ಪಾಸ್ ಆದ್ರೆ ಮಾತ್ರ ಪಿಯು ಬೋರ್ಡ್​ನಿಂದ ಮೆಸೇಜ್; SMS ಬಂದಿಲ್ಲ ಅಂದ್ರೆ ಫೇಲ್ ಎಂದಲ್ಲ; ಆತಂಕ ಬೇಡ, ಈ ಸ್ಟೋರಿ ಓದಿ

ಬೆಂಗಳೂರು (ಜು.14): ಇಂದು ಬೆಳಗ್ಗೆ 11:30ಕ್ಕೆ ಶಿಕ್ಷಣ ಸಚಿವ ಸುರೇಶ್​ ಕುಮಾರ್​ ದ್ವಿತೀಯ ಪಿಯು ಫಲಿತಾಂಶ ಪ್ರಕಟಣೆ ಮಾಡಿದ್ದಾರೆ. ಎಂದಿನಂತೆ ಈ ಬಾರಿಯೂ ಹೆಣ್ಣುಮಕ್ಕಳೇ ಮೇಲುಗೈ ಸಾಧಿಸಿದ್ದಾರೆ. ಈ ವರ್ಷ ಪಿಯುಸಿ ಪಾಸ್ ಪರ್ಸಂಟೇಜ್ 61.80%  ಆಗಿದೆ. ಇನ್ನು, ಪಾಸ್​ ಆದವರ ಮೊಬೈಲ್​ಗೆ ಮೆಸೇಜ್​ ಕಳುಹಿಸುವ ವ್ಯವಸ್ಥೆಯನ್ನು ಈ ಬಾರಿ ಜಾರಿಗೆ ತರಲಾಗಿತ್ತು. ಪಾಸ್​ ಆದವರಿಗೂ ಕೆಲವರಿಗೆ ಮೆಸೇಜ್​ ಬಂದಿರಲಿಲ್ಲ. ಈ ಬಗ್ಗೆ ಸುರೇಶ್​ ಕುಮಾರ್​ ಸ್ಪಷ್ಟನೆ ನೀಡಿದ್ದಾರೆ.

ಉತ್ತೀರ್ಣರಾದವರಿಗೆ ಮಾತ್ರ ಎಸ್​​ಎಂಎಸ್ ಕಳಿಸುವ ವ್ಯವಸ್ಥೆಯನ್ನು ಪಿಯು ಮಂಡಳಿ ಜಾರಿಗೆ ತಂದಿದೆ. ಕೆಲವರು ಪಾಸ್​ ಆದ ಹೊರತಾಗಿಯೂ ಮೆಸೇಜ್​ ಬಂದಿರಲಿಲ್ಲ. ಇದು ಅನೇಕರಲ್ಲಿ ಆತಂಕ ಸೃಷ್ಟಿಸಿತ್ತು. ಕೆಲವರು ಮೆಸೇಜ್​ ಬರದಿದ್ದಕ್ಕೆ ಫೇಲ್​ ಎಂದು ಭಾವಿಸಿದ್ದರು. ಈ ಬಗ್ಗೆ ಮಾತನಾಡಿರುವ ಸುರೇಶ್​ ಕುಮಾರ್​ ಮೆಸೇಜ್ ಬಂದಿಲ್ಲ ಎಂದರೆ ಫೇಲ್ ಎಂದರ್ಥವಲ್ಲ ಎಂದಿದ್ದಾರೆ.

“ಪಾಸ್​ ಆದವರಿಗೆ ಮಾತ್ರ ನಾವು SMS​ ಕಳುಹಿಸುತ್ತಿದ್ದೇವೆ ಎಂಬುದು ನಿಜ. ಆದರೆ, ನೆಟ್ವರ್ಕ್ ಸಮಸ್ಯೆ ಇಂದಲೂ ಮೆಸೇಜ್ ಒಮ್ಮೊಮ್ಮೆ ಬರದೇ ಇರಬಹುದು. ಹೀಗಾಗಿ ವಿದ್ಯಾರ್ಥಿಗಳು ಆತಂಕಕ್ಕೊಳಗಾಗುವುದು ಬೇಡ,” ಎಂದಿದ್ದಾರೆ.

ಇನ್ನು, ಫೇಲ್​ ಆದವರಿಗೆ ಮೆಸೇಜ್​ ಕಳುಹಿಸುತ್ತಿಲ್ಲವೇಕೆ ಎನ್ನುವ ಬಗ್ಗೆಯೂ ಅವರು ಸ್ಪಷ್ಟನೆ ನೀಡಿದ್ದಾರೆ. “ಅನುತ್ತೀರ್ಣ ಆದವರು ಮಾರ್ಕ್ಸ್ ನೋಡಿ ತಪ್ಪು ನಿರ್ಧಾರ ತೆಗೆದುಕೊಳ್ಳುವ ಸಧ್ಯತೆ ಇರುತ್ತದೆ. ಹಾಗಾದಿರಲಿ ಎನ್ನುವ ಉದ್ದೇಶದಿಂದ ಮೆಸೇಜ್ ಕಳಿಸುತ್ತಿಲ್ಲ,” ಎಂದಿದ್ದಾರೆ.

ಆನ್​ಲೈನ್​ನಲ್ಲಿ ಈಗಾಗಲೇ ಫಲಿತಾಂಶ ಪ್ರಕಟಗೊಂಡಿದೆ. ನಮ್ಮ ವೆಬ್​ಸೈಟ್​ www.news18kannada.com ದಲ್ಲಿ ಫಲಿತಾಂಶ ಲಭ್ಯವಿದೆ.

ಯಾವ ಜಿಲ್ಲೆಗಳಿಗೆ ಎಷ್ಟನೇ ಸ್ಥಾನ? ಇಲ್ಲಿದೆ ಮಾಹಿತಿ:

1. ಉಡುಪಿ: 90.71


2. ದಕ್ಷಿಣ ಕನ್ನಡ: 90.71


3. ಕೊಡಗು: 81.53


4. ಉತ್ತರ ಕನ್ನಡ: 80.97


5. ಚಿಕ್ಕ ಮಗಳೂರು: 79.11


6. ಬೆಂಗಳೂರು ದಕ್ಷಿಣ: 77.56


7. ಬೆಂಗಳೂರು ಉತ್ತರ:75.54


8. ಬಾಗಲಕೋಟೆ: 74.59


9. ಚಿಕ್ಕಬಳ್ಳಾಪುರ: 73.74


10. ಶಿವಮೊಗ್ಗ: 72.19


11. ಹಾಸನ: 70.18


12. ಚಾಮರಾಜನಗರ: 69.29


13. ಬೆಂಗಳೂರು ಗ್ರಾಮಾಂತರ: 69.02


14. ಹಾವೇರಿ: 68.61


15. ಮೈಸೂರು: 67.98


16. ಕೋಲಾರ: 67.42


17. ಧಾರವಾಡ: 67.31


18. ಬೀದರ್: 64.61


19. ದಾವಣಗೆರೆ: 64.09


20. ಚಿಕ್ಕೋಡಿ: 63.68


21. ಮಂಡ್ಯ: 63.82


22. ಗದಗ: 63


23. ತುಮಕೂರು: 62.26


24. ಬಳ್ಳಾರಿ: 62.02


25. ರಾಮನಗರ: 60.96


26. ಕೊಪ್ಪಳ: 60.9


27. ಬೆಳಗಾವಿ: 59.7


28. ಯಾದಗಿರಿ: 58.38


29. ಕಲಬುರಗಿ: 58.27


30. ಚಿತ್ರದುರ್ಗ: 56.8


31. ರಾಯಚೂರು: 56.22


32.  ವಿಜಯಪುರ:  54.22