಂದ 105, ಪುಣೆಯಿಂದ 43, ಗುಜರಾತ್​ 8, ಹೈದರಾಬಾದ್​ನಿಂದ 35 ಹಾಗೂ ರಾಜಸ್ಥಾನದಿಂದ 8 ಜನರು ಆಗಮಿಸಿದ್ದಾರೆ.  ಒಟ್ಟು 175 ಜನರನ್ನು ಕ್ವಾರಂಟೈನ್​ನಲ್ಲಿ ಇಡಲಾಗಿದೆ.ಜನರಲ್ಲಿ ಆತಂಕ ಬೇಡ:

ಕೊರೋನಾ ವೈರಸ್​ ಪತ್ತೆಯಾದ 9 ಮಂದಿಯನ್ನು ಮಹಾರಾಷ್ಟ್ರದಿಂದ ಬಂದ ನಂತರ ನೇರವಾಗಿ ಕ್ವಾರಂಟೈನ್​ ಕೇಂದ್ರದಲ್ಲಿ ಇಡಲಾಗಿತ್ತು. ಇವರು ಯಾರೊಬ್ಬರ ಸಂಪರ್ಕಕ್ಕೂ ಬಂದಿಲ್ಲ. ಹೀಗಾಗಿ, ಜನರು ಆತಂಕ ಪಡುವುದು ಬೇಡ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
First published: May 21, 2020, 2:06 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories