ಹಾಲು ಖರೀದಿ ದರ 2 ರೂ ಹೆಚ್ಚಿಸಿದ ಕೋಲಾರ-ಚಿಕ್ಕಬಳ್ಳಾಪುರ ಹಾಲು ಒಕ್ಕೂಟ

ಕೋಲಾರ (ಫೆ. 13):  ಕೋಲಾರ- ಚಿಕ್ಕಬಳ್ಳಾಪುರ ಹಾಲು ಉತ್ಪಾದಕರ ಒಕ್ಕೂಟ ಹಾಲು ಖರೀದಿ ದರವನ್ನು ಎರಡು ರೂಗೆ ಹೆಚ್ಚಿಸಿದೆ. ಈ ಮೂಲಕ ಮಾರಾಟಗಾರರಿಗೆ ಬಂಫರ್​ ಉಡುಗೊರೆ ನೀಡಿದೆ. 

ಫೆ.16ರಿಂದ ಹಾಲು ಖರೀದಿ ದರ ಹೆಚ್ಚಳವಾಗಲಿದ್ದು, ಮಾರಾಟಗಾರರು ಲೀಟರ್​ಗೆ 28ರೂ ಪಾವತಿಸಲು ನಿರ್ಧರಿಸಿದೆ. ಇದರ ಜೊತೆಗೆ ಸರ್ಕಾರದ ಬೆಂಬಲ ಬೆಲೆ ಸೇರಿ ಲೀಟರ್​ಗೆ 33 ರೂವನ್ನು ಮಾರಾಟಗಾರರು ಪಡೆಯಲಿದ್ದಾರೆ ಎಂದು ಕೋಚಿಮುಲ್​ ಅಧ್ಯಕ್ಷ ಶಾಸಕ ಕೆವೈ ನಂಜೇಗೌಡ ತಿಳಿಸಿದ್ದಾರೆ.



ಹಾಲು ಉತ್ಪಾದಕ ಸಾಮಗ್ರಿಗಳು ದುಬಾರಿ ಆಗಿರುವುದು ಪ್ರೋತ್ಸಹ ಧನ ಹೆಚ್ಚಿಸುವ  ಈ ನಿರ್ಧಾರಕ್ಕೆ ಬಂದಿದ್ದೇವೆ. ಇದರಿಂದ ಗೋಪಾಲಕರಿಗೂ ಅನುಕಾಲವಾಗಲಿದೆ. ಅಲ್ಲದೆ ಹಾಲಿನ ಉತ್ಪಾದನೆ ಕೂಡ ಹೆಚ್ಚುವ ಭರವಸೆ ಇದೆ ಎಂದರು.

ಬರಪೀಡಿತ ಪ್ರದೇಶವಾದ ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ 1,866 ಪ್ರಾಥಮಿಕ ಹಾಲು ಸಹಕಾರ ಸಂಘಗಳಿದೆ. ಹಾಲು ಸಂಗ್ರಹಣೆಯಲ್ಲಿ ರಾಜ್ಯದಲ್ಲಿ ಎರಡನೇ ಸ್ಥಾನದಲ್ಲಿ ಕೋಚಿಮುಲ್​ ಇದೆ. ಒಕ್ಕೂಟದಲ್ಲಿ ಪ್ರತಿನಿತ್ಯ ಸುಮಾರು 8.41 ಲಕ್ಷ ಲೀಟರ್​ ಹಾಲು ಶೇಖರಣೆಯಾಗುತ್ತಿದೆ.

ಇದನ್ನು ಓದಿ: ಗ್ರಾಹಕರಿಗೆ ಶಾಕ್​: ಫೆ.1ರಿಂದ ಹಾಲಿನ ದರ ಏರಿಕೆ; ಲೀಟರ್​ಗೆ 2 ರೂ. ಹೆಚ್ಚಳ

ಇನ್ನು ಕೆಎಂಎಫ್​ ಸಂಸ್ಥೆ ಫೆ.1ರಿಂದಿ ಅನ್ವಯವಾಗುವಂತೆ ನಂದಿನಿ ಹಾಲು ಹಾಗೂ ಮೊಸರಿನ ದರವನ್ನು 2 ರೂ ಹೆಚ್ಚಳ ಮಾಡಿ ಇತ್ತೀಚೆಗೆ ನಿರ್ಧಾರ ಪ್ರಕಟಿಸಿತ್ತು.(ವರದಿ: ರಘುರಾಜ್​)