Karnataka 2nd PUC Result 2020: ಹೆಚ್ಚುತ್ತಿದೆ ಕೊರೋನಾ; ಮನೆಯಿಂದ ಹೊರ ಬರದೆ ನ್ಯೂಸ್18 ಕನ್ನಡ ವೆಬ್​ಸೈಟ್​ನಲ್ಲೇ ಪಡೆಯಿರಿ ಪಿಯುಸಿ ರಿಸಲ್ಟ್

ಬೆಂಗಳೂರು (ಜು.14): ಕೊರೋನಾ ವೈರಸ್​ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಕರ್ನಾಟಕದಲ್ಲಿ ಆರಂಭದಲ್ಲಿ ಕೊರೋನಾ ವೈರಸ್​ ನಿಯಂತ್ರಣದಲ್ಲಿತ್ತು. ಆದರೆ, ಈಗ ಕರ್ನಾಟಕದಲ್ಲೂ ಪರಿಸ್ಥಿತಿ ಕೈ ಮೀರುತ್ತಿದೆ. ಈ ಮಧ್ಯೆ ದ್ವಿತೀಯ ಪಿಯುಸಿ ಪರೀಕ್ಷಾ ಫಲಿತಾಂಶ ಪ್ರಕಟವಾಗುತ್ತಿದೆ. ಇಂಥ ಸಂದರ್ಭದಲ್ಲಿ ಮನೆಯಿಂದ ಹೊರ ಬರದೆ, ಕಂಪ್ಯೂಟರ್​, ಲ್ಯಾಪ್​ಟಾಪ್​ ಅಥವಾ ಮೊಬೈಲ್​ನಲ್ಲಿ ಮನೆಯಿಂದ ಹೊರಬರದೆ ರಿಸಲ್ಟ್​ ನೋಡಬಹುದಾಗಿದೆ.

ಆಂಡ್ರಾಯ್ಡ್​ ಮೊಬೈಲ್​ಗಳ ಬಳಕೆ ಆರಂಭಕ್ಕೂ ಮೊದಲು ಸೈಬರ್​ಗಳಿಗೆ ತೆರಳಿ ರಿಸಲ್ಟ್​ ನೋಡಬೇಕಿತ್ತು. ಆದರೆ, ಈಗ ಕಾಲ ಬದಲಾಗಿದೆ. ನಿಮ್ಮ ಮೊಬೈಲ್​ ಮೂಲಕವೇ ರಿಸಲ್ಟ್​ ನೋಡಬಹುದಾಗಿದೆ.  ನಮ್ಮ ವೆಬ್​ಸೈಟ್​ www.news18kannada.com ದಲ್ಲಿ ಫಲಿತಾಂಶ ಲಭ್ಯವಿದೆ.

ಕೊರೋನಾ ವೈರಸ್ ನಿಯಂತ್ರಣ ಮಾಡಲು ಇಡೀ ದೇಶವೇ ಹೋರಾಡುತ್ತಿದೆ. ಇಂಥ ಸಂದರ್ಭದಲ್ಲಿ ಮನೆಯಿಂದ ಹೊರ ಬರುವುದು ಅಷ್ಟೊಂದು ಸೂಕ್ತವಲ್ಲ. ಹೀಗಾಗಿ, ಆನ್​ಲೈನ್​ನಲ್ಲೇ ರಿಸಲ್ಟ್​ ವೀಕ್ಷಣೆ ಮಾಡಿ.

ಫಲಿತಾಂಶ ಏನೆ ಬರಲಿ ಧೈರ್ಯದಿಂದ ಇರಿ:

ಪಿಯುಸಿಯಲ್ಲಿ ನೀವು ಅಂದುಕೊಂಡಿದ್ದಕ್ಕಿಂತಲೂ ಕಡಿಮೆ ಅಂಕಗಳು ನಿಮಗೆ ಬರಬಹುದು. ಕೆಲವರು ಅನುತ್ತೀರ್ಣ ಕೂಡ ಆಗಬಹುದು. ಆದರೆ, ಈ ಬಗ್ಗೆ ಚಿಂತಿಸುವ ಅಗತ್ಯ ಇಲ್ಲವೇ ಇಲ್ಲ. ಅನುತ್ತೀರ್ಣರಾದರೆ ಮತ್ತೆ ಪೂರಕ ಪರೀಕ್ಷೆ ಬರೆಯಬಹುದು. ಕಡಿಮೆ ಅಂಕ ಬಂದರೆ ರಿ-ಚೆಕ್​ಗೆ ಕೂಡ ಹಾಬಹುದು.

ಇದನ್ನೂ ಓದಿ: ಕರ್ನಾಟಕ ದ್ವಿತೀಯ ಪಿಯುಸಿ ಫಲಿತಾಂಶ ನೋಡಲು ಇಲ್ಲಿ ಕ್ಲಿಕ್ ಮಾಡಿ

ಇರಲಿ ಪಾಲಕರ ಬೆಂಬಲ:ಮಕ್ಕಳ ಫಲಿತಾಂಶ ಏನೇ ಬಂದರೂ ಈ ವಿಚಾರದಲ್ಲಿ ಪಾಲಕರು ಕೂಡ ಮಕ್ಕಳ ಬೆಂಬಲಕ್ಕೆ ನಿಲ್ಲುವ ಅಗತ್ಯವಿದೆ. ಉತ್ತಮ ಅಂಕ ಬರಲಿ, ಕಡಿಮೆ ಅಂಕ ಬರಲಿ ಅಥವಾ ಅವರು ಅನುತ್ತೀರ್ಣರಾಗಲಿ ಪಾಲಕರು ಅವರ ಬೆಂಬಲಕ್ಕೆ ನಿಲ್ಲಬೇಕಿದೆ. ಈ ಸಂದರ್ಭದಲ್ಲಿ ಪಾಲಕರು ಮಕ್ಕಳ ಬೆನ್ನಿಗೆ ನಿಲ್ಲದಿದ್ದರೆ ಅವರು ಅಪಾಯ ತಂದೊಡ್ಡಿಕೊಳ್ಳುವ ಸಾಧ್ಯತೆ ಇರುತ್ತದೆ.