• Home
  • »
  • News
  • »
  • state
  • »
  • Mangaluru Blast: ಶಾರೀಕ್​ಗೆ ಬೆಂಗಳೂರಿನಲ್ಲಿ ಗರ್ಲ್​ ಫ್ರೆಂಡ್; ಬಂದಾಗೆಲ್ಲ ಆಕೆಯ ಜೊತೆ ಸುತ್ತಾಟ

Mangaluru Blast: ಶಾರೀಕ್​ಗೆ ಬೆಂಗಳೂರಿನಲ್ಲಿ ಗರ್ಲ್​ ಫ್ರೆಂಡ್; ಬಂದಾಗೆಲ್ಲ ಆಕೆಯ ಜೊತೆ ಸುತ್ತಾಟ

ಶಾರೀಕ್

ಶಾರೀಕ್

ವಿಚಾರಣೆ ವೇಳೆ ಸ್ಪೋಟದಲ್ಲಿ ಯಾಕೆ ಪಾತ್ರ ಇಲ್ಲ ಎಂಬುವುದು ಮೇಲ್ನೋಟಕ್ಕೆ ಕಂಡು ಬಂದ ಹಿನ್ನೆಲೆ ಯುವತಿಯನ್ನು ಹೇಳಿಕೆ ಪಡೆದು ಕಳುಹಿಸಲಾಗಿದೆ ಎಂದು ತಿಳಿದು ಬಂದಿದೆ.

  • Share this:

ಮಂಗಳೂರು ಕುಕ್ಕರ್ ಬಾಂಬ್ (Mangaluru Cooker Bomb) ಸ್ಫೋಟದ ಶಂಕಿತ ರೂವಾರಿ ಶಾರೀಕ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ಬಾಂಬ್ ಸ್ಫೋಟ ಪ್ರಕರಣ ಎನ್​ಐಎಗೆ (NIA) ವರ್ಗಾಯಿಸಲಾಗಿದೆ. ಗಂಭೀರವಾಗಿ ಗಾಯಗೊಂಡಿರುವ ಶಂಕಿತ ಉಗ್ರ ಶಾರೀಕ್ ಹೇಳಿಕೆ ನೀಡದ ಸ್ಥಿತಿಯಲ್ಲಿದ್ದಾನೆ. ಒಂದು ವಾರದ ಬಳಿಕ ಆತನಿಂದ ಹೇಳಿಕೆ ಪಡೆಯಬಹುದು ಎಂದು ವೈದ್ಯರು (Doctors) ಹೇಳಿದ್ದಾರೆ ಎನ್ನಲಾಗಿದೆ. ಇತ್ತ ಪೊಲೀಸರು ಮತ್ತು ಎನ್​ಐಎ ತಂಡ ತನಿಖೆಯನ್ನು ಚುರುಕುಗೊಳಿಸಿದ್ದಾರೆ. ಶಾರೀಕ್ ಬಳಿಯಲ್ಲಿದ್ದ ಮೊಬೈಲ್ ವಶಕ್ಕೆ ಪಡೆದುಕೊಂಡಿದ್ದು, ಅದರಲ್ಲಿರುವ ಮಾಹಿತಿಯಿಂದ ತನಿಖೆ ನಡೆಸುತ್ತಿದ್ದಾರೆ. ಶಾರೀಕ್ ಮೊಬೈಲ್​ನಲ್ಲಿದ್ದ (Sharik Mobile) ಕಾಂಟ್ಯಾಕ್ಟ್​ ನಂಬರ್​ಗಳಿಗೆ ಕರೆ ಮಾಡಿ ಮಾಹಿತಿ ಕಲೆ ಹಾಕುತ್ತಿದ್ದಾರೆ. ಆದರೆ ಶಾರೀಕ್ ಸಂಪರ್ಕ ಮಾಡಿದ್ದ ಬಹುತೇಕ ನಂಬರ್​ಗಳು ಸ್ವಿಚ್ಚ್​ ಆಫ್ ಆಗಿವೆ. ಕೆಲ ಸಂಖ್ಯೆಗಳ ಲೋಕೆಶನ್ ತಮಿಳುನಾಡು (Tamilnadu) ಮತ್ತು ಕೇರಳ (Kerala) ಭಾಗಗಳಲ್ಲಿ ಪತ್ತೆಯಾಗಿರುವ ಮಾಹಿತಿ ಲಭ್ಯವಾಗಿದೆ.


ಶಾರೀಕ್ ವಾಟ್ಸಪ್ ಪರಿಶೀಲನೆ ನಡೆಸಿದಾಗ ಆತನಿಗೆ ಬೆಂಗಳೂರಿನಲ್ಲಿ ಒಬ್ಬಳು ಗರ್ಲ್​ಫ್ರೆಂಡ್ ಇರೋ ವಿಷಯ ಬೆಳಕಿಗೆ ಬಂದಿದೆ. ಶಾರೀಕ್ ಈ ಯುವತಿ ವಾಟ್ಸಪ್​ನಲ್ಲಿ ಸಂಪರ್ಕದಲ್ಲಿದ್ದ ಎಂಬ ವಿಷಯ ತನಿಖೆಯಲ್ಲಿ ಬೆಳಕಿಗೆ ಬಂದಿದೆ.


ಶಾಪಿಂಗ್ ನೆಪದಲ್ಲಿ ಯುವತಿ ಜೊತೆ ಸುತ್ತಾಟ


ಬೆಂಗಳೂರಿನ ಅಮೃತಹಳ್ಳಿಯ ಅಪಾರ್ಟ್​ಮೆಂಟ್​ನಲ್ಲಿ ಯುವತಿ ವಾಸವಾಗಿದ್ದಾಳೆ. ಬೆಂಗಳೂರಿಗೆ ಬಂದಾಗ ಶಾರೀಕ್ ಯುವತಿ ಜೊತೆ ಸುತ್ತಾಡುತ್ತಿದ್ದನು. ಶಾಪಿಂಗ್ ಮಾಡಿಸುವ ನೆಪದಲ್ಲಿ ಯುವತಿ ಶಾರೀಕ್ ಸುತ್ತಾಡುತ್ತಿದ್ದನು.


ಯುವತಿಯ ವಿಚಾರಣೆ


ಬೆಂಗಳೂರಿಗೆ ಬಂದ ಪ್ರತಿಬಾರಿಯೂ ಶಾರೀಕ್ ಯುವತಿಯನ್ನು ಭೇಟಿಯಾಗುತ್ತಿದ್ದನು. ಈ ಹಿನ್ನೆಲೆ ರಾಜ್ಯ ಹಾಗೂ ಕೇಂದ್ರ ತನಿಖಾ ತಂಡಗಳು ಯುವತಿಯನ್ನು ವಿಚಾರಣೆಗೆ ಒಳಪಡಿಸಿವೆ. ವಿಚಾರಣೆ ವೇಳೆ ಸ್ಪೋಟದಲ್ಲಿ ಯಾಕೆ ಪಾತ್ರ ಇಲ್ಲ ಎಂಬುವುದು ಮೇಲ್ನೋಟಕ್ಕೆ ಕಂಡು ಬಂದ ಹಿನ್ನೆಲೆ ಯುವತಿಯನ್ನು ಹೇಳಿಕೆ ಪಡೆದು ಕಳುಹಿಸಲಾಗಿದೆ ಎಂದು ತಿಳಿದು ಬಂದಿದೆ.


ಶಾರೀಕ್ ಮೊಬೈಲ್​ನಲ್ಲಿ 50ಕ್ಕೂ ಅಧಿಕ ವಿಡಿಯೋಗಳು


ಶಂಕಿತ ಉಗ್ರ ಮೊಹಮ್ಮದ್ ಶಾರೀಕ್​ಗೆ ಜಾಕೀರ್ ನಾಯ್ಕ್ (Zakir Naik) ಪ್ರೇರಣೆಯಾಗಿದ್ದ ಎಂಬ ಮಾಹಿತಿ ಲಭ್ಯವಾಗಿದೆ. ಭಾರತಕ್ಕೆ ಬೇಕಾಗಿರುವ ಮೋಸ್ಟ್ ವಾಂಟೆಡ್​ಗಳ ಪಟ್ಟಿಯಲ್ಲಿರೋ ಜಾಕೀರ್ ನಾಯ್ಕ್​ನ 50ಕ್ಕೂ ಹೆಚ್ಚು ವಿಡಿಯೋಗಳು (Videos) ಶಾರೀಕ್ ಮೊಬೈಲ್​ನಲ್ಲಿದ್ದವು ಎನ್ನಲಾಗಿದೆ.


ಇದನ್ನೂ ಓದಿ:  Mangaluru Blast: ಶಾರೀಕ್ ‘ಹೆಜ್ಜೆ’ಗುರುತು ಪತ್ತೆ; ‘ಹಿಂದೂ’ಗಳಿಗೆ ಉಗ್ರಪಟ್ಟ ಕಟ್ಟಲು ಯತ್ನ!


ಜಾಕೀರ್​ನ ಇಸ್ಲಾಮಿಕ್ ಮೂಲಭೂತವಾದದ ಭಾಷಣದಿಂದ ಶಾರೀಕ್ ಪ್ರಭಾವಿತನಾಗಿದ್ದನು. ಜಾಕೀರ್ ನಾಯ್ಕ್​​ನನ್ನೇ ಪ್ರೇರಣೆಯಾಗಿಸಿಕೊಂಡಿದ್ದನು ಎಂದು ತಿಳಿದು ಬಂದಿದೆ. ಜಾಕೀರ್ ನಾಯ್ಕ್ ವಿಡಿಯೋ ಮಾತ್ರವಲ್ಲದೇ, ಬಾಂಬ್ ತಯಾರಿಕಾ ವಿಡಿಯೋಗಳು ಶಾರೀಕ್ ಮೊಬೈಲ್​ನಲ್ಲಿ ಸಿಕ್ಕಿವೆ.


ಶಾರೀಕ್ ಸಂಪರ್ಕಿತರ ಮೊಬೈಲ್​ಗಳು ಆಫ್


ಮಂಗಳೂರಿನಲ್ಲಿ ಬಾಂಬ್ ಸ್ಫೋಟದಲ್ಲಿ ಶಾರೀಕ್‌ ಕೃತ್ಯ ಬಯಲಾದ ಬೆನ್ನಲ್ಲೇ ಸಂಪರ್ಕಿತರ ಫೋನ್‌ ಸ್ವಿಚ್ಡ್‌ ಆಫ್ ಆಗಿವೆ. ಶಾರೀಕ್ ಮೊಬೈಲ್ ರಿಟ್ರೀವ್ ವೇಳೆ ಹಲವು ನಂಬರ್‌ಗಳು ಪತ್ತೆಯಾಗಿದ್ದು, ಪೊಲೀಸರು ಆ ನಂಬರ್​ಗಳಿಗೆ ಕರೆ ಮಾಡಿದಾಗ ಆ ನಂಬರ್​ಗಳು ಸ್ವಿಚ್ಡ್ ಆಫ್ ಬರ್ತಿವೆ. ಕೆಲ ನಂಬರ್​ಗಳ ಲೊಕೇಷನ್​ ತಮಿಳುನಾಡು, ಕೇರಳವನ್ನೂ ತೋರಿಸ್ತಿವೆ.


ಇದನ್ನೂ ಓದಿ:  Mangaluru Blast: ಐಸಿಸ್​ ಸೇರಲು ಶಾರೀಕ್​​ ಯತ್ನ? ಬೆಂಗಳೂರಿನ ಅತ್ತೆ ಮನೆಯಲ್ಲಿ ವಾಸವಾಗಿದ್ನಾ ಉಗ್ರ?


ಅಲೋಕ್ ಕಮಾರ್​ಗೆ ಜೀವ ಬೆದರಿಕೆ


ಇಸ್ಲಾಮಿಕ್ ರೆಸಿಸ್ಟೆನ್ಸ್ ಕೌನ್ಸಿಲ್ (IRC) ಎಂಬ ಸಂಘಟನೆ ಕಾನೂನು ಸುವ್ಯವಸ್ಥೆ ಎಡಿಜಿಪಿ ಅಲೋಕ್​ ಕುಮಾರ್​ಗೆ (ADGP Alok Kumar) ಎಚ್ಚರಿಕೆ ನೀಡಿದೆ. ನಿಮ್ಮ ಸಂತೋಷ್ ತುಂಬಾ ದಿನ ಇರಲ್ಲ. ನಾವು ನಮ್ಮ ಕೆಲಸ ಮುಂದುವರಿಸಿದ್ದೇವೆ. ನಾವು ನಿಮ್ಮ ಬಳಿ ಯಾವಾಗ ಬರ್ತೀವೋ ಗೊತ್ತಿಲ್ಲ ಎಂದು ಮಾರ್ಮಿಕವಾಗಿ ಜೀವ ಬೆದರಿಕೆ ಹಾಕಿದೆ.

Published by:Mahmadrafik K
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು