ಆರ್​ಆರ್​ ನಗರ ಉಪಚುನಾವಣೆ; ಬಿಜೆಪಿ ಅಭ್ಯರ್ಥಿ ಮುನಿರತ್ನ ವಿರುದ್ಧ ಕೇಸ್ ದಾಖಲು

ಆರ್ ಆರ್ ನಗರ ಬಿಜೆಪಿ ಅಭ್ಯರ್ಥಿ‌ ಮುನಿರತ್ನ ಹಾಗೂ ಕಾಂಗ್ರೆಸ್​ ಎಂಎಲ್​ಸಿ ನಾರಾಯಣಸ್ವಾಮಿ ವಿರುದ್ದ FIR ದಾಖಲಾಗಿದೆ. ಮುನಿರತ್ನ ಮತದಾರರಿಗೆ ಒಂದು ವೋಟಿಗೆ 5 ಸಾವಿರದ ಆಮಿಷ ಒಡ್ಡುತ್ತಿದ್ದಾರೆ ಎಂದು ಕಾಂಗ್ರೆಸ್​ ಆರೋಪಿಸಿದೆ.

ಮುನಿರತ್ನ

ಮುನಿರತ್ನ

  • Share this:
ಬೆಂಗಳೂರು (ಅ. 27): ದಿನೇದಿನೆ ಆರ್​ಆರ್​ ನಗರ ಉಪಚುನಾವಣೆ ರಂಗೇರುತ್ತಲೇ ಇದೆ. ಒಂದು ಕಡೆ ಈಗಾಗಲೇ ಆರ್ ಆರ್ ನಗರ ಪೊಲೀಸ್ ಠಾಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಕುಸುಮಾ‌ ವಿರುದ್ಧ ಎಫ್​ಐಆರ್​ ದಾಖಲಿಸಲಾಗಿದೆ. ಈಗ ಬಿಜೆಪಿ ಅಭ್ಯರ್ಥಿ ಮುನಿರತ್ನ ಮೇಲೆಯೂ ಮತ್ತೊಂದು ಎಫ್​ಐಆರ್​ ದಾಖಲಾಗಿದೆ. ಯಶವಂತಪುರ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ. ಕಾಂಗ್ರೆಸ್ ಮುಖಂಡ ಹಾಗೂ ಕೆಪಿಸಿಸಿ ಕಾರ್ಯಾಧ್ಯಕ್ಷ ಸಲೀಂ ಅಹಮದ್ ನೀಡಿದ ದೂರಿನನ್ವಯ ಎಫ್ ಐ ಆರ್ ದಾಖಲಾಗಿದೆ. ಕಾಂಗ್ರೆಸ್ ಹಾಗೂ ಬಿಜೆಪಿ ಮುಖಂಡರಿಂದ ದೂರು-ಪ್ರತಿದೂರು ದಾಖಲಾಗಿದ್ದು,  ಬಿಜೆಪಿ ಅಭ್ಯರ್ಥಿ‌ ಮುನಿರತ್ನ ಹಾಗೂ ಕಾಂಗ್ರೆಸ್​ ಎಂಎಲ್​ಸಿ ನಾರಾಯಣಸ್ವಾಮಿ ವಿರುದ್ದ FIR ದಾಖಲಾಗಿದೆ. ಮುನಿರತ್ನ ಮತದಾರರಿಗೆ ಒಂದು ವೋಟಿಗೆ 5 ಸಾವಿರದ ಆಮಿಷ ಒಡ್ಡುತ್ತಿದ್ದಾರೆ ಎಂದು ಕಾಂಗ್ರೆಸ್​ ಆರೋಪಿಸಿದೆ.

ಮುನಿರತ್ನ ಅವರ ಬೆಂಬಲಿಗರಾದ  ನಸ್ರುತುಲ್ಲಾ ಇಮ್ರಾನ್ ಜಮೀರ್ ದಿಲ್ಕದ್ ಹನೀಫ್ ಹಾಗೂ ಸುನೀತಾ ಹಣದ ಆಮಿಷ ಒಡ್ಡಿದ್ದು, ಹೆಚ್​ಎಂಟಿ ಲೇಔಟ್ ಹಾಗೂ ಲಕ್ಷ್ಮಿದೇವಿ ನಗರಗಳಲ್ಲಿ ಹಣದ ಆಮಿಷ ಒಡ್ಡುತ್ತಿದ್ದಾರೆ ಎಂದು ಸಲೀಂ ಅಹಮದ್ ದೂರು ನೀಡಿದ್ದರು. ಈ ದೂರಿನ ಅನ್ವಯವಾಗಿ ಯಶವಂತಪುರ ಪೊಲೀಸರು ಎಫ್ ಐ ಆರ್ ದಾಖಲಿಸಿದ್ದಾರೆ. ಇದರ ಜೊತೆಗೆ ಆರ್.ಆರ್ ನಗರ ಬಿಜೆಪಿ ಕಾರ್ಯಕರ್ತ ನೀಡಿದ ದೂರಿನನ್ವಯ ಕಾಂಗ್ರೆಸ್​ ಎಂಎಲ್​ಸಿ ನಾರಾಯಣಸ್ವಾಮಿ ವಿರುದ್ದ FIR ದಾಖಲಾಗಿದೆ.

ಇದನ್ನೂ ಓದಿ: ಉಪಚುನಾವಣೆ ಹಿನ್ನೆಲೆ ಆರ್​ಆರ್​ ನಗರದಲ್ಲಿ ಹದ್ದಿನಕಣ್ಣು; 9 ಕಡೆ ಕಡೆ ಚೆಕ್​ಪೋಸ್ಟ್​ ಓಪನ್

ಹೆಚ್.ಎಂ.ಟಿ ಲೇಔಟ್ ನಲ್ಲಿ ನಾರಾಯಣಸ್ವಾಮಿ ಮತದಾರರ ಗುರುತಿನ ಚೀಟಿ ಕಲೆಕ್ಟ್ ಮಾಡುತ್ತಿದ್ದಾರೆ.  ಗುರುತಿನ ಚೀಟಿ ಹಾಗೂ ಮೊಬೈಲ್ ನಂಬರ್ ಕಲೆಕ್ಟ್ ಮಾಡಿ ಹಣದ ಆಮಿಷ ಒಡ್ಡುತ್ತಿದ್ದಾರೆ ಎಂದು ದೂರು ನೀಡಿದ್ದರಿಂದ MLC ನಾರಾಯಣಸ್ವಾಮಿ ಮೇಲೆಯೂ ಎಫ್ ಐ ಆರ್ ದಾಖಲಾಗಿದೆ. ಒಟ್ಟಿನಲ್ಲಿ ಈ‌ ಹಿಂದೆ ಕಾಂಗ್ರೆಸ್ ಅಭ್ಯರ್ಥಿ ಕುಸುಮಾ ಮೇಲೆ ಎಫ್ ಐ ಆರ್ ಆಗಿದ್ದು, ಈಗ ಬಿಜೆಪಿ ಅಭ್ಯರ್ಥಿ ಮೇಲೆಯೂ ಎಫ್ ಐ ಆರ್ ಆಗಿದೆ. ಏನೇ ಆಗಲಿ, ಆರ್ ಆರ್ ನಗರ ಉಪಚುನಾವಣೆಯಂತೂ ಈ ಬಾರಿ ಜಿದ್ದಾಜಿದ್ದಿನಿಂದ ಕೂಡಿರೋದು ಮಾತ್ರ ಸತ್ಯ.

ಆರ್​ಆರ್​ ನಗರ ವಿಧಾನಸಭಾ ಚುನಾವಣೆಯ ಹಿನ್ನೆಲೆಯಲ್ಲಿ ಚುನಾವಣಾ ಅಧಿಕಾರಿಗಳು ಹದ್ದಿನಕಣ್ಣು ಇಟ್ಟಿದ್ದಾರೆ. ಆರ್​ಆರ್​ ನಗರಕ್ಕೆ ಎಂಟ್ರಿ ಹಾಗೂ ಎಕ್ಸಿಟ್ ಆಗುವ ಕಡೆಗಳಲ್ಲಿ ಚೆಕ್​ಪೋಸ್ಟ್ ನಿರ್ಮಿಸಲಾಗಿದೆ. ಚೆಕ್​ಪೋಸ್ಟ್​​ಗಳಲ್ಲಿ ತಪಾಸಣೆಗೆ SST ತಂಡ ನಿಯೋಜನೆ ಮಾಡಲಾಗಿದೆ. ಸ್ಟಾಟಿಕ್ ಸರ್ವೈಲೆನ್ಸ್ ಟೀಂ (ಎಸ್​ಎಸ್​ಟಿ) ತಂಡದಲ್ಲಿ ಇಬ್ಬರು ಬಿಬಿಎಂಪಿ ಇಂಜಿನಿಯರ್​ಗಳು, ಇಬ್ಬರು ಪೊಲೀಸ್ ಸಿಬ್ಬಂದಿ, ಓರ್ವ ಅಬಕಾರಿ ಸಿಬ್ಬಂದಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಒಂದು ಚೆಕ್​ಪೋಸ್ಟ್​ನಲ್ಲಿ 5 ಮಂದಿ ಸಿಬ್ಬಂದಿ ಕಾರ್ಯ ನಿರ್ವಹಣೆ ಮಾಡುತ್ತಿದ್ದಾರೆ.
Published by:Sushma Chakre
First published: