HOME » NEWS » State » KARWARA RURAL SCHOOL FACING INTERNET PROBLEM FOR ONLINE CLASS SESR

ಬಸ್​ ನಿಲ್ದಾಣವೇ ಶಾಲೆಯಾದಾಗ: ನೆಟ್​ವರ್ಕ್​ಗಾಗಿ ಕಾರವಾರ ಗ್ರಾಮೀಣ ಪ್ರದೇಶದ ಮಕ್ಕಳ ಅಲೆದಾಟ

ಬಸ್​ ನಿಲ್ದಾಣವನ್ನು ಏನೋ ಶಾಲೆ ಮಾಡಿಕೊಂಡಿದ್ದಾಗಿದೆ. ಆದರೆ, ಇಲ್ಲಿ ಬರುವ ಬಸ್​ಗಳು ಹಾಗೂ ಜನರ ಓಡಾಟದಿಂದ ಪಾಠದ ಕಡೆ ಗಮನ ಕೊಡಲು ಸಾಧ್ಯವಾಗುತ್ತಿಲ್ಲ. ಇದರಿಂದಾಗಿ ವಿದ್ಯಾರ್ಥಿಗಳು ಸಾಕಷ್ಟು ಸಮಸ್ಯೆ ಅನುಭವಿಸುತ್ತಿದ್ದಾರೆ.

news18-kannada
Updated:October 7, 2020, 5:55 PM IST
ಬಸ್​ ನಿಲ್ದಾಣವೇ ಶಾಲೆಯಾದಾಗ: ನೆಟ್​ವರ್ಕ್​ಗಾಗಿ ಕಾರವಾರ ಗ್ರಾಮೀಣ ಪ್ರದೇಶದ ಮಕ್ಕಳ ಅಲೆದಾಟ
ಬಸ್​ ನಿಲ್ದಾಣದಲ್ಲಿ ಕಲಿಕೆಯಲ್ಲಿ ತೊಡಗಿರುವ ಮಕ್ಕಳು
  • Share this:
ಕಾರವಾರ (ಅ.5): ಕೊರೋನಾ ಪರಿಣಾಮದಿಂದ ಶಾಲೆಗಳು ಆನ್​ಲೈನ್​ ಶಿಕ್ಷಣದ ಮೊರೆ ಹೋಗಿದ್ದಾರೆ. ಆದರೆ, ಈ ಆನ್ಲೈಲ್​ ಶಿಕ್ಷಣ ಕೂಡ ಮಕ್ಕಳಿಗೆ ಹಲವು ಸಂದಿಗ್ಧತೆಯನ್ನು ತಂದು ಒದಗಿಸಿದೆ. ಅನೇಕ ಬಡ ಮಕ್ಕಳು ಸ್ಮಾರ್ಟ್​ಫೋನ್​ ಇಲ್ಲದೇ ತರಗತಿಗೆ ಹಾಜರಾಗದೇ ತೊಂದರೆ ಅನುಭವಿಸಿದರೆ, ಗುಡ್ಡ-ಗಾಡು, ಗ್ರಾಮೀಣ ಪ್ರದೇಶದ ಮಕ್ಕಳಿಗೆ ನೆಟ್​​ವರ್ಕ್​ನದ್ದೆ ಸಮಸ್ಯೆ. ಅದರಲ್ಲಿಯೂ ಉತ್ತರ ಕನ್ನಡ ಜಿಲ್ಲೆಯ ಮಕ್ಕಳಿಗೆ ಈ ನೆಟ್​ವರ್ಕ್​ ಎಂಬುದು ಗಗನ ಕುಸುಮ ಎಂಬಂತೆ ಆಗಿದೆ.   ಈ ಪ್ರದೇಶಗಳಲ್ಲಿ ನೆಟ್​ವರ್ಕ್ ಎಲ್ಲಿದೆ ಎಂದು​ ಹುಡುಕಿಕೊಂಡು ಹೋಗುವ ಕಸರತ್ತು ಇಲ್ಲಿಯ ಜನರದು.  ಅಲ್ಲದೇ ಎಲ್ಲಿ ಸಿಗ್ನಲ್​ ಸಿಗುತ್ತತೋ ಅಲ್ಲಿಯೇ ಬಿಡಾರ ಹೂಡಿರುವ ಘಟನೆಗಳು ನಡೆಯುತ್ತಿವೆ. ಇದೇ ರೀತಿ ಇಲ್ಲಿನ  ದೇವಳಮೆಕ್ಕಿ, ಶೀರ್ವೆ, ನಗೆಕೊವೆ ಗ್ರಾಮದ ವಿದ್ಯಾರ್ಥಿಗಳು ಹತ್ತಿರದ ಬಸ್ ನಿಲ್ದಾಣ ಮತ್ತು ದೇವಸ್ಥಾನಗಳನ್ನೇ ಶಾಲೆಗಳನ್ನಾಗಿ ಮಾಡಿಕೊಂಡಿದ್ದಾರೆ. 

ಬಸ್​ ನಿಲ್ದಾಣದಲ್ಲಿ ಕಲಿಕೆಯಲ್ಲಿ ತೊಡಗಿರುವ ಮಕ್ಕಳು


ಆನ್​ಲೈನ್​ ತರಗತಿಗಾಗಿ ಪ್ರತಿದಿನ ಬೆಳಗ್ಗೆ ಎರಡು ಮೂರು ಕಿ.ಮೀ ದೂರ ಕಾಲ್ನಡಿಗೆಯಲ್ಲಿ ಬಂದು ಬಸ್​ ನಿಲ್ದಾಣ ಸೇರುತ್ತಿದ್ದಾರೆ. ಇಲ್ಲಿ ಬಿಟ್ಟರೆ ಮತ್ತೆಲ್ಲೂ ಉತ್ತಮ ಸಿಗ್ನಲ್​ ಸಿಗುತ್ತಿಲ್ಲ ಎಂಬುದು ಇಲ್ಲಿನ ಮಕ್ಕಳ ದೂರು. ಬಸ್​ ನಿಲ್ದಾಣವನ್ನು ಏನೋ ಶಾಲೆ ಮಾಡಿಕೊಂಡಿದ್ದಾಗಿದೆ. ಆದರೆ, ಇಲ್ಲಿ ಬರುವ ಬಸ್​ಗಳು ಹಾಗೂ ಜನರ ಓಡಾಟದಿಂದ ಪಾಠದ ಕಡೆ ಗಮನ ಕೊಡಲು ಸಾಧ್ಯವಾಗುತ್ತಿಲ್ಲ. ಇದರಿಂದಾಗಿ ವಿದ್ಯಾರ್ಥಿಗಳು ಸಾಕಷ್ಟು ಸಮಸ್ಯೆ ಅನುಭವಿಸುತ್ತಿದ್ದಾರೆ.

ಇದನ್ನು ಓದಿ: ದುಬಾರಿ ಮಾಸ್ಕ್​ ದಂಡ: ವಿರೋಧ ಹಿನ್ನಲೆ 1000ರೂ ನಿಂದ 250ಕ್ಕೆ ಬೆಲೆ ಇಳಿಸಿದ ಕರ್ನಾಟಕ ಸರ್ಕಾರ

ಆನ್ ಲೈನ್ ಶಿಕ್ಷಣ ಹಳ್ಳಿ ಮಕ್ಕಳಿಗೆ ಪೂರ್ಣ ಪ್ರಮಾಣದಲ್ಲಿ ತೊಡಗಿಸಿಕೊಳ್ಳಲು ಆಗುತ್ತಿಲ್ಲ. ಅಲ್ಲದೇ ಇಲ್ಲಿನ ನೆಟ್​ವರ್ಕ್​ ಸಮಸ್ಯೆ ಇಲ್ಲಿನ ಮಕ್ಕಳು ಕಲಿಕೆಯೂ ಅಷ್ಟಕಷ್ಟೇ ಯಾಗಿದೆ. ಇದರ ಬದಲು ಶಾಲೆಗಳನ್ನು ತೆರೆಯುವುದು ಒಳಿತು ಎಂಬುದು ಇಲ್ಲಿನ ಪೋಷಕರ ಅಂಬೋಣ.

ಕೊರೋನಾ ಭೀತಿಯಿಂದಾಗಿ ಸರ್ಕಾರ ಶಾಲೆ ತೆರೆಯುತ್ತಿಲ್ಲ. ಇತ್ತ ನೆಟ್​ವರ್ಕ್​ ಸಮಸ್ಯೆಯಿಂದ ಪಾಠ ಕೇಳಲು ಕೂಡ ಆಗುತ್ತಿಲ್ಲ. ಹಾಗೆಂದು ಶಾಲೆಗಳು ಈ ಆನ್​ಲೈನ್​ ಶಿಕ್ಷಣ ನಿಲ್ಲಿಸಲು ಮುಂದಾಗಿಲ್ಲ. ಈ ಎಲ್ಲಾ ಸಮಸ್ಯೆ ನಡುವೆ ವಿದ್ಯಾರ್ಥಿಗಳಂತೂ ಹೈರಾಣಾಗಿದ್ದಾರೆ.
Published by: Seema R
First published: October 7, 2020, 5:35 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories