• Home
  • »
  • News
  • »
  • state
  • »
  • ಬೆಂಗಳೂರಿನಲ್ಲಿ ಶಂಕಿತ ಉಗ್ರನ ಸೆರೆ; 2‌‌ ತಿಂಗಳು ಹಿಂಬಾಲಿಸಿದ್ದ ಎನ್​ಐಎ

ಬೆಂಗಳೂರಿನಲ್ಲಿ ಶಂಕಿತ ಉಗ್ರನ ಸೆರೆ; 2‌‌ ತಿಂಗಳು ಹಿಂಬಾಲಿಸಿದ್ದ ಎನ್​ಐಎ

ಬೆಂಗಳೂರಿನ ಶಂಕಿತ ಉಗ್ರ ಅಬ್ದುಲ್ ರೆಹಮಾನ್

ಬೆಂಗಳೂರಿನ ಶಂಕಿತ ಉಗ್ರ ಅಬ್ದುಲ್ ರೆಹಮಾನ್

ಆರೋಪಿ ಬಂಧಿಸುವ ವೇಳೆ ಆತನ ಫ್ಲಾಟಅನ್ನು ಸುಮಾರು 4 ಗಂಟೆಗಳ ಕಾಲ‌‌‌ ಶೋಧಿಸಲಾಗಿದೆ. ಈ ವೇಳೆ ಲ್ಯಾಪ್ ಟ್ಯಾಪ್, ಹಾರ್ಡ್ ಡಿಸ್ಕ್ , ಮೊಬೈಲ್ ಸೇರಿದಂತೆ ಹಲವು ಎಲೆಕ್ಟ್ರಾನಿಕ್ ವಸ್ತುವನ್ನು ಎನ್​ಐಎ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ. 11 ಜನ ಎನ್​ಐಎ ಅಧಿಕಾರಿಗಳ ತಂಡ, ಐಬಿ ಅಧಿಕಾರಿಗಳ ಹಾಗೂ ಸ್ಥಳೀಯ ಪೊಲೀಸರ ಭದ್ರತೆಯೊಂದಿಗೆ ಈಗ ಅಬ್ದುಲ್ ರೆಹಮಾನ್ ನನ್ನು ಬಂಧಿಸಿದ್ದು, ದೆಹಲಿಯ ಎನ್​ಐಎ ಕೇಂದ್ರ ಕಚೇರಿಯಲ್ಲಿ ವಿಚಾರಣೆ ನಡೆಸುತ್ತಿದ್ದಾರೆ.

ಮುಂದೆ ಓದಿ ...
  • Share this:

ಬೆಂಗಳೂರು; ರಾಷ್ಟ್ರೀಯ ತನಿಖಾ ದಳ (ಎನ್​ಐಎ) ನಗರದಲ್ಲಿ ಎರಡು ತಿಂಗಳಿನಿಂದ ಬೀಡುಬಿಟ್ಟು, ಭಯೋತ್ಪಾದಕರ ಜೊತೆ ಸಂಪರ್ಕದಲ್ಲಿದ್ದ ವೈದ್ಯನನ್ನು ಬಂಧಿಸಿದೆ. ಇನ್ನು ರಾಮಯ್ಯ ಆಸ್ಪತ್ರೆಯಲ್ಲಿ ನೇತ್ರ ತಜ್ಞನಾಗಿ ಕೆಲಸ ಮಾಡುತ್ತಿದ್ದ ಶಂಕಿತ ಉಗ್ರ ಅಬ್ದುಲ್ ರೆಹಮಾನ್ ಇಸ್ಲಾಮಿಕ್ ಸ್ಟೇಟ್ಸ್ ಜೊತೆ ನಂಟು ಹೊಂದಿರುವ ಆರೋಪ ಹಿನ್ನೆಲೆಯಲ್ಲಿ ವಶಕ್ಕೆ ಪಡೆದು‌ ಎನ್ಐಎ ಅಧಿಕಾರಿಗಳು​ ತನಿಖೆ ನಡೆಸುತ್ತಿದ್ದಾರೆ. ಮೂಲತಃ ಬೆಂಗಳೂರು ನಗರದವನಾದ ಅಬ್ದುಲ್ ರೆಹಮಾನ್, ಬಸವನಗುಡಿಯಲ್ಲಿ‌ ಫ್ಲಾಟ್​ನಲ್ಲಿ ವಾಸವಾಗಿದ್ದ. ಎರಡು ತಿಂಗಳ ಸತತವಾಗಿ ಶಂಕಿತನ ಮೇಲೆ ಕಣ್ಣಿಟ್ಟಿದ್ದ ಎನ್​ಐಎ ಮಂಗಳವಾರ ಆತನನ್ನು ಬಂಧಿಸಿದೆ. ಅಬ್ದುಲ್ ರೆಹಮಾನ್ ನಗರದಲ್ಲಿ ಬಹುತೇಕ ಸ್ನೇಹಿತರ ಜೊತೆ ನಂಟು ಹೊಂದಿದ್ದ. ಹಾಗೆಯೇ ಈತನ ಕುಟುಂಬಸ್ಥರು ನಗರದಲ್ಲೇ ವಾಸವಿದ್ದಾರೆ ಎಂಬ ಮಾಹಿತಿಯನ್ನು ಎನ್​ಐಎ ಕಲೆಹಾಕಿದೆ. ಇದರ ಜೊತೆಗೆ ಶಂಕಿತನ ಸ್ನೇಹಿತರಲ್ಲಿ ಕೆಲವರನ್ನು ವಶಕ್ಕೆ ಪಡೆದು, ವಿಚಾರಣೆ ನಡೆಸಲಾಗುತ್ತಿದೆ.


ಇದನ್ನು ಓದಿ: Bengaluru Crime: ಸಿಲಿಕಾನ್ ಸಿಟಿಯಲ್ಲಿ ಐಸಿಸ್ ಜೊತೆ ನಂಟು ಹೊಂದಿದ್ದ ಶಂಕಿತ ಉಗ್ರನ ಬಂಧನ


ಇನ್ನು ನಗರದಲ್ಲಿ ನಡೆದ ಗಲಭೆ ಹಿನ್ನೆಲೆಯಲ್ಲಿ ಸುಮಾರು‌ 40 ಜನ ಆರೋಪಿಗಳು ಭಯೋತ್ಪಾದಕ ಜೊತೆ ಸಂಪರ್ಕದಲ್ಲಿ ಇದ್ದರು ಎಂಬ ಮಾಹಿತಿ ಇರುವುದರಿಂದ ಮುಂದಿನ ದಿನಗಳಲ್ಲಿ ಸಿಸಿಬಿ ಪೊಲೀಸರಿಂದಲೂ ಎನ್​ಐಎ ಮಾಹಿತಿ ಪಡೆದು‌ಕೊಳ್ಳುವ ಸಾದ್ಯತೆ ಇದೆ. ಎರಡು ತಿಂಗಳಿಂದ ಅಬ್ದುಲ್ ರೆಹಮಾನ್ ಮೇಲೆ ಕಣ್ಣಿಟ್ಟಿದ್ದ ಎನ್​ಐಎ ಅಧಿಕಾರಿಗಳು ಪ್ರತಿನಿತ್ಯವೂ ಆತನನ್ನು ಹಿಂಬಾಲಿಸುತ್ತಿದ್ದರು. ಆತನ ದಿನಚರಿಯನ್ನು ಸಂಪೂರ್ಣವಾಗಿ ಕಲೆ ಹಾಕಿದ್ದರು.


ಆರೋಪಿ ಬಂಧಿಸುವ ವೇಳೆ ಆತನ ಫ್ಲಾಟಅನ್ನು ಸುಮಾರು 4 ಗಂಟೆಗಳ ಕಾಲ‌‌‌ ಶೋಧಿಸಲಾಗಿದೆ. ಈ ವೇಳೆ ಲ್ಯಾಪ್ ಟ್ಯಾಪ್, ಹಾರ್ಡ್ ಡಿಸ್ಕ್ , ಮೊಬೈಲ್ ಸೇರಿದಂತೆ ಹಲವು ಎಲೆಕ್ಟ್ರಾನಿಕ್ ವಸ್ತುವನ್ನು ಎನ್​ಐಎ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ. 11 ಜನ ಎನ್​ಐಎ ಅಧಿಕಾರಿಗಳ ತಂಡ, ಐಬಿ ಅಧಿಕಾರಿಗಳ ಹಾಗೂ ಸ್ಥಳೀಯ ಪೊಲೀಸರ ಭದ್ರತೆಯೊಂದಿಗೆ ಈಗ ಅಬ್ದುಲ್ ರೆಹಮಾನ್ ನನ್ನು ಬಂಧಿಸಿದ್ದು, ದೆಹಲಿಯ ಎನ್​ಐಎ ಕೇಂದ್ರ ಕಚೇರಿಯಲ್ಲಿ ವಿಚಾರಣೆ ನಡೆಸುತ್ತಿದ್ದಾರೆ.

Published by:HR Ramesh
First published: