• Home
  • »
  • News
  • »
  • state
  • »
  • Crime News: ನ್ಯೂ ಇಯರ್​ ಪಾರ್ಟಿ ವೇಳೆ ಇಯರ್​​​ ಫೋನ್​​ಗಾಗಿ ಆರಂಭವಾದ ಜಗಳ ಕೊಲೆಯಲ್ಲಿ ಅಂತ್ಯ; ಸ್ನೇಹಿತನನ್ನೇ ಕೊಂದ ಗೆಳೆಯರು!

Crime News: ನ್ಯೂ ಇಯರ್​ ಪಾರ್ಟಿ ವೇಳೆ ಇಯರ್​​​ ಫೋನ್​​ಗಾಗಿ ಆರಂಭವಾದ ಜಗಳ ಕೊಲೆಯಲ್ಲಿ ಅಂತ್ಯ; ಸ್ನೇಹಿತನನ್ನೇ ಕೊಂದ ಗೆಳೆಯರು!

ಮೃತ ಕಾರ್ತಿಕ್

ಮೃತ ಕಾರ್ತಿಕ್

ಸ್ನೇಹಿತರೆಲ್ಲ ಸೇರಿ ಕಾರ್ತಿಕ್​​ಗೆ ಥಳಿಸಿದ ಕಾರಣ ಹೊಡೆತ ತಾಳಲಾಗದೆ ಸಾವನ್ನಪ್ಪಿದ್ದಾನೆ. ಪರಪ್ಪನ ಅಗ್ರಹಾರ ಪೊಲೀಸ್ ಠಾಣಾ ವ್ಯಾಪ್ತಿಯ ದೊಡ್ಡನಾಗಮಂಗಲದ ಬಳಿ ಘಟನೆ ನಡೆದಿದೆ.

  • News18 Kannada
  • 3-MIN READ
  • Last Updated :
  • Bangalore [Bangalore], India
  • Share this:

ಬೆಂಗಳೂರು: ಹೊಸ ವರ್ಷದಂದು (New Year Celebration)  ಸಣ್ಣ ಇಯರ್ ಫೋನ್​ಗಾಗಿ (Headphones) ಶುರುವಾದ ಜಗಳ ಕೊಲೆಯಲ್ಲಿ ಅಂತ್ಯವಾಗಿರುವ ಘಟನೆ ನಗರದ ದೊಡ್ಡನಾಗಮಂಗಲದ (Doddanagamangala) ನಿರ್ಮಾಣ ಹಂತದಲ್ಲಿದ್ದ ಬಿಲ್ಡಿಂಗ್​​ವೊಂದರಲ್ಲಿ ನಡೆದಿದೆ. ಘಟನೆಯಲ್ಲಿ ಕೊಲೆಯಾದ ವ್ಯಕ್ತಿಯನ್ನು 27 ವರ್ಷದ ಕಾರ್ತಿಕ್​ ಎಂದು ಗುರುತಿಸಲಾಗಿದೆ. ಪರಪ್ಪನ ಅಗ್ರಹಾರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ (Parappana Agrahara Police Station) ಘಟನೆ ನಡೆದಿದ್ದು, ಘಟನೆ ಸಂಬಂಧ ಇಬ್ಬರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.


ಏನಿದು ಪ್ರಕರಣ?


ಹೊಸ ವರ್ಷದ ಸಂಭ್ರಮಾಚರಣೆ ವೇಳೆಯೇ ಉತ್ತರಪ್ರದೇಶ ಮೂಲದ ರಜನೀಶ್ ಎಂಬಾತನ ಹುಟ್ಟುಹಬ್ಬದ ಸಂಭ್ರಮಕ್ಕಾಗಿ ಪಾರ್ಟಿ ಆಯೋಜನೆ ಮಾಡಲಾಗಿತ್ತು. ಹೀಗಾಗಿ ನ್ಯೂ ಇಯರ್ ಹಾಗೂ ಬರ್ತ್​​​ ಡೇ ಪಾರ್ಟಿ ಮಾಡಲು ಸ್ನೇಹಿತರನ್ನು ರಜನೀಶ್​ ಕರೆಸಿಕೊಂಡಿದ್ದ. ದೊಡ್ಡನಾಗಮಂಗಲದ ಬಳಿಯ ಬಾಲಾಜಿ ಕನ್ಸ್​​ಟ್ರಕ್ಷನ್ ಸೇರಿದ್ದ ನಿರ್ಮಾಣ ಹಂತದ ಕಟ್ಟಡದಲ್ಲಿ ಎಲ್ಲರು ಆಗಮಿಸಿದ್ದರು. ಪಾರ್ಟಿ ಆರಂಭ ಮಾಡಿ ಎಲ್ಲರೂ ಮದ್ಯ ಸೇವನೆ ಮಾಡಿ ಎಂಜಾಯ್ ಮಾಡಿದ್ದಾರೆ. ಆದರೆ ಪಾರ್ಟಿ ಮುಗಿಯುತ್ತಿದಂತೆ ಕಟ್ಟಡಲ್ಲೇ ಮಲಗಿಕೊಂಡು ಬೆಳಗ್ಗೆ ಹೋಗಲು ನಿರ್ಧರಿಸಿದ್ದರಂತೆ.


ಇದನ್ನೂ ಓದಿ: New Year Celebrations: ಗೋವಾದಲ್ಲಿ ಹೊಸ ವರ್ಷಾಚರಣೆ ಸಂಭ್ರಮಿಸಿ ವಾಪಸ್​​ ಆಗ್ತಿದ್ದ ವೇಳೆ ಭೀಕರ ಅಪಘಾತ; ಸ್ಥಳದಲ್ಲೇ ಮೂವರು ಸಾವು


ಕ್ಷುಲಕ ಕಾರಣದಿಂದ ಸ್ನೇಹಿತರಿಂದಲೇ ಕೊಲೆ


ರಜನೀಶ್​​ಗೆ ಮಲಗುವ ವೇಳೆ ಇಯರ್ ಫೋನ್ ಕಿವಿಗೆ ಹಾಕಿಕೊಂಡು ಮ್ಯೂಸಿಕ್ ಕೇಳುವ ಅಭ್ಯಾಸ ಇತ್ತಂತೆ. ಘಟನೆ ನಡೆದ ರಾತ್ರಿ ಪಾರ್ಟಿ ಮುಗಿದ ಬಳಿಕ ನಂತರ ರಜನೀಶ್ ಬಳಿ ಇದ್ದ ಇಯರ್ ಫೋನ್ ಮಿಸ್ ಆಗಿದ್ದಂತೆ. ಈ ವೇಳೆ ಕುಡಿದ ಮತ್ತಿನಲ್ಲಿ ರಜನೀಶ್​​ಗೂ ಸ್ನೇಹಿತ ಕಾರ್ತಿಕ್ ನಡುವೆ ಕಿರಿಕ್ ಆಗಿದೆ. ಕಾರ್ತಿಕ್ ಇಯರ್ ಫೋನ್ ತೆಗೆದುಕೊಂಡಿದ್ದಾನೆ ಅಂತ ಜಗಳ ಶುರುವಾಗಿದ್ದು, ಆ ಬಳಿಕ ವಿಕೋಪಕ್ಕೆ ತಲುಪಿದೆ. ಜೊತೆಯಲ್ಲಿದ್ದ ಸ್ನೇಹಿತರೆಲ್ಲರೂ ರಜನೀಶ್​​ಗೆ ಸಪೋರ್ಟ್​​ ಮಾಡಿ, ಕಾರ್ತಿಕ್​​ನನ್ನು ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.


ಸ್ನೇಹಿತರೆಲ್ಲರು ಸೇರಿ ಕಾರ್ತಿಕ್​​ಗೆ ಥಳಿಸಿದ ಕಾರಣ ಹೊಡೆತ ತಾಳಲಾಗದೆ ಆತ ಸಾವನ್ನಪ್ಪಿದ್ದಾನೆ. ಪರಪ್ಪನ ಅಗ್ರಹಾರ ಪೊಲೀಸ್ ಠಾಣೆ ವ್ಯಾಪ್ತಿಯ ದೊಡ್ಡನಾಗಮಂಗಲದ ಬಳಿ ಘಟನೆ ನಡೆದಿದೆ. ಸದ್ಯ ಘಟನೆ ಸಂಬಂಧ ಇಬ್ಬರು ಆರೋಪಿಗಳಾದ ರಜನೀಶ್ ಹಾಗೂ ರವಿ ಎಂಬವರನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡು ವಿಚಾರಣೆ ನಡೆಸಿದ್ದಾರೆ. ಪ್ರಕರಣದ ಮತ್ತಿಬ್ಬರು ಆರೋಪಿಗಳು ಎಸ್ಕೇಪ್ ಆಗಿದ್ದು, ಪರಪ್ಪನ ಅಗ್ರಹಾರ ಪೊಲೀಸರು ಆರೋಪಿಗಳ ಬಂಧನಕ್ಕಾಗಿ ಬಲೆ ಬೀಸಿದ್ದಾರೆ.


ಮೃತ ವ್ಯಕ್ತಿ ರಾಮಕೃಷ್ಣ


ಕುಡಿದ ಮತ್ತಿನಲ್ಲಿ ಶಿವಗಂಗೆ ಬೆಟ್ಟ ಹತ್ತವಾಗ ಕಾಲು ಜಾರಿ ಬಿದ್ದು ವ್ಯಕ್ತಿ ಸಾವು


ಕುಡಿದ ಮತ್ತಿನಲ್ಲಿ ಆಯತಪ್ಪಿ ಕೆಳಗೆ ಬಿದ್ದು ವ್ಯಕ್ತಿಯೋರ್ವ ಸಾವನ್ನಪ್ಪಿರುವ ಘಟನೆ ನೆಲಮಂಗಲ (Nelamangala) ತಾಲೂಕು ಶಿವಗಂಗೆ ಬೆಟ್ಟದಲ್ಲಿ (Shivagange Mountain Peak) ನಡೆದಿದೆ. ಮೃತ ವ್ಯಕ್ತಿಯನ್ನು ಗುಬ್ಬಿ ತಾಲೂಕಿನ ಬೀರಗೊಂಡನಹಳ್ಳಿಯ ರಾಮಕೃಷ್ಣ (29) ಎಂದು ಗುರುತಿಸಲಾಗಿದೆ.


ಇದನ್ನೂ ಓದಿ: New Year Celebrations: ಹೊಸ ವರ್ಷದ ಸಂಭ್ರಮಾಚರಣೆ ವೇಳೆ ಮಿಸ್​ ಫೈರ್​​; ಗುಂಡು ಹಾರಿಸಿದವ ಹೃದಯಾಘಾತಕ್ಕೆ ಬಲಿ, ಗುಂಡೇಟು ತಿಂದವ ಇಂದು ಸಾವು


ದಾಬಸ್‌ಪೇಟೆ ಸಮೀಪದ ದಕ್ಷಿಣಕಾಶಿ ಶಿವಗಂಗೆ ಬೆಟ್ಟ ಹತ್ತಲು ಮುಂದಾಗಿದ್ದು, ಈ ವೇಳೆ ಆಯಾತಪ್ಪಿ ಜಾರಿ ಬಿದ್ದು ದುರ್ಘಟನೆ ಸಂಭವಿಸಿದೆ. ಇನ್ನು ಘಟನೆಯಲ್ಲಿ ಮತ್ತೋರ್ವ ಕೂಡ ಕಾಲು ಮುರಿದುಕೊಂಡಿದ್ದು, ಸ್ಥಳೀಯ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ದಾಬಸ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ನಡೆದಿದೆ.

Published by:Sumanth SN
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು