• Home
  • »
  • News
  • »
  • state
  • »
  • Accident: ಪ್ರತ್ಯೇಕ ಅಪಘಾತ; ಗದ್ದೆಗೆ ಉರುಳಿದ KSRTC ಬಸ್, ಚಾಮುಂಡಿ ಬೆಟ್ಟದಲ್ಲಿ 50 ಜನರಿದ್ದ ಬಸ್​ನಲ್ಲಿ ಬೆಂಕಿ

Accident: ಪ್ರತ್ಯೇಕ ಅಪಘಾತ; ಗದ್ದೆಗೆ ಉರುಳಿದ KSRTC ಬಸ್, ಚಾಮುಂಡಿ ಬೆಟ್ಟದಲ್ಲಿ 50 ಜನರಿದ್ದ ಬಸ್​ನಲ್ಲಿ ಬೆಂಕಿ

ಅಪಘಾತ

ಅಪಘಾತ

ಬಾಗಲಕೋಟೆ ತಾಲೂಕಿನ ಗದ್ದನಕೇರಿ (Gaddanakeri, Bagalkot) ಸಮೀಪವಿರುವ ಇಟಗಿ ಭೀಮಮ್ಮ ದೇವಸ್ಥಾನದ ಬಳಿ ಅಪಘಾತ ಸಂಭವಿಸಿದೆ. ರಾಹುಲ್ ಪಾಟೀಲ್ ಸಾವನ್ನಪ್ಪಿರುವ ವಿದ್ಯಾರ್ಥಿ.

  • News18 Kannada
  • 5-MIN READ
  • Last Updated :
  • Karnataka, India
  • Share this:

ಮಂಡ್ಯ/ಮೈಸೂರು/ಬಾಗಲಕೋಟೆ: ಇಂದು ಬೆಳಗ್ಗೆ ಮಂಡ್ಯ (Mandya), ಮೈಸೂರು (Mysuru) ಮತ್ತು ಬಾಗಲಕೋಟೆಯಲ್ಲಿ (Bagalkot) ನಡೆದ ಪ್ರತ್ಯೇಕ ಅಪಘಾತದಲ್ಲಿ ಓರ್ವ ಕಾಲೇಜ್ ವಿದ್ಯಾರ್ಥಿ (College Students) ಸಾವನ್ನಪ್ಪಿದ್ದಾನೆ. ಮಂಡ್ಯ ಜಿಲ್ಲೆ ಕೆಆರ್ ಪೇಟೆ (KR Pete, Mandya) ತಾಲೂಕಿನ ಮುರುಕನಹಳ್ಳಿ ಗ್ರಾಮದಲ್ಲಿ ಚಾಲಕನ ನಿಯಂತ್ರಣ ತಪ್ಪಿದ KSRTC ಬಸ್ (Bus) ಗದ್ದೆಗೆ ಉರುಳಿದೆ. ಕೆಎ 09 ಎಫ್ 5282 ಸಂಖ್ಯೆಯ KSRTC ಬಸ್ ಅಪಘಾತಕ್ಕೆ ಒಳಗಾಗಿದ್ದು, ಮೈಸೂರಿಗೆ ಹೋಗುವ ಮಾರ್ಗ ಮಧ್ಯೆ ಈ ಘಟನೆ ನಡೆದಿದೆ. ಬಸ್​​ನಲ್ಲಿ ಒಟ್ಟು 30 ಪ್ರಯಾಣಿಕರು (Passengers) ಪ್ರಯಾಣಿಸುತ್ತಿದ್ದರು. ಎಲ್ಲಾ ಪ್ರಯಾಣಿಕರಿಗೂ ಸಣ್ಣ ಪುಟ್ಟ ಗಾಯಗಳಾಗಿದ್ದು, ಕೆ.ಆರ್.ಪೇಟೆ ತಾಲೂಕು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅಪಘಾತಕ್ಕೆ ನಿಖರ ಕಾರಣ ತಿಳಿದು ಬಂದಿಲ್ಲ. ಕೆಆರ್ ಪೇಟೆ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಅಪಘಾತ ನಡೆದಿದೆ.


ತಪ್ಪಿದ ಭಾರೀ ಅನಾಹುತ


ಮೈಸೂರಿನ ಚಾಮುಂಡಿ ಬೆಟ್ಟದಲ್ಲಿ (Chamundi Hill) ಬೆಳ್ಳಂ ಬೆಳಗ್ಗೆ ಭಾರೀ ಅನಾಹುತ ತಪ್ಪಿದೆ. ಡೀಸೆಲ್ ಸೋರಿಕೆಯಿಂದ (Diesel Leakage) 50ಕ್ಕೂ ಅಧಿಕ ಪ್ರಯಾಣಿಕರು ಪ್ರಯಾಣಿಸುತ್ತಿದ್ದ ಖಾಸಗಿ ಬಸ್​​ನಲ್ಲಿ (Private Bus) ಬೆಂಕಿ ಕಾಣಿಸಿಕೊಂಡಿತ್ತು. ಚಾಲಕನ ಸಮಯ ಪ್ರಜ್ಞೆಯಿಂದ ಪ್ರವಾಸಿಗರ ಪ್ರಾಣ ಉಳಿದಿದೆ. ಪ್ರವಾಸಿಗರೆಲ್ಲರೂ (Tourist Bus) ಗುಜರಾತ್ ಮೂಲದವರು ಎಂದು ತಿಳಿದು ಬಂದಿದೆ.


separate accidents in mandya mysuru and bagalkot mrq
ಬೆಂಕಿ ಕಾಣಿಸಿಕೊಂಡ ಬಸ್


ಚಾಮುಂಡಿ ಬೆಟ್ಟ ಬಸ್ ನಿಲ್ದಾಣದ ಸಮೀಪ ಬರುತ್ತಿದ್ದಂತೆ ಬಸ್​​​ನ ಸೈಲೆನ್ಸರ್ ಪೈಪ್​​ನಿಂದ ಇದ್ದಕ್ಕಿದ್ದ ಹಾಗೆ ಹೊಗೆ ಕಾಣಿಸಿಕೊಂಡಿದೆ. ಬಳಿಕ ಪೈಪ್​​​ನಿಂದ ಬೆಂಕಿ ಕಾಣಿಸಿಕೊಂಡಿದೆ. ಕೂಡಲೇ ಕೆಳಗಿಳಿದ ಚಾಲಕ ಬೆಂಕಿಯ ಸಂಪರ್ಕದ ವಯರ್​ಗಳನ್ನು ಕಟ್​ ಮಾಡಿ, ಪ್ರವಾಸಿಗರನ್ನು ಬಸ್​​​ನಿಂದ ಕೆಳಗೆ ಇಳಿಸಿದ್ದಾರೆ.


ಬೆಂಕಿ ಸಂಪರ್ಕದ ವಯರ್​ ಕಟ್​ ಮಾಡಿದ್ದರಿಂದ ದೊಡ್ಡ ಅವಘಢವೊಂದು ತಪ್ಪಿದೆ. ಪ್ರವಾಸಿಗರೆಲ್ಲರೂ ಬೆಳಗ್ಗೆ ಚಾಮುಂಡಿ ತಾಯಿಯ ದರ್ಶನ ಪಡೆಯಲು ಬಂದಿದ್ದರು.


ಕ್ಯಾಂಟರ್, ಬಸ್​ ಡಿಕ್ಕಿ; ವಿದ್ಯಾರ್ಥಿ ಸಾವು


ಕ್ಯಾಂಟರ್ ಮತ್ತು ಸಾರಿಗೆ ಬಸ್​ ಮುಖಾಮುಖಿ ಡಿಕ್ಕಿಯಾದ ಪರಿಣಾಮ ಕಾಲೇಜ್ ವಿದ್ಯಾರ್ಥಿ (College Student) ಸಾವನ್ನಪ್ಪಿರುವ ಘಟನೆ ಬಾಗಲಕೋಟೆಯಲ್ಲಿ ನಡೆದಿದೆ. ಅಪಘಾತದಲ್ಲಿ ಹಲವರು ಗಾಯಗೊಂಡಿದ್ದು, ಗಾಯಾಳುಗಳನ್ನು ಬಾಗಲಕೋಟೆ ಜಿಲ್ಲಾಸ್ಪತ್ರೆಗೆ ರವಾನಿಸಲಾಗಿದೆ.


separate accidents in mandya mysuru and bagalkot mrq
ಬಾಗಲಕೋಟೆ ಬಸ್ ಅಪಘಾತ


ಬಾಗಲಕೋಟೆ ತಾಲೂಕಿನ ಗದ್ದನಕೇರಿ (Gaddanakeri, Bagalkot) ಸಮೀಪವಿರುವ ಇಟಗಿ ಭೀಮಮ್ಮ ದೇವಸ್ಥಾನದ ಬಳಿ ಅಪಘಾತ ಸಂಭವಿಸಿದೆ. ರಾಹುಲ್ ಪಾಟೀಲ್ ಸಾವನ್ನಪ್ಪಿರುವ ವಿದ್ಯಾರ್ಥಿ. ಮೃತ ರಾಹುಲ್ ಪಾಟೀಲ್ ಬೀಳಗಿ (Bilage) ತಾಲೂಕಿನ ಅರಕೇರಿ ಗ್ರಾಮದ ನಿವಾಸಿ ಎಂಬ ಮಾಹಿತಿ ಲಭ್ಯವಾಗಿದೆ.


ತುಂಡು ತುಂಡಾಗಿ ಬಿದ್ದ ಮೃತದೇಹ


ಮೃತ ರಾಹುಲ್ ಪಿಯುಸಿ ಪ್ರಥಮ ವರ್ಷದಲ್ಲಿ ವ್ಯಾಸಂಗ ಮಾಡುತ್ತಿದ್ದನು. ಬಸ್ ಅಮಲಜರಿಯಿಂದ ಬಾಗಲಕೋಟೆಗೆ ಬರುತ್ತಿತ್ತು. ಕ್ಯಾಂಟರ್​ ಬಾಗಲಕೋಟೆಯಿಂದ ಬೆಳಗಾವಿ ಕಡೆಗೆ ಹೊರಟಿತ್ತು.


separate accidents in mandya mysuru and bagalkot mrq
ರಾಹುಲ್ ಪಾಟೀಲ್, ಮೃತ ವಿದ್ಯಾರ್ಥಿ


ಕ್ಯಾಂಟರ್ ಚಾಲಕನ ಅಚಾತುರ್ಯದಿಂದ ಅಪಘಾತ ನಡೆದಿದೆ ಎಂಬುವುದು ಪ್ರಾಥಮಿಕ ತನಿಖೆಯಲ್ಲಿ ತಿಳಿದು ಬಂದಿದೆ. ವೇಗವಾಗಿ ಬಂದ ಕ್ಯಾಂಟರ್ ಬಸ್​​ಗೆ ಡಿಕ್ಕಿ ಹೊಡೆದ ರಭಸಕ್ಕೆ ರಾಹುಲ್ ಮೃತದೇಹ ರಸ್ತೆಯಲ್ಲಿ ತುಂಡು ತುಂಡಾಗಿ ಬಿದ್ದಿದೆ.


ಇದನ್ನೂ ಓದಿ:  KS  Eshwarappa: ಸಂತೋಷ್ ಪಾಟೀಲ್ ಆತ್ಮಹತ್ಯೆ ಕೇಸ್; ಸಂಪುಟ ಸೇರೋ ಈಶ್ವರಪ್ಪ ಕನಸು ಭಗ್ನವಾಗುತ್ತಾ?


ಕಂದಕಕ್ಕೆ ಇಳಿದ ಬಸ್


ಡಿಕ್ಕಿ ಹೊಡೆದ ರಭಸಕ್ಕೆ ಬಸ್​ ಕಂದಕಕ್ಕೆ ಇಳಿದಿದೆ. ಬೆಳಗ್ಗೆ ಬಸ್​ ಆಗಿದ್ದರಿಂದ ಬಹುತೇಕ ಕಾಲೇಜು ವಿದ್ಯಾರ್ಥಿಗಳೇ ಪ್ರಯಾಣ ಮಾಡುತ್ತಿದ್ದರು. ಬಸ್ ಅಪಘಾತದ ವಿಷಯ ತಿಳಿಯುತ್ತಿದ್ದಂತೆ ಆಸ್ಪತ್ರೆ ಮುಂಭಾಗ ವಿದ್ಯಾರ್ಥಿಗಳ ಪೋಷಕರು  ಆಗಮಿಸಿ ಮಕ್ಕಳ ಆರೋಗ್ಯ ವಿಚಾರಿಸುತ್ತಿದ್ದಾರೆ. ಇನ್ನು ಮೃತ ರಾಹುಲ್ ಪಾಟೀಲ್ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ.

Published by:Mahmadrafik K
First published: