ಸರ್ಕಾರದ ಭರವಸೆ ಹಿನ್ನೆಲೆ ಷರತ್ತಿನ ಮೇಲೆ ಧರಣಿ ಕೈಬಿಟ್ಟ ಕೊಪ್ಪ ಸಹಕಾರ ಸಾರಿಗೆ ನೌಕರರು

ಕಾರ್ಮಿಕರಿಂದ ನಡೆಸಿ ಮಾದರಿಯಾಗಿದ್ದ ಸಂಸ್ಥೆ ಮುಚ್ಚಲು ಬಿಡುವುದಿಲ್ಲ. ಬ್ಯಾಂಕ್​ನಿಂದ ಸಾಲ ದೊರಕಿಸುವ ನಿಟ್ಟಿನಲ್ಲಿ ಪ್ರಯತ್ನ ಮಾಡಲಾಗುವುದು ಎಂದು ಸಾರಿಗೆ ಸಚಿವ ಲಕ್ಷ್ಮಣ ಸವದಿ ಭರವಸೆ ನೀಡಿದ್ದರು.

news18-kannada
Updated:February 24, 2020, 6:24 PM IST
ಸರ್ಕಾರದ ಭರವಸೆ ಹಿನ್ನೆಲೆ ಷರತ್ತಿನ ಮೇಲೆ ಧರಣಿ ಕೈಬಿಟ್ಟ ಕೊಪ್ಪ ಸಹಕಾರ ಸಾರಿಗೆ ನೌಕರರು
ಚಿಕ್ಕಮಗಳೂರಿನ ಟಿಸಿಎಸ್ ಬಸ್ಸುಗಳು
  • Share this:
ಚಿಕ್ಕಮಗಳೂರು (ಫೆ.24): ಮಲೆನಾಡಿನ ಜೀವನ ಭಾಗವಾಗಿದ್ದ ಕೊಪ್ಪ ಸಹಕಾರ ಸಾರಿಗೆ ಸಂಸ್ಥೆ ಆರ್ಥಿಕ ನಷ್ಟಕ್ಕೆ ಒಳಗಾಗಿದೆ. ಈ ಹಿನ್ನೆಲೆಯಲ್ಲಿ ಸೇವೆ ಬಂದ್​ ಮಾಡಿದ ನೌಕರರು ಸರ್ಕಾರದ ಸಹಾಯದ ನಿರೀಕ್ಷೆಯಲ್ಲಿ ಕಳೆದ ಏಂಟು ದಿನಗಳಿಂದ ಧರಣಿ ನಡೆಸುತ್ತಿದ್ದರು. ಈಗ ಸರ್ಕಾರದಿಂದ ಭರವಸೆ ಸಿಕ್ಕ ಹಿನ್ನೆಲೆ ಈ ಧರಣಿಯನ್ನು ಕೈ ಬಿಟ್ಟಿದ್ದಾರೆ. 

ಕಾರ್ಮಿಕರೇ ಕಟ್ಟಿ ಬೆಳಸಿದ ಸಂಸ್ಥೆ ಆರ್ಥಿಕ ಮುಕ್ಕಟ್ಟಿಗೆ ಒಳಗಾಗಿದ್ದು, ಆರು ಕೋಟಿ ಸಹಾಯ ನೀರಿಕ್ಷಿಸಿದ್ದರು. ಈ ಕುರಿತು ಸರ್ಕಾರಕ್ಕೆ ಮನವಿಯನ್ನು ಸಲ್ಲಿಸಲಾಗಿತ್ತು. ಈ ಸಂಬಂಧ ಕಳೆದ ಒಂದು ವಾರದಿಂದ ಕೊಪ್ಪ ಪಟ್ಟಣದ ತಹಶೀಲ್ದಾರ್​ ಕಚೇರಿ ಮುಂಭಾಗ ನೌಕರರು ಧರಣಿ ನಡೆಸಿದ್ದಾರೆ.

ಈ ಕುರಿತು ಜಿಲ್ಲಾ ಉಸ್ತುವಾರಿ ಸಚಿವರಾದ ಸಿಟಿ ರವಿ ಸೇರಿದಂತೆ ಹಲವರು ಸಾರಿಗೆ ಸಚಿವ ಲಕ್ಷ್ಮಣ ಸವದಿಗೆ ಮನವಿ ಮಾಡಿದರು. ಈ ವೇಳೆ ಮಾತನಾಡಿದ ಅವರು, ಕಾರ್ಮಿಕರಿಂದ ನಡೆಸಿ ಮಾದರಿಯಾಗಿದ್ದ ಸಂಸ್ಥೆ ಮುಚ್ಚಲು ಬಿಡುವುದಿಲ್ಲ. ಬ್ಯಾಂಕ್​ನಿಂದ ಸಾಲ ದೊರಕಿಸುವ ನಿಟ್ಟಿನಲ್ಲಿ ಪ್ರಯತ್ನ ಮಾಡಲಾಗುವುದು ಎಂಬ ಭರವಸೆ ನೀಡಿದ್ದರು.

ಇದಾದ ಬಳಿಕ ಮಾಜಿ ಸಚಿವ ಡಿಎಸ್​ ಜೀವರಾಜ್​ ಖುದ್ದು ಪ್ರತಿಭಟನಾಕಾರರನ್ನು ಭೇಟಿಯಾಗಿ ಮುಷ್ಕರ ನಿಲ್ಲಿಸುವಂತೆ ಮನವೊಲಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಇದನ್ನು ಓದಿ: ಆರ್ಥಿಕ ಸಂಕಷ್ಟ; ಇತಿಹಾಸದ ಪುಟ ಸೇರಿದ ಮಲೆನಾಡಿನ ಸಹಕಾರ ಸಾರಿಗೆ ಬಸ್​

ಮುಷ್ಕರ ಅಂತ್ಯವಾದರೂ ಸರ್ಕಾರದಿಂದ ನೆರವು ಸಿಕ್ಕ ಮೇಲಷ್ಟೇ ಬಸ್​ ಸಂಚಾರ ಆರಂಭ ಮಾಡಲಾಗುವುದು. ಅಲ್ಲಿಯವರೆಗೂ ಯಾವುದೇ ಬಸ್​ ಸಂಚಾರವಿರುವುದಿಲ್ಲ. ಮುಷ್ಕರ ಮಾತ್ರ ಅಂತ್ಯಗೊಳಿಸಲಾಗಿದೆ ಎಂದೂ ಸಂಸ್ಥೆ ಸ್ಪಷ್ಟಪಡಿಸಿದೆ.
First published:February 24, 2020
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ