• Home
  • »
  • News
  • »
  • state
  • »
  • Red Corn: ರೋಗಬಾಧೆಯೇ ಇಲ್ಲದ ಕೆಂಪು ಜೋಳ ಎಲ್ಲಿ ಸಿಗುತ್ತೆ? 20 ವರ್ಷಗಳಿಂದ ಬೆಳೆಯುತ್ತಿದ್ದಾರೆ ಈ ರೈತ!

Red Corn: ರೋಗಬಾಧೆಯೇ ಇಲ್ಲದ ಕೆಂಪು ಜೋಳ ಎಲ್ಲಿ ಸಿಗುತ್ತೆ? 20 ವರ್ಷಗಳಿಂದ ಬೆಳೆಯುತ್ತಿದ್ದಾರೆ ಈ ರೈತ!

ದೋಟಿಹಾಳ ಸಮೀಪದ ಬಿಜಕಲ್ ಗ್ರಾಮದ ರೈತ ಸಿದ್ದಪ್ಪ ಕುರಿ

ದೋಟಿಹಾಳ ಸಮೀಪದ ಬಿಜಕಲ್ ಗ್ರಾಮದ ರೈತ ಸಿದ್ದಪ್ಪ ಕುರಿ

ಮಾರುಕಟ್ಟೆಯಲ್ಲಿ ಈ ಜೋಳದ ಬೀಜಗಳು ಸಿಗುವುದಿಲ್ಲ. ಮತ್ತು ಕೆಂಜೋಳದ  ಬೇಳೆ ತೆಗೆಯಲು ಹೆಚ್ಚು ಅವಧಿ ಬೇಕು. ಇತ್ಯಾದಿ ಕಾರಣಗಳಿಂದ ಅಪರೂಪದ ಈ ಜೋಳದ ತಳಿ ಮಾಯವಾಗುತ್ತಿದೆ.

  • Share this:

ಕೊಪ್ಪಳ: ಈಗ ನಲವತ್ತು ವರ್ಷದ ಆಸುಪಾಸಿನಲ್ಲಿ ಇರುವವರು, ಅವರು ಗ್ರಾಮೀಣ ಭಾಗದವರಾಗಿದ್ದರೆ, ಹಬ್ಬ ಹರಿದಿನಗಳಲ್ಲಿ (Festival) ಮನೆಯಲ್ಲಿ ಕೆಂಜೋಳ ಅಥವಾ ಕೆಂಪುಜೋಳದ (Red corn) ಕಡಬು, ಬೆಲ್ಲ ಸವಿದ  ನೆನಪು ಇರುತ್ತದೆ. ಆದರೆ ಈಗ ಕಾಲ ಬದಲಾಗಿದೆ. ಅನೇಕ ಧಾನ್ಯಗಳು ಕಣ್ಮರೆಯಾಗಿವೆ. ಈ ಸಾಲಿನಲ್ಲಿ ಕೆಂಜೋಳವು ಸಹ ಸೇರುತ್ತಿದೆ. ಕೆಂಜೋಳ ಈಗ ಅಳವಿನಂಚಿನಲ್ಲಿದೆ. ಬರುವ ದಿನಗಳಲ್ಲಿ ಇಂಥ ಜೋಳವಿತ್ತೆ! ಎಂದು ಕೇಳುವಂಥ ಸ್ಥಿತಿ ಬರಬಹುದು. ಅಧಿಕ ಪೋಷಕಾಂಶ, ರುಚಿಕರವಾಗಿರುವ ಕೆಂಜೋಳವನ್ನು ಉಳಿಸಬೇಕಾಗಿದೆ. ಈಗ ಬಹುತೇಕರು ಬಿಳಿಜೋಳ, ಹೈಬ್ರಿಡ್ ಜೋಳವನ್ನು (Hybrid Corn) ಊಟ ಮಾಡುತ್ತಾರೆ. ಆದರೆ  ನಾಲ್ಕು ದಶಕಗಳ ಹಿಂದೆ ಬಹುತೇಕರು ಕೆಂಜೋಳವನ್ನು ಬೆಳೆಯುತ್ತಿದ್ದರು. ಕೆಂಜೋಳದ ರೊಟ್ಟಿ ಸಹ ಊಟ ಮಾಡುತ್ತಿದ್ದರು.


ಈಗ ಕೆಂಜೋಳ ಸಿಗುವುದಿಲ್ಲ. ರೈತರು ಬಿತ್ತನೆ ಮಾಡಬೇಕೆಂದರೂ ಮಾರುಕಟ್ಟೆಯಲ್ಲಿ ಈ ಜೋಳದ ಬೀಜಗಳು ಸಿಗುವುದಿಲ್ಲ. ಈ ಹಿಂದೆ ಉಡಿಸಾಲು, ಮೇರೆ, ಅಕ್ಕಡಿ ಸಾಲುಗಳಲ್ಲಿ ಮುಂಗಾರಿ ಅಥವಾ ಬಿಳಿ ಜೋಳದ ಬೀಜಗಳೊಂದಿಗೆ ಬೆರೆಸಿ ಬಿತ್ತುತ್ತಿದ್ದರು. ಅಪರೂಪದ ಕೆಂಪು  ಜೋಳದ ತಳಿ ಮಾಯವಾಗುತ್ತಿದೆ.  ಕೊಪ್ಪಳ ಜಿಲ್ಲೆಯ ಭಾಗದಲ್ಲಿ ಬೆಳೆಯುತ್ತಿದ್ದ ಕೆಂಜೋಳವು ಇಂದು ಅಪರೂಪವಾಗಿದೆ. ಈ ಭಾಗದಲ್ಲಿ ಕೆಂಜೋಳದ ರೊಟ್ಟಿ ತಿಂದ ಜಟ್ಟಿಗರನ್ನು ಕಾಣಸಿಗುತ್ತಿದ್ದರು. ಈಗ ಗಟ್ಟಿ ಜಟ್ಟಿಗರ ಸಂಖ್ಯೆಯು ವಿರಳವಾಗಿದೆ.


ಇತರ ರೈತರಿಗೆ ಮಾದರಿಯೇ ಹೌದು!
ರೈತರಿಗೆ ಈಗ ಕೆಂಜೋಳದ ಬೀಜಗಳು ಸಿಗುತ್ತಿಲ್ಲ. ಹೀಗೆ ಅಳಿದು ಹೋಗುವ ಅಂಚಿನಲ್ಲಿರುವ ಈ ಜೋಳವನ್ನು ದೋಟಿಹಾಳ ಸಮೀಪದ ಬಿಜಕಲ್ ಗ್ರಾಮದ ರೈತ ಸಿದ್ದಪ್ಪ ಕುರಿ ಅವರು ತಮ್ಮ ನಾಲ್ಕು ಎಕರೆ ಜಮೀನಿನಲ್ಲಿ ಹುಡಿ ಸಾಲುಗಳ ಮಧ್ಯ ಬೆಳೆದು ಕೆಂಜೋಳದ ಉಳಿವಿಗೆ ಶ್ರಮಿಸುತ್ತಿದ್ದಾರೆ. ಸತತ ಇಪ್ಪತ್ತು ವರ್ಷಗಳಿಂದ ಕೆಂಜೋಳವನ್ನು ಮಿಶ್ರಬೆಳೆಯಾಗಿ ಬೆಳೆಯುತ್ತಾ ಬಂದಿರುವುದು ಇತರ ರೈತರಿಗೆ ಮಾದರಿಯಾಗಿದ್ದಾರೆ.


ಸಾಂಪ್ರದಾಯಕವಾಗಿ ಒಣಬೇಸಾಯದಲ್ಲಿ ಬೆಳೆಯುವ ಬಿಳಿಜೋಳಗಳ ಸಾಲುಗಳ ಕೊನೆಯ (ಹುಡಿ) ಸಾಲುಗಳಲ್ಲಿ, ಮಧ್ಯೆಸಾಲುಗಳಲ್ಲಿ ಕೆಂಜೋಳವನ್ನು ಬಿತ್ತಿ ಮಿಶ್ರಬೆಳೆಯಾಗಿ ಬೆಳೆಯುತ್ತಾರೆ. ಇವರು ತಮ್ಮ ಕುಟುಂಬಕ್ಕಾಗುವಷ್ಟು ಕೆಂಜೋಳವನ್ನು ಮಾತ್ರ ಬೆಳೆಯುತ್ತಾರೆ. ಹಬ್ಬಹರಿದಿನಗಳ ಸಮಯದಲ್ಲಿ ಕೆಂಜೋಳದ ಪಾಯಸ, ಹುಗ್ಗಿ, ಚಪಾತಿ, ಕುಚಗಡುಬು ಇತ್ಯಾದಿ ಆಹಾರ ತಿನಿಸುಗಳನ್ನು ಮಾಡಿ ತಿನ್ನಲು ಸಾಕಾಗುವಷ್ಟು ಕೆಂಜೋಳವನ್ನು ಮಾತ್ರ ಬೆಳೆಯುತ್ತಾರೆ.


Vijayapura: "ಕೈ ಬಳೆ ಒಡೆದಾವು, ಕಣ್ಣೀರು ಹರಿದಾವು" ಎಂದ ಬಬಲಾದಿ ಮುತ್ಯಾ! ಮತ್ತೆ ಯುದ್ಧವೋ? ಅನಾಹುತವೋ?


ಈ ಜೋಳವನ್ನು ಯಾರು ಮಾರುಕಟ್ಟೆಯಲ್ಲಿ ಮಾರುವುದಿಲ್ಲ. ಹೀಗೆ ಬೆಳೆದ ಕೆಂಜೋಳದಲ್ಲಿ ಕೆಲವೊಂದಿಷ್ಟನ್ನು ಬೀಜವಾಗಿ ತೆಗೆದಿರಿಸುತ್ತಾರೆ.   ಯಾವಾಗ ಸುಧಾರಿಸಿದ ಬೀಜದ ತಳಿಗಳು ಎಂಬ ಹಣೆಪಟ್ಟಿ ಕಟ್ಟಿಕೊಂಡು ಬಣ್ಣದ ಚೀಲದಲ್ಲಿ ವಿವಿದ ಕಂಪನಿಗಳ ಬೀಜಗಳು ಮಾರುಕಟ್ಟೆಗಳಲ್ಲಿ ಹಾಜರಾದವು.  ಅಲ್ಲಿಂದ ರೈತರು ಬೀಜ ಸಂಗ್ರಹಿಸುವ ಗೋಜಿಗೆ ಹೋಗುತ್ತಿಲ್ಲ. ಅದರ ಜತೆಗೆ ಬಿತ್ತನೆ ಸಮಯದಲ್ಲಿ ಬೀಜ ವಿನಿಮಯ ಪದ್ದತಿಯೂ ನಿಂತಿತು.


ಹೈಬ್ರೀಡ್ ಬೀಜದ ತಳಿಯ ಈ ಕಾಲದಲ್ಲಿ, ಸುಮಾರು ನಾಲ್ಕೈದು ತಿಂಗಳುಗಳ ಕಾಲ ಬೆಳೆದು ಗಟ್ಟಿ ಆಹಾರ ಕೊಡುತ್ತಿದ್ದ ದೇಶೀಯ ಜೋಳದ ತಳಿಗಳಾದ ಭಗವತಿ, ಭೋಗಾಪುರ, ಗಿಡ್ಡ ಜೋಳ, ಯಕ್ಕರನಾಳ, ಇತ್ಯಾದಿ ಬೀಜಗಳು ಈಗಾಗಲೇ ಅಳಿದು ಹೋಗಿವೆ. ಹಿಂಗಾರು ಜೋಳದ ಜೊತೆ ಜೊತೆಯಾಗಿ ಬೆಳೆಯುತ್ತಿದ್ದ ಈ ಕೆಂಪು ಜೋಳ ಕೂಡಾ ಇವುಗಳ ಸಾಲಿಗೆ ಸೇರುವ ಸ್ಥಿತಿ ತಲುಪಿದೆ.


ನಶಿಸಲು ಕಾರಣವೇನು?
ಉತ್ತಮ ಪೋಷಕಾಂಶಗಳಿರುವ ಕೆಂಪು ಜೋಳವನ್ನು ಉತ್ತರ ಕರ್ನಾಟಕದ ಭಾಗದಲ್ಲಿ ಆಯುರ್ವೇದ ಔಷಧಿಯಾಗಿ ಸಹ ಬಳಸುತ್ತಾರೆ. ವಿಶೇಷವಾಗಿ ಜೋಳದ ದಂಟಿಗಾಗಲೀ, ತೆನೆಗಳಿಗಾಗಲಿ, ಯಾವುದೇ ರೋಗ-ರುಜಿನ ಬರುವುದೇ ಇಲ್ಲ. ಅಂತಹ ವೈಶಿಷ್ಟ್ಯದ ಈ ಕೆಂಪು ಜೋಳಕ್ಕಿದೆ. ಮಾರುಕಟ್ಟೆಯಲ್ಲಿ ಈ ಜೋಳದ ಬೀಜಗಳು ಸಿಗುವುದಿಲ್ಲ. ಮತ್ತು ಕೆಂಜೋಳದ  ಬೇಳೆ ತೆಗೆಯಲು ಹೆಚ್ಚು ಅವಧಿ ಬೇಕು. ಇತ್ಯಾದಿ ಕಾರಣಗಳಿಂದ ಅಪರೂಪದ ಈ ಜೋಳದ ತಳಿ ಮಾಯವಾಗುತ್ತಲಿದೆ.


ಇದನ್ನೂ ಓದಿ: Good News: ಮುಸ್ಲಿಂ ವ್ಯಕ್ತಿಯ ಮನೆಯಲ್ಲಿ ಶಿವರಾತ್ರಿ ಫಲಾಹಾರ; ಧರ್ಮ ಭಾವೈಕ್ಯತೆಗೆ ಸಾಕ್ಷಿ ಕಲ್ಯಾಣ ಕರ್ನಾಟಕ


ಕೆಂಜೋಳದ ತಳಿಯ ರಕ್ಷಣೆಯಲ್ಲಿ ತೊಡಗಿರುವ ಸಿದ್ದಪ್ಪ ಕುರಿ ಸಾಧನೆ ಅನನ್ಯವಾಗಿದೆ.ದೇಶೀಯ ತಳಿಯ ಬೀಜಗಳನ್ನು ರಕ್ಷಿಸಬೇಕು. ಅವುಗಳನ್ನು ಮುಂದಿನ ಪೀಳಿಗೆಗೆ ವರ್ಗಾಯಿಸುವ ಆಸಕ್ತಿ ಮೈಗೂಡಿಸಿಕೊಂಡಿರುವು ರೈತರು ಹಲವು. ಬೀಜ ಸಂಗ್ರಹ ಮಾತ್ರವಲ್ಲದೇ,  ಅವುಗಳನ್ನಿ ಇಂದಿಗೂ ಆಹಾರವಾಗಿ ಬಳಸುತ್ತಿದ್ದಾರೆ. ಬಿಜಕಲ್ ಗ್ರಾಮದ ಸಿದ್ದಪ್ಪ ಕುರಿ ಅವರು ಈ ಬೀಜವನ್ನು ಸಂರಕ್ಷಣೆ ಮಾಡುವದ ಜೊತೆ ದೇಶೀಯ ತಳಿಗಳ ಬೀಜವನ್ನು ರಕ್ಷಣೆ ಮಾಡುತ್ತಿದ್ದಾರೆ. ಈ ಆಹಾರದಲ್ಲಿ ಬಿಪಿ, ಸುಗರ್ ತಡೆಗಟ್ಟುವ ಪೌಷ್ಟಿಕಾಂಶ ಇದರಲ್ಲಿ ಇದೆ ಎನ್ನುತ್ತಾರೆ ರೈತರು.

Published by:guruganesh bhat
First published: