Matrimonialನಲ್ಲಿ​​ ಪರಿಚಯವಾದವನ ಭೇಟಿಗೆ ಬೆಂಗಳೂರಿನಿಂದ ದೆಹಲಿಗೆ ಹೋದ ಮಹಿಳೆ; ಮುಂದೇನಾಯ್ತು?

ಬೆಂಗಳೂರು: ಮ್ಯಾಟ್ರಿಮೋನಿಯಲ್​ನಲ್ಲಿ (Matrimonial Website) ಪರಿಚಯವಾದವನ ಭೇಟಿಗಾಗಿ ದೆಹಲಿಗೆ (Delhi) ತೆರಳಿದ್ದ ಬೆಂಗಳೂರಿನ (Bengaluru) ಮಹಿಳೆ ಹಣ ಮತ್ತು ಚಿನ್ನಾಭರಣ ಕಳೆದುಕೊಂಡಿದ್ದಾರೆ. 39 ವರ್ಷದ ಮಹಿಳೆಯೊಬ್ಬರಿಗೆ ಕೆಲ ತಿಂಗಳ ಹಿಂದೆ ಮ್ಯಾಟಿಮೋನಿಯಲ್​ನಲ್ಲಿ ವ್ಯಕ್ತಿಯ ಪರಿಚಯವಾಗಿದೆ. ಈಗ ಆ ವ್ಯಕ್ತಿಯಿಂದಾಗಿ ಹಣ, ಚಿನ್ನ (Gold and Cash) ಕಳೆದುಕೊಂದು ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಮಹಿಳೆ ಏರ್​ಲೈನ್ ಉದ್ಯೋಗಿ ಎಂದು ತಿಳಿದು ಬಂದಿದೆ. ಮ್ಯಾಟ್ರಿಮೋನಿ ವೆಬ್​ಸೈಟ್​ನಲ್ಲಿ ಪರಿಚಯವಾದ ವ್ಯಕ್ತಿ ತನ್ನ ಹೆಸರು ಅನ್ಶುಲ್ ಜೈನ್​ಎಂದು ಹೇಳಿಕೊಂಡು, ತಾನೋರ್ವ ಎನ್​ಸಿಆರ್ (Delhi NCR) ಪ್ರದೇಶದ ಉದ್ಯಮಿ ಎಂದು ಹೇಳಿಕೊಂಡಿದ್ದಾನೆ. ಮದುವೆ ಬಗ್ಗೆ ಮಾತನಾಡಲು ಕುಟುಂಸ್ಥರ ಜೊತೆ ಬರುವಂತೆ ಹೇಳಿದ್ದಾನ. ಬರುವಾಗ ಹೊಸ ಬಟ್ಟೆ ಮತ್ತು ಕೆಲ ಚಿನ್ನದ ಆಭರಣಗಳನ್ನು ತರುವಂತೆ ಹೇಳಿದ್ದಾನೆ.

ಅನ್ಶುಲ್ ಮಾತು ನಂಬಿದ ಮಹಿಳೆ ಭಾನುವಾರ ಬೆಂಗಳೂರಿನಿಂದ ದೆಹಲಿಗೆ ತೆರಳಿದ್ದಾರೆ. ವಿಮಾನ ನಿಲ್ದಾಣದಲ್ಲಿ ಮಹಿಳೆಯನ್ನು ಆತ್ಮೀಯವಾಗಿ ಬರಮಾಡಿಕೊಂಡಿದ್ದಾನೆ. ನಂತರ ಇಬ್ಬರು ಫುಡ್​ ಕೋರ್ಟ್​ನಲ್ಲಿ ಜೊತೆಯಾಗಿ ಊಟ ಮಾಡಿದ್ದಾರೆ.

ಮಹಿಳೆಯನ್ನು ಕೆಳಗಿಳಿಸಿ ಎಸ್ಕೇಪ್

ಊಟದ ಬಳಿಕ ಅನ್ಶುಲ್ ಕಾರ್​​ನಲ್ಲಿ ಮಹಿಳೆ ತೆರಳಿದ್ದಾರೆ. ಸುಮಾರು ಅರ್ಧ ಕಿಲೋಮೀಟರ್ ತೆರಳಿದ ಬಳಿಕ ಕಾರ್​​ ಟೈರಿನಲ್ಲಿ ಏನೋ ಸದ್ದು ಬರುತ್ತಿದೆ ಎಂದು ನಿಲ್ಲಿಸಿ, ಮಹಿಳೆಗೆ ಕೆಳಗೆ ಇಳಿದು ಪರಿಶೀಲಿಸುವಂತೆ ಹೇಳಿದ್ದಾನೆ. ಮಹಿಳೆ ಕಾರ್​​ನಿಂದ ಇಳಿಯುತ್ತಿದ್ದಂತೆ ಅನ್ಶುಲ್ ಎಸ್ಕೇಪ್ ಆಗಿದ್ದಾನೆ.

ಏನೆಲ್ಲಾ ದೋಚಿದ?

300 ಗ್ರಾಂ ಚಿನ್ನ, 15 ಸಾವಿರ ನಗದು, ಮೊಬೈಲ್ ಪೋನ್, ಮೂರು ಎಟಿಎಂ ಕಾರ್ಡ್ ಸೇರಿದಂತೆ ಬಟ್ಟೆ ಬ್ಯಾಗ್ ಕಳ್ಳತನ ಮಾಡಲಾಗಿದೆ ಎಂದು ಮಹಿಳೆ ದೂರು ದಾಖಲಿಸಿದ್ದಾರೆ.

ಇದನ್ನೂ ಓದಿ:  2023 Karnataka Elections: ಪೊಲೀಸರ ವಿರುದ್ದ ತಿರುಗಿ ಬಿದ್ದ ಗ್ರಾಮಸ್ಥರು, ಜೀಪ್​ಗೆ ಮುತ್ತಿ ಹಾಕಿ ಆಕ್ರೋಶ! ಅಷ್ಟಕ್ಕೂ ಈ ಘಟನೆಗೆ ಕಾರಣವೇನು?

ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿಯ ಬಂಧನಕ್ಕೆ ಬಲೆ ಬೀಸಿದ್ದಾರೆ.