Bengaluru Police: ನನ್ನ ಸಾವಿಗೆ ಈ ಪೊಲೀಸಪ್ಪನೇ ಕಾರಣ! RR ನಗರ ಪೊಲೀಸ್ ಸಿಬ್ಬಂದಿ ವಿರುದ್ಧ ಗಂಭೀರ ಆರೋಪ!

ಬೆಂಗಳೂರು (ಡಿ.11): ಬೆಂಗಳೂರಿನಲ್ಲಿ ಕೆಲವು ಪೊಲೀಸರ ವರ್ತನೆ (Bengaluru Policce) ಮಿತಿ ಮೀರಿದ್ದು, ಅಮಾಯಕರ ಮೇಲೆ ಇಲ್ಲ-ಸಲ್ಲದ ಕೇಸ್​ ಹಾಕೋದು. ರಸ್ತೆಯಲ್ಲಿ ಸುಖಾಸುಮ್ಮನೆ ವಾಹನ ತಡೆದು ಫೈನ್ (Fine) ಹಾಕೋದನ್ನೆ ಕೆಲವರು ತಮ್ಮ ಕಾಯಕ ಮಾಡಿಕೊಂಡಿದ್ದಾರೆ. ಇಂತವರು ಇಡೀ ಪೊಲೀಸ್​ ಇಲಾಖೆಗೆ (Police Department) ಕಪ್ಪು ಚುಕ್ಕೆಯಾಗಿದೆ. ರಾಜರಾಜೇಶ್ವರಿ ನಗರ ಠಾಣೆ ಸಿಬ್ಬಂದಿ ವಿರುದ್ಧ ಗಂಭೀರ ಆರೋಪ ಕೇಳಿ ಬಂದಿದೆ. ನಂದೀಶ್ ಕಾಡೋಗು ಎಂಬುವರು ಪೊಲೀಸ್​ ವಿರುದ್ಧ ಆರೋಪ ಮಾಡ್ತಿದ್ದಾರೆ.

ನನ್ನ ಸಾವಿಗೆ ಆರ್​ಆರ್​ ನಗರ ಠಾಣಾ ಸಿಬ್ಬಂದಿ ನವೀನ್ ಕಾರಣ!

ನಂದೀಶ್ ಕಾಡೋಗು ಎಂಬುವರು ಪೊಲೀಸ್​ ಸಿಬ್ಬಂದಿಯೊಬ್ಬರ ಕಿರುಕುಳಕ್ಕೆ ಬೇಸತ್ತು ಸಾಮಾಜಿಕ ಜಾಲತಾಣದಲ್ಲಿ ಅಳಲು ತೋಡಿಕೊಂಡಿದ್ದಾರೆ. ನನ್ನ ಸಾವಿಗೆ ಆರ್ ಆರ್ ನಗರ ಠಾಣಾ ಸಿಬ್ಬಂದಿ ನವೀನ್ ಕಾರಣ ಎಂದು ಫೇಸ್​ಬುಕ್​ನಲ್ಲಿ  ಫೋಸ್ಟ್​ ಹಾಕಿದ್ದಾರೆ.

ನನ್ನ ಮೇಲೆ ಸುಳ್ಳು ಕೇಸ್ ಹಾಕಿ ದಂಡಿಸಿದ್ರು

ಸಾಮಾಜಿಕ ಜಾಲತಾಣದಲ್ಲಿ ಸಾಲು ಸಾಲು ಪೋಸ್ಟ್ ಮಾಡಿರುವ ನಂದೀಶ್ ಕಾಡೋಗು, ಇವರು ನನ್ನ ಸಾಯಿಸ್ತಾರೆ ನನಗೆ ನ್ಯಾಯ ಕೊಡಿಸಿ ಎಂದು ಅಳಲು ತೋಡಿಕೊಂಡಿದ್ದಾರೆ. ಈ ಹಿಂದೆ ನನ್ನ ಮೇಲೆ ಸುಳ್ಳು ಕೇಸ್ ಹಾಕಿ ಅಮಾನುಷವಾಗಿ ದಂಡಿಸಿದ್ರು. ಈಗ ನನ್ನ ಮೊಬೈಲ್​ನನ್ನು ಅಕ್ರಮವಾಗಿ ಇಟ್ಟುಕೊಂಡಿದ್ದಾರೆ ಎಂದು ನಂದೀಶ್ ಆರೋಪಿಸಿದ್ದಾರೆ.

ನನ್ನ ಸಾವಿಗೆ ನವೀನ್ ಕಾರಣ

ಆರ್ ಆರ್ ನಗರ ಠಾಣಾ ಸಿಬ್ಬಂದಿ ನವೀನ್ ವರ್ತನೆಯಿಂದ ಬೇಸತ್ತ ನಂದೀಶ್​ ಅವರು ನನ್ನ ಸಾವಿಗೆ ನವೀನ್ ಕಾರಣ ಎಂದು ಪೋಸ್ಟ್ ಮಾಡಿದ್ದು, ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಇವರ ಪೋಸ್ಟ್​ ವೈರಲ್ ಆಗಿದೆ.

ದಂಪತಿ ಬಳಿ ಹಣ ವಸೂಲಿ

ಬೆಂಗಳೂರು (ಡಿ.11): ಸಿಲಿಕಾನ್ ಸಿಟಿಯಲ್ಲಿ ರಾತ್ರಿ ಊಟ ಬರ್ತಡೇ ಪಾರ್ಟಿ (Birthday Party) ಎಂದು ಓಡಾಡುತ್ತಲೇ ಇರ್ತಾರೆ. ಹೀಗೆ ತಮ್ಮ ಮನೆಯ ಬಳಿ ಬರ್ತಿದ್ದ ವೇಳೆ ದಂಪತಿಗೆ (Couple) ಪೊಲೀಸರೇ ಕಿರುಕುಳ ನೀಡಿರುವ ಘಟನೆ ನಡೆದಿದೆ. ಇಲ್ಲ ಸಲ್ಲದ ರೂಲ್ಸ್​ ಹೇಳಿ ದಂಪತಿ ಬಳಿ 1000 ರೂಪಾಯಿ ಹಣ ಪೀಕಿದ್ದಾರೆ. ಕಿರುಕುಳದ (Harassing) ಬಗ್ಗೆ ಆರೋಪಿಸಿರುವ ವ್ಯಕ್ತಿಯು, ತನ್ನ ಪತ್ನಿಯೊಂದಿಗೆ ಬರ್ತಡೇ ಪಾರ್ಟಿ ಮುಗಿಸಿ ಮನೆಗೆ ಬರುವಾಗ ಪೊಲೀಸರು ಕಿರುಕುಳ ನೀಡಿದ್ದಾರೆನ್ನುವ ವಿಡಿಯೋವನ್ನು ಟ್ವಿಟರ್​ನಲ್ಲಿ (Twitter) ಶೇರ್ ಮಾಡಿದ್ದಾರೆ.

ಇಬ್ಬರು ಕಾನ್​​ಸ್ಟೇಬಲ್​ಗಳನ್ನು ಅಮಾನತು