ಏರೋ ಇಂಡಿಯಾ 2021 ಯಶಸ್ವಿಗೆ ಭಾಗಶಃ ಬಂದ್ ಆಗಲಿರುವ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ

ದೇವನಹಳ್ಳಿ: ಯಲಹಂಕದ ಏರ್ ಫೋರ್ಸ್  ಸ್ಟೇಷನ್ ನಲ್ಲಿ  ಫೆಬ್ರವರಿ 3ರಿಂದ 5 ರವರೆಗೆ  ಏರೋ  ಇಂಡಿಯಾ  2021 ನಡೆಯುವ ಹಿನ್ನಲೆಯಲ್ಲಿ ಏರ್ ಶೋ ಸನಿಹವೇ  ಇರುವ ಕೆಂಪೇಗೌಡ  ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಭಾಗಶಃ  ಬಂದ್ ಆಗಲಿದೆ. ಯಲಹಂಕದ ಏರ್ ಫೋರ್ಸ್ ಸ್ಟೇಷನ್​ನಿಂದ ಕೆಲವೇ ಕಿ.ಮೀ.ಗಳ ಅಂತರದಲ್ಲಿ  ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವಿದ್ದು ಏರ್  ಶೋ ನಡೆವೆಯುವ ಮತ್ತು  ಪೂರ್ವಾಭ್ಯಾಸದ ಸಮಯದಲ್ಲಿ ಎರಡು ಕಡೆಯಿಂದ ನಡೆಯುವ ವಿಮಾನಗಳ ಹಾರಾಟ ಅಪಾಯಕ್ಕೆ ಕಾರಣವಾಗುತ್ತದೆ. ಈ ಹಿನ್ನೆಲೆಯಲ್ಲಿ ಏರೋ  ಇಂಡಿಯಾ 2021ರನ್ನು ಸುರಕ್ಷಿತ ಮತ್ತು ಯಶಸ್ವಿ ಮಾಡುವ ಕಾರಣಕ್ಕೆ  ಕೆಂಪೇಗೌಡ  ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ  ಭಾಗಶಃ  ಬಂದ್ ಆಗಲಿದೆ.

ಜನವರಿ 30 ಮತ್ತು 31 ರಂದು  ಏರ್​ಫೋರ್ಸ್​ನಲ್ಲಿ ಪೂರ್ವಾಭ್ಯಾಸ ನಡೆಯುವ ಹಿನ್ನೆಲೆ  ಮಧ್ಯಾಹ್ನ 01.30 ರಿಂದ 04.30 ರವರೆಗೆ ಕೆಐಎಎಲ್  ರನ್ ವೇ ಬಂದ್ ಆಗಲಿದೆ. ಫೆಬ್ರವರಿ  1 ರಂದು ಏರ್ ಫೋರ್ಸ್​ನಲ್ಲಿ ನಡೆಯುವ ಪೂರ್ವಾಭ್ಯಾಸದ  ಹಿನ್ನೆಲೆಯಲ್ಲಿ ಬೆಳಗ್ಗೆ 10:00 ರಿಂದ 12:00 ಮತ್ತು ಮಧ್ಯಾಹ್ನ  02 :00 ರಿಂದ 05:00ರವರೆಗೂ ಕೆಐಎಎಲ್  ರನ್ ವೇ ಬಂದ್ ಆಗಲಿದೆ. ಫೆಬ್ರವರಿ 2 ಮತ್ತು 3 ರಂದು ಏರೋ  ಇಂಡಿಯಾ  2021ರ ಉದ್ಘಾಟನಾ  ಕಾರ್ಯಕ್ರಮ ಮತ್ತು ವೈಮಾನಿಕ  ಪ್ರದರ್ಶನ  ಇರುವುದರಿಂದ ಬೆಳಗ್ಗೆ 09:00 ರಿಂದ 12:00 ಮತ್ತು ಮಧ್ಯಾಹ್ನ  02:00 ರಿಂದ 05:00 ರವರೆಗೂ ಕೆಐಎಎಲ್  ರನ್ ವೇ ಬಂದ್ ಆಗಲಿದೆ. ಫೆಬ್ರವರಿ 4 ಮತ್ತು 5 ರಂದು ಏರೋ  ಇಂಡಿಯಾ  ಕಾರ್ಯಕ್ರಮ  ಇರುವುದರಿಂದ ಬೆಳಗ್ಗೆ  10:00ರಿಂದ 12:00 ಮತ್ತು ಮಧ್ಯಾಹ್ನ   02:00 ರಿಂದ 05:00 ರವರೆಗೂ ಕೆಐಎಎಲ್ ರನ್  ವೇ ಬಂದ್ ಆಗಲಿದೆ.

ಇದನ್ನು ಓದಿ: ಕೆಂಪುಕೋಟೆ ಹಿಂಸಾಚಾರದಲ್ಲಿ ಗಾಯಗೊಂಡ ಪೊಲೀಸ್ ಸಿಬ್ಬಂದಿ ಭೇಟಿಯಾದ ಅಮಿತ್ ಶಾ; ರೈತ ನಾಯಕರ ವಿರುದ್ಧ ಲುಕ್​ಔಟ್ ನೋಟಿಸ್ ಜಾರಿ

ಯಲಹಂಕದ ಏರ್ ಫೋರ್ಸ್ ಸ್ಟೇಷನ್​ನಿಂದ  ಕೆಲವೇ ಕಿ.ಮೀ.ಗಳ ಅಂತರದಲ್ಲಿ  ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವಿದ್ದು ಏರ್  ಶೋ ನಡೆಯುವ  ಮತ್ತು  ಪೂರ್ವಾಭ್ಯಾಸದ ಸಮಯದಲ್ಲಿ  ಎರಡು ಕಡೇಯಿಂದ ನಡೆಯುವ ವಿಮಾನಗಳ  ಹಾರಾಟ ಅಪಾಯಕ್ಕೆ  ಕಾರಣವಾಗುತ್ತೆ, ಈ ಹಿನ್ನೆಲೆ ಏರೋ  ಇಂಡಿಯಾ 2021ರನ್ನು ಸುರಕ್ಷಿತ ಮತ್ತು ಯಶಸ್ವಿ  ಮಾಡುವ ಕಾರಣಕ್ಕೆ  ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಭಾಗಶಃ  ಬಂದ್ ಆಗಲಿದೆ.

ಈ ಬಾರಿಯ ಏರೋ ಇರೋ ಇಂಡಿಯಾ ಶೋನಲ್ಲಿ ಯಾವುದೇ ಅವಘಡ ಸಂಭವಿಸದಂತೆ ನಡೆಸಲು ಭಾರಿ ಮುನ್ನಚ್ಚರಿಕೆ ವಹಿಸಲಾಗಿದೆ. ಕಳೆದ ಬಾರಿ ಏರ್ ಶೋನಲ್ಲಿ ವಾಹನ ನಿಲುಕಡೆ ಸ್ಥಳದಲ್ಲಿ ಸಂಭವಿಸಿದ ಅಗ್ನಿ ಅವಘಡದಿಂದ ನೂರಾರು ವಾಹನಗಳು ಬೆಂಕಿಗಾಹುತಿಯಾಗಿದ್ದವು. ಈ ಬಾರಿ ಅಂತಹ ಯಾವುದೇ ತೊಂದರೆಗಳು ಎದುರಾಗದಂತೆ ತಡೆಯಲು ಭಾರತೀಯ ವಾಯುಪಡೆ ಸಕಲ ಸಿದ್ಧತೆ ಮಾಡಿಕೊಂಡಿದೆ.