ಎಲ್ಲಾ ಆಸ್ತಿಯಲ್ಲಿ ಮಹಿಳೆಯರಿಗೆ ಸಮನಾದ ಹಕ್ಕು; ಕರ್ನಾಟಕ ರಾಜ್ಯ ಸರ್ಕಾರದಿಂದ ಚಿಂತನೆ

ಸುಸ್ಥಿರ ಅಭಿವೃದ್ಧಿ ಸಾಧಿಸುವ ಗುರಿಯನ್ನು ರಾಜ್ಯ ಸರ್ಕಾರ ಹೊಂದಿದೆ. ಈ ಕ್ರಮ ಮಹಿಳೆಯರು ಆರ್ಥಿಕ ಭದ್ರತೆ ಪಡೆಯಲು ಸಹಕಾರಿಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

  • Share this:
    ಬೆಂಗಳೂರು(ಜೂ.30): ಲಿಂಗ ಸಮಾನತೆ ಹಾಗೂ ಮಹಿಳಾ ಸಬಲೀಕರಣದ ದೃಷ್ಟಿಯಿಂದ ಕರ್ನಾಟಕ ಸರ್ಕಾರ ಮಹತ್ವದ ಹೆಜ್ಜೆ ಇಡಲು ಮುಂದಾಗಿದೆ. ಮಹಿಳೆಯರು ಇನ್ಮುಂದೆ ತಮ್ಮ ಗಂಡ ಅಥವಾ ಕುಟುಂಬದ ಪುರುಷ ಸದಸ್ಯರೊಂದಿಗೆ ಆಸ್ತಿ ಹಕ್ಕನ್ನು ಹೊಂದುವಂತೆ ಸರ್ಕಾರ ಯೋಜನೆ ರೂಪಿಸುತ್ತಿದೆ. ಮಹಿಳೆಯರನ್ನೊಳಗೊಂಡ ಇಂತಹ ಸಹ-ಮಾಲೀಕತ್ವಕ್ಕೆ ಸರ್ಕಾರದ ವಿವಿಧ ಯೋಜನೆಗಳ ಅಡಿಯಲ್ಲಿ ಆದ್ಯತೆ ನೀಡಲಾಗುವುದು.

    ಲಿಂಗ ಸಮಾನತೆಯಲ್ಲಿ ಕರ್ನಾಟಕದ ಶ್ರೇಯಾಂಕವನ್ನು ಸುಧಾರಿಸುವ ದೊಡ್ಡ ಪ್ರಯತ್ನದ ಭಾಗ ಇದಾಗಿದೆ. ಸುಸ್ಥಿರ ಅಭಿವೃದ್ಧಿ ಸಾಧಿಸುವ ಗುರಿಯನ್ನು ರಾಜ್ಯ ಸರ್ಕಾರ ಹೊಂದಿದೆ. ಈ ಕ್ರಮ ಮಹಿಳೆಯರು ಆರ್ಥಿಕ ಭದ್ರತೆ ಪಡೆಯಲು ಸಹಕಾರಿಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

    ಇದನ್ನೂ ಓದಿ:Cauvery Water Supply: ಬೆಂಗಳೂರಿನ ಹಲವು ಏರಿಯಾಗಳಲ್ಲಿ ಇಂದು ಮತ್ತು ನಾಳೆ ಕಾವೇರಿ ನೀರು ಬರಲ್ಲ

    ಮುಖ್ಯಮಂತ್ರಿಗಳ ಕಚೇರಿಯಿಂದ ಸಿಕ್ಕಿರುವ ಮಾಹಿತಿ ಪ್ರಕಾರ, ಹೆಂಡತಿಯನ್ನು ಒಳಗೊಂಡಂತೆ ಜಂಟಿ ಮಾಲೀಕತ್ವ ಅಥವಾ ಆಸ್ತಿಯ ಜಂಟಿ ಖಾತಾ ಇರಬೇಕು ಎಂದು ಒತ್ತಾಯಿಸಲು ಸರ್ಕಾರವು ಯೋಜನೆಯೊಂದನ್ನು ರೂಪಿಸುತ್ತಿದೆ. ಆದರೆ ಈ ಯೋಜನೆಯನ್ನು ಕಡ್ಡಾಯಗೊಳಿಸಲು ಸಾಧ್ಯವಿಲ್ಲ ಎಂದು ಮೂಲಗಳು ತಿಳಿಸಿವೆ. ಸರ್ಕಾರ ಅದಕ್ಕೆ ಪ್ರೋತ್ಸಾಹ ಧನ ನೀಡಲಿದೆ.

    ಉದಾಹರಣೆಗೆ, ಕೃಷಿಯಲ್ಲಿ ಜಂಟಿ ಖಾತೆ ಮಾಡಿಸಿದ್ದರೆ, ಆ ಸಂದರ್ಭದಲ್ಲಿ ಸಬ್ಸಿಡಿಗಳನ್ನು ನೀಡುವಾಗ ಸರ್ಕಾರವು ಅವರಿಗೆ ಆದ್ಯತೆ ನೀಡುತ್ತದೆ. ಇದೇ ರೀತಿಯ ಅನೇಕ ಪ್ರಯೋಜನಗಳನ್ನು ಅವರಿಗೆ ನೀಡಲಾಗುವುದು.

    ಎಸ್​ಡಿಜಿ ಸೂಚ್ಯಂಕ 2020-21ರಲ್ಲಿ ಕರ್ನಾಟಕ ತನ್ನ ಒಟ್ಟಾರೆ ಶ್ರೇಯಾಂಕವನ್ನು (4ರಿಂದ 3ನೇ ಸ್ಥಾನಕ್ಕೆ ) ಸುಧಾರಿಸಿದೆ. ಆದಾಗ್ಯೂ ಸಹ ಲಿಂಗ ಸಮಾನತೆ, ಹಸಿವು, ಉದ್ಯಮ, ನಾವೀನ್ಯತೆ, ಮೂಲ ಸೌಕರ್ಯ ಹಾಗೂ ಗುಣಮಟ್ಟದ ಶಿಕ್ಷಣ ನೀಡುವಲ್ಲಿ ಕರ್ನಾಟಕ ಹಿಂದುಳಿದಿದೆ.

    ಇದನ್ನೂ ಓದಿ:Actress Kavitha: ಕೊರೋನಾಗೆ ಹಿರಿಯ ನಟಿ ಕವಿತಾ ಪತಿ ಬಲಿ; 15 ದಿನಗಳಲ್ಲಿ ಗಂಡ-ಮಗ ಇಬ್ಬರನ್ನೂ ಕಳೆದುಕೊಂಡ ನತದೃಷ್ಟೆ

    ಮಂಗಳವಾರ, ಸಿಎಂ ಬಿಎಸ್​ ಯಡಿಯೂರಪ್ಪನವರು 2030ಕ್ಕೆ ಎಸ್​ಡಿಜಿ ಸಾಧನೆ ಕುರಿತು ನೀತಿ ಆಯೋಗ್ ಅಧಿಕಾರಿಗಳ ಜೊತೆ ಚರ್ಚೆ ನಡೆಸಿದರು. ಗರ್ಭಿಣಿಯರು, ಮಕ್ಕಳು, ಲಿಂಗ ಸಮಾನತೆ, ವಸತಿ ಮತ್ತು ಶಿಕ್ಷಣಕ್ಕೆ ಹೆಚ್ಚು ಒತ್ತು ನೀಡುವಂತೆ ಅಧಿಕಾರಿಗಳು ಸಭೆಯಲ್ಲಿ ರಾಜ್ಯ ಸರ್ಕಾರವನ್ನು ಒತ್ತಾಯಿಸಿದರು.

    ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ಲಾಕ್​​ಡೌನ್​ ನಿಯಮಗಳನ್ನು ಕಟ್ಟುನಿಟ್ಟಿನಿಂದ ಪಾಲಿಸಿ ಸೋಂಕಿನಿಂದ ತಮ್ಮನ್ನು ತಾವು ಕಾಪಾಡಿಕೊಳ್ಳುವ ಪ್ರತಿಜ್ಞೆ ತೆಗೆದುಕೊಳ್ಳಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು
    Published by:Latha CG
    First published: