Puneeth Rajkumar Statue: ಶಿವಮೊಗ್ಗದಲ್ಲಿ ಜೀವತಳೆದ 23 ಅಡಿ ಪವರ್ ಸ್ಟಾರ್! ಬಳ್ಳಾರಿಯಲ್ಲಿ ಸ್ಥಾಪನೆಯಾಗಲಿದೆ ಅಪ್ಪು ಪ್ರತಿಮೆ

ಶಿವಮೊಗ್ಗ: ಪುನೀತ್ ರಾಜ್​ಕುಮಾರ್! (Power Star Puneeth Rajkumar) ಲಕ್ಷಾಂತರ ಅಭಿಮಾನಿಗಳ ಹೃದಯದಲ್ಲಿ ಜೀವಂತವಾಗಿರೋ ನಮ್ಮ ಅಪ್ಪು (Appu) ಅವರ 23 ಅಡಿ ಪ್ರತಿಮೆ ಇಲ್ಲಿದೆ ನೋಡಿ. ನಮ್ಮ ಶಿವಮೊಗ್ಗ ಸಮೀಪದ ನಿದಿಗೆಯಲ್ಲಿ 23 ಅಡಿ ಪುನೀತ್ ರಾಜಕುಮಾರ್ ಪ್ರತಿಮೆ (Puneeth Rajkumar Statue) ಅರಳಿ ನಿಂತಿದೆ. ಬಳ್ಳಾರಿ ಉತ್ಸವಕ್ಕೆಂದು (Ballari Utsav) ಪುನೀತ್ ರಾಜ್​ಕುಮಾರ್ ಅವರ ಭವ್ಯ ಪ್ರತಿಮೆಯನ್ನು ರಚಿಸಲಾಗಿದೆ.

ಈ ಹಿಂದೆ ಕೆಜಿಎಫ್ 2 ಸಿನಿಮಾ ಹಾಗೂ ಶಿವಮೊಗ್ಗ ಹಿಂದೂ ಮಹಾಸಭಾ ಗಣಪತಿಗೆ ಪ್ರತಿಮೆ ನಿರ್ಮಿಸಿದ ಜೀವನ್ ಅವರ ಕೈಚಳಕವೇ ಈ ಪ್ರತಿಮೆಯ ಹಿಂದಿದೆ.

ಇದನ್ನೂ ಓದಿ: Elephant Training: ಆನೆಗಳಿಗೆ ಪಾಠ ಹೇಳೋ ಶಾಲೆಯಿದು! ಊಟ, ಪಾಠ, ತುಂಟಾಟ ಎಲ್ಲ ಇಲ್ಲೇ

ಪ್ರತಿಮೆಯ ತೂಕವೇ 3 ಸಾವಿರ ಕೆಜಿ!
3 ತಿಂಗಳಲ್ಲಿ ಈ 23 ಅಡಿ ಎತ್ತರದ ಪ್ರತಿಮೆಯನ್ನು ರಚಿಸಲಾಗಿದ್ದು ಕಬ್ಬಿಣ, ಫೈಬರ್​ಗಳನ್ನು ಮೂರ್ತಿ ನಿರ್ಮಿಸಲು ಬಳಸಲಾಗಿದೆ. ಬರೋಬ್ಬರಿ 3 ಸಾವಿರ ಕೆಜಿ ತೂಕದ ಪುನೀತ್ ರಾಜ್​ಕುಮಾರ್ ಅವರ ಪ್ರತಿಮೆ ಇದಾಗಿದೆ. ಬಳ್ಳಾರಿ ಉತ್ಸವದಲ್ಲಿ ಅನಾವರಣಗೊಳ್ಳಲಿರೋ ಈ ಪ್ರತಿಮೆ ಶಿವಮೊಗ್ಗದಿಂದ 40 ಅಡಿ ಉದ್ದದ 18 ಚಕ್ರದ ಲಾರಿಯಲ್ಲಿ ರವಾನೆಯಾಗಲಿದೆ.

ಇದನ್ನೂ ಓದಿ: Uttara Kannada: 10 ಸಾವಿರದಲ್ಲೇ ರೋಪ್ ವೇ ನಿರ್ಮಿಸಿದ ಕೃಷಿಕ!

ಭವ್ಯ ಪ್ರತಿಮೆ ಅನಾವರಣಕ್ಕೆ ಸಜ್ಜು
ಒಟ್ಟಾರೆ ಅಭಿಮಾನಿಗಳ ಹೃದಯದಲ್ಲಿ ಸದಾ ಜೀವಂತವಿರೋ ಅಪ್ಪುವಿನ ಭವ್ಯ ಪ್ರತಿಮೆ ಬಳ್ಳಾರಿಯಲ್ಲಿ ಅನಾವರಣಗೊಳ್ಳಲಿದೆ. ಪ್ರತಿಮೆಯನ್ನ ವೀಕ್ಷಿಸಿ ಅಭಿಮಾನಿಗಳು ಪುಳಕಿತರಾಗೋಕೆ ರೆಡಿಯಾಗಿದ್ದಾರೆ.