ಚಾಮರಾಜನಗರದ ಮೆಡಿಕಲ್ ಕಾಲೇಜಿಗೆ ಎಂಟ್ರಿ ಕೊಟ್ಟ ಚಿರತೆ; ವಿಡಿಯೋ ನೋಡಿದರೆ ಎದೆ ಝಲ್ ಅನ್ನುತ್ತೆ..!

ಸೆರೆಯಾಗಿರುವ ಸಿಸಿಟಿವಿ ದೃಶ್ಯಾವಳಿಯಲ್ಲಿ ಚಿರತೆ ಹಾಸ್ಟೆಲ್​ ಕಾರಿಡಾರ್​ನಲ್ಲಿ ಓಡಿ ಹೋಗುತ್ತದೆ. ವಾಪಸ್ ಹೋಗಿ ಮತ್ತೆ ಬಂದ ಚಿರತೆ ಬಾಗಿಲನ್ನು ಇಣುಕಿ ನೋಡುತ್ತದೆ. ಈ ವಿಡಿಯೋ ಈಗ ಎಲ್ಲೆಡೆ ವೈರಲ್ ಆಗಿದ್ದು, ಮೈಕ್ರೋಬ್ಲಾಗಿಂಗ್ ಪ್ಲಾಟ್​ಫಾರ್ಮ್​ನಲ್ಲಿ ಸುಮಾರು 8 ಸಾವಿರ ಬಾರಿ ವೀಕ್ಷಿಸಲ್ಪಟ್ಟಿದೆ.

ಹಾಸ್ಟೆಲ್ ಕಾರಿಡಾರ್​ನಲ್ಲಿ ಹೋಗುತ್ತಿರುವ ಚಿರತೆ

ಹಾಸ್ಟೆಲ್ ಕಾರಿಡಾರ್​ನಲ್ಲಿ ಹೋಗುತ್ತಿರುವ ಚಿರತೆ

  • Share this:
    ಚಾಮರಾಜನಗರ(ಜ.08): ಕಾಡುಪ್ರಾಣಿಗಳು ನಾಡಿನತ್ತ ಬರುವ ಪ್ರಮಾಣ ಹೆಚ್ಚಾಗುತ್ತಿದೆ. ಇಲ್ಲಿಯವರೆಗೂ ಕಾಡಂಚಿನ ಗ್ರಾಮಗಳಿಗೆ ದಾಂಗುಡಿ ಇಡುತ್ತಿದ್ದ ಹುಲಿ, ಚಿರತೆಯಂತಹ ಕಾಡು ಮೃಗಗಳು ಈಗ ಕಾಲೇಜಿಗೂ ಪಾದಾರ್ಪಣೆ ಮಾಡಿವೆ. ಈ ದೃಶ್ಯ ಎಂತಹವರ ಎದೆಯನ್ನು ಝಲ್ ಎನಿಸುತ್ತದೆ. ಚಾಮರಾಜನಗರದ ಮೆಡಿಕಲ್​ ಕಾಲೇಜಿಗೆ ಎಂಟ್ರಿ ಕೊಟ್ಟಿರುವ ಚಿರತೆ ಅಲ್ಲಿನ ಹಾಸ್ಟೆಲ್​ ಕಾರಿಡಾರ್​​ನಲ್ಲಿ ಗಾಂಭೀರ್ಯದಿಂದ ತಿರುಗಾಡುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ವಿಡಿಯೋ ಈಗ ಎಲ್ಲೆಡೆ ವೈರಲ್ ಆಗಿದೆ. ಈ ಚಿರತೆಯೇನು ಕಾಲೇಜು ಪರಿಶೀಲನೆಗೆ ಬಂದಿದೆಯಾ ಎಂದು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ.

    ಸಿಸಿಟಿವಿಯಲ್ಲಿ ಚಿರತೆಯೊಂದು ಮೆಡಿಕಲ್ ಕಾಲೇಜಿನ ಹಾಸ್ಟೆಲ್​ನೊಳಗೆ ಓಡುತ್ತಿರುವ ದೃಶ್ಯ ಸೆರೆಯಾಗಿದೆ. ಈ ಸಿಸಿಟಿವಿ ದೃಶ್ಯಾವಳಿಯನ್ನು ಭಾರತೀಯ ಅರಣ್ಯಾಧಿಕಾರಿ ಪರ್ವೀನ್ ಕಸ್ವಾನ್​ ತಮ್ಮ ಟ್ವಿಟರ್​ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

    ಕಸ್ವಾನ್ ಅವರು ಮೊದಲಿಗೆ ಚಿರತೆಯನ್ನು ಬ್ಲ್ಯಾಕ್​ ಪ್ಯಾಂಥರ್ ಎಂದು ಗುರುತಿಸಿದ್ದಾರೆ. ಮೆಲನಿಸ್ಟಿಕ್​ ದೊಡ್ಡ ಬೆಕ್ಕುಗಳಿಗೆ ನೀಡಲಾಗುವ ಸಾಮಾನ್ಯ ಹೆಸರು. ಸಿಸಿಟಿವಿ ದೃಶ್ಯದಲ್ಲಿರುವ ಚಿರತೆ ಮೆಲನಿಸ್ಟಿಕ್ ಅಲ್ಲದಿರಬಹುದು ಎಂದು ಕಸ್ವಾನ್​ ಅಭಿಪ್ರಾಯಪಟ್ಟಿದ್ದಾರೆ.

    ಕೊರೋನಾ ವೈರಸ್​​ನಿಂದ ತನ್ನನ್ನು ರಕ್ಷಿಸಿಕೊಳ್ಳಲು ಇಡೀ ವಿಮಾನವನ್ನೇ ಬುಕ್ ಮಾಡಿದ ಭೂಪ..!

    ಇದು ಸಾಮಾನ್ಯ ಚಿರತೆ. ಸ್ವಲ್ಪ ಗಾಢ ಮೈಬಣ್ಣವನ್ನು ಹೊಂದಿರುತ್ತದೆ. ಬ್ಲ್ಯಾಕ್​ ಫ್ಯಾಂಥರ್ಸ್​​ ಕೂಡ ಸಾಮಾನ್ಯ ಚಿರತೆಯೇ. ಇದು ಮೆಲನಿಸ್ಟಿಕ್ ಆದರೂ ರಾತ್ರಿ ವೇಳೆಯಲ್ಲಿ ಮೆಲನಿಸ್ಟಿಕ್​ ಅಲ್ಲದಂತೆ ಗೋಚರಿಸಬಹುದು ಎಂದು ಕಸ್ವಾನ್ ಹೇಳಿದ್ದಾರೆ.





    ಸೆರೆಯಾಗಿರುವ ಸಿಸಿಟಿವಿ ದೃಶ್ಯಾವಳಿಯಲ್ಲಿ ಚಿರತೆ ಹಾಸ್ಟೆಲ್​ ಕಾರಿಡಾರ್​ನಲ್ಲಿ ಓಡಿ ಹೋಗುತ್ತದೆ. ವಾಪಸ್ ಹೋಗಿ ಮತ್ತೆ ಬಂದ ಚಿರತೆ ಬಾಗಿಲನ್ನು ಇಣುಕಿ ನೋಡುತ್ತದೆ. ಈ ವಿಡಿಯೋ ಈಗ ಎಲ್ಲೆಡೆ ವೈರಲ್ ಆಗಿದ್ದು, ಮೈಕ್ರೋಬ್ಲಾಗಿಂಗ್ ಪ್ಲಾಟ್​ಫಾರ್ಮ್​ನಲ್ಲಿ ಸುಮಾರು 8 ಸಾವಿರ ಬಾರಿ ವೀಕ್ಷಿಸಲ್ಪಟ್ಟಿದೆ.

    ವಿಡಿಯೋ ನೋಡಿದ ನೆಟ್ಟಿಗರು ಚಿರತೆಯ ಕಾಲೆಳೆದು ತಮಾಷೆ ಮಾಡಿದ್ದಾರೆ. ಭಗೀರ ಅಡ್ಮಿಷನ್ ಆಗಲು ಬಂದಿರಬೇಕು ಎಂದು ಕೆಲವರು ಹೇಳಿದರೆ, ಮತ್ತೆ ಕೆಲವರು ಕಾಲೇಜು ಪರಿಶೀಲನೆ ನಡೆಸಲು ಬಂದಿದೆ ಎಂದು ಕಾಮೆಂಟ್ ಮಾಡಿದ್ದಾರೆ.

    ಚಾಮರಾಜನಗರ ಮೆಡಿಕಲ್ ಕಾಲೇಜಿನ ಡೀನ್​ ಡಾ.ಸಂಜೀವ್​ ಪತ್ರಿಕೆಯೊಂದಕ್ಕೆ ಮಾತನಾಡಿ, ಚಿರತೆ ಕಾಲೇಜಿಗೆ ಬಂದಿರುವ ಬಗ್ಗೆ ಖಚಿತಪಡಿಸಿದ್ದಾರೆ. ಈ ಸರ್ಕಾರಿ ಮೆಡಿಕಲ್ ಕಾಲೇಜು ಹುಲಿ ರಕ್ಷಿತಾರಣ್ಯಕ್ಕೆ ಹೊಂದಿಕೊಂಡಿತಿದೆ. ಹೀಗಾಗಿ ಚಿರತೆ ಕಾಲೇಜು ಕ್ಯಾಂಪಸ್​ನೊಳಗೆ ಹೊಕ್ಕಿರಬಹುದು ಎಂದು ಡೀನ್ ಅಭಿಪ್ರಾಯಪಟ್ಟಿದ್ದಾರೆ. ಈ ಘಟನೆ ಜನವರಿ 2ರ ರಾತ್ರಿ ನಡೆದಿದ್ದು, ಕಾಲೇಜು ಸಿಬ್ಬಂದಿ ಕೂಡ ಈ ಬಗ್ಗೆ ದೃಢಪಡಿಸಿದ್ದಾರೆ.

    ಈ ರೀತಿ ಚಿರತೆ ಕಾಲೇಜು ಕ್ಯಾಂಪಸ್​ಗೆ ಬಂದಿರುವುದು ಇದೇ ಮೊದಲೇನಲ್ಲ. 2019ರಲ್ಲಿ ಉತ್ತರಾಖಂಡದ ಶ್ರೀನಗರ್ ಸರ್ಕಾರಿ ಮೆಡಿಕಲ್ ಕಾಲೇಜಿಗೂ ಚಿರತೆಯೊಂದು ಎಂಟ್ರಿ ಕೊಟ್ಟಿತ್ತು.
    Published by:Latha CG
    First published: