ಗೊತ್ತಿಲ್ಲದೆ ಇಲಿ ಪಾಷಾಣದಲ್ಲಿ ಹಲ್ಲು ಉಜ್ಜಿದ ವೃದ್ಧೆ; ಮುಂದೇನಾಯ್ತು ಗೊತ್ತಾ?

ಇಲಿ ಪಾಷಾಣ ವಿಷಕಾರಿ ಎಂಬುದು ಗೊತ್ತಿದೆ. ಹಾಗಾಗಿ ಇದನ್ನು ಬಳಕೆ ಮಾಡುವವರು ತುಂಬಾ ಎಚ್ಚರಿಕೆಯಿಂದ ಬಳಕೆ ಮಾಡಿ. ಪ್ರಾಯಸ್ತರಿಗೆ, ಮಕ್ಕಳ ಕೈಗೆ ಮತ್ತು ಯಾರ ಕೈಗೂ ಸಿಗದಂತೆ ತೆಗೆದಿಡಿ, ಏಕೆಂದರೆ ಇಲ್ಲೊಬ್ಬರು ವೃದ್ಧೆ ಹಲ್ಲು ತೊಳೆಯುವ ಪೇಸ್ಟ್​ ಎಂದು ಇಲಿ ಪಾಷಾಣವನ್ನು ಬಳಸಿ ಅಸ್ವಸ್ಥಗೊಂಡು ಕೊನೆಗೆ ಸಾವನ್ನಪ್ಪಿದ ಘಟನೆ ನಡೆದಿದೆ.

ಕಾರ್ಕಳದ ಕಾಳಬೆಟ್ಟಿನ 61 ವರ್ಷ ಪ್ರಾಯದ ಕಲಾವತಿ ಎಂಬ ವೃದ್ಧೆ. ಆ 22 ರಂದು ಬೆಳಗಿನ ಜಾವ ಹಲ್ಲು ಉಜ್ಜಲೆಂದು ತೆರಳುತ್ತಾರೆ. ಕೈಗೆ ಸಿಕ್ಕ ಇಲಿ ಪಾಷಾಣವನ್ನು ಪೇಸ್ಟ್​ ಎಂದು ತಿಳಿದು ಅದರಲ್ಲಿ ಹಲ್ಲು ಉಜ್ಜುತ್ತಾರೆ. ಪರಿಣಾಮ ಅಸ್ವಸ್ಥಗೊಂಡ ಅವರನ್ನು ಕುಟುಂಬಸ್ಥರು ಗಮನಿಸಿದಾಗ ಇಲಿ ಪಾಷಾಣದಲ್ಲಿ ಹಲ್ಲು ತೊಳೆದಿದ್ದಾರೆ ಎಂದು ಗೊತ್ತಾಗಿದೆ. ತಕ್ಷಣವೇ ಆಸ್ಪತ್ರೆಗೆ ರವಾನಿಸಲಾಗುತ್ತದೆ.

Flipkart sale: ರಿಯಲ್​ಮಿ ಸ್ಮಾರ್ಟ್​ಫೋನ್​ ಖರೀದಿಸುವವರಿಗೆ ಒಂದೊಳ್ಳೆ ಅವಕಾಶ… 8 ಸಾವಿರದಷ್ಟು ರಿಯಾಯಿತಿ!

ಅಸ್ವಸ್ಥಗೊಂದ ವೃದ್ಧೆ ಕಲಾವತಿಯನ್ನು ಕಾರ್ಕಳದ ಆಸ್ಪತ್ರೆಗೆ ಕರೆದೊಯ್ಯಲಾಗುತ್ತದೆ. ನಂತರ ಹೆಚಚಿನ ಚಿಕಿತ್ಸೆಗೆ ಮಣಿಪಾಲದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗುತ್ತದೆ. ಕೊನೆಗೆ ಚಿಕಿತ್ಸೆ ಫಲಿಸದೆ ಆ.2 ರಮದು ತೀರಿ ಹೋಗಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಕಾರ್ಕಳ ನಗರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.