HOME » NEWS » State » ROWDY GANG ASSAULTED ON CANTEEN OWNER AT KUSHALANAGAR LG

ಕುಶಾಲನಗರದಲ್ಲಿ ಪುಡಿರೌಡಿಗಳ ಅಟ್ಟಹಾಸ; ಕ್ಯಾಂಟೀನ್​ಗೆ ನುಗ್ಗಿ ದಾಂಧಲೆ ನಡೆಸಿದ ಯುವಕರ ಗುಂಪು

ಸುಮ್ಮನಿರುವಂತೆ ಮನವಿ ಮಾಡಲು ಹೋದವರಿಗೂ ಪುಂಡರ ಗುಂಪು ಮನಸ್ಸೋ ಇಚ್ಚೆ ರಸ್ತೆಯಲ್ಲೆಲ್ಲಾ ಓಡಾಡಿಸಿಕೊಂಡು ಹೊಡೆದಿದೆ. ಬಿಟ್ಟುಬಿಡಿ ಎಂದು ಮನವಿ ಮಾಡಿದರೂ ಬಿಟ್ಟಿಲ್ಲ. ಇದೆಲ್ಲವೂ ಬೈಲುಕುಪ್ಪೆ ಪೊಲೀಸ್ ಠಾಣೆಯಿಂದ ಕೇವಲ 200 ಮೀಟರ್ ದೂರದಲ್ಲೇ ನಡೆದಿದೆ.

news18-kannada
Updated:January 8, 2021, 10:58 AM IST
ಕುಶಾಲನಗರದಲ್ಲಿ ಪುಡಿರೌಡಿಗಳ ಅಟ್ಟಹಾಸ; ಕ್ಯಾಂಟೀನ್​ಗೆ ನುಗ್ಗಿ ದಾಂಧಲೆ ನಡೆಸಿದ ಯುವಕರ ಗುಂಪು
ಕ್ಯಾಂಟೀಲ್​ನಲ್ಲಿ ದಾಂಧಲೆ ನಡೆಸಿರುವ ದೃಶ್ಯ
  • Share this:
ಕೊಡಗು(ಜ.08): ಕೆಲವು ವರ್ಷಗಳ ಹಿಂದಕ್ಕೆ ಹೋದ್ರ ಸಾಕು, ಮಾರ್ಕೆಟ್ ಗಳಲ್ಲಿ, ಇಲ್ಲ ಗಲ್ಲಿ-ಗಲ್ಲಿಗಳಲ್ಲಿ ಪುಡಿ ರೌಡಿಸಂ ಮಾಡಿಕೊಂಡು ಹವಾ ಕ್ರಿಯೇಟ್ ಮಾಡಿಕೊಳ್ಳುತ್ತಿದ್ದದ್ದು ಗೊತ್ತೇ ಇದೆ. ಇದೆಲ್ಲವನ್ನೂ ಈಗ ಮಟ್ಟ ಹಾಕಲಾಗಿದೆ. ಆದರೆ ಈಗಲೂ ಕೊಡಗು ಜಿಲ್ಲೆ ಕುಶಾಲನಗರ ಸಮೀಪದ ಬೈಲುಕುಪ್ಪೆಯಲ್ಲಿ ಹತ್ತು ಜನರ ಗುಂಪೊಂದು ಕ್ಯಾಂಟೀನ್ ವೊಂದಕ್ಕೆ ನುಗ್ಗಿ ದಾಂಧಲೆ ನಡೆಸಿ ಹಿಗ್ಗಾಮುಗ್ಗಾ ಹೊಡೆದಿರುವ ಘಟನೆ ನಡೆದಿದೆ. ಹೌದು ಮೈಸೂರು ಜಿಲ್ಲೆಯ ಪಿರಿಯಾಪಟ್ಟಣ ತಾಲ್ಲೂಕಿನ ಬೈಲುಕುಪ್ಪೆಯ ಅಸ್ಕರ್ ಅಲಿ ಎಂಬುವವರ ಕ್ಯಾಂಟಿನ್ ಗೆ ಪುಡಿರೌಡಿಗಳು ನುಗ್ಗಿದ್ದಾರೆ.

ಹತ್ತು ಜನರಿದ್ದ ಯುವಕರ ಗುಂಪು ಕ್ಯಾಂಟಿನ್ ನ ಮಾಲೀಕ ಅಸ್ಕರ್ ಅಲಿಗೆ ದೊಡ್ಡ ದೊಡ್ಡ ಗಾತ್ರದ ಬಡಿಗೆಗಳಿಂದ ಮನಸ್ಸೋ ಇಚ್ಚೆ ಬಡಿದಿದೆ.  ಅದಕ್ಕೂ ಮೊದಲು ಅಸ್ಕರ್ ಅಲಿಯ ಕಣ್ಣಿಗೆ ಖಾರದ ಪುಡಿ ಎರಚಿರುವ ಯುವಕರ ಗುಂಪು ಕ್ಯಾಂಟಿನ್ ಒಳಗಿದ್ದ ವಸ್ತುಗಳನ್ನೆಲ್ಲಾ ಪುಡಿಗೈದಿದೆ. ಜೊತೆಗೆ ಕ್ಯಾಂಟಿನ್ ನಲ್ಲಿ ಇದ್ದ ಗ್ರಾಹಕರಿಗೂ ಹೊಡಿದಿದೆ.

ಇದರಿಂದಾಗಿ ಮಾಲೀಕ ಅಸ್ಕರ್ ಅಲಿಯ ಕಣ್ಣಿಗೆ ತೀವ್ರ ಪೆಟ್ಟು ಬಿದ್ದಿದೆ. ಅಲ್ಲದೇ ಅವರ ಮೂಗಿನ ಮೂಳೆ ಕೂಡ ಮುರಿದು ಹೋಗಿದೆ. ಇನ್ನು ಶಬ್ಬೀರ್ ಎಂಬುವವರ ಕೈಮುರಿದು ಹೋಗಿದೆ. ಅಷ್ಟೇ ಅಲ್ಲ ಇಮ್ರಾನ್ ಎಂಬುವವರ ತಲೆಗೆ ಕೂಡ ಗಂಭೀರ ಪೆಟ್ಟು ಬಿದ್ದಿದ್ದು ತಲೆಗೆ ಎಂಟು ಹೊಲಿಗೆ ಹಾಕಲಾಗಿದೆ. ಕ್ಯಾಂಟಿನ್ ಗೆ ನುಗ್ಗಿ ದಾಂಧಲೆ ನಡೆಸಿ ಸಿಕ್ಕ ಸಿಕ್ಕವರಿಗೆ ಹೊಡೆದಿರುವ ಯುವಕರ ಪುಂಡಾಟ ಸಂಪೂರ್ಣ ಸಿಸಿಟಿಯಲ್ಲಿ ಸೆರೆಯಾಗಿದೆ.

COVID-19 Vaccination: ನಾಳೆ ಕೇಂದ್ರದಿಂದ ರಾಜ್ಯಕ್ಕೆ 13 ಲಕ್ಷದ 90 ಸಾವಿರ ಲಸಿಕೆ ಬರಲಿದೆ; ಆರೋಗ್ಯ ಸಚಿವ ಡಾ.ಕೆ.ಸುಧಾಕರ್

ಸುಮ್ಮನಿರುವಂತೆ ಮನವಿ ಮಾಡಲು ಹೋದವರಿಗೂ ಪುಂಡರ ಗುಂಪು ಮನಸ್ಸೋ ಇಚ್ಚೆ ರಸ್ತೆಯಲ್ಲೆಲ್ಲಾ ಓಡಾಡಿಸಿಕೊಂಡು ಹೊಡೆದಿದೆ. ಬಿಟ್ಟುಬಿಡಿ ಎಂದು ಮನವಿ ಮಾಡಿದರೂ ಬಿಟ್ಟಿಲ್ಲ. ಇದೆಲ್ಲವೂ ಬೈಲುಕುಪ್ಪೆ ಪೊಲೀಸ್ ಠಾಣೆಯಿಂದ ಕೇವಲ 200 ಮೀಟರ್ ದೂರದಲ್ಲೇ ನಡೆದಿದೆ. ಆದರೆ ರಾತ್ರಿ ಹತ್ತುವರೆ ಗಂಟೆಯಲ್ಲಿ ಇದೆಲ್ಲವೂ ನಡೆದಿರುವುದರಿಂದ ಪೊಲೀಸರ ಗಮನಕ್ಕೂ ಬಂದಂತಿಲ್ಲ.

ಇಷ್ಟೆಲ್ಲಾ ಪುಂಡಾಟ ನಡೆಸಿರುವ ಯುವಕರ ಗುಂಪು ಇಷ್ಟಕ್ಕೇ ಸುಮ್ಮನಾಗದೆ ತಾವು ಹಿಡಿದಿದ್ದ ಬಡಿಗೆಗಳನ್ನು ಹೆದ್ದಾರಿಯಲ್ಲೇ ಬೀಸಿ ರಸ್ತೆಗೆ ಹೊಡೆದು ಕ್ರೌರ್ಯ ಮೆರೆದಿದ್ದಾರೆ. ಇಷ್ಟೆಲ್ಲವೂ ಮಾಡಿರೋದು ಬೈಲುಕುಪ್ಪೆಯವರೇ ಆದ ಪುಡಿ ರೌಡಿಸಂ ಮಾಡುತ್ತಿದ್ದ ಯುವಕರು ಅಫ್ತಾ ವಸೂಲಿಗಾಗಿ ಹವಾ ಕ್ರಿಯೇಟ್ ಮಾಡೋದಕ್ಕೆ ಅಂತಲೇ ಹೀಗೆಲ್ಲಾ ಮಾಡಿದೆ ಎನ್ನೋದು ಸ್ಥಳೀಯರಾದ ಮಾನ್ ಇನಾಯತ್ ಎಂಬುವರ ಅಭಿಪ್ರಾಯ.
ಇವರೆಲ್ಲರೂ ಈ ಹಿಂದೆ ಹಲವು ಪ್ರಕರಣಗಳಲ್ಲಿ ಭಾಗಿಯಾಗಿರುವವರು. ರಾಘು, ಸೂರ್ಯ, ನವೀನ್ ಮತ್ತು ಸಾದಿಕ್ ಸೇರಿದಂತೆ ಹತ್ತು ಜನರ ಮೇಲೆ ಐಪಿಸಿ ಸಕ್ಷನ್ 504, 307 ಸೇರಿದಂತೆ ಹಲವು ಸಕ್ಷನ್ ಗಳ ಅಡಿಯಲ್ಲಿ ಬೈಲುಕುಪ್ಪೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಇಬ್ಬರು ಆರೋಪಿಗಳನ್ನು ಬಂಧಿಸಲಾಗಿದ್ದು, ಉಳಿದ ಎಂಟು ಜನರು ತಲೆಮರೆಸಿಕೊಂಡಿದ್ದಾರೆ. ಈ ಆರೋಪಿಗಳ ಬಂಧನಕ್ಕೆ ತಂಡ ರಚಿಸಲಾಗಿದೆ. ಸದ್ಯದಲ್ಲೇ ಬಂಧಿಸಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.
Published by: Latha CG
First published: January 8, 2021, 10:58 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories