HOME » NEWS » State » MANGALORE POLICE ARREST THE WOMEN HARASSER SESR KKM

ಬಸ್​ನಲ್ಲಿ ಕಿರುಕುಳ; ಮಂಗಳೂರು ಕಮೀಷನರ್ ಎದುರೇ ಕಾಮುಕನಿಗೆ ಯುವತಿಯಿಂದ ಕಪಾಳಮೋಕ್ಷ

ದೌರ್ಜನ್ಯ ನಡೆಸಿ ಪತ್ತೆಯಾಗಿದ್ದ ಕಾಮುಕನಿಗೆ ಯುವತಿ ಪೊಲೀಸರೆದುರು ಕಪಾಳ ಮೋಕ್ಷ ಮಾಡಿ ಮತ್ತೊಮ್ಮೆ ದಿಟ್ಟತನ ಮೆರೆದಳು.

news18-kannada
Updated:January 21, 2021, 7:06 PM IST
ಬಸ್​ನಲ್ಲಿ ಕಿರುಕುಳ; ಮಂಗಳೂರು ಕಮೀಷನರ್ ಎದುರೇ ಕಾಮುಕನಿಗೆ ಯುವತಿಯಿಂದ ಕಪಾಳಮೋಕ್ಷ
ದಿಟ್ಟತನ ಪ್ರದರ್ಶಿಸಿದ ಯುವತಿಗೆ ಸನ್ಮಾನ
  • Share this:
ಮಂಗಳೂರು (ಜ. 21): ಬಸ್​ನಲ್ಲಿ ಯುವತಿಗೆ ದೈಹಿಕ ಕಿರುಕುಳ ನೀಡಿದ್ದ. ಈ ಕುರಿತು ಯುವತಿ ಕಾಮುಕನ ಫೋಟೋ ತೆಗೆದು ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಿದ್ದಳು. ಯುವತಿಯ ಈ ಪೋಸ್ಟ್ ವೈರಲ್ ಆಗುತ್ತಿದಂತೆಯೇ ಕಾರ್ಯಪೃವೃತ್ತರಾದ ಮಂಗಳೂರಿನ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ‌‌. ಕಾಸರಗೋಡುವಿನ ಕುಂಬಳೆಯ ನಿವಾಸಿ ಹುಸೈನ್  ಬಂಧಿತ ಆರೋಪಿ. ಕೂಲಿ ಕೆಲಸ ಮಾಡುತ್ತಿದ್ದ ಹುಸೈನ್​ ಬಸ್​ನಲ್ಲಿ ಪ್ರಯಾಣಿಸುತ್ತಿದ್ದ ಯುವತಿಯರಿಗೆ ಕಿರುಕುಳ ನೀಡುತ್ತಿದ್ದ ಎಂಬುದು ವಿಚಾರಣೆ ವೇಳೆ ಬಯಲಾಗಿದೆ. ಇನ್ನು ಯುವತಿಗೆ ಕಿರುಕುಳ ನೀಡಿದ ಸಂದರ್ಭದಲ್ಲಿ ಯಾವುದೇ  ಯುವತಿಯ ದಿಟ್ಟ ಕ್ರಮಕ್ಕೆ ನಗರ ಪೊಲೀಸ್​ ಕಮಿಷನರ್​ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.  ಯುವತಿಗೆ ಇಲಾಖೆ ವತಿಯಿಂದ ಸನ್ಮಾನ ಮಾಡಿ, ಅಭಿನಂಧಿಸಿದ್ದಾರ. ಬಳಿಕ ಮಾಧ್ಯಮದ ಜೊತೆ  ಮಾತನಾಡಿದ ಯುವತಿ ಕಿರುಕುಳ ವಾಗುತ್ತಿದ್ದರೂ ಸುಮ್ಮನಿದ್ದ ಜನರ ಮೇಲೆ ಬೇಸರ ವ್ಯಕ್ತಪಡಿಸಿದ್ದಾರೆ. ಕಿರುಕುಳ‌ ನೀಡುವ ಕಾಮುಕರ ವಿರುದ್ಧ ಧೈರ್ಯದಿಂದ ಹೋರಾಡುವಂತೆ ಕರೆ ನೀಡಿದ್ದಾರೆ.

ಏನಿದು ಘಟನೆ:

ಜನವರಿ 14 ರಂದು ಮಂಗಳೂರಿನಿಂದ ದೇರಳಕಟ್ಟೆಗೆ ಸಂಚರಿಸುವ ಖಾಸಗಿ ಬಸ್ ನಲ್ಲಿ ಯುವತಿಗೆ ಈ ಕಾಮುಕ ದೈಹಿಕ ಕಿರುಕುಳ ನೀಡಿದ್ದ.  ಈ ವೇಳೆ ಈ ಕಾಮುಕನಿಗೆ ಯುವತಿ ಎಚ್ಚರಿಕೆ ನೀಡಿದ್ದರೂ ಮತ್ತೆ ಮತ್ತೆ ಕಿರುಕುಳ ನೀಡಲಾರಂಭಿಸಿದ. ಹತ್ತಾರು ಜನರ ಎದುರೇ ದೌರ್ಜನ್ಯವಾಗುತ್ತಿದ್ದರೂ ಜನರು ಕುರುಡಾಗಿದ್ದು ಆಕೆಯ ಸಹಾಯಕ್ಕೆ ಬರಲಿಲ್ಲ. ಈ ವೇಳೆ ಈತನ ಫೋಟೋ ತೆಗೆದು ಸಾಮಾಜಿಕ ಜಾಲತಾಣದಲ್ಲಿ ಹಾಕುವುದಾಗಿ ಯುವತಿ ಎಚ್ಚರಿಸಿದಳು. ಇದಕ್ಕೂ ಜಗ್ಗದ್ದ ಈ ಕಾಮುಕ ಮಾಸ್ಕ್​ ತೆಗೆದು ಫೋಟೋಗೆ ಫೋಸ್​ ನೀಡಿದ್ದ.

ಈ ಘಟನೆ ಕುರಿತು ಯುವತಿ ಸಾಮಾಜಿಕ ಜಾಲತಾಣದಲ್ಲಿ ಸವಿವರವಾಗಿ ಬರೆದು ಪೋಸ್ಟ್​ ಮಾಡಿದ್ದಳು. ಈ ಪೋಸ್ಟ್​ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿತ್ತು. ಇದರಿಂದ ಮಂಗಳೂರು ಪೊಲೀಸ್​ ಕಮಿಷನರ್​ ಶಶಿಕುಮಾರ್​ ಗಮನಕ್ಕೆ ಕೂಡ ಬಂದಿತ್ತು. ಈ ಪ್ರಕರಣ ಗೊತ್ತಾಗುತ್ತಿದ್ದಂತೆ ಪೊಲೀಸರು ಆರೋಪಿ ಪತ್ತೆಗೆ ಮುಂದಾಗಿ, ಬಂಧಿಸುವಲ್ಲಿ ಯಶಸ್ವಿಯಾದರು.

ಪೊಲೀಸರೆದುರು ಕಪಾಳ ಮೋಕ್ಷ ಮಾಡಿದ ಯುವತಿ

ಆರೋಪಿಯನ್ನು ಬಂಧಿಸಿದ ಬಳಿಕ ಆತನ ಗುರುತು ಪತ್ತೆಗಾಗು ಯುವತಿಯನ್ನು ಪೊಲೀಸರು ಕರೆಸಿದ್ದರು. ಈ ವೇಳೆ ಅಂದು ದೌರ್ಜನ್ಯ ನಡೆಸಿ ಪತ್ತೆಯಾಗಿದ್ದ ಕಾಮುಕನಿಗೆ ಯುವತಿ ಪೊಲೀಸರೆದುರು ಕಪಾಳ ಮೋಕ್ಷ ಮಾಡಿ ಮತ್ತೊಮ್ಮೆ ದಿಟ್ಟತನ ಮೆರೆದಳು.
Published by: Seema R
First published: January 21, 2021, 7:06 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories