• Home
  • »
  • News
  • »
  • state
  • »
  • Car Accident: ಮೊನ್ನೆ ಬೈಕ್, ಇಂದು ಕಾರು! ಬಾನೆಟ್‌ ಮೇಲೆ ಹತ್ತಿದ ಯುವಕನನ್ನು 1 ಕಿಮೀ ಎಳೆದೊಯ್ದ ಮಹಿಳೆ!

Car Accident: ಮೊನ್ನೆ ಬೈಕ್, ಇಂದು ಕಾರು! ಬಾನೆಟ್‌ ಮೇಲೆ ಹತ್ತಿದ ಯುವಕನನ್ನು 1 ಕಿಮೀ ಎಳೆದೊಯ್ದ ಮಹಿಳೆ!

ಕಾರು ಅಪಘಾತ

ಕಾರು ಅಪಘಾತ

ಜ್ಞಾನಭಾರತಿ ಪೊಲೀಸ್​ ಠಾಣಾ ವ್ಯಾಪ್ತಿಯ ಉಲ್ಲಾಳ ಮುಖ್ಯರಸ್ತೆಯ ಜಂಕ್ಷನ್​ ಬಳಿ ಎರಡು ಕಾರುಗಳ ನಡುವೆ ಅಪಘಾತ ನಡೆದಿದೆ. ಸಿಗ್ನಲ್‌ನಲ್ಲಿ ಎರಡು ಕಾರುಗಳ ನಡುವೆ ಸಣ್ಣ ಪ್ರಮಾಣದ ಅಪಘಾತ ಸಂಭವಿಸಿದೆ.  ಈ ವೇಳೆ ಕಾರನ್ನು ನಿಲ್ಲಿಸಲು ಕಾರಿನ ಮುಂದೆ ಬಂದ ವ್ಯಕ್ತಿಯನ್ನು ಕಾರಿನ ಬ್ಯಾನೆಟ್​ ಮೇಲಿದ್ದರು ಮಹಿಳಾ ಚಾಲಕಿ ಒಂದು ಕಿಮೀ ದೂರ ಎಳೆದೊಯ್ದಿದ್ದಾಳೆ!

ಮುಂದೆ ಓದಿ ...
  • News18 Kannada
  • 4-MIN READ
  • Last Updated :
  • Bangalore [Bangalore], India
  • Share this:

ಬೆಂಗಳೂರು: ಎರಡು ದಿನಗಳ ಹಿಂದೆ ವೃದ್ಧನೊಬ್ಬನನ್ನು ಸ್ಕೂಟರ್​ ಚಾಲಕನೊಬ್ಬ ಒಂದೂವರೆ ಕಿಲೋ ಮೀಟರ್​ ದೂರ ಎಳೆದುಕೊಂಡು ಹೋಗಿದ್ದ ಘಟನೆ ನಡೆದಿತ್ತು. ಇದೀಗ ಬೆಂಗಳೂರಿನಲ್ಲಿ (Bengaluru) ಮತ್ತೆ ಅದೇ ರೀತಿಯ ಘಟನೆಯೊಂದು ನಡೆದಿದೆ. ಅಪಘಾತ (Accident) ಪ್ರಕರಣವೊಂದರಲ್ಲಿ ಕಾರನ್ನು ತಡೆಯಲು ಬಾನೆಟ್​ ಹತ್ತಿ ಕುಳಿತಿದ್ದ ವ್ಯಕ್ತಿಯನ್ನು ಒಂದು ಕಿಲೋ ಮೀಟರ್​ ದೂರ ಎಳೆದೊಯ್ದ ಘಟನೆ ಜ್ಞಾನಭಾರತಿ (Jnanabharathi) ಪೊಲೀಸ್​ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಈ ಕುರಿತು ಎರಡೂ ಕಡೆಯವರಿಂದ ದೂರು ದಾಖಲಾಗಿದ್ದು, ಆರೋಪಿಗಳನ್ನು ವಶಕ್ಕೆ ಪಡೆದು ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ. ಗಾಯಗೊಂಡಿದ್ದ ದರ್ಶನ್ ಎಂಬ ಯುವಕನನ್ನು ಆಸ್ಪತ್ರೆಗೆ ಸೇರಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ.


ಜ್ಞಾನಭಾರತಿ ಪೊಲೀಸ್​ ಠಾಣಾ ವ್ಯಾಪ್ತಿಯ ಉಲ್ಲಾಳ ಮುಖ್ಯರಸ್ತೆಯ ಜಂಕ್ಷನ್​ ಬಳಿ ನಡೆದಿದೆ. ಸಿಗ್ನಲ್​ನಲ್ಲಿ ಎರಡು ಕಾರುಗಳ ನಡುವೆ ಸಣ್ಣ ಪ್ರಮಾಣದ ಅಪಘಾತ ಸಂಭವಿಸಿದೆ. ಟಾಟಾ ನೆಕ್ಸಾನ್ ಹಾಗೂ ಮಾರುತಿ ಸ್ವಿಫ್ಟ್​ ಕಾರಿನ ನಡುವೆ ಅಪಘಾತ ಸಂಭವಿಸಿದೆ. ಸ್ವಿಪ್ಟ್​ ಕಾರನ್ನು ದರ್ಶನ್​ ಎಂಬಾತ ಹಾಗೂ ನಿಕ್ಸಾನ್ ಕಾರನ್ನು ಪ್ರಿಯಾಂಕ ಎಂಬಾಕೆ ಚಲಾಯಿಸುತ್ತಿದ್ದರು ಎಂದು ತಿಳಿದುಬಂದಿದೆ.


ಕಾರಿನ ಬ್ಯಾನೆಟ್ ಮೇಲೆ ಕುಳಿತರೂ ಕಾರು ಚಾಲನೆ


ಅಪಘಾತ ಸಂಭವಿಸಿದಾಗ ದರ್ಶನ್​ರಿಗೆ ಪ್ರಿಯಾಂಕ ಮಧ್ಯದ ಬೆರಳನ್ನು ತೋರಿಸಿ ಕೆಟ್ಟದಾಗಿ ವರ್ತಿಸಿದ್ದಾರೆ ಎನ್ನಲಾಗಿದೆ. ಇದರಿಂದ ಕುಪಿತಕೊಂಡ ದರ್ಶನ್,​ ಪ್ರಿಯಾಂಕ ಕಾರನ್ನು ಹಿಂಬಾಲಿಸಿಕೊಂಡು ಮಂಗಳೂರು ಪಿಯು ಕಾಲೇಜು ಬಳಿ ಕಾರನ್ನು ತಡೆಯಲು ನಿಂತಿದ್ದಾರೆ. ಕಾರನ್ನು ನಿಲ್ಲಿಸದಿದ್ದಾಗ ದರ್ಶನ್​ ಕಾರಿನ ಬಾನೆಟ್​ ಮೇಲೆ ಏರಿದ್ದಾರೆ. ಆದರೂ ಕಾರನ್ನೂ ನಿಲ್ಲಿಸದೇ ಪ್ರಿಯಾಂಕ ಒಂದು ಕಿಲೋಮೀಟರ್ ದೂರದವರೆಗೆ ಕಾರನ್ನು ಚಲಾಯಿಸಿಕೊಂಡು ಹೋಗಿದ್ದಾರೆ.


ಇದನ್ನೂ ಓದಿ: Bengaluru: ಅವನು ಕ್ಷಮೆ ಕೇಳಿದ್ದರೆ, ನಾನು ಅವನನ್ನು ಬಿಟ್ಟುಬಿಡುತ್ತಿದ್ದೆ! ಬೈಕ್‌ ಸವಾರನಿಂದ ಗಾಯಗೊಂಡ 71 ವರ್ಷದ ವೃದ್ಧನ ಮಾತು


ಕಾರನ್ನು ತಡೆದ ದರ್ಶನ್ ಸ್ನೇಹಿತರು


ಕಾರಿನ ಮೇಲೆ ಕುಳಿತರೂ ಕಾರನ್ನು ನಿಲ್ಲಿಸದೇ ಹೋಗುತ್ತಿದ್ದರಿಂದ ದರ್ಶನ್​ ಕಡೆಯ ಹುಡುಗರು ಮತ್ತು ಸ್ಥಳೀಯರು ಬೈಕ್​ನಲ್ಲಿ ಪ್ರಿಯಾಂಕ ಕಾರನ್ನು ಚೇಸ್​ ಮಾಡಿ ಕಾರನ್ನು ಅಡ್ಡಗಟ್ಟಿ ದರ್ಶನ್​ರನ್ನು ರಕ್ಷಿಸಿದ್ದಾರೆ. ಅಲ್ಲದೆ ಕಾರಿನ ಗಾಜುಗಳನ್ನು ಹೊಡೆದು ಒಳಗಿದ್ದ ಪ್ರಿಯಾಂಕ ಗಂಡ ಪ್ರಮೋದ್​ಗೆ ಥಳಿಸಿದ್ದಾರೆ ಎನ್ನಲಾಗಿದೆ.




ಎರಡು ಕಡೆಯಿಂದ ಎಫ್​ಐಆರ್​


ಘಟನೆ ಸಂಬಂಧ ಎರಡೂ ಕಡೆಯವರಿಂದ ಜ್ಞಾನಭಾರತಿ ಪೊಲೀಸ್​ ಠಾಣೆಯಲ್ಲಿ ಎರಡು ಪ್ರತ್ಯೇಕ ಎಫ್​ಐಆರ್​ ದಾಖಲಾಹಿದೆ. ಗಾಯಗೊಂಡಿರುವ ದರ್ಶನ್​ರಿಂದ ಐಪಿಸಿ ಸೆಕ್ಸನ್​ 307 ಅಡಿಯಲ್ಲಿ ಎಫ್​ಐಆರ್ ದಾಖಲಾದರೆ, ಮಹಿಳೆ ಪ್ರಿಯಾಂಕ ಐಪಿಸಿ ಸೆಕ್ಸನ್​ 354 ಅಡಿಯಲ್ಲಿ ಲೈಂಗಿಕ ದೌರ್ಜನ್ಯ ಪ್ರಕರಣ ದಾಖಲಿಸಿದ್ದಾರೆ.  ದರ್ಶನ್​ ತನ್ನನ್ನು ಕೊಲೆ ಮಾಡುವ ಉದ್ದೇಶದಿಂದ ಬಾನೆಟ್​ ಮೇಲೆ ಹತ್ತಿ ಕುಳಿತರೂ ವೇಗವಾಗಿ ಕಾರನ್ನು ಚಲಾಯಿಸಿಕೊಂಡು ಹೋಗಿದ್ದಾರೆಂದು ದೂರು ನೀಡಿದರೆ, ಪ್ರಿಯಾಂಕ,  ದರ್ಶನ್ ಹಾಗೂ ಸಹಚರರು​ ವಿರುದ್ಧ ತನ್ನ ಬಟ್ಟೆಯನ್ನು ಹರಿದು ಎಳೆದಾಡಿ ಅವಾಚ್ಯ ಶಬ್ಧದಿಂದ ನಿಂದನೆ ಮಾಡಿದ್ದಾರೆಂದು ದೂರು ನೀಡಿದ್ದಾರೆ.


ಐವರ ಬಂಧನ


ಕಾರಿನ ಮೇಲೆ ಯುವಕನನ್ನು ಎಳೆದೊಯ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜ್ಞಾನಭಾರತಿ ಪೊಲೀಸರಿಂದ ಐವರ ಬಂಧನವಾಗಿದೆ. ಪ್ರಮೋದ್​ ಹಾಗೂ ದರ್ಶನ್​ ಎಂಬುವವರು ನೀಡಿರುವ ದೂರಿನ ಮೇಲೆ ಪ್ರಿಯಾಂಕ ಬಂಧನವಾಗಿದೆ. ಇನ್ನು ಪ್ರಿಯಾಂಕ ನೀಡಿರುವ ಲೈಂಗಿಕ ದೌರ್ಜನ್ಯ ದೂರಿನ ಅಡಿಯಲ್ಲಿ ದರ್ಶನ್​, ಯಶವಂತ್​, ಸುಜನ್​ ಹಾಗೂ ವಿನಯ್​ ಎಂಬುವವರನ್ನು ಪೊಲೀಸರು ಬಂಧಿಸಿದ್ದಾರೆ. ಎಲ್ಲಾ ಆರೋಪಿಗಳನ್ನು ಬಂಧಿಸಿರುವ ಪೊಲೀಸರು ವೈದ್ಯಕೀಯ ಪರೀಕ್ಷೆಗೆ ಕರೆದೊಯ್ದಿದ್ದಾರೆ.


 Road Rage Woman drags a man on car bonnet for 1 km in banglore
ಕಾರು ಅಪಘಾತ


ದರ್ಶನ್​ ತಾಯಿ ಹೇಳಿಕೆ


ಪ್ರಕರಣಕ್ಕೆ ಸಂಬಂಧಿಸಿದಂತೆ ದರ್ಶನ್​ ತಾಯಿ ಹೇಳಿಕೆ ನೀಡಿದ್ದಾರೆ. ಉಲ್ಲಾಳ ರಸ್ತೆಯಲ್ಲಿ ದರ್ಶನ್​ ಕಾರಿಗೆ ಕಾರೊಂದು ಅಡ್ಡ ಬಂದಿದೆ.  ಅಷ್ಟು ಜೋರಾಗಿ ಏಕೆ ಹೋಡಿಸುತ್ತೀರಾ ಎಂದು ಪ್ರಶ್ನಿಸಿದ್ದಾನೆ. ಇಷ್ಟಕ್ಕೆ ಕಾರಿನಲ್ಲಿದ್ದವರು ಅವಾಚ್ಯ ಶಬ್ಧಗಳಿಂದ ನಿಂದಿಸಿದ್ದಾರೆ, ಅಲ್ಲದೆ ಕಾರಿನಲ್ಲಿದ್ದ ವ್ಯಕ್ತಿಯೊಬ್ಬ ದರ್ಶನ್​ಗೆ ಹೊಡೆದಿದ್ದಾರೆ. ನಂತರ ಇವರೂ ಹೊಡೆದಿದ್ದಾರೆ.  ಈ ಘಟನೆ ಬಳಿಕ  ಕಾರನ್ನು ನಿಲ್ಲಿಸುವಂತೆ ಹೇಳಿ ದರ್ಶನ್ ಕಾರಿನ ಮುಂದೆ ಬಂದು ನಿಂತಿದ್ದಾನೆ.


ಆದರೂ ಆ ಮಹಿಳೆ ಕಾರನ್ನು ನಿಲ್ಲಿಸದೇ ಮುಂದೆ ಹೋಗಲು ಪ್ರಯತ್ನಿಸಿದ್ದಾರೆ. ಆಗ ದರ್ಶನ್​ ಕಾರಿನ ಬಾನೆಟ್ ಮೇಲೆ ಏರಿದ್ದಾನೆ. ಆದರೂ ಕಾರನ್ನು ನಿಲ್ಲಿಸದೇ 2 ಕಿಮೀ ದೂರ ಹೋಗಿದ್ದಾರೆ. ದರ್ಶನ್​ ಸ್ನೇಹಿತರು ಕಾರನ್ನು ನಿಲ್ಲಿಸಿದ್ದಕ್ಕೆ ಕಾರಿನ ಗಾಜುಗಳನ್ನು ಹೊಡೆದಿದ್ದಾರೆ. ಕಾರಿನ ಗಾಜು ಹೊಡೆಯುತ್ತಿದ್ದಂತೆ ಆಕೆಯ ಮೊದಲು ಹೋಗಿ ದೂರು ನೀಡಿದ್ದಾಳೆ ಎಂದು ತಿಳಿಸಿದ್ದಾರೆ.

Published by:Rajesha B
First published: