Karnataka Election Exit Polls: PolStrat ಸಮೀಕ್ಷೆ ಪ್ರಕಾರ ದೊಡ್ಡ ಪಕ್ಷವಾಗಿ ಹೊರಹೊಮ್ಮಲಿದೆ ಕಾಂಗ್ರೆಸ್‌! ಸಂಪೂರ್ಣ ವಿವರ ಇಲ್ಲಿದೆ

ಬೆಂಗಳೂರು: 2023ರ ಕರ್ನಾಟಕ ಚುನಾವಣೆ (Karnataka Assembly Election) ಮುಗಿದಿದೆ. ರಾಜ್ಯದ 2600ಕ್ಕೂ ಹೆಚ್ಚು ಆಭ್ಯರ್ಥಿಗಳ (Candidates) ಭವಿಷ್ಯ ಮತಪೆಟ್ಟಿಗೆಯಲ್ಲಿ ಭದ್ರವಾಗಿದೆ. ಬುಧವಾರ ಸಂಜೆ 5 ಗಂಟೆ ವೇಳೆಗೆ ರಾಜ್ಯದಲ್ಲಿ ಶೇ.65 ರಷ್ಟು ಮತದಾನವಾಗಿದೆ. ಈ ಬಾರಿ ಸಾರ್ವಕಾಲಿಕ ದಾಖಲೆಯಾದ 2018ರ (ಶೇ.70) ಮತದಾನವನ್ನು ಈ ಬಾರಿ ಹಿಂದಿಕ್ಕಬಹುದು ಎಂದು ನಿರೀಕ್ಷಿಸಲಾಗಿದೆ. ದಕ್ಷಿಣ ಭಾರತದಲ್ಲಿ ಪ್ರಮುಖ ರಾಜ್ಯವಾಗಿರುವ ಕರ್ನಾಟಕದಲ್ಲಿ ಅಧಿಕಾರ ಗದ್ದುಗೆ ಹಿಡಿಯಲು ಬಿಜೆಪಿ-ಕಾಂಗ್ರೆಸ್​ ಪಕ್ಷಗಳು ಭರ್ಜರಿ ಪ್ರಚಾರ ಕಾರ್ಯ ಮಾಡಿವೆ. ಅದರಲ್ಲೂ ರಾಜ್ಯದಲ್ಲಿ ಅಧಿಕಾರವನ್ನು ಉಳಿಸಿಕೊಳ್ಳಲು ಬಿಜೆಪಿ ಅವಿರತವಾಗಿ ಶ್ರಮಿಸಿದ್ದು, ಸ್ವತಃ ಪಿಎಂ ನರೇಂದ್ರ ಮೋದಿ ರಾಜ್ಯದಲ್ಲಿ ಉಳಿದು ಹಲವು ರೋಡ್​ ಶೋ ಮಾಡಿ ಮತದಾರರನ್ನು ಸೆಳೆಯಲು ಪ್ರಯತ್ನ ಮಾಡಿದ್ದಾರೆ. ಇದೀಗ ಚುನಾವಣೋತ್ತರ ಸಮೀಕ್ಷೆಗಳು ಬಿಡುಗಡೆಯಾಗಿದ್ದು, ಬಹುಪಾಲು ಸಮೀಕ್ಷೆ ಕಾಂಗ್ರೆಸ್​ಗೆ ಬೆಂಬಲ ಸೂಚಿಸಿದೆ. ಎಲ್ಲಾ ಸಮೀಕ್ಷೆಗಳ ವಿವರ ಇಲ್ಲಿವೆ.

ಹಲವು ಚಾನಲ್​ಗಳು ಸಹಯೋಗದಲ್ಲಿ ಹಲವು ಏಜೆನ್ಸಿಗಳು  ನಡೆಸಿರುವ ಚುನಾವಣೋತ್ತರ ಸಮೀಕ್ಷೆ ಬಿಡುಗಡೆಯಾಗಿದ್ದು, ಟಿವಿ9 PolStrat ಸಮೀಕ್ಷೆಯ ಪ್ರಕಾರ ಆಡಳಿತಾರೂಡ ಬಿಜೆಪಿ ಪಕ್ಷಕ್ಕಿಂತ ಕಾಂಗ್ರೆಸ್​ ಪಕ್ಷ ಹೆಚ್ಚು ಸ್ಥಾನಗಳಿಸಲಿದೆ ಎಂದು ಭವಿಷ್ಯ ನುಡಿದಿದೆ.

ಟಿವಿ9 ಎಕ್ಸಿಟ್​ ಪೋಲ್​ ಫಲಿತಾಂಶದ ಪ್ರಕಾರ ಕಾಂಗ್ರೆಸ್​ಗೆ 99 ರಿಂದ 109, ಆಡಳಿತ ಪಕ್ಷ ಬಿಜೆಪಿಗೆ 88 ರಿಂದ 98 ಹಾಗೂ ಜೆಡಿಎಸ್​ಗೆ 21 ರಿಂದ 26 ಸ್ಥಾನ ಹಾಗೂ ಇತರೆ 4 ಸ್ಥಾನಗಳು ಸಿಗುವ ಸಾಧ್ಯತೆ ಇದೆ ಎಂದು ತಿಳಿಸಿದೆ.

ಒಂದು ವೇಳೆ PolStrat ಸಮೀಕ್ಷೆ ನಿಜವಾದರೆ  ಕಾಂಗ್ರೆಸ್​ ಪಕ್ಷ 5 ವರ್ಷಗಳ ನಂತರ ಮತ್ತೆ ರಾಜ್ಯದಲ್ಲಿ ಅಧಿಕಾರ ಹಿಡಿಯುವ ಸಾಧ್ಯತೆಯಿದೆ. ಸಮೀಕ್ಷೆಯಲ್ಲಿ 99ರಿಂದ 109 ಸ್ಥಾನ ಪಡೆದುಕೊಳ್ಳಲಿದೆ ಎಂದು ತಿಳಿಸಲಾಗಿದ್ದು, ಪಕ್ಷೇತರರ ಜೊತೆಗೂಡಿದರೆ ಕಾಂಗ್ರೆಸ್​ ಸರ್ಕಾರ ರಚಿಸುವ ಸಾಧ್ಯತೆ ಹೆಚ್ಚಿದೆ.

ಇತರ ಏಜೆನ್ಸಿಗಳ ಸಮೀಕ್ಷೆಯ ವಿವರ ಇಲ್ಲಿದೆ

ಝೀ ಮ್ಯಾಟ್ರಿಜ್ ಸಮೀಕ್ಷೆ

ಜನ್ ಕಿ ಬಾತ್ ಸಮೀಕ್ಷೆ

ರಿಪಬ್ಲಿಕ್ P-MARQ ಸಮೀಕ್ಷೆ

ಸಿ-ವೋಟರ್ ಸಮೀಕ್ಷೆ

ನ್ಯೂಸ್​ ನೇಷನ್​-CGS

ಟೈಮ್ಸ್ ನೌ ಸಮೀಕ್ಷೆ