ಚಿಕ್ಕಮಗಳೂರಿಗೆ ಕ್ಷೀಣಿಸಿದ ಪ್ರವಾಸಿಗರ ಸಂಖ್ಯೆ: ಹೋಂ ಸ್ಟೇ, ಲಾಡ್ಜ್ ಮಾಲೀಕರು ಕಂಗಾಲು


Updated:September 4, 2018, 8:59 AM IST
ಚಿಕ್ಕಮಗಳೂರಿಗೆ ಕ್ಷೀಣಿಸಿದ ಪ್ರವಾಸಿಗರ ಸಂಖ್ಯೆ: ಹೋಂ ಸ್ಟೇ, ಲಾಡ್ಜ್ ಮಾಲೀಕರು ಕಂಗಾಲು

Updated: September 4, 2018, 8:59 AM IST
ವೀರೇಶ್ ಜಿ ಹೊಸೂರ್, ನ್ಯೂಸ್ 18 ಕನ್ನಡ

ಚಿಕ್ಕಮಗಳೂರು(ಸೆ.04): ಒಂದೆಡೆ ಮಳೆ ಭಯ. ಮತ್ತೊಂದೆಡೆ ರಣಗಾಳಿಯ ಆತಂಕ. ಕುಸಿಯುತ್ತಿರುವ ಬೆಟ್ಟ-ಗುಡ್ಡಗಳು. ಬಾಯ್ಬಿಟ್ಟಿರುವ ಭೂಮಿ. ಧರೆಗುರುಳುತ್ತಿರುವ ಬೃಹತ್ ಮರಗಳು. ಮಲೆನಾಡಲ್ಲಿ ಎರಡ್ಮೂರು ತಿಂಗಳು ಸುರಿದ ಮಳೆಗೆ ಮಲೆನಾಡಿನ ಆರ್ಥಿಕ ವ್ಯವಸ್ಥೆಯೇ ಅಲ್ಲೋಲ-ಕಲ್ಲೋಲವಾಗಿದೆ. ನಿರಂತರವಾಗಿ ಸುರಿದ ದೈತ್ಯ ಮಳೆಗೆ ಮಲೆನಾಡಿನ ನಿತ್ಯಸುಮಂಗಲಿ ದೇಗುಲಗಳಲ್ಲೂ ಅನಾಥ ಪ್ರಜ್ಞೆ ಕಾಡ್ತಿದೆ. ಮಳೆ ಬಂದಾಗಲೂ ಕಷ್ಟ. ನಿಂತಾಗ್ಲು ಕಷ್ಟ. ವ್ಯವಹಾರದಲ್ಲಿ ನಷ್ಟ. ಮಲೆನಾಡಲ್ಲಾದ ಪ್ರಕೃತಿ ವಿಕೋಪಕ್ಕೆ ಕಾಫಿನಾಡಿನ ಅರ್ಥ ವ್ಯವಸ್ಥೆಯೇ ಬುಡಮೇಲಾಗಿದೆ.

ಅತ್ತ, ಕಾಫಿನಾಡಿನ ಮಲೆನಾಡು ಭಾಗದಲ್ಲಿ ಸುರಿದ ಭಾರೀ ಮಳೆಗೆ ಕಾಫಿ, ಮೆಣಸು, ಅಡಿಕೆ, ಭತ್ತ ನೀರಲ್ಲಿ ಕೊಚ್ಚಿ ಹೋಗಿದ್ರೆ, ಇತ್ತ ಪ್ರವಾಸೋಧ್ಯಮ ಕೂಡ ಸಂಪೂರ್ಣ ನೆಲಕಚ್ಚಿದೆ. ಮಲೆನಾಡಿನ ಸೌಂದರ್ಯ ಸವಿಯೋಕೆ ದೇಶ-ವಿದೇಶದ ಪ್ರವಾಸಿಗ್ರು ಕಾಫಿನಾಡಿಗೆ ಬರುತ್ತಿದ್ದರು. ಆದರೆ, ಈ ವರ್ಷ ಮಲೆನಾಡ ಶಾಶ್ವತ ಮುತ್ತೈದೆಗೆ ವಿಧವಾ ಪ್ರಜ್ಞೆ ಕಾಡುತ್ತಿದೆ. ಮಲೆನಾಡಲ್ಲಿ ಎಲ್ಲೆಂದರಲ್ಲಿ ನೀರು. ಬೆಟ್ಟ-ಗುಡ್ಡ-ಭೂಮಿ ಎಲ್ಲಾ ಕುಸಿಯುತ್ತಿರುವುದರಿಂದ ಕಾಫಿನಾಡಿಗೆ ಬರುವ ಪ್ರವಾಸಿಗರ ಸಂಖ್ಯೆ ಗಣನೀಯವಾಗಿ ಇಳಿಮುಖವಾಗಿದೆ. ಕಾಫಿನಾಡಿನ ಮುಳ್ಳಯ್ಯನಗಿರಿ, ಸೀತಾಳಯ್ಯನಗಿರಿ, ದತ್ತಪೀಠ, ದೇವರಮನೆ ಗುಡ್ಡ ಸೇರಿದಂತೆ ಧಾರ್ಮಿಕ ಕ್ಷೇತ್ರಗಳಿಗೂ ಭಕ್ತರ ಸಂಖ್ಯೆ ಇಳಿಮುಖವಾಗಿದ್ದು, ಹೋಟೆಲ್, ಹೋಂಸ್ಟೇ, ರೆಸಾರ್ಟ್, ಲಾಡ್ಜಿಂಗ್ ನೆಚ್ಚಿಕೊಂಡು ಬದುಕು ಸಾಗಿಸ್ತಿದ್ದ ಮಧ್ಯಮ ವರ್ಗದ ಜನರ ಬದುಕು ಕೂಡ ಅತಂತ್ರವಾಗಿದ್ದು, ಮಳೆ ಅನ್ನೋ ಎರಡಕ್ಷರದಿಂದ ಕಾಫಿನಾಡಿನ ಅರ್ಥಿಕತೆಯ ಕಂಗೆಟ್ಟಿದೆ.

ಜುಲೈ ನಿಂದ ನವಂಬರ್‍ವರ್ಗೂ ಕಾಫಿನಾಡಿನ ಪ್ರವಾಸಿ ತಾಣಗಳು ಜಗಮಗಿಸುತ್ತಿದ್ದವು. ಆದರೆ, ಎರಡ್ಮೂರು ತಿಂಗಳ ಮಳೆ ಹಾಗೂ ಪ್ರಕೃತಿ ವಿಕೋಪದಿಂದ ಮಲೆನಾಡು ಅಕ್ಷರಶಃ ತತ್ತರಿಸಿದ್ದು, ಪ್ರವಾಸಿಗರೆ ಇಲ್ಲದಂತಾಗಿದೆ. ಮಲೆನಾಡಲ್ಲಿ ಮಳೆ ನಿಂತ ಮೇಲೂ ಬೆಟ್ಟ-ಗುಡ್ಡಗಳು ಕುಸಿಯುತ್ತಿದ್ದು, ಭೂಮಿ ಬಾಯ್ಬಿಡುತ್ತಿರುವುದು ಕಾಫಿನಾಡಿಗೆ ಬರುವ ಪ್ರವಾಸಿಗರನ್ನ ಹಿಂದೇಟು ಹಾಕುವಂತೆ ಮಾಡಿದ್ದು, ಪ್ರವಾಸೋಧ್ಯಮವನ್ನೆ ನೆಚ್ಚಿಕೊಂಡು ಬದುಕ್ತಿದ್ದ ಟೂರಿಸ್ಟ್ ವಾಹನಗಳ ಬದುಕು ಕೂಡ ಮಳೆಯಲ್ಲಿ ಕೊಚ್ಚಿ ಹೋಗಿದೆ. ಮೂರು ತಿಂಗಳಿಂದ ಗಾಡಿ ತರೋದು ಟ್ಯಾಕ್ಸಿ ಸ್ಟ್ಯಾಂಡ್‍ನಲ್ಲಿ ನಿಲ್ಲಿಸೋದು ಸಂಜೆ ಮನೆಗೆ ಹೋಗೋದು ಮಾಮೂಲಿಯಾಗಿತ್ತು. ಅದ್ರಲ್ಲೂ ಕಳೆದ ಒಂದೂವರೆ ತಿಂಗಳಿಂದಂತೂ ವಾಹನ ಚಾಲಕ ಬದುಕು ಅಯೋಮಯವಾಗಿದೆ.

ಒಟ್ಟಾರೆ, ಮಳೆ ಬರಲಿ, ಬಾರದಿರಲಿ, ಕಾಫಿನಾಡಿಗೆ ಬರೋ ಪ್ರವಾಸಿಗರ ಸಂಖ್ಯೆಗೇನು ಕೊರತೆ ಇರ್ತಿರ್ಲಿಲ್ಲ. ಆದ್ರೆ, ಎರಡ್ಮೂರು ದಶಕಗಳ ಬಳಿಕ ಎರಡ್ಮೂರು ತಿಂಗಳ ಕಾಲ ಸುರಿದ ಮಳೆಗೆ ಪ್ರವಾಸಿ ಪ್ರಿಯರು ಚೆಚ್ಚಿ ಬಿದ್ದಿರೋದ್ರಲ್ಲಿ ಅನುಮಾನವಿಲ್ಲ. ಮಲೆನಾಡಲ್ಲಿ ಮಳೆ ಬರುವಾಗ ಒಂದು ರೀತಿಯ ಕಷ್ಟ. ಮಳೆ ನಿಂತ ಮೇಲೆ ಮತ್ತೊಂದು ರೀತಿಯ ಕಷ್ಟ ಎದುರಾಗಿದೆ. ಆದ್ರೆ, ಮಳೆಯಿಂದ ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಗಳು ಮಣ್ಣುಪಾಲಾಗಿದ್ರೆ, ಪ್ರವಾಸೋಧ್ಯಮವನ್ನೇ ನೆಚ್ಚಿಕೊಂಡು ಬದುಕ್ತಿದ್ದೋರ ಬದುಕು ಕೂಡ ಅತಂತ್ರವಾಗಿರೋದ್ರಲ್ಲಿ ಅನುಮಾನವಿಲ್ಲ.

 
First published:September 4, 2018
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ
Loading...
  • I agree to receive emails from NW18

  • I promise to vote in this year's elections no matter what the odds are.

    Please check above checkbox.

  • SUBMIT

Thank you for
taking the pledge

But the job is not done yet!
vote for the deserving condidate
this year

Click your email to know more

Disclaimer:

Issued in public interest by HDFC Life. HDFC Life Insurance Company Limited (Formerly HDFC Standard Life Insurance Company Limited) (“HDFC Life”). CIN: L65110MH2000PLC128245, IRDAI Reg. No. 101 . The name/letters "HDFC" in the name/logo of the company belongs to Housing Development Finance Corporation Limited ("HDFC Limited") and is used by HDFC Life under an agreement entered into with HDFC Limited. ARN EU/04/19/13618
T&C Apply. ARN EU/04/19/13626