Bengaluru Ladies PG: ಪಿಜಿ ಯುವತಿಯರ ಸ್ನಾನದ ವಿಡಿಯೋ ರೆಕಾರ್ಡ್ ಮಾಡ್ತಿದ್ದ ಕಾಮುಕ ಅರೆಸ್ಟ್

ಬೆಂಗಳೂರಿನ ಮಹಿಳಾ ಪಿಜಿಯಲ್ಲಿ (Bengaluru Ladies PG) ಯುವತಿಯರ ಸ್ನಾನದ ವಿಡಿಯೋಗಳನ್ನು ಮಾಡಿ ಲೈಂಗಿಕ ಕ್ರಿಯೆಗೆ ಸಹಕರಿಸುವಂತೆ ಬೆದರಿಕೆ ಹಾಕುತ್ತಿದ್ದ ಕಾಮುಕನನ್ನು (Accused) ಬಂಧಿಸುವಲ್ಲಿ ಪೊಲೀಸರು (Bengaluru Police) ಯಶಸ್ಬಿಯಾಗಿದ್ದಾರೆ. ಬೆಂಗಳೂರು ಆಗ್ನೇಯ ವಿಭಾಗದ ಸಿಇಎನ್ ಠಾಣೆಯ ಕೈಗೊಂಡಿದ್ದ ಇನ್‌ಸ್ಪೆಕ್ಟರ್ ಎಸ್.ಟಿ.ಯೋಗೇಶ್ (Inspector ST Yogesh) ನೇತೃತ್ವದ ತಂಡ ಕಾಮುಕನನ್ನು ಬಂಧಿಸಿದೆ. ಬಂಧಿತ ಆರೋಪಿ ವಿಡಿಯೋ ತೋರಿಸಿ ಯುವತಿಯರಿಗೆ ಕಿರುಕುಳ ನೀಡುತ್ತಿದ್ದ ಎಂಬ ಆರೋಪಗಳು ಕೇಳಿ ಬಂದಿವೆ. ಪಾಂಡಿಚೇರಿ ಮೂಲದ ನಿರಂಜನ್ ಬಂಧಿತ ಆರೋಪಿ. 10ನೇ ತರಗತಿ ಓದಿಕೊಂಡಿದ್ದ ನಿರಂಜನ್ ಕಳೆದ ನಾಲ್ಕು ವರ್ಷಗಳಿಂದ ಬೆಂಗಳೂರಿನ ಪಿಜಿಯೊಂದರಲ್ಲಿ ವಾಸವಾಗಿದ್ದನು. ಪಕ್ಕದ ಲೇಡಿಸ್ ಪಿಜಿಯಲ್ಲಿದ್ದ ಯುವತಿಯರ ಸ್ನಾನದ ವಿಡಿಯೋಗಳನ್ನು ಸೆರೆ ಹಿಡಿದು ಲೈಂಗಿಕವಾಗಿ ಸಹಕರಿಸುವಂತೆ ಬೆದರಿಕೆ ಹಾಕುತ್ತಿದ್ದನು.

ಪಾಂಡಿಚೇರಿ ಮೂಲದವನಾದ ನಿರಂಜನ್ ತಾನೋರ್ವ ವಾಸ್ತುಶಿಲ್ಪಿ ಎಂದು ಹೇಳಿಕೊಂಡು ಬೊಮ್ಮನಹಳ್ಳಿ ವ್ಯಾಪ್ತಿಯ ಪಿಜಿಯಲ್ಲಿ ವಾಸವಾಗಿದ್ದನು. ಪಕ್ಕದ ಲೇಡಿಸ್ ಪಿಜಿಯ ಮಾಲೀಕನ ಉತ್ತಮ ಒಡನಾಟ ಹೊಂದಿದ್ದ ನಿರಂಜನ್, ಅಲ್ಲಿ ಯಾವುದೇ ಕೆಲಸಗಳಿದ್ರೂ ಮುಂದೆ ನಿಂತು ಮಾಡಿಸುತ್ತಿದ್ದನು.

ಇದೇ ಕಾರಣಕ್ಕೆ ಯಾವುದೇ ಭಯವಿಲ್ಲದೇ ಲೇಡಿಸ್ ಪಿಜಿಯಲ್ಲಿ ನಿರಂಜನ್ ತಿರುಗಾಡುತ್ತಿದ್ದನು. ಕೆಲಸ ಮಾಡುತ್ತಿರುವ ಕಾರಣ ಪಿಜಿ ಮಾಲೀಕರು ನಿರಂಜನ್​ಗೆ ಓಡಾಡಲು ಅವಕಾಶ ಮಾಡಿಕೊಟ್ಟಿದ್ದರು. ಇದನ್ನೇ ಬಂಡವಾಳ ಮಾಡಿಕೊಂಡಿದ್ದ ನಿರಂಜನ್, ವಿಡಿಯೋ ಮಾಡಲು ಶುರು ಮಾಡಿಕೊಂಡಿದ್ದನು.

ಪೈಪ್ ಮೂಲಕ ಬಂದು ವಿಡಿಯೋ

ಪಕ್ಕದ ಕಟ್ಟಡದಲ್ಲಿರುವ ಪಿಜಿಯಲ್ಲಿಯೇ ವಾಸವಾಗಿದ್ದ ನಿರಂಜನ್, ಯುವತಿಯರ ಚಲನವಲನದ ಮೇಲೆ ನಿಗಾ ಇರಿಸಿದ್ದನು. ಕಟ್ಟಡದ ಮೇಲೆ ಒಣಗಿ ಹಾಕಿದ್ದ ಟವೆಲ್ ತೆಗೆದುಕೊಂಡ್ರೆ ಅವರು ಸ್ನಾನಕ್ಕೆ ಹೋಗ್ತಾರೆ ಅನ್ನೋದನ್ನು ಖಾತ್ರಿ ಮಾಡಿಕೊಳ್ಳುತ್ತಿದ್ದನು.

ಪಿಜಿ ರಿಜಿಸ್ಟರ್​​ನಲ್ಲಿ ಸಿಗ್ತಿತ್ತು ಮೊಬೈಲ್ ಸಂಖ್ಯೆ

ಪೈಪ್ ಮೂಲಕ ಕಟ್ಟಡದ ಬಾತ್​ ರೂಮ್ ಕಿಟಕಿಯ ಮೇಲೆ ಬಂದು ದಾರದಿಂದ ಮೊಬೈಲ್ ಕೆಳಗೆ ಬಿಟ್ಟು ವಿಡಿಯೋ ಮಾಡುತ್ತಿದ್ದನು. ಹೊರಗೆ ಬಂದಾಗ ಯುವತಿಯರ ಫೋಟೋ ಸಹ ಕ್ಲಿಕ್ಕಿಸಿಕೊಳ್ಳುತ್ತಿದ್ದನು.

ಇದನ್ನೂ ಓದಿ:  Bus Service: ಕರ್ನಾಟಕ-ಮಹಾರಾಷ್ಟ್ರ ಮಧ್ಯೆ ಬಸ್ ಸಂಚಾರ ಆರಂಭ; ಉರಿಯುವ ಬೆಂಕಿಗೆ ತುಪ್ಪ ಸುರಿಯಲು ಮುಂದಾದ MES

ನಂತರ ಪಿಜಿಗೆ ಬಂದು ರಿಜಿಸ್ಟರ್ ಪುಸ್ತಕದಿಂದ ಯುವತಿಯ ಹೆಸರು ಮತ್ತು ಮೊಬೈಲ್ ನಂಬರ್ ಪಡೆದುಕೊಂಡು ವಿಡಿಯೋ ಕಳಿಸಿ ಬ್ಲ್ಯಾಕ್​ಮೇಲ್ ಮಾಡಲು ಆರಂಭಿಸುತ್ತಿದ್ದನು.

ಸಾಂದರ್ಭಿಕ ಚಿತ್ರ

ವಿದೇಶಿ ನಂಬರ್ ಆಗಿ ಬದಲಿಸಿಕೊಂಡಿದ್ದ!

ಇನ್ನು 10ನೇ ತರಗತಿ ಓದಿರುವ ನಿರಂಜನ್ ಮೊಬೈಲ್​ನಲ್ಲಿ ಪಳಗಿದ್ದನು. ಮೊಬೈಲ್ Aap ಬಳಸಿ ತನ್ನ ನಂಬರ್​ನ್ನು ವಿದೇಶಿ ಸಂಖ್ಯೆಯಾಗಿ ಬದಲಿಸಿಕೊಂಡಿದ್ದನು. +1(747)222-8960 ಸಂಖ್ಯೆಯಿಂದ ಯುವತಿಯರಿಗೆ ತಾನು ಸೆರೆ ಹಿಡಿದ ವಿಡಿಯೋಗಳನ್ನು ಕಳುಹಿಸುತ್ತಿದ್ದನು.

ದೂರು ದಾಖಲಿಸಿದ ಯುವತಿ

ಕೆಲ ದಿನಗಳ ಹಿಂದೆ ಪಿಜಿಯಲ್ಲಿ ವಾಸವಾಗಿದ್ದ ಯುವತಿಯೊಬ್ಬರಿಗೆ ವಿಡಿಯೋ ಕಳುಹಿಸಿದ್ದಾನೆ. ನಂತರ ತನ್ನೊಂದಿಗೆ ಲೈಂಗಿಕವಾಗಿ ಸಹಕರಿಸು, ಇಲ್ಲವಾದ್ರೆ ವಿಡಿಯೋ ವೈರಲ್ ಮಾಡೋದಾಗಿ ಬೆದರಿಕೆ ಹಾಕಿದ್ದಾನೆ. ಕೂಡಲೇ ಯುವತಿ ಸಿಇಎನ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಇದನ್ನೂ ಓದಿ:  Viral Video: ರೈಲು ಪಾಸ್ ಆದ್ರೂ ಬದುಕುಳಿದ ಜೀವಗಳು; ತಾಯಿ-ಮಗ ಗ್ರೇಟ್ ಎಸ್ಕೇಪ್

ನಿರಂಜನ್ ಜೊತೆ ಪೊಲೀಸರ ಚಾಟ್

ಇನ್ನು ಯುವತಿ ದೂರು ದಾಖಲಿಸುತ್ತಿದ್ದಂತೆ ಪೊಲೀಸರೇ ನಿರಂಜನ್ ಜೊತೆ ಚಾಟ್ ಮಾಡಿದ್ದಾರೆ. ಆತನ ಷರತ್ತುಗಳಿಗೆ ಒಪ್ಪಿದ್ದೇನೆ ಎಂಬಂತೆ ನಿರಂಜನ್​ಗೆ ಮೆಸೇಜ್ ಕಳುಹಿಸಿದ್ದಾರೆ. ನಂತರ ಆತ ಹೇಳಿದ ಸ್ಥಳಕ್ಕೆ ಬರೋದಾಗಿ ಹೇಳಿದಾಗ ವಿಳಾಸ ಹೇಳಿದ್ದಾನೆ. ಈ ವೇಳೆ ಪೊಲೀಸರು ಕಾಮುಕನನ್ನು ಬಂಧಿಸಿದ್ದಾರೆ.

ಸಾಂದರ್ಭಿಕ ಚಿತ್ರ

ತಾಯಿ ದುಡ್ಡಲ್ಲಿ ಮೋಜು ಮಸ್ತಿ

ವಾಸ್ತು ಶಿಲ್ಪಿ ಎಂದು ಹೇಳಿಕೊಂಡಿದ್ದ ನಿರಂಜನ್ ಯಾವುದೇ ಕೆಲಸ ಮಾಡುತ್ತಿರಲಿಲ್ಲ ಎಂದು ವರದಿಯಾಗಿದೆ. ತಾಯಿ ನೀಡಿದ ಹಣದಲ್ಲಿಯೇ ಬೆಂಗಳೂರಿನಲ್ಲಿದ್ದುಕೊಂಡು ಮೋಜು ಮಸ್ತಿಯಲ್ಲಿ ತೊಡಗಿಕೊಂಡಿದ್ದನು ಎಂಬ ವಿಷಯ ಪೊಲೀಸ್ ತನಿಖೆಯಲ್ಲಿ ತಿಳಿದು ಬಂದಿದೆ. ನಿರಂಜನ್ ಮಾದಕ ವ್ಯಸನಿಯಾಗಿದ್ದನು.