• Home
  • »
  • News
  • »
  • state
  • »
  • Santro Ravi: 14 ದಿನ ಜೈಲುಪಾಲಾದ ಬ್ರೋಕರ್​ ಸ್ಯಾಂಟ್ರೋ ರವಿ; ವಿಚಾರಣೆ ವೇಳೆ ಪೊಲೀಸರಿಗೆ ಆವಾಜ್​!

Santro Ravi: 14 ದಿನ ಜೈಲುಪಾಲಾದ ಬ್ರೋಕರ್​ ಸ್ಯಾಂಟ್ರೋ ರವಿ; ವಿಚಾರಣೆ ವೇಳೆ ಪೊಲೀಸರಿಗೆ ಆವಾಜ್​!

ಸ್ಯಾಂಟ್ರೋ ರವಿ

ಸ್ಯಾಂಟ್ರೋ ರವಿ

ಗುಜರಾತ್​​ನ ಅಹ್ಮದಾಬಾದ್​​ನಲ್ಲಿ ಬಂಧಿಸಿ ಕರೆತಂದ್ಮೇಲೆ ಮೈಸೂರಲ್ಲಿ ರವಿಗೆ ಫುಲ್​ ಡ್ರಿಲ್​ ನಡೀತು. ವಿಚಾರಣೆ ಎದುರಿಸ್ತಿರೋ ಬ್ರೋಕರ್​ ರವಿ ಖಾಕಿಗೆ ಆವಾಜ್​ ಹಾಕಿದ್ದಾನೆ.

  • Share this:

ಮೈಸೂರು: ಮೊನ್ನೆ ಪೊಲೀಸರ (Mysuru Police) ಬಲೆಗೆ ಸಿಕ್ಕಿಬಿದ್ದು ಅಂದರ್​​ ಆಗಿದ್ದ ಕಿರಾತಕ ಸ್ಯಾಂಟ್ರೋ ರವಿ ಅಲಿಯಾಸ್ ಕೆಎಸ್ ಮಂಜುನಾಥ್ (Santro Ravi) ಜೈಲು ಸೇರಿದ್ದು, ಜೈಲಿಗೆ ಹೋಗೋ ಮುನ್ನ ಎಲ್ಲರ ಜಾತಕ ಬಿಚ್ಚಿಡ್ತೀನಿ ಅಂತ ಪೊಲೀಸರಿಗೆ ಆವಾಜ್​ ಹಾಕಿದ್ದಾನೆ ಎಂಬ ಮಾಹಿತಿ ಲಭ್ಯವಾಗಿದೆ. ಹೌದು, ಹೆಣ್ಣುಮಕ್ಕಳ ಪಾಲಿನ ದುಶ್ಯಾಸನ (Human Trafficking), ರಾಜಕಾರಣಿಗಳ ಪಾಲಿನ ಬ್ರೋಕರ್ (Political Connections)​, ಅಧಿಕಾರಿಗಳ ಪಾಲಿಗೆ ಮಧ್ಯವರ್ತಿ, 2005ರಿಂದಲೂ ಕಳ್ಳತನ, ದರೋಡೆ, ಬೆದರಿಕೆ, ಅತ್ಯಾಚಾರ (Escort Services), ಸೇರಿ ಹಲವು ಪ್ರಕರಣಗಳ ಆರೋಪಿ ಸ್ಯಾಂಟ್ರೋ ರವಿ ಜೈಲುಪಾಲಾಗಿದ್ದಾನೆ. ಮೈಸೂರು ಜೆಎಂಎಫ್​ಸಿ ಕೋರ್ಟ್​ ಸ್ಯಾಂಟ್ರೋ ರವಿಯನ್ನ 14 ದಿನ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದೆ.


‘ಎಲ್ಲರ ಜಾತಕ ನನ್ನತ್ರ ಇದೆ ಏನ್​ ಮಾಡ್ಬೇಕು ಗೊತ್ತಿದೆ’


ಗುಜರಾತ್​​ನ ಅಹ್ಮದಾಬಾದ್​​ನಲ್ಲಿ ಬಂಧಿಸಿ ಕರೆತಂದ್ಮೇಲೆ ಮೈಸೂರಲ್ಲಿ ರವಿಗೆ ಫುಲ್​ ಡ್ರಿಲ್​ ನಡೀತು. ವಿಚಾರಣೆ ಎದುರಿಸ್ತಿರೋ ಬ್ರೋಕರ್​ ರವಿ ಖಾಕಿಗೆ ಆವಾಜ್​ ಹಾಕಿದ್ದಾನೆ. ಪೊಲೀಸರು ಬ್ರೋಕರ್​ ರವಿ ಎನ್​ಕ್ವೇರಿಗೆ ಹೋದಾಗ ‘ಎಲ್ಲರ ಜಾತಕ ನನ್ನತ್ರ ಇದೆ ಏನ್​ ಮಾಡ್ಬೇಕು ಗೊತ್ತಿದೆ ಅಂತ ಜೋರು ಮಾಡಿದ್ದಾನೆ.


ಇದನ್ನೂ ಓದಿ: CP Yogeshwar: 'ಅಮಿತ್​ ಶಾ ಒಂಥರಾ ರೌಡಿ ಇದ್ದಂಗೆ; ಬಿಜೆಪಿ ಗೆಲ್ಲಲ್ಲ, ಆದ್ರೂ ಅಧಿಕಾರಕ್ಕೆ ಬರ್ತೀವಿ' -ಸಂಚಲನ ಸೃಷ್ಟಿಸಿದ ಆಡಿಯೋ ಬಾಂಬ್


ಸಿಕ್ಕೇಬಿಡ್ತಾ ಸ್ಯಾಂಟ್ರೋ ರವಿಯ ಆ 2 ಫೋನ್​​ಗಳು?


ಪೊಲೀಸ್​ ಮೂಲಗಳ ಪ್ರಕಾರ ಸ್ಯಾಂಟ್ರೋ ರವಿಯ 2 ಫೋನ್​ಗಳು ಸಿಕ್ಕಿವೆ. ಯಾಱರ ಜೊತೆ ಸಂಪರ್ಕದಲ್ಲಿದ್ದ. ಯಾವ್ಯಾವ ಮಂತ್ರಿಗಳು, ಶಾಸಕರು, ಅಧಿಕಾರಿಗಳು, ಹಾಲಿ ಮಾಜಿಗಳಿಗೆ ಹೆಣ್ಣು ಮಕ್ಕಳನ್ನು ಸಪ್ಲೈ ಮಾಡಿದ್ದ ಪ್ರತಿಯೊಂದು ಸಾಕ್ಷಿಗಳಿದ್ದ 3 ಫೋನ್​ಗಳನ್ನ ಸೀಜ್​ ಮಾಡಿದ್ದಾರೆ. ಫೋನ್​ನಲ್ಲಿರೋ ಡೇಟಾ ಫೋಟೋ, ವಿಡಿಯೋಗಳೆಲ್ಲಾ ಡಿಲೀಟ್​ ಆಗಿದ್ದು ರಿಕವರಿ ಮಾಡೋಕೆ FSLಗೆ ರವಾನಿಸಿದ್ದಾರೆ.


ರಾಯಚೂರಲ್ಲಿ ಸ್ಯಾಂಟ್ರೋ ವಕೀಲ ಸಿಕ್ಕಿಬಿದ್ದ


ರಾಯಚೂರಲ್ಲಿ ಸ್ಯಾಂಟ್ರೋ ವಕೀಲ ಸಿಕ್ಕಿಬಿದ್ದಿದ್ದ, ಮಂತ್ರಾಲಯಕ್ಕೆ ಬಂದಿದ್ದಾಗ ಚೇತನ್​ನನ್ನ ಬಂಧಿಸಿದ್ದರು. ರಾಯಚೂರು SP ನಿಖಿಲ್​​ ಟೀಂನಿಂದ ವಿಚಾರಣೆ ನಡೆಸಿದಾಗ ಗುಜರಾತ್​​ನಲ್ಲಿರೋ ಬಗ್ಗೆ ಚೇತನ್​ಬಾಯ್ಬಿಟ್ಟಿದ್ದ. ತಕ್ಷಣ ಎಡಿಜಿಪಿಗೆ SP ನಿಖಿಲ್ ​ಮಾಹಿತಿ ಕೊಟ್ರು. ಆಗ ರಾಮನಗರ ಎಸ್​ಪಿ ಸಂತೋಷ್​​ಬಾಬು ಎಂಟ್ರಿಯಾಗಿದ್ದರು.




ಅಹ್ಮದಾಬಾದ್​​ ಡಿಸಿಪಿ ಚೈತನ್ಯ ಮಾಂಡಲಿಕ್​ ಸಂಪರ್ಕಿಸಿದ್ದರು. 2011ರ ಬ್ಯಾಚ್​​ನಲ್ಲಿದ್ದ ಸಂತೋಷ್​​ ಆಪ್ತ ಚೈತನ್ಯರಿಗೆ ಎಲ್ಲಾ ಮಾಹಿತಿ ಕಳುಹಿಸಿದ್ದರು. ಆಗ ಡಿಸಿಪಿ ಚೈತನ್ಯ ಅಹ್ಮದಾಬಾದ್​​ನಲ್ಲಿ ಮಫ್ತಿಯಲ್ಲಿ ಕ್ರೈಂ ಬ್ರಾಂಚ್​​​ ಕಳಿಸಿ ಹುಡುಕಾಡಿದಾಗ ರವಿ ಸಿಕ್ಕಿಬಿದ್ದ. ಸ್ಯಾಂಟ್ರೋ ರವಿ ಕಣ್ಣು ನೋಡಿ ಗುರುತು ಇವನೇ ಅವನು ಅಂತ ಸಂತೋಷ್​ಬಾಬು ಗುರುತು ಹಿಡಿದರಂತೆ.


ಸಕ್ಕರೆ ಕಾಯಿಲೆಯಿಂದ ಸ್ಯಾಂಟ್ರೋ ರವಿ ನರಳಾಟ


ಸ್ಯಾಂಟ್ರೋ ರವಿ ಪದೇ ಪದೇ ಮೂತ್ರ ವಿಸರ್ಜನೆಗೆ ಹೋಗ್ತಿದ್ದ. ಪೊಲೀಸರಿಗೆ ಅನುಮಾನ ಬಂದು ವಿಚಾರಣೆ ಮಾಡಿದರು. ಆಗ ನನಗೆ ಶುಗರ್​ ಇದೆ ಅಂದಿದ್ದಾನೆ. ವೈದ್ಯರನ್ನ ಕರೆಸಿ ಚೆಕ್​ ಮಾಡ್ದಾಗ ಹೈಶುಗರ್​ ಇರೋದು ಗೊತ್ತಾಗಿದೆ ಎಂದು ಎಡಿಜಿಪಿ ಅಲೋಕ್​ ಕುಮಾರ್ ತಿಳಿಸಿದ್ದಾರೆ.


ಸ್ಯಾಂಟ್ರೋ ರವಿ


ಇದನ್ನೂ ಓದಿ: Lovers: ಪ್ರೇಯಸಿಯನ್ನೇ ಕೊಂದು ಆತ್ಮಹತ್ಯೆ ಮಾಡಿಕೊಂಡನಾ ಪ್ರಿಯತಮ? ಪ್ರೇಮಿಗಳ ಸಾವಿನ ಸುತ್ತ ಅನುಮಾನದ ಹುತ್ತ


ಸ್ಯಾಂಟ್ರೋ ರವಿ ಸದ್ಯಕ್ಕೆ ಜೈಲುಪಾಲಾಗಿದ್ದಾನೆ. ಶುಗರ್​ನಿಂದ ನರಳಾಡ್ತಿರೋ ಕಿರಾತಕನಿಗೆ ಸದ್ಯಕ್ಕೆ ವಿಶ್ರಾಂತಿ. ಇಂದು ಪೊಲೀಸರು ಸಂಕ್ರಾಂತಿ ಹಬ್ಬ ಮಾಡಲಿದ್ದು, ಯಾವ್ಯಾವ ರಾಜಕಾರಣಿಗಳು, ಅಧಿಕಾರಿಗಳ ಬಣ್ಣ ಬಯಲಾಗುತ್ತೋ ಕಾದು ನೋಡಬೇಕಿದೆ.

Published by:Sumanth SN
First published: