• Home
  • »
  • News
  • »
  • state
  • »
  • VV Puram Food Street: ಬೆಂಗಳೂರಿನ ವಿ ವಿ ಪುರಂ ಫುಡ್ ಸ್ಟ್ರೀಟ್​ಗೆ​ ಹೊಸ ಲುಕ್! ಹೈಟೆಕ್ ಟಚ್ ಕೊಡಲು ಬಿಬಿಎಂಪಿ ಪ್ಲಾನ್

VV Puram Food Street: ಬೆಂಗಳೂರಿನ ವಿ ವಿ ಪುರಂ ಫುಡ್ ಸ್ಟ್ರೀಟ್​ಗೆ​ ಹೊಸ ಲುಕ್! ಹೈಟೆಕ್ ಟಚ್ ಕೊಡಲು ಬಿಬಿಎಂಪಿ ಪ್ಲಾನ್

ವಿ ವಿ ಪುರಂ ಫುಡ್​ ಸ್ಟ್ರೀಟ್​

ವಿ ವಿ ಪುರಂ ಫುಡ್​ ಸ್ಟ್ರೀಟ್​

ಗಾಂಧಿ ಬಜಾರ್ ಬಳಿಯ ಸಜ್ಜನ್ ರಾವ್ ವೃತ್ತದ ಬಳಿ ಇರುವ ವಿಶ್ವೇಶ್ವರಪುರಂ (ವಿ.ವಿ.ಪುರಂ)ನ ಫುಡ್ ಸ್ಟ್ರೀಟ್ ಅನೇಕ ತಿಂಡಿ ಪ್ರಿಯರ ನೆಚ್ಚಿನ ತಾಣವಾಗಿದೆ. ಈ ರಸ್ತೆಗೆ ಅಗತ್ಯ ಮೂಲಭೂತ ಸೌಕರ್ಯಗಳನ್ನು ನೀಡಿ ಅಧುನಿಕ ಟಚ್ ನೀಡಲು ಬಿಬಿಎಂಪಿ ಮುಂದಾಗಿದೆ.

  • Trending Desk
  • 5-MIN READ
  • Last Updated :
  • Karnataka, India
  • Share this:

ಬೆಂಗಳೂರಿನ (Bengaluru) ಜನರಿಗೆ ಸಂಜೆಯಾಯಿತು ಎಂದರೆ ಬಿಸಿ ಬಿಸಿ ತಿಂಡಿಗಳನ್ನು ತಿನ್ನಲು ಅವರ ಏರಿಯಾಗಳಲ್ಲಿಯೇ ಚಿಕ್ಕ ಚಿಕ್ಕ ಫುಡ್ ಸ್ಟ್ರೀಟ್ ಗಳಿವೆ (Food Street). ಆದರೆ ತುಂಬಾನೇ ದೊಡ್ಡದಾದ ಫುಡ್ ಸ್ಟ್ರೀಟ್ ಗಳಲ್ಲಿ ಒಂದಾದ ಮತ್ತು ಬಹುತೇಕರ ಹಾಟ್ ಫೇವರೆಟ್ (Favorite) ಎಂದರೆ ಅದು ವಿವಿ ಪುರಂ ನ ‘ತಿಂಡಿ ಬೀದಿ’ ಅಂತ ಹೇಳಿದರೆ ತಪ್ಪಾಗದು. ವಿವಿ ಪುರಂ ನಲ್ಲಿರುವ ಫುಡ್ ಸ್ಟ್ರೀಟ್  ಎಂದರೆ ಸಾಕು ಅನೇಕರಿಗೆ ಬಿಸಿ ಬಿಸಿ ಬಜ್ಜಿಗಳಿಂದ ಹಿಡಿದು ಕಾಂಗ್ರೆಸ್ ಬನ್ ಗಳವರೆಗೆ ಎಲ್ಲವೂ ಸಿಗುವಂತಹ ಸ್ಥಳ ಅದು ಅಂತ ಹೇಳಬಹುದು.


ನಗರದ ಈ ರಸ್ತೆ ಹೆಚ್ಚಿನ ಬೆಂಗಳೂರಿಗರ ಹೃದಯದಲ್ಲಿ ವಿಶೇಷ ಸ್ಥಾನವನ್ನು ಹೊಂದಿದೆ. ನಿಮ್ಮ ಹೃದಯಕ್ಕೆ ಹತ್ತಿರವಾದ ‘ತಿಂಡಿ ಬೀದಿ’ ಯನ್ನ ಈಗ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ಅಪ್ರತಿಮ ವಿ.ವಿ.ಪುರಂ ಫುಡ್ ಸ್ಟ್ರೀಟ್ ಅನ್ನು ಮರುರೂಪಿಸಲು ಮತ್ತು ಮರುವಿನ್ಯಾಸಗೊಳಿಸಲು ಮುಂದಾಗಿದೆ.


Revamp of Bengaluru’s iconic VV Puram food street with modern amenities on the cards
ವಿ ವಿ ಪುರಂ ಫುಡ್​ ಸ್ಟ್ರೀಟ್​


ಫುಡ್ ಸ್ಟ್ರೀಟ್ ನಲ್ಲಿ ಆಧುನಿಕ ಸೌಲಭ್ಯಗಳ ಕೊರತೆಯಿದೆ


ಗಾಂಧಿ ಬಜಾರ್ ಬಳಿಯ ಸಜ್ಜನ್ ರಾವ್ ವೃತ್ತದ ಬಳಿ ಇರುವ ವಿಶ್ವೇಶ್ವರಪುರಂ (ವಿ.ವಿ.ಪುರಂ)ನ ಫುಡ್ ಸ್ಟ್ರೀಟ್ ನಲ್ಲಿ ಆಧುನಿಕ ಸೌಲಭ್ಯಗಳ ಕೊರತೆಯಿದೆ. ಕಿರಿದಾದ ಆದರೆ ಕಿಕ್ಕಿರಿದು ತುಂಬಿರುವ ಬೀದಿಯು ಭಾರಿ ಸಂಖ್ಯೆಯ ಜನಸಂದಣಿ ಮತ್ತು ವಾಹನಗಳನ್ನು ನಿರ್ವಹಿಸುವ ಸ್ಥಳವನ್ನು ಹೊಂದಿಲ್ಲ.


ಇಲ್ಲಿ 150 ಮೀಟರ್ ಗಿಂತ ಕಡಿಮೆ ವಿಸ್ತೀರ್ಣದಲ್ಲಿ ಹರಡಿರುವ 20 ಕ್ಕೂ ಹೆಚ್ಚು ಆಹಾರ ಮಳಿಗೆಗಳು ಗ್ರಾಹಕರಿಗೆ ವಿವಿಧ ದಕ್ಷಿಣ ಭಾರತ, ಉತ್ತರ ಭಾರತ ಮತ್ತು ಚೈನೀಸ್ ಭಕ್ಷ್ಯಗಳನ್ನು ತಯಾರಿಸಿ ಉಣ ಬಡಿಸುತ್ತವೆ.


ಬಿಬಿಎಂಪಿ ಅಧಿಕಾರಿಗಳ ಪ್ರಕಾರ, ವಿಶೇಷವಾಗಿ ಸಂಜೆ 6 ಗಂಟೆಯ ನಂತರ ಈ ಪ್ರದೇಶವು ಕಿಕ್ಕಿರಿದು ತುಂಬಿರುತ್ತದೆ ಇದು ಭಾರಿ ಸಂಚಾರ ದಟ್ಟಣೆಗೂ ಸಹ ಕಾರಣವಾಗುತ್ತದೆ. ಆಧುನಿಕ ಸೌಲಭ್ಯಗಳ ಕೊರತೆಯೂ ಇದೆ.


‘ಕಮರ್ಷಿಯಲ್ ಸ್ಟ್ರೀಟ್’ ನಂತೆಯೇ ಈ ಬೀದಿಯನ್ನು ಅಭಿವೃದ್ಧಿಪಡಿಸಲಿದೆಯಂತೆ ಬಿಬಿಎಂಪಿ


ವಿ.ವಿ.ಪುರಂನ ಮಾರಾಟಗಾರರು ರಸ್ತೆಯನ್ನು ಆಧುನಿಕ ಸೌಲಭ್ಯಗಳೊಂದಿಗೆ ನವೀಕರಿಸಬೇಕು ಎಂದು ವಿನಂತಿಸಿದ್ದಾರೆ. ಏಕೆಂದರೆ ಈ ಬೀದಿ ಯಾವಾಗಲೂ ಜನದಟ್ಟಣೆಯಿಂದ ಕೂಡಿರುತ್ತದೆ ಮತ್ತು ಮೂಲಭೂತ ಸೌಕರ್ಯಗಳಿಲ್ಲ. ನಗರದಲ್ಲಿ ಇತ್ತೀಚೆಗೆ ನವೀಕರಿಸಿದ ಕಮರ್ಷಿಯಲ್ ಸ್ಟ್ರೀಟ್ ನಂತೆಯೇ ಇಡೀ ಪ್ರದೇಶವನ್ನು ಮರು ಅಭಿವೃದ್ಧಿಪಡಿಸಲು ಬಿಬಿಎಂಪಿ ಯೋಜಿಸಿದೆ" ಎಂದು ಬಿಬಿಎಂಪಿ ದಕ್ಷಿಣ ವಲಯದ ವಲಯ ಆಯುಕ್ತ ಜಯರಾಮ್ ರಾಯಪುರ ತಿಳಿಸಿದ್ದಾರೆ.


Revamp of Bengaluru’s iconic VV Puram food street with modern amenities on the cards
ವಿ ವಿ ಪುರಂ ಫುಡ್​ ಸ್ಟ್ರೀಟ್​


ಅಧಿಕಾರಿಗಳ ಪ್ರಕಾರ, ರಸ್ತೆಗಳು ಮತ್ತು ಪಾದಚಾರಿ ಮಾರ್ಗಗಳನ್ನು ಬಣ್ಣಬಣ್ಣದ ಹೆಂಚುಗಳು ಮತ್ತು ಚಮ್ಮಾರ ಕಲ್ಲುಗಳಿಂದ ನಿರ್ಮಿಸಲಾಗುತ್ತದೆ, ಗ್ರಾಹಕರಿಗೆ ಮೀಸಲಾದ ಆಸನ ಪ್ರದೇಶಗಳನ್ನು ಸ್ಥಾಪಿಸಲಾಗುವುದು ಮತ್ತು ವಿಸ್ತರಣೆಯು ಪಾದಚಾರಿ ಸ್ನೇಹಿಯಾಗಲಿದೆ.


ಬಿಬಿಎಂಪಿಯು ಸುಮಾರು 5 ಕೋಟಿ ವೆಚ್ಚದಲ್ಲಿ ಮೂಲಸೌಕರ್ಯವನ್ನು ಮೇಲ್ದರ್ಜೆಗೇರಿಸಲಿದೆ. "ಇಡೀ ಫುಡ್ ಸ್ಟ್ರೀಟ್ ಅನ್ನು6 ತಿಂಗಳಲ್ಲಿ ಆಧುನಿಕ ಸೌಲಭ್ಯಗಳೊಂದಿಗೆ ಮರು ಅಭಿವೃದ್ಧಿಪಡಿಸಲಾಗುವುದು ಮತ್ತು ಅದಕ್ಕಾಗಿ ಕೆಲಸವನ್ನು ಈ ತಿಂಗಳಿನಿಂದಲೇ ಪ್ರಾರಂಭಿಸಲಾಗುವುದು" ಎಂದು ಜಯರಾಮ್ ಅವರು ಹೇಳಿದರು.


ಫುಡ್ ಸ್ಟ್ರೀಟ್ ಅನ್ನು ನವೀಕರಿಸುವುದರ ಬಗ್ಗೆ ಅಂಗಡಿಯವರು ಏನ್ ಹೇಳ್ತಾರೆ?


ಫುಡ್ ಸ್ಟ್ರೀಟ್ ಅನ್ನು ನವೀಕರಿಸಲು ನೀಲನಕ್ಷೆಯನ್ನು ಸಹ ತಯಾರಿಸಲಾಗಿದೆ. ಪ್ರಸಿದ್ಧ ಫುಡ್ ಸ್ಟ್ರೀಟ್ ಅನ್ನು ಮರು ಅಭಿವೃದ್ಧಿಗೊಳಿಸಲಾಗುವುದು ಅಂಗಡಿಯವರು ಸಂತೋಷ ಪಡುತ್ತಿದ್ದಾರೆ.


ಇನ್ನೊಬ್ಬ ಮಾರಾಟಗಾರರಾದ ಮಂಜುನಾಥ್ ಅವರು ಈಗ, ಬಿಬಿಎಂಪಿ ರಸ್ತೆಯನ್ನು ನವೀಕರಿಸುವುದರಿಂದ, ಗ್ರಾಹಕರು ಮತ್ತು ಅಂಗಡಿಯವರು ಇಬ್ಬರಿಗೂ ಪ್ರಯೋಜನವಾಗಲಿದೆ. ಕೆಲಸದ ಸಮಯದಲ್ಲಿ ನಾವು ಬಿಬಿಎಂಪಿಯೊಂದಿಗೆ ಸಹಕರಿಸುತ್ತೇವೆ ಎಂದು ಹೇಳಿದರು.


ನಿಯಮಿತವಾಗಿ ಫುಡ್ ಸ್ಟ್ರೀಟ್ ಗೆ ಭೇಟಿ ನೀಡುವ ವಿದ್ಯಾರ್ಥಿ ಸಮಂತ್ ಪ್ರಸಾದ್ ಅವರು ವಿಸ್ತರಣೆಯನ್ನು ನವೀಕರಿಸುವುದು ಪಾಲಿಕೆಯವರಿಂದ ತೆಗೆದುಕೊಂಡ ಉತ್ತಮ ನಿರ್ಧಾರಎಂದು ಹೇಳಿದರು. ಇದು ನಗರದ ಜನಪ್ರಿಯ ತಾಣಗಳಲ್ಲಿ ಒಂದಾಗಿದ್ದರೂ ಸೌಲಭ್ಯಗಳ ಕೊರತೆಯಿದೆ. ಅನೇಕ ಜನರು ಇಲ್ಲಿಗೆ ಭೇಟಿ ನೀಡುವುದರಿಂದ, ಬಿಬಿಎಂಪಿಯು ಚರ್ಚ್ ಸ್ಟ್ರೀಟ್ ನಂತೆ ಕೆಲವು ಅಂತರರಾಷ್ಟ್ರೀಯ ಮಾನದಂಡಗಳನ್ನು ತರಬೇಕು.


ಇದನ್ನೂ ಓದಿ: Hotel Food Price Hike: ಹೋಟೆಲ್ ಫುಡ್ ದರ ಏರಿಕೆ; ನಿಮ್ಮಿಷ್ಟದ ತಿಂಡಿ ಬೆಲೆ ಎಷ್ಟು ಹೆಚ್ಚಾಗಿದೆ?


ಈ ವರ್ಷದ ಆಗಸ್ಟ್ ನಲ್ಲಿ ವಿ.ವಿ.ಪುರಂ ಫುಡ್ ಸ್ಟ್ರೀಟ್ ಗೆ ಭೇಟಿ ನೀಡಿದ್ದ ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್. ಜೈಶಂಕರ್ ಅವರು ಸಹ ಇಲ್ಲಿಗೆ ಬಂದು ವಿವಿಧ ಭಕ್ಷ್ಯಗಳನ್ನು ಆನಂದಿಸಿದ್ದರು.

Published by:ಪಾವನ ಎಚ್ ಎಸ್
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು